News March 28, 2025
USతో మా బంధం శాశ్వతంగా ముగిసింది: కెనడా పీఎం
USతో ఇన్నేళ్లుగా తమకున్న ఆర్థిక, సైనిక, భద్రతాపరమైన బంధం ఇక ముగిసిపోయిందని కెనడా PM మార్క్ కార్నీ ప్రకటించారు. ‘ట్రంప్ విధించిన సుంకాలు అన్యాయమైనవి. అలా విధించడం మా మధ్య ఇప్పటికే ఉన్న వాణిజ్య ఒప్పందాలను ఉల్లంఘించడమే. ఇరు దేశాల బంధాన్ని ట్రంప్ పూర్తిగా మార్చేశారు. ఇక వెనక్కి వెళ్లేది, తగ్గేది లేదు. ఆ దేశానికి తగిన సమాధానాన్ని ఇవ్వనున్నాం. మా ఆత్మగౌరవం, భద్రత మాకు ముఖ్యం’ అని తేల్చిచెప్పారు.
Similar News
News December 29, 2025
డాక్యుమెంట్, ట్రైన్ చేసిన దండకారణ్య డాక్టర్
లొంగిపోయిన మావోయిస్టు చందు దండకారణ్య మిస్టరీ డాక్టర్ రఫీఖ్/మణిదీప్ గురించి అనేక విషయాలు వెల్లడించారు. పంజాబ్కు చెందిన ఈ డాక్టర్ కనీస సౌకర్యాలతోనే అడవిలో సర్జరీలూ చేశారు. మావోలు, ఆదివాసీలకు చేసే ప్రతి ట్రీట్మెంట్ డాక్యుమెంట్ చేసి దళానికి కాపీ ఇచ్చి, ప్రతి టీంలో అల్లోపతి, ఆయుర్వేదంలో రెగ్యులర్ ట్రీట్మెంట్ నేర్పారు. 2016లో దండకారణ్యం నుంచి ఝార్ఖండ్కు వెళ్లిన అతడి ఆచూకీ ఇంకా బయటకు తెలియదు.
News December 29, 2025
దేశవాళీ పండ్లు, కూరగాయల్లోనే అధిక పోషకాలు
గ్రామీణ ప్రాంతాల్లో సహజ సిద్ధంగా పెరిగే దేశవాళీ పండ్లు(ఉసిరి, నేరేడు, పనస, ఈత, తాటి, మామిడి, వెలగ) కూరగాయలు(గుమ్మడి, దొండ, చిక్కుడు, మునగ, కర్రపెండలం, చిలగడదుంప, కంద, చామ మొదలైనవి), ఆకుకూరలు అధిక పోషకాలు, ఔషధ విలువలను కలిగి ఉంటాయి. హైబ్రీడ్ రకాలకంటే దేశవాళీ రకాలను ఆహారంగా తీసుకోవడం వల్ల అధికంగా పీచు పదార్థం, ఖనిజ లవణాలు, విటమినులు, ఎంజైములు, యాంటీ ఆక్సిడెంట్లు అంది ఆరోగ్యం బాగుంటుంది.
News December 29, 2025
నారా లోకేశ్ లండన్ టూర్ అందుకేనా: YCP
AP: మంత్రి లోకేశ్ లండన్లో పర్యటిస్తున్నారంటూ YCP వరుస ట్వీట్లతో తీవ్ర విమర్శలు చేసింది. ‘నారా వారి వెన్నుపోటు వారసత్వం’ అంటూ సంచలన వ్యాఖ్యలు చేసింది. గతంలో NTRకు చంద్రబాబు, ఇప్పుడు చంద్రబాబుకు లోకేశ్ వెన్నుపోటు పొడుస్తున్నారని ఆరోపించింది. తండ్రిని దింపి గద్దెనెక్కాలనే లోకేశ్ లండన్కు వెళ్లారా అని ప్రశ్నించింది. విదేశీ పర్యటన వివరాలను వెల్లడించకపోవడంపై టీడీపీలో గుసగుసలు మొదలయ్యాయంటూ పేర్కొంది.