India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 20, 2024
RECORD: బిట్‌కాయిన్ @ రూ.80లక్షలు
క్రిప్టో కరెన్సీ రారాజు బిట్‌కాయిన్ రికార్డులను తిరగరాస్తోంది. తొలిసారి $94000ను టచ్ చేసింది. భారత కరెన్సీలో ఈ విలువ రూ.80లక్షలకు చేరువగా ఉంటుంది. క్రిప్టో ట్రేడింగ్ కంపెనీ Bakktను డొనాల్డ్ ట్రంప్ మీడియా సంస్థ కొనుగోలు చేయనుందన్న వార్తలే దీనికి కారణం. పైగా ఆయన క్రిప్టో ఫ్రెండ్లీ అడ్మినిస్ట్రేషన్‌ తీసుకొస్తారన్న అంచనాలూ పాజిటివ్ సెంటిమెంటును పెంచాయి. ప్రస్తుతం BTC $92000 వద్ద చలిస్తోంది.
News November 20, 2024
సింగిల్స్‌కు చైనా కంపెనీ బంపరాఫర్
సింగిల్‌గా ఉన్న తమ ఉద్యోగులకు ఓ చైనా కంపెనీ బంపరాఫర్ ప్రకటించింది. షెన్ జెన్‌లోని ఓ సాఫ్ట్‌వేర్ కంపెనీ తమ ఉద్యోగులు డేట్‌కు వెళ్తే నగదు బహుమతి ఇస్తోంది. కంపెనీలోని సింగిల్స్‌కు డేటింగ్ ఖర్చుల కోసం రూ.770 అందిస్తోంది. ఒకవేళ డేటింగ్‌లో ఉంటే ఇద్దరికీ చెరో రూ.11,650 ఇస్తోంది. పెళ్లిళ్లు చేసుకోకపోవడం, తద్వారా జనాభా తగ్గుతుండటంతో చైనా ప్రభుత్వంతోపాటు అక్కడి కంపెనీలు వినూత్న ఆఫర్లు ప్రకటిస్తున్నాయి.
News November 20, 2024
ఎగ్జిట్ పోల్స్ ఎక్స్‌క్లూజివ్‌గా వే2న్యూస్‌లో
మహారాష్ట్ర, ఝార్ఖండ్ అసెంబ్లీ ఎన్నికల ఎగ్జిట్ పోల్స్ ఈ సాయంత్రం గం.6 తర్వాత విడుదల కానున్నాయి. వీటితో పాటు రాహుల్ రిజైన్‌తో అనివార్యమైన వయనాడ్ బైపోల్ అంచనా ఫలితాలనూ మీడియా సంస్థలు వెల్లడించనున్నాయి. అన్ని ప్రముఖ సంస్థల ఎగ్జిట్ పోల్స్‌ను మీరు ఏ మాత్రం ఇబ్బంది పడకుండా ఎక్స్‌క్లూజివ్‌గా వే2న్యూస్‌లో తెలుసుకోవచ్చు. ఒక్క ఫ్లిప్‌తో సర్వే ఫలితాలన్నీ మీకు అందించేందుకు మేం సిద్ధంగా ఉన్నాం.
News November 20, 2024
ఢిల్లీలో మన పరపతి వేరే లెవెల్: చంద్రబాబు
AP: 21 మంది ఎంపీలుండటంతో ఢిల్లీలో మన పరపతి బాగా పెరిగిందని సీఎం చంద్రబాబు తెలిపారు. కేంద్రం సహకారంతో రాష్ట్రాన్ని గాడిలో పెడుతున్నామని చెప్పారు. ‘గత ప్రభుత్వం చేసిన అప్పులు, తప్పులు శాపంగా మారాయి. రాష్ట్రం దాదాపు వెంటిలేటర్‌పై ఉన్నట్లుంది. ఇచ్చిన హామీలపై నిరంతరం సమీక్షిస్తున్నాం. ఎట్టి పరిస్థితుల్లో ప్రజల నమ్మకాన్ని వమ్ము చేయం. ప్రజా సంక్షేమానికి కట్టుబడి ఉన్నాం’ అని ఆయన వ్యాఖ్యానించారు.
News November 20, 2024
మహాకుట్రపై విచారణ జరిపించండి: హోంమంత్రికి TDP MLA లేఖ
AP: YCP హయాంలో CM చంద్రబాబుపై జరిగిన మహా కుట్రపై విచారణ జరిపించాలని హోంమంత్రి అనితకు నెల్లూరు రూరల్ TDP MLA కోటంరెడ్డి శ్రీధర్ రెడ్డి లేఖ రాశారు. ‘బాబుపై వైసీపీ ప్రభుత్వం అక్రమ కేసులు పెట్టి 53 రోజులు జైల్లో ఉంచింది. ఇది కచ్చితంగా కుట్రేనని రిటైర్డ్ ఐఏఎస్ పీవీ రమేశ్ కూడా చెప్పారు. సీఎంవోలో పెద్దల మద్దతు ఉంటేనే ఈ కుట్ర సాధ్యం. దీనిపై విచారణ చేయాలని డీజీపీకి కూడా లేఖ రాశా’ అని ఆయన పేర్కొన్నారు.
News November 20, 2024
పట్నం నరేందర్ రెడ్డి పిటిషన్‌పై తీర్పు రిజర్వ్
TG: వికారాబాద్(D) లగచర్లలో కలెక్టర్‌పై దాడి కేసులో A1గా ఉన్న పట్నం నరేందర్ రెడ్డి క్వాష్ పిటిషన్‌పై హైకోర్టులో వాదనలు ముగిశాయి. నరేందర్‌రెడ్డి అరెస్టు విధానాన్ని కోర్టు తప్పుబట్టింది. ఆయన పాత్రపై నమోదు చేసిన వాంగ్మూలాలు ఇవ్వాలని పోలీసులను ఆదేశించింది. వాకింగ్‌కు వెళ్లిన ఓ మాజీ ఎమ్మెల్యేను ఉగ్రవాదిలా ఎందుకు అరెస్ట్ చేయాల్సి వచ్చిందని పోలీసులపై ప్రశ్నల వర్షం కురిపించింది. తీర్పును రిజర్వ్ చేసింది.
News November 20, 2024
నయనతార ఓపెన్ లెటర్‌పై స్పందించిన ధనుష్ తండ్రి
హీరో ధనుష్‌కు నయనతార రాసిన <<14626837>>ఓపెన్ లెటర్‌పై<<>> అతని తండ్రి కస్తూరి రాజా స్పందించారు. ‘మాకు పని ముఖ్యం. అందుకే ముందుకు సాగుతున్నాం. వెన్నుపోటు పొడిచే వారికి సమాధానం చెప్పే సమయం మాకు లేదు. నాలాగే నా కొడుకు దృష్టి కూడా పనిపైనే ఉంటుంది’ అని తెలిపారు. నెట్‌ఫ్లిక్స్ డాక్యుమెంటరీలో ‘నానుమ్ రౌడీ దానే’ మూవీ క్లిప్స్ వాడుకున్నందుకు రూ.10 కోట్లు డిమాండ్ చేస్తూ నయనతారకు ధనుష్ నోటీసులు పంపిన సంగతి తెలిసిందే.
News November 20, 2024
మణిపుర్ అగ్నికి వాయువు జోడించిన చిదంబరం
‘ప్రాంతీయ స్వయం ప్రతిపత్తి కల్పిస్తేనే ఒకే రాష్ట్రంలో మైతేయ్, నాగా, కుకీలు కలిసి బతుకుతారని’ మణిపుర్‌పై మాజీ HM చిదంబరం చేసిన ట్వీట్ పాత గాయాల్ని రేపినట్టైంది. రాష్ట్ర కాంగ్రెస్ చీఫ్ వినతి మేరకు ఆ ట్వీట్‌ను తొలగించారు. ప్రశాంతత నెలకొన్న రాష్ట్రంలో మంటలు చెలరేగడానికి చిదంబరమే కారణమని CM బిరేన్ సింగ్ ఆరోపించారు. గతంలో మయన్మార్ విద్రోహ శక్తులతో చేతులు కలిపారంటూ ఆయన ఫొటోను బయటపెట్టారు.
News November 20, 2024
ప్రపంచంలోనే అతిపెద్ద ట్రక్కులివే
సాధారణంగా రోడ్లపై కనిపించే టిప్పర్, లారీలను చూసి వాటిని భారీ వాహనాలుగా పరిగణిస్తుంటాం. అయితే, అంతకు పది రెట్ల కంటే పెద్దవైన ట్రక్కులున్నాయి. అందులో బెలాజ్ 75710 ట్రక్కు ప్రపంచంలోనే అతిపెద్దది & బలమైనది. ఇది 800 టన్నుల బరువును మోయగలదు. దీని తర్వాత 400- 450 టన్నుల బరువును మోసే క్యాటర్ పిల్లర్ 797F ట్రక్కు ఉంది. Liebherr T 284 ట్రక్కు 366 టన్నులు, Komatsu 960E-1 ట్రక్కు 325 టన్నులు మోస్తుంది.
News November 20, 2024
జీవితంలో పెళ్లి చేసుకోను: ఐశ్వర్య లక్ష్మి
మ్యారేజీపై తన ఒపీనియన్‌ను మార్చుకున్నారు నటి ఐశ్వర్య లక్ష్మి. జీవితంలో పెళ్లి చేసుకోనని, బాగా ఆలోచించే ఈ నిర్ణయం తీసుకున్నానని తెలిపారు. ‘హలో మమ్మీ’ ప్రమోషన్లలో ఆమె మాట్లాడారు. ‘25ఏళ్ల వయసులో వివాహం చేసుకోవాలనుకున్నా. ఓ మ్యాట్రిమోనిలో ప్రొఫైల్ కూడా పెట్టా. కానీ కొన్నాళ్లకు నా అభిప్రాయం మారింది. పెళ్లి చేసుకున్న వారందరూ రాజీపడి బతుకుతున్నారు. వ్యక్తిగతంగానూ ఎదగలేకపోతున్నారు’ అని చెప్పుకొచ్చారు.
Featured News
Sorry, no posts matched your criteria.