India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 3, 2026
25 ఏళ్ల వ్యక్తిని పెళ్లి చేసుకున్న 55 ఏళ్ల మహిళ
చైనాకు చెందిన బ్యూటీ ప్రొడక్ట్స్ వ్యాపారవేత్త, బిలియనీర్ యు వెన్హాంగ్(55) తన కంటే 30ఏళ్ల చిన్నవాడైన మోడల్ను పెళ్లి చేసుకోవడం SMలో వైరల్ అవుతోంది. తన కంపెనీలో పనిచేసిన లియు యుచెన్ను 6వ పెళ్లి చేసుకున్నారు. కట్నంగా అతనికి ₹60కోట్లకు పైగా విలువైన ఆస్తులు, కార్లు ఇచ్చారు. ఆమె 45ఏళ్ల వయసులోనూ 25ఏళ్ల యువకుడిని పెళ్లి చేసుకోగా ఆ రిలేషన్ బ్రేక్ అయింది. కాగా ఆమెకు ఇదివరకే ఇద్దరు కొడుకులున్నారు.
News April 3, 2026
ఒత్తైన జుట్టు కోసం ఉసిరి నూనె
మన పూర్వీకులు తరతరాలుగా కురుల ఆరోగ్యం కోసం ఉసిరి నూనెను వాడుతున్నారు. ఈ నూనె వెంట్రుకల కుదుళ్లను బలోపేతం చేస్తుంది. అలాగే కురుల పెరుగుదలను వృద్ధి చేస్తుందంటున్నారు నిపుణులు. ఇందులోని యాంటీ యాసిడ్స్, ఫ్యాటీ యాసిడ్స్ వెంట్రుకలు రాలకుండా చూస్తాయి. కురులు తేమగా, మెరిసేలా చేస్తాయి. అలాగే చుండ్రుతో ఇబ్బంది పడుతుంటే ఉసిరి నూనెలోని యాంటీ మైక్రోబియల్ గుణం వల్ల సమస్య పరిష్కారం అవుతుంది.
News April 3, 2026
ఐరన్ టాబ్లెట్లు ఎప్పుడు తీసుకోవాలంటే
ఐరన్ లోపించినప్పుడు, శరీరం అవసరం మేరకు ఎర్ర రక్త కణాలను ఉత్పత్తి చేయలేదు. దీనివల్ల కణజాలాలకు, అవయవాలకు తగినంత ఆక్సిజన్ అందదు. దీనికోసం ఐరన్ ట్యాబ్లెట్స్ తీసుకోవాలి. వీటిని పరగడపున తీసుకుంటే చక్కగా పనిచేస్తాయంటున్నారు నిపుణులు. ఐరన్తో పాటు వేరే మందులు తీసుకోవద్దు. ఈ ట్యాబ్లెట్స్ వేసుకున్న గంట వరకూ డెయిరీ ప్రోడక్ట్స్ అయిన పాలు, పెరుగు వంటివి తీసుకోకూడదని చెబుతున్నారు.
News April 3, 2026
ఏ దేశ ప్రజలకు ఎక్కువ సెక్స్ పార్ట్నర్స్ ఉన్నారంటే?
అత్యధిక లైంగిక భాగస్వాములను కలిగిన దేశాల లిస్ట్లో తుర్కియే టాప్లో ఉంది. ఇక్కడి పౌరుల లైంగిక భాగస్వాముల సగటు 14.5గా ఉన్నట్లు వరల్డ్ పాపులేషన్ రివ్యూ చెబుతోంది. తుర్కియే తర్వాత స్థానంలో ఆస్ట్రేలియా (13.3), న్యూజిలాండ్ (13.2), ఐస్లాండ్ (13.0), సౌతాఫ్రికా (12.5) ఉన్నాయి. ఇక అతితక్కువ సెక్స్ పార్ట్నర్స్ కలిగిన దేశంగా భారత్(3) నిలిచింది.
News April 3, 2026
అమ్మోరు/మశూచి వ్యాధిని కోళ్లలో ఇలా గుర్తించండి
మశూచి వ్యాధి సోకిన కోళ్ల ముక్కు, ముఖం, కంటి రెప్పలు, దవడల పైన బొబ్బలు వచ్చి ముక్కు నుంచి, కంటి నుంచి నీరు కారుతూ ఉంటుంది. ఇది తక్కువ వ్యవధిలో ఇతర కోళ్లకు వ్యాపిస్తుంది. దీని వల్ల కోళ్ల మరణాలు తక్కువే ఉన్నప్పటికీ.. సరిగా మేత, నీరు తీసుకోలేవు. గుడ్లు పెట్టడం ఆగిపోతుంది. ఈ వ్యాధికి చికిత్స లేదు. చర్మంపై కురుపుల్లో ఇతర సూక్ష్మక్రిములు చేరకుండా ఉండేందుకు పసుపు, వేపనూనె మిశ్రమాన్ని పూతగా పూయాలి.
News April 3, 2026
‘దశరథ గడ్డి’ని ఎలా సాగు చేయాలి?
దశరథ గడ్డి(హెడ్జ్ లూసర్న్) పాడి పశువులకు, జీవాలకు మేలు చేసే బహువార్షిక పప్పుధాన్యపు గడ్డి. ఇందులో మాంసకృత్తులు, ప్రొటీన్లు, ఫైబర్, లిగ్నిన్ తదితర పోషకాలు అధికంగా ఉంటాయి. దీన్ని ఏడాది పొడవునా సాగుచేయవచ్చు. ఎకరాలో సాగుకు 10kgల విత్తనాలు సరిపోతాయి. కేజీ విత్తనానికి కేజీ ఇసుకను కలిపి వేయాలి. నీరు నిల్వ ఉండే నేలలు, చౌడు నేలలు దశరథ గడ్డి సాగుకు పనికిరావు. ఒక హెక్టారుకు 90-100 టన్నుల పశుగ్రాసం వస్తుంది.
News April 3, 2026
పాడి పశువులకు ‘దశరథ గడ్డి’తో కలిగే లాభాలివే
☛ దశరథ గడ్డిని ఆవులు, గేదెలకు ప్రతిరోజూ 2 కేజీల చొప్పున ఇస్తే పాల దిగుబడి, వెన్నశాతం వృద్ధి చెందుతుంది.
☛ మేకలు, గొర్రెలకు దాణా బదులుగా 50 శాతం ఈ గడ్డిని ఆహారంగా ఇస్తే వాటి పెరుగుదల బాగుంటుంది.
☛ లేయర్ (ఆడ) కోడిపిల్లలకు ఆహారంలో 6 శాతం ఈ గడ్డిని ముక్కలు చేసి వేస్తే గుడ్ల నాణ్యత పెరుగుతుంది.
☛ కుందేళ్లు, పందులకు ఈ గడ్డిని అందిస్తే వాటి పెరుగుదల వేగంగా ఉంటుంది.
News April 3, 2026
వారికి నాపై జెలసీ ఉండొచ్చు: రహానే
IPL: KKR వరుసగా 2 ఓటముల నేపథ్యంలో కెప్టెన్సీపై, నిన్న SRH మ్యాచులో తక్కువ పరుగుల(8)కే ఔట్ అవ్వడంపై వచ్చిన విమర్శల పట్ల రహానే స్పందించారు. ‘2023 నుంచి లీగ్లో బెస్ట్ స్ట్రైక్రేట్స్ మెయింటెన్ చేస్తున్నా. విమర్శలు చేసేవాళ్లు నా ఆటను చూడలేదేమో. అలాగే వారికి నాపై వ్యతిరేక అజెండా ఉండొచ్చు. వాళ్లకి నేను ఆడటం ఇష్టం లేదనుకుంటా. నాకొచ్చిన సక్సెస్ చూసి వారికి జెలసీ ఉండొచ్చు’ అని కౌంటర్ స్పందించారు.
News April 3, 2026
యాసంగి ఆముదం పంటలో పురుగుల కట్టడికి సూచనలు
యాసంగిలో సాగు చేసిన ఆముదం పంటలో వివిధ పురుగుల తీవ్రత పెరిగింది. రసం పీల్చే పురుగుల ఉద్ధృతి ఎక్కువగా ఉంటే వీటి నివారణకు ప్రొఫెనోఫాస్ 2ML లేదా ఎసిటామిప్రిడ్ 0.2గ్రా లేదా ఎసిఫేట్ 1.5గ్రా లీటరు నీటికి కలిపి పిచికారీ చేయాలి. పంటను లద్దె పురుగు ఆశిస్తే లీటరు నీటికి నొవాల్యురాన్ 1ML కలిపి పిచికారీ చేయాలి. కాయతొలుచు పురుగు నివారణకు లీటరు నీటికి ప్రొఫెనోఫాస్ 2ML కలిపి పిచికారీ చేయాలి.
News April 3, 2026
వేరుశనగలో పొగాకు లద్దె పురుగు నివారణ ఎలా?
వేరుశనగలో పొగాకు లద్దె పురుగు నివారణకు ఎకరాకు 200 లీటర్ల నీటిలో నొవాల్యురాన్ 200ML లేదా ఫ్లూబెండమైడ్ 40MLను కలిపి పిచికారీ చేయాలి. పురుగు ఉద్ధృతి మరీ ఎక్కువగా ఉంటే 10 కిలోల తవుడు, KG బెల్లం, లీటరు క్లోరిపైరిఫాస్ మందును కలిపి, తగిన నీటిని జోడించి ఉండలుగా చేసి విషపు ఎరలను తయారు చేసుకోవాలి. వీటిని సాయంత్రం వేళ సమానంగా ఒక ఎకరా పొలంలో చల్లి పురుగు ఉద్ధృతిని తగ్గించుకోవచ్చంటున్నారు వ్యవసాయ నిపుణులు.
Featured News
Sorry, no posts matched your criteria.