News August 1, 2024
OLYMPICS: సాత్విక్-చిరాగ్ జోడీ ఓటమి
బ్యాడ్మింటన్ మెన్స్ డబుల్స్ కేటగిరీలో భారత్‌‌కు నిరాశే మిగిలింది. సాత్విక్-చిరాగ్ జోడీ మలేషియా చేతిలో ఓటమి పాలైంది. తొలి సెట్‌లో 21-13 తేడాతో సునాయాసంగా గెలుపొందిన ఈ జోడీ ఆ తర్వాత తడబడింది. రెండో సెట్‌లో 14-21 తేడాతో ఓడిపోయింది. హోరాహోరీగా సాగిన మూడో రౌండ్లో సాత్విక్-చిరాగ్ జోడీ పుంజుకున్నా ఆ తర్వాత పట్టుకోల్పోయింది. దీంతో 16-21 తేడాతో మూడో రౌండ్లో ఓడి సెమీస్‌ ఆశలు చేజార్చుకుంది. <<-se>>#Olympics2024<<>>
Similar News
News February 2, 2025
ఈ నెల 4న కులగణనపై క్యాబినెట్ భేటీ
TG: రాష్ట్రంలో బీసీల సామాజిక న్యాయానికి అడుగుపడిందని క్యాబినెట్ సబ్ కమిటీ ఛైర్మన్ ఉత్తమ్ కుమార్ రెడ్డి చెప్పారు. రాహుల్ గాంధీ స్ఫూర్తితో కులగణన సర్వే నిర్వహించినట్లు వెల్లడించారు. ఇలాంటి సర్వే దేశంలో ఎక్కడా జరగలేదని చెప్పారు. ఈ నెల 4న నివేదికపై క్యాబినెట్ సమావేశంలో చర్చిస్తామన్నారు. అదే రోజు అసెంబ్లీ ప్రత్యేక సమావేశంలోనూ డిస్కస్ చేయనున్నట్లు పేర్కొన్నారు.
News February 2, 2025
పాకిస్థాన్‌తో మ్యాచ్ అంత ప్రత్యేకమేమీ కాదు: గంభీర్
ఛాంపియన్స్ ట్రోఫీ టోర్నమెంట్‌లో పాక్‌తో తాము ఆడే మ్యాచ్ ప్రత్యేకమేమీ కాదని భారత కోచ్ గౌతమ్ గంభీర్ పేర్కొన్నారు. ‘23న పాక్‌తో మ్యాచ్ ఉంది అని పనిగట్టుకుని గుర్తుపెట్టుకుని టోర్నీలో అడుగుపెట్టం. లీగ్ దశలో 5 మ్యాచులున్నాయి. అన్నీ మాకు కీలకమే. పాక్‌తో మ్యాచ్ కూడా వాటిలాగే. దాని ప్రత్యేకతేమీ లేదు. ప్రేక్షకులకు భావోద్వేగాలుంటాయి’ అని విలేకరుల సమావేశంలో స్పష్టం చేశారు.
News February 2, 2025
విలేకరిపై పూజా హెగ్డే ఆగ్రహం
‘దేవా’ మూవీ ప్రెస్‌మీట్‌లో ఓ విలేకరిపై నటి పూజా హెగ్డే ఆగ్రహం వ్యక్తం చేశారు. ‘సల్మాన్, హృతిక్, రణ్‌వీర్, షాహిద్ వంటివారి సరసన అవకాశాలు రావడం మీ లక్ అనుకుంటున్నారా? అందుకు మీకు అర్హత ఉందని భావిస్తున్నారా? పెద్ద హీరోల్ని చూసి సినిమాలు సెలక్ట్ చేసుకుంటారా?’ అంటూ విలేకరి అడిగిన ప్రశ్నల పట్ల ఆమె మండిపడ్డారు. నాతో మీ సమస్యేంటి అని ప్రశ్నించారు. వెంటనే హీరో షాహిద్ కలుగజేసుకుని ఆమెను శాంతింపజేశారు.