News April 19, 2024
IPLలో సరే.. వరల్డ్కప్లో ఎలా?
T20WC సమీపిస్తున్న వేళ స్టార్ బ్యాటర్ సూర్యకుమార్ ఫిట్నెస్ సమస్య టీమ్ఇండియాకు ఆందోళన కలిగిస్తోంది. గాయంతో ఇన్నాళ్లూ క్రికెట్కు దూరమైన అతడు పూర్తి స్థాయి ఫిట్నెస్ సాధించలేదు. అయినా SKYతో MI యాజమాన్యం మ్యాచులు ఆడిస్తోంది. ఫిట్నెస్ సమస్యతో అతడు ఫీల్డింగ్కు రాకుండా ఇంపాక్ట్ ప్లేయర్ రూల్తో బ్యాటింగ్ మాత్రమే చేస్తున్నారు. మరి ఇలాంటి ‘ఇంపాక్ట్ ప్లేయర్’ సౌకర్యం లేని T20WCలో సూర్య పరిస్థితి ఏంటో?
Similar News
News October 14, 2024
డీఎస్సీ ఫ్రీ కోచింగ్.. ఆ అభ్యర్థులకు గమనిక
AP: డీఎస్సీ పరీక్ష రాసే ఎస్సీ, ఎస్టీ అభ్యర్థులు ఉచిత శిక్షణ కోసం ఈ నెల 21 లోపు దరఖాస్తు చేసుకోవాలని సాంఘిక సంక్షేమ శాఖ తెలిపింది. ఎస్జీటీ, స్కూల్ అసిస్టెంట్ పోస్టుల కోసం అప్లై చేసిన వారు జ్ఞానభూమి పోర్టల్లో దరఖాస్తు చేసుకోవాలంది. ఈ నెల 27న అభ్యర్థులకు స్క్రీనింగ్ టెస్ట్ నిర్వహిస్తామని తెలిపింది. అర్హులను ఎంపిక చేసి శిక్షణ అందిస్తామంది.
News October 14, 2024
‘కంగువ’ డబ్బింగ్ కోసం అధునాతన టెక్నాలజీ!
తమిళ స్టార్ హీరో సూర్య నటించిన ‘కంగువ’ వచ్చే నెల 14వ తేదీన ఎనిమిది భాషల్లో రిలీజ్ కానుంది. అయితే, దీనికోసం మూవీ టీమ్ డబ్బింగ్ ఆర్టిస్టును ఉపయోగించలేదు. దర్శకుడు శివ అతని బృందం అధునాతన AI సాంకేతికతను ఉపయోగించినట్లు సినీవర్గాలు తెలిపాయి. సూర్య వాయిస్ని ప్రతి భాషలో AI డబ్బింగ్ చేసినట్లు పేర్కొన్నాయి. కాగా, ఈనెల 20న జరిగే ఆడియో లాంచ్కు సూపర్ స్టార్ రజినీకాంత్, ప్రభాస్లను ఆహ్వానించినట్లు సమాచారం.
News October 14, 2024
అలాంటి నాయకులను నమ్మొద్దు: అశోక్గజపతి రాజు
AP: గత ఐదేళ్లలో ఆలయాలను భ్రష్టు పట్టించారని కేంద్ర మాజీ మంత్రి అశోక్గజపతి రాజు మండిపడ్డారు. APలోని అన్ని ఆలయాల్లో ప్రసాదం కల్తీ చేశారని ఆరోపించారు. రామతీర్థ విగ్రహాన్ని ధ్వంసం చేసి విధ్వంస పాలన చేశారని దుయ్యబట్టారు. నాడు విగ్రహం కోసం నిధులు సేకరించి పంపిస్తే వెనక్కి పంపారన్నారు. ఇంట్లో ఒక మతం, బయట మరో మతంపై మాట్లాడే నాయకులను నమ్మొద్దని, తమ ప్రభుత్వంలో ఆలయాల నిర్వహణ సవ్యంగా సాగుతోందన్నారు.