India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 19, 2024
రేపే ఝార్ఖండ్ రెండో దశ ఎన్నికలు
ఝార్ఖండ్ అసెంబ్లీ రెండో విడత ఎన్నిక‌ల‌కు ఏర్పాట్లు పూర్త‌య్యాయి. 12 జిల్లాల్లోని 38 నియోజ‌క‌వ‌ర్గాల్లో బుధవారం ఎన్నికలు జ‌ర‌గ‌నున్నాయి. మొత్తం 528 మంది అభ్య‌ర్థులు బ‌రిలో ఉన్నారు. CM హేమంత్ సోరెన్‌, ఆయన సతీమణి కల్పన, BJP స్టేట్ చీఫ్ బాబూలాల్‌, ప్ర‌తిప‌క్ష నేత అమ‌ర్‌నాథ్, న‌లుగురు మంత్రులు పోటీలో ఉన్నారు. గ‌త ఎన్నిక‌ల్లో ఈ 38 స్థానాల్లో JMM 13, BJP 12, కాంగ్రెస్ 8, సీపీఐ ఎంఎల్ ఒక చోట గెలుపొందాయి.
News November 19, 2024
గుడ్‌న్యూస్ చెప్పిన ప్రభుత్వం
AP: ప్రాథమిక ఆరోగ్య కేంద్రాల వైద్యులకు రాష్ట్ర ప్రభుత్వం శుభవార్త అందించింది. గతంలో వారు సమ్మె చేసిన కాలాన్ని డ్యూటీ పీరియడ్‌గా పరిగణిస్తూ ప్రభుత్వం జీతాలు విడుదల చేసింది. దీంతో సీఎం చంద్రబాబు, మంత్రి సత్యకుమార్ యాదవ్‌కు PHC డాక్టర్ల సంఘం ధన్యవాదాలు తెలిపింది. కాగా సెప్టెంబర్ నెలలో రాష్ట్ర వ్యాప్తంగా పీజీ అడ్మిషన్లలో జీవో 85ను వ్యతిరేకిస్తూ వారంతా 10 రోజుల పాటు ఆందోళనలు చేశారు.
News November 19, 2024
రూ.85వేల కోట్ల పెట్టుబడులకు సర్కారు గ్రీన్ సిగ్నల్
AP: రాష్ట్రంలో రూ.85వేల కోట్ల విలువైన 10 భారీ పరిశ్రమలకు అనుమతులు, భూములు కేటాయించాలని ప్రభుత్వం నిర్ణయం తీసుకుంది. స్టేట్ ఇండస్ట్రియల్ ప్రమోషన్ బోర్డుతో CM చంద్రబాబు సమావేశమై నిర్ణయం తీసుకున్నారని, రీస్టార్ట్ APలో ఇది తొలి అడుగు అని ప్రభుత్వం ప్రకటించింది. ఈ కంపెనీలతో 34వేల ఉద్యోగాలు వస్తాయని పేర్కొంది. యువతకు ఇచ్చే ఉద్యోగాల సంఖ్యను బట్టి ప్రోత్సాహకాలు ఇవ్వాలని నిర్ణయించినట్లు స్పష్టం చేసింది.
News November 19, 2024
కృత్రిమ వర్షంతో కాలుష్యం తగ్గుతుందా?
ఢిల్లీలో ప్రమాదకర స్థాయిని దాటిపోయిన వాయు కాలుష్యాన్ని తగ్గించడానికి <<14651362>>కృత్రిమ వర్షం<<>> కురిపించాలనే డిమాండ్లు వస్తున్నాయి. దీనివల్ల దుమ్ము, ధూళి రేణువులు వర్షపు బిందువులతో కలిసి భూమిని చేరతాయి. దీంతో గాలి కాలుష్యం కొంత తగ్గుతుందని, ఈ ప్రభావం గరిష్ఠంగా రెండు వారాలే ఉంటుందని నిపుణులు చెబుతున్నారు. పైగా 1,483 చ.కి.మీ పరిధిలో విస్తరించిన ఢిల్లీ మొత్తంపై కృత్రిమ వర్షాలు కురిపించడం ఈజీ కాదంటున్నారు.
News November 19, 2024
కృత్రిమ వర్షం అంటే ఏంటి?
ఢిల్లీలో వాయు నాణ్యత మెరుగుపడాలంటే కృత్రిమ వర్షం కురిపించాలని మంత్రి గోపాల్ కేంద్రాన్ని కోరగా, దానిపై చర్చ మొదలైంది. మేఘాల్లో సిల్వర్ అయోడైడ్, పొటాషియం అయోడైడ్, డ్రైఐస్ వంటి కెమికల్స్ చల్లి వర్షం కురిపించడాన్నికృత్రిమ వర్షం లేదా క్లౌడ్ సీడింగ్ అంటారు. తేమతో ఉన్న మేఘాలు, గాలి వాటం సరైన స్థితిలో ఉంటేనే దీనికి వీలవుతుంది. స్టాటిక్, డైనమిక్ రకాలుండగా.. ముందుగానే కేంద్రం అనుమతి తీసుకోవాల్సి ఉంటుంది.
News November 19, 2024
LIC హిందీ వెబ్‌సైట్‌ను వెనక్కు తీసుకోండి: స్టాలిన్
హిందీని బ‌ల‌వంతంగా రుద్దే ప్ర‌య‌త్నాల్లో LIC ఓ ప్ర‌చార సాధ‌నంగా మారింద‌ని TN CM స్టాలిన్ దుయ్య‌బ‌ట్టారు. LIC వెబ్‌సైట్ హిందీ వ‌ర్ష‌న్ స్క్రీన్ షాట్‌ను ఆయన పోస్ట్ చేశారు. ఇంగ్లిష్‌ను ఎంపిక చేసుకొనే ఆప్ష‌న్ కూడా హిందీలోనే ఉంద‌ని మండిప‌డ్డారు. ప్ర‌తి భార‌తీయుడి స‌హకారంతో LIC వృద్ధి చెందింద‌ని, మెజారిటీ వర్గాన్ని ద్రోహం చేయ‌డానికి ఎంత ధైర్యమ‌ని నిల‌దీశారు. దీన్ని వెనక్కు తీసుకోవాల‌ని డిమాండ్ చేశారు.
News November 19, 2024
యువకుడిలా మారే యత్నం.. ముఖం ఎలా మారిందో చూడండి
యువకుడిగా కనిపించేందుకు(యాంటీ ఏజింగ్) ఏటా రూ.కోట్లు ఖర్చుచేస్తున్న US మిలియనీర్ బ్రయాన్ జాన్సన్(46) <<13026727>>ప్రయోగం<<>> మలుపు తిరిగింది. ఓ దాత ఇచ్చిన ఫ్యాట్‌ను ముఖంపైన ఇంజెక్ట్ చేసుకోగా ఫేస్ వాచిపోయి అందవిహీనంగా తయారైంది. 7 రోజుల తర్వాత సాధారణ స్థితికి వచ్చిందని అతను తెలిపారు. ఇకపైనా ప్రయోగాలు కొనసాగిస్తానన్నారు. ఏదైనా ప్రొడక్ట్‌ను తయారుచేయడం, మనమే ఆ ప్రొడక్ట్‌గా ఉండటం భిన్నమైన విషయాలన్నారు.
News November 19, 2024
World Workforce: 20% మనోళ్లే!
ప్ర‌పంచ కార్మిక శ‌క్తిలో భార‌త్ కీల‌క‌పాత్ర పోషించ‌నుంది. 2023-50 మ‌ధ్య కాలంలో అత్య‌ధికంగా 20% వ‌ర్క్‌ఫోర్స్‌ను కంట్రిబ్యూట్ చేయ‌నున్న‌ట్టు Angel One Wealth అంచ‌నా వేసింది. అదే సమయంలో చైనా నిష్ప‌త్తి త‌గ్గే ప‌రిస్థితి ఉంద‌ని పేర్కొంది. భార‌త్‌లో అధిక ఆదాయ కుటుంబాల సంఖ్య 2030కి మూడింత‌లయ్యే అవ‌కాశం ఉంద‌ని, ఇది వ్య‌క్తిగ‌త ఆదాయ వృద్ధి దేశాల్లో భార‌త్‌ను ముందువ‌రుస‌లో నిలుపుతుంద‌ని వివ‌రించింది.
News November 19, 2024
ప్రపంచవ్యాప్తంగా ఇన్‌స్టాగ్రామ్ డౌన్
ఈరోజు ఉదయం నుంచి కొన్ని గంటల పాటు ప్రపంచవ్యాప్తంగా ఇన్‌స్టాగ్రామ్ డౌన్ అయింది. యూజర్ల నుంచి 1500కి పైగా ఫిర్యాదులు నమోదైనట్లు ఆన్‌లైన్ గ్లిచ్‌ పరిశీలన సంస్థ డౌన్‌డిటెక్టర్ తెలిపింది. 41శాతంమంది వినియోగదారులకు లాగిన్‌లో, మరో 41శాతంమంది సర్వర్ కనెక్షన్లలో ఇబ్బందులెదురైనట్లు పేర్కొంది. యాప్‌ను ఓపెన్ చేయలేకపోతున్నామని, మీడియా అప్‌లోడ్ చేయలేకపోతున్నామని అనేకమంది మెటాకు రిపోర్ట్ చేశారు.
News November 19, 2024
యూపీలో ఈ సారి ద‌మ్ము చూపేదెవరు?
UPలో బుధవారం 9 అసెంబ్లీ సీట్లకు ఉపఎన్నిక‌లు జ‌ర‌గ‌నున్నాయి. LS ఎన్నిక‌ల్లో SP అత్య‌ధికంగా 37 సీట్లు గెలిచి BJPకి స‌వాల్ విసిరింది. దీంతో ఈ ఎన్నికల్ని BJP సవాల్‌గా తీసుకుంది. న‌లుగురు SP, ముగ్గురు BJP, RLD, నిషాద్ పార్టీ నుంచి ఒక‌రు MLAలుగా రాజీనామా చేయ‌డంతో ఉపఎన్నిక అనివార్యమైంది. విడిపోతే న‌ష్ట‌పోతాం అంటూ CM యోగి – పీడితులు, ద‌ళితులు, అల్ప‌సంఖ్యాకుల ఐక్య‌త పేరుతో అఖిలేశ్ ప్ర‌చారాన్ని న‌డిపారు.
Featured News
Sorry, no posts matched your criteria.