India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 8, 2024
కూటమిలో ఉన్నా ప్రజాసమస్యలు లేవనెత్తుతాం: పురందీశ్వరి
AP: కూటమిలో ఉన్నా ప్రజాసమస్యలను లేవనెత్తుతామని రాష్ట్ర బీజేపీ చీఫ్ పురందీశ్వరి అన్నారు. రాజమండ్రిలో నిర్వహించిన బీజేపీ కార్యవర్గ సమావేశంలో ఆమె మాట్లాడారు. రాష్ట్ర ప్రభుత్వంపై ప్రజలు ఎన్నో ఆశలు పెట్టుకున్నారని చెప్పారు. సంక్షేమంతో పాటు అభివృద్ధిని కోరుకుంటున్నారని తెలిపారు. మరోవైపు NDA పదేళ్ల పాలనలో దేశంలో అద్భుత ప్రగతి ఉందన్నారు. వికసిత్ భారత్, ఆత్మనిర్బర్ భారత్‌కు ప్రజలు ఓటేశారని పేర్కొన్నారు.
News July 8, 2024
వ్యవసాయ రుణాల టార్గెట్ పెంచనున్న కేంద్రం?
వ్యవసాయ రుణాల టార్గెట్‌ను 25% పెంచి ₹25లక్షల కోట్లకు చేర్చాలని కేంద్రం భావిస్తున్నట్లు తెలుస్తోంది. త్వరలో ప్రవేశపెట్టనున్న బడ్జెట్‌లో దీనిపై ప్రకటన చేసే అవకాశం ఉంది. ఈ పెంపు పొటెన్షియల్ లింక్డ్ క్రెడిట్ ప్లాన్ గణాంకాలపై ఆధారపడి ఉంటుందని కేంద్ర వర్గాలు తెలిపాయి. FY24లో సాగు రుణాల టార్గెట్ ₹20లక్షల కోట్లు ఉండగా, క్షేత్రస్థాయిలో రుణాల మంజూరు (₹24.84లక్షల కోట్లు) ఆ టార్గెట్‌ను అధిగమించింది.
News July 8, 2024
రూ.900 కోట్ల కలెక్షన్లు సాధించిన ‘కల్కి’
పాన్ ఇండియా స్టార్ ప్రభాస్ హీరోగా నాగ్ అశ్విన్ తెరకెక్కించిన ‘కల్కి’ రూ.వెయ్యి కోట్ల దిశగా దూసుకుపోతోంది. జూన్ 27న రిలీజైన ‘కల్కి’ ఇప్పటివరకు రూ.900 కోట్లు (గ్రాస్) కలెక్ట్ చేసినట్లు మేకర్స్ ప్రకటించారు. ఈనెల 12న ‘భారతీయుడు-2’ రిలీజ్ కానుండగా అప్పటివరకూ ‘కల్కి’ ఫీవర్ కొనసాగనుంది. ఈ సినిమాలో కమల్ హాసన్, అమితాబ్ బచ్చన్, దుల్కర్, విజయ్ దేవరకొండ, దీపికా పదుకొణె, దిశా పటాని నటించారు.
News July 8, 2024
‘బాస్’లను అమ్మకానికి పెడుతున్నారు!
చైనాలో కొత్త ట్రెండ్ నడుస్తోంది. తమకు నచ్చని బాస్‌లు, సహోద్యోగులను కొందరు ఆన్‌లైన్‌లో అమ్మకానికి పెడుతున్నారు. దీంతో సెకండ్ హ్యాండ్ ఈకామర్స్ ప్లాట్‌ఫామ్‌లలో ఎక్కడ చూసినా బాస్ ఫర్ సేల్, కొలీగ్స్ ఫర్ సేల్ అనే ప్రకటనలు దర్శనమిస్తున్నాయి. రూ.4లక్షల నుంచి రూ.9లక్షల మధ్య ధర ఫిక్స్ చేస్తున్నారు. అయితే ఇక్కడ నిజంగా అమ్మడం, కొనడం జరగవు. కేవలం సంతృప్తి కోసమే అలా ఆన్‌లైన్‌లో ప్రకటనలు చేస్తున్నారు.
News July 8, 2024
పిల్లలు ఎవరితో చాట్ చేస్తున్నారో చెక్ చేయండి: పోలీసులు
TG: మొబైల్ ఫోన్ వాడకంతో పిల్లలు తప్పుదారి పడుతున్నారని, 9వ తరగతి పిల్లల ప్రవర్తనను పేరెంట్స్ ఎప్పటికప్పుడు గమనిస్తుండాలని పోలీసులు సూచించారు. ‘పిల్లలు ఎదుగుతున్నారంటే వారికి చెడు దారులు సైతం ఎదురవుతాయి. మంచి- చెడు మధ్య తేడా తెలియని వారినే డ్రగ్స్ మాఫియా టార్గెట్ చేస్తోంది. ఎవరితో చాట్ చేస్తున్నారో చెక్ చేయండి. అప్రమత్తంగా ఉండటం మన బాధ్యత’ అని పోలీసులు అవగాహన కల్పిస్తున్నారు.
>>SHARE IT
News July 8, 2024
డ్రగ్స్‌పై ఉక్కుపాదం మోపుతున్న పోలీసులు
తెలంగాణను మాదకద్రవ్య రహితంగా తీర్చిదిద్దేందుకు పోలీసులు తీవ్రంగా శ్రమిస్తున్నారు. నిన్న రాత్రి HYD జూబ్లీహిల్స్ పరిధిలోని పబ్స్, బార్లలో ఆకస్మిక తనిఖీలు చేపట్టారు. యువత దగ్గర డ్రగ్స్, గంజాయి వంటి మాదకద్రవ్యాలు ఉన్నాయా? అని చెక్ చేశారు. పబ్స్‌లో వీటి వాడకాన్ని యజమానులు ప్రోత్సహిస్తే కఠిన చర్యలు తీసుకుంటామని హెచ్చరించారు. డ్రగ్స్ వాడకాన్ని గుర్తిస్తే వెంటనే డయల్ 100కి కాల్ చేయాలని సూచించారు.
News July 8, 2024
మన దేశంలో క్రికెట్ ఒకటే ఆటనా?
మన దేశంలో క్రికెట్‌కు ఉన్న విపరీతమైన క్రేజ్‌తో మిగతా క్రీడలకు ఆదరణ లభించట్లేదనే అభిప్రాయం వ్యక్తం అవుతోంది. టీ20 WC గెలిచిన టీమ్ ఇండియాకు బీసీసీఐ రూ.120 కోట్ల భారీ బహుమతి ఇచ్చింది. అంతేగాక రాష్ట్ర ప్రభుత్వాలు ప్రైజ్ మనీ అందిస్తున్నాయి. అంగరంగ వైభవంగా విజయయాత్ర నిర్వహించారు. టెన్నిస్, కబడ్డీ, ఖోఖో, బ్యాడ్మింటన్ లాంటి ఎన్నో ఆటలను ప్రోత్సహిస్తే బాగుంటుందన్నది పలువురి అభిప్రాయం. దీనిపై మీ కామెంట్?
News July 8, 2024
విశ్వాస పరీక్ష నెగ్గిన సోరెన్ ప్రభుత్వం
ఝార్ఖండ్‌ CM హేమంత్ సోరెన్ అసెంబ్లీలో విశ్వాస పరీక్ష నెగ్గారు. 5 నెలల తర్వాత బెయిల్‌పై జైలు నుంచి విడుదలైన ఆయన ఇటీవల CMగా బాధ్యతలు చేపట్టారు. ఇవాళ అసెంబ్లీలో CM విశ్వాస తీర్మానం ప్రవేశపెట్టారు. 76మంది ఎమ్మెల్యేలుండగా JMM, కాంగ్రెస్, RJD నేతృత్వంలోని ప్రభుత్వం 45ఓట్లు సాధించింది. BJP సారథ్యంలోని విపక్షాలకు 30ఓట్లు వచ్చాయి. దీంతో సోరెన్ ప్రభుత్వం విశ్వాస పరీక్ష నెగ్గినట్లు స్పీకర్ ప్రకటించారు.
News July 8, 2024
ఐసీఐసీఐ, యాక్సిస్ బ్యాంక్ కొత్త వడ్డీ రేట్లు ఇలా
ఐసీఐసీఐ, యాక్సిస్ బ్యాంక్ సరికొత్త ఎఫ్‌డీ వడ్డీ రేట్లు ఈనెల నుంచి అమలులోకి వచ్చాయి. ₹3కోట్లలోపు FDకి జనరల్ కేటగిరిలో 3-7.20%, సీనియర్ సిటిజన్లకు 3.50-7.75% వడ్డీని ICICI ఆఫర్ చేస్తోంది. 15-18 నెలల టెన్యూర్‌కు (7.20%- రెగ్యులర్‌, 7.75%- Sr) అధిక వడ్డీని ఇస్తోంది. యాక్సిస్ సైతం వడ్డీ రేట్లను పెంచింది. గరిష్ఠంగా రెగ్యులర్‌లో 7.20% (17-18 నెలలకు), వృద్ధులకు 7.75% (5-10ఏళ్లు) వడ్డీని అందిస్తోంది.
News July 8, 2024
డ్రగ్స్ టెస్టులో నెగటివ్ వచ్చింది: నటి హేమ
బెంగళూరు రేవ్ పార్టీలో పట్టుబడటంతో నటి హేమ ప్రాథమిక సభ్యత్వాన్ని ‘మూవీ ఆర్టిస్టు అసోసియేషన్’ రద్దు చేసిన విషయం తెలిసిందే. తాజాగా ఆమె ‘మా’ అధ్యక్షుడు మంచు విష్ణును కలిసి లేఖ అందించారు. షోకాజు నోటీసు ఇవ్వకుండా తనని మా సభ్యత్వం నుంచి తొలగించడం అన్యాయం అని వాపోయారు. డ్రగ్స్ టెస్ట్ రిపోర్టులో తనకు నెగటివ్ వచ్చిందని, మళ్లీ ‘మా’లో తన సభ్యత్వాన్ని కొనసాగించాలని అభ్యర్థించారు. తనకి సపోర్ట్ చేయాలని కోరారు.
Featured News
Sorry, no posts matched your criteria.