News October 19, 2024
కండక్టర్లకు ఓడీ డ్యూటీలు విరమించుకున్న యాజమాన్యం

TG: ఆర్టీసీలో బస్సు కండక్టర్ల కొరత దృష్ట్యా యాజమాన్యం కీలక నిర్ణయం తీసుకుంది. ఇకపై డిపోలు, యూనిట్లలో ఓడీ(అవుట్ ఆఫ్ డిజిగ్నేషన్) డ్యూటీలను విరమించుకున్నట్లు ఓ ప్రకటనలో తెలిపింది. కొంత కాలంగా కొందరు కండక్టర్లు డిపోలు, యూనిట్లలో సెక్యూరిటీ డ్యూటీలు చేస్తున్నారు. ఈ క్రమంలో వారిని ఆ విధుల నుంచి తప్పించాలని జిల్లాల ఆర్టీసీ అధికారులను యాజమాన్యం ఆదేశించింది.
Similar News
News November 29, 2025
VJA: భవానీ దీక్ష విరమణ.. 3 వేల మందితో బందోబస్తు

ఇంద్రకీలాద్రిపై భవానీ దీక్ష విరమణ నేపథ్యంలో భారీగా భక్తులు తరలివచ్చే అవకాశం ఉన్నందున భద్రత కట్టుదిట్టం చేశారు. ఈ కార్యక్రమాలకు 3 వేల మందికి పైగా పోలీసు సిబ్బందిని నియమించడంతో పాటు, పరిసర ప్రాంతాల పర్యవేక్షణకు 300కు పైగా సీసీటీవీ కెమెరాలను ఏర్పాటు చేస్తున్నట్లు అధికారులు వెల్లడించారు. భక్తుల రద్దీ దృష్ట్యా ఎటువంటి అవాంఛనీయ ఘటనలు చోటుచేసుకోకుండా అన్ని రకాల ముందస్తు జాగ్రత్తలు చేపట్టారు.
News November 29, 2025
ఉద్యోగుల పెండింగ్ బిల్లులు రూ.707.30 కోట్లు విడుదల

TG: ఉద్యోగ సంఘాలకు ఇచ్చిన హామీ మేరకు పెండింగ్ బిల్లులకు సంబంధించి డిప్యూటీ సీఎం భట్టి ఆదేశాలతో ఆర్థిక శాఖ రూ.707.30 కోట్లు విడుదల చేసింది. వరుసగా నాలుగు నెలల నుంచి ఉద్యోగుల బకాయిల చెల్లింపులకు నిధులు విడుదల చేస్తున్నట్లు తెలిపింది. ఇందులో గ్రాట్యుటీ, జీపీఎఫ్, సరెండర్ లీవ్స్, అడ్వాన్స్లకు సంబంధించిన బిల్లులు ఉన్నట్లు పేర్కొంది.
News November 29, 2025
51 లక్షల మె.టన్నుల ధాన్యం కొనుగోలు చేస్తాం: నాదెండ్ల

AP: వరి ధాన్యం కొనుగోలులో రాష్ట్ర ప్రభుత్వం చరిత్ర సృష్టిస్తుందని మంత్రి నాదెండ్ల మనోహర్ చెప్పారు. 51 లక్షల మె.టన్నుల ధాన్యం సేకరణ లక్ష్యంగా పెట్టుకోగా ఇప్పటికే 11 లక్షల మె.టన్నులను కొనుగోలు చేసినట్లు తెలిపారు. రైతుల ఖాతాల్లో రూ.2,300 కోట్లు జమ చేశామన్నారు. బాపట్ల(D) నడింపల్లిలోని ఓ కొనుగోలు కేంద్రాన్ని ఆయన పరిశీలించారు. అవసరాన్ని బట్టి మార్చి వరకు కొనుగోళ్లు కొనసాగిస్తామని ప్రకటించారు.


