News November 28, 2024
‘ప్రత్యేక హోదా’పై మౌఖిక హామీ మాత్రమే ఇచ్చాం: కేంద్రం
ఏపీకి ప్రత్యేక హోదా ఇవ్వడంపై రాతపూర్వక హామీ ఇవ్వలేదని, మౌఖికంగా మాత్రమే చెప్పామని కేంద్రం హైకోర్టుకు నివేదించింది. దీంతో ఈ విషయంలో తామెలా జోక్యం చేసుకుంటామని పిటిషనర్ కేఏ పాల్‌ను న్యాయస్థానం ప్రశ్నించింది. ఇది ప్రభుత్వాల పరిధిలోని వ్యవహారమని స్పష్టం చేసింది. ఏపీకి హోదా ఇవ్వకుంటే ఎలా నష్టం జరుగుతుందో తెలియజేయాలని పాల్‌ను ఆదేశిస్తూ విచారణను డిసెంబర్ 11కు వాయిదా వేసింది.
Similar News
News November 30, 2025
కారుణ్య నియామకాలకు ఏడాదిలోపే దరఖాస్తు చేసుకోవాలి: హైకోర్టు
TG: జీవో 887 ప్రకారం కారుణ్య నియామకాలకు ఏడాదిలోపే దరఖాస్తు చేసుకోవాలని హైకోర్టు స్పష్టం చేసింది. శ్రీ కొండా లక్ష్మణ్ వర్సిటీలో పనిచేసే వ్యక్తి 2011లో మరణించగా, అతని భార్య 2013లో కారుణ్య నియామకానికి అప్లై చేశారు. ఆమె దరఖాస్తు రిజెక్ట్ కావడంతో HCని ఆశ్రయించారు. ఆమెకి ఉద్యోగం ఇవ్వాలని 2025లో సింగిల్ జడ్జి తీర్పు ఇవ్వగా, వర్సిటీ అప్పీల్ చేసింది. విచారణ జరిపిన డివిజన్ బెంచ్ ఆ తీర్పును రద్దు చేసింది.
News November 30, 2025
రియల్ మాఫియా చేతుల్లోకి అమరావతి: షర్మిల
AP: రాజధాని రియల్ ఎస్టేట్ మాఫియా చేతుల్లోకి వెళ్లిపోతోందని PCC అధ్యక్షరాలు షర్మిల ఆరోపించారు. ‘రెండో విడతలో సుమారు 17వేల ఎకరాలు సేకరిస్తున్నారు. అవన్నీ అదానీ, అంబానీ కోసం చేస్తున్నవే. మొదటి దశలో పనులు పూర్తి కాకుండానే రెండో దశ భూసేకరణ చేపట్టడాన్ని వ్యతిరేకిస్తున్నాం. రైతులకు ఎన్ని రిట్నబుల్ ప్లాట్లు ఇచ్చారు? కంపెనీలకు ఎంత భూమిచ్చారు? అనే వివరాలతో శ్వేతపత్రం విడుదల చేయాలి’ అని డిమాండ్ చేశారు.
News November 30, 2025
నిజమైన జీవిత విలువలు
తాను దేవుడైనా శ్రీకృష్ణుడు పేద స్నేహితుడైన సుదాముని పాదాలు కడిగాడు. శ్రీరాముడు కుల భేదం చూడకుండా గుహుని సహాయం తీసుకున్నాడు. పార్వతీ దేవి సౌందర్యాన్ని పట్టించుకోకుండా మహాదేవుడిని వరించింది. కానీ మనం మాత్రం కులం, హోదా, రంగు అంటూ మనుషుల్లో బేధాలు చూపిస్తున్నాం. ఇతిహాసాల్లో నుంచి మనం ఈ అనురాగం, సమానత్వం, ప్రేమలను స్ఫూర్తిగా తీసుకోవాలి. గొప్పతనం హోదాలో కాదు, మానవ సంబంధాలలో ఉందని గ్రహించాలి.