India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 20, 2024
‘పుష్ప2’కు రష్మిక రెమ్యునరేషన్ ఎంతంటే?
ఐకాన్ స్టార్ అల్లు అర్జున్ హీరోగా తెరకెక్కుతోన్న ‘పుష్ప2’ మూవీలో రష్మిక మందన్న హీరోయిన్‌గా నటిస్తున్న సంగతి తెలిసిందే. కాగా ఈ చిత్రంలో నటించినందుకుగానూ ఆమె రూ.10 కోట్ల రెమ్యునరేషన్ తీసుకున్నట్లు సమాచారం. ప్రస్తుతం ఈ విషయం ఇండస్ట్రీలో హాట్ టాపిక్‌గా మారింది. కాగా రష్మిక ఈ చిత్రంలో ‘శ్రీవల్లి’ పాత్రలో నటిస్తున్నారు. డిసెంబర్ 5న ఈ మూవీ ప్రేక్షకుల ముందుకు రానుంది.
News November 20, 2024
వేములవాడలో అన్నదాన కేంద్రం
TG: వేములవాడలోని శ్రీ రాజరాజేశ్వర స్వామి ఆలయంలో అన్నదాన కేంద్రం ఏర్పాటు చేస్తూ ప్రభుత్వం ఉత్తర్వులు జారీ చేసింది. ఇందుకోసం మున్సిపల్ అడ్మినిస్ట్రేషన్ శాఖ రూ.35.25 కోట్ల నిధులను విడుదల చేసింది. జిల్లా కలెక్టర్, VTDA విజ్ఞప్తితో సీఎం కార్యాలయం స్పందించి ఈ నిధులు కేటాయించింది. నిత్యం భారీ సంఖ్యలో భక్తులు వస్తున్న ఈ ఆలయంలో అన్నదాన కేంద్రం ఏర్పాటు చేయాలనే డిమాండ్ ఎప్పట్నుంచో ఉంది.
News November 20, 2024
గిగ్ వర్కర్స్ పాలసీని సమగ్రంగా మారుస్తాం: CM రేవంత్
TG: కుల సర్వేతో మిమ్మల్ని గర్వించేలా చేయడం మరింత శక్తినిస్తుందంటూ రాహుల్ గాంధీని ఉద్దేశిస్తూ CM రేవంత్ ట్వీట్ చేశారు. ‘మీ ముందుచూపు, ఆలోచనలు, పని నుంచే మేం ప్రేరణ పొందాం. మీ వాగ్దానాలకు అనుగుణంగా TG గిగ్ వర్కర్స్ పాలసీని సమగ్రంగా, మార్గదర్శకంగా మారుస్తాం’ అని CM పేర్కొన్నారు. గిగ్ వర్కర్ల సంక్షేమానికి చర్యలు చేపట్టాలని రాహుల్ రాసిన లేఖకు స్పందనగా రేవంత్ ఈ ట్వీట్ చేశారు.
News November 20, 2024
రామ్ పోతినేని సరసన భాగ్యశ్రీ బోర్సే
రామ్ పోతినేని హీరోగా ‘RAPO22’ అనే వర్కింగ్ టైటిల్‌తో ఓ మూవీ తెరకెక్కనుంది. ఈ సినిమాలో భాగ్యశ్రీ బోర్సే హీరోయిన్‌గా నటించనున్నట్లు మూవీ మేకర్స్ సోషల్ మీడియాలో ఓ పోస్ట్ ద్వారా తెలిపారు. కాగా ఈ చిత్రాన్ని పి.మహేశ్ బాబు తెరకెక్కించనున్నారు. మైత్రీ మూవీ మేకర్స్ నిర్మించనుంది. రేపు ఈ సినిమాకు సంబంధించిన పూజా కార్యక్రమాలు జరుగుతాయి. ఆ తర్వాత ఈ మూవీపై అప్డేట్స్ వస్తాయని సమాచారం.
News November 20, 2024
అర్హపై అభినందనలు.. అల్లు అర్జున్ స్పెషల్ పోస్ట్
‘అన్‌స్టాపబుల్’లో ఐకాన్ స్టార్ అల్లుఅర్జున్ కూతురు అర్హ తెలుగు పద్యంతో హోస్ట్ బాలకృష్ణతో పాటు ప్రేక్షకులను ఆశ్చర్యపరిచిన విషయం తెలిసిందే. ఎంతో క్లిష్టమైన ‘అటజని కాంచె’ పద్యాన్ని గుక్కతిప్పుకోకుండా చెప్పడంతో అర్హపై నెట్టింట ప్రశంసలు వెల్లువెత్తుతున్నాయి. ఈక్రమంలో తాజాగా బన్నీ ఓ పోస్ట్ చేశారు. ‘అల్లు అర్హ అంటే నాన్న కూతురు అనుకుంటివా.. నాన్న(అల్లు) యువరాణి’ అని ఇన్‌స్టాలో పేర్కొన్నారు.
News November 20, 2024
అధికారులపై స్పీకర్ అయ్యన్న ఫైర్
AP: అసెంబ్లీ ప్రశ్నోత్తరాల విషయంలో అధికారులు అప్రమత్తంగా ఉండాలని స్పీకర్ అయ్యన్న పాత్రుడు హెచ్చరించారు. వారి నిర్లక్ష్యంతోనే అసెంబ్లీలో గందరగోళం నెలకొందని ఆయన ఫైర్ అయ్యారు. ‘అధికారులు తమ శాఖకు వచ్చిన ప్రశ్నలను వేరే శాఖలకు ఎలా పంపుతారు? ఒకే మంత్రికి ఒకే సమయంలో రెండు సభల్లో ఎలా ప్రశ్న వేస్తారు. ప్రశ్న ఒకటి. మంత్రిత్వ శాఖ మరొకటి ఉంటుంది. మరోసారి ఇలాంటివి రిపీట్ కానివ్వొద్దు’ అని ఆయన మండిపడ్డారు.
News November 20, 2024
దేశ రాజధానిని మార్చడం సాధ్యమేనా?
కాలుష్య మయమైన ఢిల్లీని రాజధానిగా కొనసాగించడం అవసరమా అని కాంగ్రెస్ MP శశిథరూర్ లేవనెత్తిన ప్రశ్న చర్చనీయాంశమైంది. అయితే ఇప్పటికే పలు కారణాలతో 8 దేశాలు తమ రాజధానులను మార్చాయి. నైజీరియా(లాగోస్-అబుజా), మయన్మార్(రంగూన్-నైపిడావ్), రష్యా(సెయింట్ పీటర్స్‌బర్గ్-మాస్కో), పాకిస్థాన్(కరాచీ-ఇస్లామాబాద్), బ్రెజిల్(రియో డి జనీరో-బ్రెసిలియా), కజకిస్థాన్, టాంజానియా, ఐవరీ కోస్ట్ సైతం తమ రాజధాని నగరాలను మార్చాయి.
News November 20, 2024
మళ్లీ పెరిగిన బంగారం ధరలు
హైదరాబాద్ మార్కెట్లో ఇవాళ కూడా బంగారం ధరలు పెరిగాయి. 24 క్యారెట్ల 10గ్రా. గోల్డ్ రేటు రూ.550 పెరిగి రూ.77,620కి చేరింది. 22 క్యారెట్ల పసిడి 10గ్రా. ధర రూ.500 పెరిగి రూ.71,150గా నమోదైంది. అయితే వెండి ధరల్లో ఎలాంటి మార్పులు జరగలేదు. కేజీ వెండి ధర రూ.1,01,000గా ఉంది.
News November 20, 2024
‘గేమ్ ఛేంజర్’ నుంచి త్వరలో మెలోడీ సాంగ్!
గ్లోబల్ స్టార్ రామ్ చరణ్ హీరోగా శంకర్ తెరకెక్కిస్తోన్న ‘గేమ్ ఛేంజర్’ థర్డ్ సింగిల్‌పై మ్యూజిక్ డైరెక్టర్ తమన్ అప్డేట్ ఇచ్చారు. ఇది మెలోడీ సాంగ్ అని, త్వరలో రిలీజ్ అప్డేట్ వస్తుందని ఆయన పేర్కొన్నారు. ఇప్పటికే జరగండి, రా మచ్చా మచ్చా సాంగ్స్ రిలీజవగా మ్యూజిక్ లవర్స్‌ను మెప్పించాయి. దీంతో హీరోహీరోయిన్ మధ్య నడిచే మెలోడీకి సెట్స్, మ్యూజిక్ ఎలా ఉంటాయోనని? అని ఫ్యాన్స్ ఆత్రుతగా ఎదురుచూస్తున్నారు.
News November 20, 2024
బైకులకు టోల్ ట్యాక్స్ ఎందుకు ఉండదు?
నేషనల్ హైవేలపై వెళ్లేటప్పుడు ద్విచక్రవాహనదారులు టోల్ ట్యాక్స్ చెల్లించాల్సిన అవసరం లేదు. బైకుల కోసం టోల్ ప్లాజా వద్ద ప్రత్యేక మార్గం ఉంటుంది. ఇతర వాహనాలతో పోల్చితే బైకుల సైజు తక్కువగా ఉండటమే ఇందుకు ప్రధాన కారణం. అలాగే బైకులు బరువు కూడా తక్కువగా ఉండటం వల్ల ఇతర వాహనాలతో పోల్చితే రోడ్డుపై అధిక భారం పడదు.
Featured News
Sorry, no posts matched your criteria.