India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 2, 2024
MUDA SCAM: బాపూజీ ధైర్యమిస్తున్నాడన్న సిద్దరామయ్య
ముడా స్కామ్, ED నోటీసులు, లోకాయుక్త కేసులు ఎదుర్కొంటున్న ప్రస్తుత తరుణంలో బాపూ జీవితం, ఆయన ఆలోచనలే తనకు ధైర్యం ఇస్తున్నాయని కర్ణాటక CM సిద్దరామయ్య అన్నారు. ప్రజలకు గాంధీ జయంతి శుభాకాంక్షలు తెలియజేశారు. ‘మతతత్వం, నియంతృత్వం, హింసతో నిండిన ఈ ప్రపంచంలో మహాత్మా గాంధీ, సత్య స్వరూపం, శాంతి, అహింసే మన చేతిపట్టి నడిపిస్తాయి’ అని ట్వీట్ చేశారు. ఆయనపై లోకాయుక్త FIR, ఈడీ ECIR రిజిస్టర్ చేయడం తెలిసిందే.
News October 2, 2024
సైబర్ క్రైమ్‌లో ఫిర్యాదు చేశాం: సురేఖ
TG: తనపై ట్రోలింగ్ చేసిన సోషల్ మీడియా అకౌంట్లపై సైబర్ క్రైమ్ పోలీసులకు ఫిర్యాదు చేసినట్లు మంత్రి కొండా సురేఖ వెల్లడించారు. ఇక్కడి 3, దుబాయ్ నుంచి మరో 3 ఖాతాల ద్వారా ట్రోల్ చేశారన్నారు. ‘ఐదేళ్లు BRSలో పనిచేశా. నా వ్యక్తిత్వం అందరికీ తెలుసు. రాజకీయాల్లో విలువలు దిగజారిపోయాయి. మా ప్రభుత్వ తప్పులను ఎత్తిచూపాలి. ఈ ఘటనపై KTR ఎందుకు స్పందించలేదు? ఆయనకు మనుషుల అనుబంధాల విలువ తెలుసా?’ అని ప్రశ్నించారు.
News October 2, 2024
ICC నం.1 టెస్టు బౌలర్‌గా జస్ప్రీత్ బుమ్రా
బంగ్లాదేశ్‌తో జరిగిన టెస్టు సిరీస్‌లో టీమ్ఇండియా స్టార్ పేసర్ జస్ప్రీత్ బుమ్రా 11 వికెట్లు తీసి సత్తా చాటిన విషయం తెలిసిందే. ఈ సిరీస్‌లో అద్భుత ప్రదర్శనతో ఐసీసీ వరల్డ్ ర్యాంకింగ్స్‌లో ప్రథమ స్థానానికి చేరుకున్నారు. 870 పాయింట్స్‌తో బుమ్రా నం.1 టెస్టు బౌలర్‌గా నిలిచారు. ఇప్పటివరకు నం.1గా ఉన్న అశ్విన్ రెండో స్థానానికి పడిపోయారు. అశ్విన్ కూడా బంగ్లాతో టెస్టు సిరీస్‌లో 11 వికెట్లు తీయడం గమనార్హం.
News October 2, 2024
విజయ్ లాస్ట్ మూవీ.. ‘భగవంత్ కేసరి’ రీమేక్?
రాజకీయాల్లోకి ఎంట్రీ ఇచ్చిన తమిళ హీరో విజయ్ తన చివరి చిత్రం ‘దళపతి 69’ని ప్రకటించిన సంగతి తెలిసిందే. అయితే బాలకృష్ణ నటించిన ‘భగవంత్ కేసరి’కి ఈ చిత్రం రీమేక్ అని కోలీవుడ్ మీడియాలో వార్తలొస్తున్నాయి. గుడ్ టచ్, బ్యాడ్ టచ్‌తో పాటు ఆడపిల్లలను పేరెంట్స్ ఎలా పెంచాలనే మెసేజ్ ఓరియెంటెడ్ కథాంశంతో తెరకెక్కిన ఈ చిత్రమైతే సేఫ్ సైడ్ అని విజయ్ ఓకే చెప్పినట్లు తెలుస్తోంది. దీనిపై అధికారిక ప్రకటనేమీ రాలేదు.
News October 2, 2024
Airtel నెట్‌వర్క్‌లో AI.. ఎందుకంటే?
సైబర్ క్రైమ్స్ అన్నీ ఒక ఫోన్ కాల్ లేదా SMSతో మొదలవుతాయని Airtel CEO గోపాల్ విఠల్ అన్నారు. డబ్బులు నష్టపోకుండా ఏం చేయాలో కస్టమర్లకు సూచిస్తూ Emails పంపారు. తమ నెట్‌వర్క్‌లో AIని వాడేందుకు ప్లాన్ చేస్తున్నామన్నారు. ఇది రియల్ టైమ్‌లో కాల్స్, మెసేజుల్ని అనలైజ్ చేసి యూజర్లను అలర్ట్ చేస్తుందని తెలిపారు. వేర్వేరు ఇండికేటర్ల సాయంతో రోజుకు 250 కోట్ల కాల్స్, 150 కోట్ల మెసేజుల్ని ప్రాసెస్ చేస్తుందన్నారు.
News October 2, 2024
మంత్రి సురేఖపై KTR కామెంట్స్
TG: మంత్రి సురేఖపై జరిగిన ట్రోలింగ్‌తో తమకు సంబంధం లేదని KTR స్పష్టం చేశారు. ‘సురేఖ మాపై ఏడుస్తున్నారు. నేను హీరోయిన్ల ఫోన్లు ట్యాప్ చేస్తున్నానని ఆమె అనలేదా? నాకు కుటుంబం, భార్యాపిల్లలు లేరా? మా ప్రశ్నలకు కాంగ్రెస్ సమాధానం చెప్పలేకే దాడులకు పాల్పడుతోంది. రేపు LBనగర్‌లో పర్యటిస్తా. ఎవరు ఆపుతారో చూస్తా’ అని మీడియాతో చిట్‌చాట్‌లో సవాల్ విసిరారు. మూసీపై తాను 2-3 రోజుల్లో ప్రెజెంటేషన్ ఇస్తానన్నారు.
News October 2, 2024
రాహుల్ గాంధే హైడ్రాను నడిపిస్తున్నారు: కేటీఆర్
TG: రేవంత్ రెడ్డి కాదు రాహుల్ గాంధే హైడ్రాను నడిపిస్తున్నారని కేటీఆర్ సంచలన వ్యాఖ్యలు చేశారు. ‘రాహుల్ వెనకుండి పేదల ఇళ్లపైకి బుల్డోజర్లు పంపిస్తున్నారు. డబ్బుల కోసమే మూసీ ప్రాజెక్టుకు అనుమతిచ్చారు. కాంగ్రెస్ పార్టీకి నోట్ల కట్టలు కావాలి కానీ బాధితుల కష్టాలు పట్టవా? రాష్ట్రంలో రియల్ ఎస్టేట్ కుదేలైంది’ అని మీడియాతో చిట్‌చాట్‌లో విమర్శించారు.
News October 2, 2024
‘దళపతి 69’లో పూజా హెగ్డే
తమిళ స్టార్ హీరో విజయ్ హీరోగా హెచ్ వినోద్ తెరకెక్కించనున్న ‘దళపతి 69’ సినిమా నుంచి అప్డేట్ వచ్చింది. ఈ సినిమాలో పూజా హెగ్డే నటించనున్నట్లు మేకర్స్ అధికారికంగా ప్రకటిస్తూ దీనికి సంబంధించిన పోస్టర్‌ను రిలీజ్ చేశారు. ఇప్పటికే వీరిద్దరి కాంబోలో వచ్చిన ‘బీస్ట్’ మూవీ అభిమానుల అంచనాలను అందుకోలేకపోయింది. దీనికి అనిరుధ్ మ్యూజిక్ అందించనుండగా వెంకట్ కే నారాయణ నిర్మిస్తున్నారు.
News October 2, 2024
మంత్రులతో 317 జీవో బాధితుల చర్చలు
TG: 317 జీవో రద్దు చేయాలని గాంధీభవన్ ఎదుట ఆందోళన చేస్తున్న బాధితులతో మంత్రులు అక్కడే చర్చలు జరుపుతున్నారు. పొన్నం ప్రభాకర్, కొండా సురేఖ, పీసీసీ చీఫ్ మహేశ్ కుమార్ గౌడ్ చర్చల్లో పాల్గొన్నారు. ఈ జీవోతో పడుతున్న ఇబ్బందులను ఆందోళనకారులు మంత్రులకు వివరిస్తున్నారు.
News October 2, 2024
ప్రముఖ నటుడు మృతి
హాలీవుడ్ నటుడు జాన్ అమోస్(84) కన్నుమూశారు. ఆయన మృతిపై దిగ్భ్రాంతి వ్యక్తం చేస్తూ ఇతర నటులు చేసిన పోస్టులతో ఆగస్టు 21న ఆయన చనిపోయిన విషయం బయటకొచ్చింది. 1971లో సినిమాల్లోకి వచ్చిన ఆయన రూట్స్, గుడ్ టైమ్స్ సిరీస్‌లతో స్టార్‌గా మారారు. కమింగ్ టు అమెరికా, లాక్ అప్, డై హార్డ్ 2 అనే సినిమాలు, 100కి పైగా సీరియల్స్, సిరీస్‌లలో నటించారు. 2023లో వచ్చిన ది లాస్ట్ రైఫిల్ మ్యాన్ ఆయన చివరి సినిమా.
Featured News
Sorry, no posts matched your criteria.