India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 2, 2026
ఆ థియేటర్లలో ఇక పర్సెంటేజీ సిస్టమ్: ఎగ్జిబిటర్ల నిర్ణయం
TG: రెంటల్ సిస్టమ్ స్థానంలో పర్సెంటేజీ విధానం అమలు చేయాలని 23 థియేటర్ల యాజమాన్యాలు నిర్ణయించాయి. దీని ప్రకారం కలెక్షన్లలో తొలివారం 60%, రెండో వారం 50%, మూడో వారం 40% థియేటర్లకు అందనుంది. ఇది రేపటి నుంచి అమల్లోకి రానుంది. ఇప్పటిదాకా డిస్ట్రిబ్యూటర్లు అద్దె ప్రాతిపదికన చెల్లింపులు చేసే వారు. దీంతో లగ్జరీ సదుపాయాలు కల్పిస్తున్న తాము నష్టపోతున్నామని సదరు థియేటర్ల ఓనర్లు ఈ నిర్ణయం తీసుకున్నారు.
News April 2, 2026
కిడ్నీ ముఠా గుట్టురట్టు.. మూవీ తీయొచ్చేమో!
UP కాన్పూర్లో వెలుగుచూసిన కిడ్నీ రాకెట్ ఉదంతం సినిమా స్టోరీని తలపిస్తోంది. ఓ యువకుడు తన కిడ్నీని రూ.10లక్షలకు అమ్మేందుకు ముఠాతో ఒప్పందం చేసుకున్నాడు. అయితే ఆపరేషన్ పూర్తయ్యాక అతనికి రూ.9.5లక్షలే ఇవ్వడంతో మిగిలిన డబ్బు కోసం గొడవ జరిగింది. ఆ కోపంతో బాధితుడు పోలీసులను ఆశ్రయించడంతో విచారణలో అంతర్జాతీయ ముఠా గుట్టురట్టైంది. వీరు రూ.10లక్షలకు కొని రోగికి రూ.60లక్షలకు అమ్ముతున్నట్లు విచారణలో తేలింది.
News April 2, 2026
గుడ్ న్యూస్: రూ.7,358 కోట్లు దశలవారీ చెల్లింపు
AP: ఉద్యోగులకు చెల్లించాల్సిన రూ.7,358 CR బకాయిల విడుదలకు GOVT చర్యలు చేపట్టింది. CM ఆదేశాలతో చెల్లింపు చేస్తున్నట్లు ఆర్థిక శాఖ పేర్కొంది. గ్రాట్యుటీ ₹3,411CR, లీవ్ ఎన్క్యాష్మెంటు ₹1800CR ఇవ్వాల్సి ఉండగా నిధుల అందుబాటును అనుసరించి విడుదల చేస్తున్నామంది. ఇప్పటికే PF కింద ₹1,848CR, GLI కింద ₹76CR, పోలీసుల సరెండర్ లీవులకు ₹223CR జమ చేశామని ఫైనాన్స్ విభాగం తెలిపింది.
News April 2, 2026
‘అతలాకుతలం’ వెనుక ఇంత ఉందా?
విపత్తుల కారణంగా భారీ నష్టం సంభవించినప్పుడు, వ్యాపారాలు దెబ్బతిన్నప్పుడు ‘అతలాకుతలం’ అనే జాతీయం వాడతాం. పురాణాల ప్రకారం భూమి కింద ఏడు లోకాలు(అతలం, వితలం, సుతలం, తలాతలం, రసాతలం, మహాతలం, పాతాళం) ఉన్నాయి. ఇందులో సుతలానికి బదులు కుతలమనే శబ్దాన్ని వాడుతున్నారు. ఆ లోకాలు తారుమారయితే పరిస్థితులు దెబ్బతిన్నట్లే. నిజ జీవితంలోనూ పరిస్థితులు తలకిందులయ్యాయని చెప్పేందుకూ దీన్ని వాడుతున్నాం.
<<-se>>#EPICSAYINGS<<>>
News April 2, 2026
‘మావిగన్’ పేరుతో సినిమా టైటిల్ రిజిస్టర్?
AP రాజధాని కోసం YS జగన్ ప్రతిపాదించిన ‘మావిగన్’ పేరు SMలో ఎంత వైరలైందో తెలిసిందే. మచిలీపట్నం, విజయవాడ, గుంటూరును కలిపి పెట్టిన ఈ పేరుపై ఓ రేంజ్లో ట్రోల్స్ వస్తున్నాయి. తాజాగా ఈ క్రేజ్ను క్యాష్ చేసుకునేందుకు ఓ సినీ నిర్మాత ‘మావిగన్’ టైటిల్ను ఫిల్మ్ ఛాంబర్లో రిజిస్టర్ చేయించారని సమాచారం. ఈ పేరుతో సినిమా తీస్తారో లేదో చూడాలి మరి. SMలో ట్రెండయ్యే పదాలను సినిమా టైటిల్స్గా వాడడం కామనే.
News April 2, 2026
‘Floccinaucinihilipilification’ అంటే ఏంటి?
నిర్మలా సీతారామన్పై దాఖలైన పరువు నష్టం దావాను కొట్టివేస్తూ ఢిల్లీ కోర్టు వాడిన ‘Floccinaucinihilipilification’ పదం ఇప్పుడు ట్రెండవుతోంది. 29 అక్షరాలున్న ఈ పదానికి ‘విలువలేనిది’ లేదా ‘నిరుపయోగమైనది’ అని అర్థం. ఆప్ నేత సోమనాథ్ భారతీ భార్య వేసిన ఈ పిటిషన్కు విచారణార్హత లేదని పేర్కొంటూ కోర్టు ఈ పదాన్ని వాడింది. పొడవుగా ఉండడం, పలకడానికి కష్టంగా ఉండడంతో రోజువారీ సంభాషణల్లో దీన్ని ఉపయోగించడం లేదు.
News April 2, 2026
అమరావతి బిల్లుకు BRS మద్దతు
అమరావతి చట్టబద్ధత బిల్లుకు రాజ్యసభలో BRS మద్దతు తెలిపింది. తమ పార్టీ ఎప్పుడూ అమరావతికి వ్యతిరేకం కాదని ఎంపీ వద్దిరాజు రవిచంద్ర తెలిపారు. కేసీఆర్ స్వయంగా వెళ్లి రాజధాని శంకుస్థాపనలో పాల్గొన్నారని గుర్తు చేశారు. ఆంధ్రప్రదేశ్, తెలంగాణ ఉమ్మడిగా అభివృద్ధి కావాలని ఆకాంక్షించారు. తెలంగాణలోని ఒక సాగునీటి ప్రాజెక్టుకు జాతీయ హోదా ఇవ్వాలని కేంద్రాన్ని కోరారు.
News April 2, 2026
ఎవరెస్ట్ ట్రెక్కింగ్లో భారీ స్కామ్.. ఎలా చేశారంటే?
ఎవరెస్ట్ పర్వతారోహణలో కొందరు షెర్పాలు, ఏజెన్సీలు రెస్క్యూ పేరుతో స్కామ్స్కు పాల్పడుతున్నట్లు తేలింది. ట్రెక్కర్ల ఆహారంలో కావాలనే బేకింగ్ సోడా అధికంగా వాడి వారిని అనారోగ్యానికి గురిచేస్తున్నట్లు నేపాల్ పోలీసులు తెలిపారు. అనంతరం రెస్క్యూ పేరిట వారిని హెలికాప్టర్లలో తరలిస్తూ ఇన్సూరెన్స్ కంపెనీల నుంచి మూడేళ్లలో రూ.180 కోట్లకు పైగా క్లెయిమ్ చేసినట్లు చెప్పారు. ఈ స్కామ్పై విచారణ కొనసాగుతోంది.
News April 2, 2026
ఏ ఒక్కరూ ప్రాణాలతో బయటపడరు: ఇరాన్
శత్రువు కదలికలను ఎప్పటికప్పుడు మానిటర్ చేయాలని, అటాక్ చేస్తే ఎదురుదాడికి సిద్ధంగా ఉండాలని తమ దళాలకు ఇరాన్ ఆర్మీ చీఫ్ అమీర్ హతామీ ఆదేశాలిచ్చారు. తమ దేశంపై గ్రౌండ్ ఆపరేషన్కు దిగితే ఏ ఒక్కరూ ప్రాణాలతో బయటపడరని హెచ్చరించారు. ఎలాంటి దాడినైనా దీటుగా ఎదుర్కొంటామని స్పష్టం చేశారు. ఇరాన్లో భూతల దాడులకు అమెరికా, ఇజ్రాయెల్ సిద్ధమవుతున్నాయన్న వార్తల నేపథ్యంలో ఆయన ఈ వ్యాఖ్యలు చేశారు.
News April 2, 2026
పోలవరంలో కీలక ఘట్టం పూర్తి: చంద్రబాబు
ఆంధ్రప్రదేశ్ జీవనాడి పోలవరం ప్రాజెక్టులో అత్యంత కీలకమైన 1,372 మీటర్ల పొడవైన డయాఫ్రమ్ వాల్ నిర్మాణం పూర్తయిందని సీఎం చంద్రబాబు తెలిపారు. గత పాలకుల నిర్లక్ష్యంతో డీ-వాల్ దెబ్బతినడంతో అదనంగా రూ.వెయ్యి కోట్లు వెచ్చించి నిర్మించామన్నారు. దీంతో ప్రధాన కట్టడమైన ఎర్త్ కమ్ రాక్ఫిల్ (ECRF) డ్యామ్ పనులు వేగవంతం అవుతాయని వెల్లడించారు. 2027 పుష్కరాలకు ముందే పోలవరాన్ని పూర్తి చేస్తామని స్పష్టం చేశారు.
Featured News
Sorry, no posts matched your criteria.