India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 1, 2024
Meta AI చాట్ మెమరీని ఇలా డిలీట్ చేయండి
AIల‌ను ట్రైన్ చేయడానికి Meta యూజ‌ర్ జ‌న‌రేట‌ర్ డేటాను వాడుతోందన్న ఆరోప‌ణ‌ల నేప‌థ్యంలో Messenger, Instagram, WhatsAppలో AI Chat Historyని తరచూ డిలీట్ చేయడం మంచిది. AI చాట్ మెమరీని రీసెట్ చేయడానికి యూజర్లు /reset-ai కమాండ్‌ని టైప్ చేయాలి. దీంతో AI మెమరీని క్లియ‌ర్ చేయ‌వ‌చ్చు. గ్రూప్ చాట్స్‌‌కి /reset-all-ais క‌మాండ్ వాడాలి. యాప్స్‌లో చాట్స్ మ‌న‌కు క‌నిపించినా AI మెమరీలో డిలీట్ అవుతాయి.
News October 1, 2024
AP టెట్ అభ్యర్థులకు అలర్ట్
☞ అక్టోబర్ 3 నుంచి 21 వరకు రోజూ 2 సెషన్లలో పరీక్షలు
☞ పరీక్షకు గంటన్నర ముందే కేంద్రాల్లోకి అనుమతిస్తారు
☞ అభ్యర్థులు ప్రభుత్వ గుర్తింపు కార్డును తీసుకెళ్లాలి
☞ ఒకటి కన్నా ఎక్కువ హాల్‌టికెట్లు పొంది ఉంటే ఏదో ఒక కేంద్రంలోనే పరీక్ష రాయాలి
☞ హాల్ టికెట్‌పై ఫొటో లేకపోయినా, సరిగా కనిపించకపోయినా 2 పాస్‌పోర్టు ఫొటోలను డిపార్ట్‌మెంటల్ అధికారికి సమర్పించాలి
☞ దివ్యాంగ అభ్యర్థులకు 50 నిమిషాల అదనపు సమయం
News October 1, 2024
పొక్లెయిన్లకు అడ్డుగా నిలబడతా: మధుయాష్కీ
TG: మూసీ బాధితులకు TPCC ప్రచార కమిటీ ఛైర్మన్ మధుయాష్కీ గౌడ్ భరోసా కల్పించారు. ‘మీ ఇళ్లపై ఒక్క గడ్డపార కూడా పడదు. ఒక పొక్లెయిన్ కూడా రాదు. వస్తే నేను అడ్డుగా నిలబడతా. అన్యాయంగా మీ ఇళ్లపైకి బుల్డోజర్లు వస్తే కోర్టుకెళ్తా. న్యాయవాదిగా కోర్టులో కేసు వేసి న్యాయం చేస్తా. పిల్లాపాపలతో ప్రశాంతంగా నిద్రపోండి. మీ ఇళ్లు ఎవరూ కూల్చరు. అవసరమైతే ప్రభుత్వంతో పోరాటం చేస్తా’ అని ఆయన బాధితులకు చెప్పారు.
News October 1, 2024
బడులు, గుడుల సమీపంలో నో వైన్ షాప్: ఎక్సైజ్ కమిషనర్
AP: ఈ నెల 12 నుంచి కొత్త మద్యం విధానం అమలుకు ప్రయత్నిస్తామని ఎక్సైజ్ కమిషనర్ నిశాంత్ కుమార్ వెల్లడించారు. ‘MRP కంటే అధిక రేటుకు విక్రయిస్తే చర్యలు తప్పవు. పర్మిట్ రూమ్‌లు, బెల్ట్ షాపులకు అనుమతి లేదు. స్కూళ్లు, ఆలయాలకు వంద మీటర్ల పరిధిలో మద్యం షాపుల ఏర్పాటుకు అనుమతి లేదు. ప్రతి షాపులో 2 సీసీ కెమెరాలు ఏర్పాటు చేయాలి. కొత్త విధానం అమల్లోకి వచ్చేవరకూ పాత విధానమే అమల్లో ఉంటుంది’ అని ఆయన వెల్లడించారు.
News October 1, 2024
DANGER: ప్యాక్ చేసిన ఫుడ్ తింటున్నారా?
ఫుడ్ ప్యాకేజింగ్, ప్లాస్టిక్ టేబుల్‌వేర్లలో 200 రసాయనాలు ఉన్నాయని, అవి బ్రెస్ట్ క్యాన్సర్ ప్రమాదాన్ని పెంచుతాయని ఓ పరిశోధనలో వెల్లడైంది. ఈ హానికరమైన రసాయనాలను కలిగి ఉన్న ఉత్పత్తులలో కార్డ్‌బోర్డ్, ప్లాస్టిక్ ర్యాప్, ప్లాస్టిక్ ఉన్నాయి. వీటిలో PFAలు, బిస్ఫినాల్స్, థాలేట్‌ వంటి ప్రమాదకరమైన రసాయనాలున్నాయి. రోజువారీ ఉత్పత్తుల్లో వీటిని తగ్గించడానికి నివారణ చర్యలు తీసుకోవాలని పరిశోధకులు సూచించారు.
News October 1, 2024
యార్కర్ల కింగ్ నయా రికార్డ్
టీమ్ ఇండియా స్టార్ పేసర్ జస్ప్రీత్ బుమ్రా మరో ఘనత సాధించారు. ఈ ఏడాదిలో అత్యధిక వికెట్లు తీసిన బౌలర్‌గా ఆయన అవతరించారు. ఆయన అన్ని ఫార్మాట్లలో కలిపి ఈ ఏడాది ఇప్పటివరకు 53 వికెట్లు పడగొట్టారు. ఆ తర్వాత హాంగ్‌కాంగ్ బౌలర్ ఎహ్‌సాన్ ఖాన్ (46), జోష్ హేజిల్‌వుడ్ (44), వనిందు హసరంగ (43), ఆడమ్ జంపా (41) ఉన్నారు.
News October 1, 2024
వందో బర్త్‌డే చేసుకున్న US మాజీ అధ్యక్షుడు జిమ్మీ కార్టర్
అమెరికా 39వ అధ్యక్షుడు జిమ్మీ కార్టర్ మంగళవారం 100వ పుట్టినరోజును జరుపుకొన్నారు. ఈ ఘనత సాధించిన తొలి అధ్యక్షుడిగా, సుదీర్ఘకాలం బతికి ఉన్న ప్రెసిడెంట్‌గా చరిత్ర సృష్టించారు. 1924, అక్టోబరు 1న జార్జియాలో జన్మించిన కార్టర్, 1971-1981 మధ్యలో దేశాధ్యక్షుడిగా పనిచేశారు. 2002లో ఆయనకు నోబెల్ శాంతి బహుమతి లభించింది. 2015లో క్యాన్సర్ ఉన్నట్లు గుర్తించినా నేటికీ కార్టర్ ఆరోగ్యంగానే ఉండటం విశేషం.
News October 1, 2024
మహిళా సామూహిక శక్తి బతుకమ్మ: కేసీఆర్
TG: బతుకమ్మ పండుగ సందర్భంగా మహిళలకు మాజీ CM కేసీఆర్ శుభాకాంక్షలు తెలిపారు. ‘తెలంగాణ అస్తిత్వానికి, సాంస్కృతిక జీవనానికి ప్రతీక బతుకమ్మ. తరతరాలుగా మహిళా సామూహిక శక్తికి, ఐక్యతకు బతుకమ్మ దర్పణం. రాష్ట్ర సాధన కోసం సాగిన సాంస్కృతిక ఉద్యమంలో అన్ని వర్గాల ప్రజల అస్తిత్వ ఆకాంక్షలకు వేదికగా నిలిచింది. బతుకమ్మ ప్రాశస్త్యాన్ని గుర్తించి BRS ప్రభుత్వం రాష్ట్ర పండుగగా ప్రకటించింది’ అని ఆయన పేర్కొన్నారు.
News October 1, 2024
జపాన్ కొత్త ప్రధానిగా షిగేరు ఇషిబా
జపాన్ కొత్త PMగా రక్షణ శాఖ మాజీ మంత్రి షిగేరు ఇషిబా(67) మంగళవారం ప్రమాణ స్వీకారం చేశారు. దేశానికి రక్షణను మరింత పటిష్ఠం చేయడమే తన లక్ష్యమని ఆయన ఈ సందర్భంగా తెలిపారు. దేశ భద్రత అత్యంత బలహీనంగా ఉందని ఆందోళన వ్యక్తం చేశారు. ప్రాంతీయంగా శాంతిస్థాపనకు, చైనాను అడ్డుకునేందుకు మిత్రదేశాలతో మైత్రిని మరింత బలోపేతం చేసుకోనున్నట్లు ప్రకటించారు. 19మంది మంత్రులతో కూడిన ఆయన క్యాబినెట్ ఈరోజు కొలువుదీరింది.
News October 1, 2024
Festival Sale: తెగ షాపింగ్ చేస్తున్నారు
ఈ-కామ‌ర్స్ సంస్థ‌లు ప్ర‌క‌టించిన ఫెస్టివల్ సేల్‌లో కొనుగోళ్లు గత ఏడాది సేల్ ప్రారంభ రోజుల‌తో పోలిస్తే 20% పెరిగిన‌ట్టు గ‌ణాంకాలు చెబుతున్నాయి. ప్రతి ఒక్క‌రూ ఆఫర్‌లు, వెరైటీల కోసం ఎదురుచూస్తారు కాబ‌ట్టి ఈ సీజ‌న్ ఉత్తేజ‌క‌రంగా మారింద‌ని మార్కెట్ వ‌ర్గాలు చెబుతున్నాయి. ఫ్యాష‌న్‌, యాక్సెస‌రీల కొనుగోళ్లు 32% పెరిగాయి. ట్రావెల్ యాక్సెస‌రీలు, పిల్ల‌ల వ‌స్తువులు, వాచ్‌ల‌ను అధికంగా కొంటున్న‌ట్టు తేలింది.
Featured News
Sorry, no posts matched your criteria.