News May 3, 2024

ఫోన్ టార్చ్‌ వెలుగులో ఆపరేషన్… తల్లి, బిడ్డ మృతి

ముంబైలో దారుణం వెలుగు చూసింది. ఫోన్ టార్చ్ వెలుగులో ఓ గర్భిణికి సిజేరియన్ నిర్వహించగా తల్లి, బిడ్డ చనిపోయారు. సోమవారం ఈ ఘటన జరిగింది. ‘విద్యుత్ నిలిచిపోయిన మూడు గంటల వరకు జెనరేటర్ ఆన్ చేయలేదు. వైద్యులు అలాగే ఆపరేషన్ కొనసాగించారు. ఇంత జరిగినా ఆ చీకట్లోనే సిబ్బంది మరో డెలివరీ చేశారు’ అని మృతురాలి భర్త అన్సారీ తెలిపారు. BMC పరిధిలోని ఈ ఆస్పత్రి యాజమాన్యంపై కఠిన చర్యలు చేపట్టాలని డిమాండ్ చేశారు.