India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 19, 2024
ఆస్ట్రేలియా వ్యూహాలేంటో కోహ్లీకి తెలుసు: మంజ్రేకర్
భారత క్రికెట్ స్టార్ విరాట్ కోహ్లీని ఆస్ట్రేలియా పలు వ్యూహాలతో టార్గెట్ చేస్తుందని మాజీ క్రికెటర్ సంజయ్ మంజ్రేకర్ అన్నారు. ఆ వ్యూహాలన్నీ విరాట్‌కు తెలుసని పేర్కొన్నారు. ‘ఆఫ్‌స్టంప్ ఆవల వెళ్లే బంతిని ఆడి ఔటవ్వడం కోహ్లీకి ప్రధాన బలహీనత. దాన్నే కంగారూలు లక్ష్యంగా చేసుకుంటారు. న్యూజిలాండ్ బౌలర్లు సక్సెస్ అయిన తరహాలోనే ఆయన శరీరంపైకి కూడా దాడి చేయొచ్చు’ అని పేర్కొన్నారు.
News November 19, 2024
రేపు YS జగన్ ప్రెస్ మీట్
AP: మాజీ సీఎం, వైసీపీ అధినేత YS జగన్ బుధవారం ప్రెస్‌మీట్ నిర్వహించనున్నారు. తాడేపల్లిలోని కేంద్ర కార్యాలయంలో ఆయన మీడియాతో మాట్లాడతారని పార్టీ అధికారిక ‘X’ ఖాతాలో పోస్ట్ చేశారు. ప్రభుత్వం బడ్జెట్ ప్రవేశపెట్టిన తర్వాత ప్రెస్‌మీట్ పెట్టి విమర్శలు చేసిన ఆయన, మరోసారి మీడియాతో మాట్లాడనుండటంపై ఉత్కంఠ నెలకొంది. అటు అసెంబ్లీ బడ్జెట్ సమావేశాలను వైసీపీ బహిష్కరించిన విషయం తెలిసిందే.
News November 19, 2024
ఏడిస్తే కన్నీళ్లు ఎందుకు వస్తాయంటే?
సాధారణంగా ఆనందంగా ఉన్నా, బాధగా ఉన్నా కన్నీళ్లు వస్తాయి. కన్నీళ్లు మానసిక స్థితికి సంబంధించినవి. ఆనందం, బాధ, నిరాశ, అసహనం ఇలా ఏది కలిగినా శరీరంలో హానికరమైన టాక్సిన్స్ రిలీజ్ అవుతాయి. వాటిని బయటకు పంపేందుకు ఏడుపు అవసరం. ఏడ్చేటప్పుడు ఎండోక్రైన్ వ్యవస్థ ద్వారా ఈ టాక్సిన్స్ కళ్ల చుట్టూ వెళ్తాయి. ఇవి శ్లేష్మం లేదా జిడ్డుగా గల ఉప్పు నీటిని ఉత్పత్తి చేస్తాయి. ఇవే కన్నీటి రూపంలో బయటకు వస్తాయి.
News November 19, 2024
రేపే ఝార్ఖండ్ రెండో దశ ఎన్నికలు
ఝార్ఖండ్ అసెంబ్లీ రెండో విడత ఎన్నిక‌ల‌కు ఏర్పాట్లు పూర్త‌య్యాయి. 12 జిల్లాల్లోని 38 నియోజ‌క‌వ‌ర్గాల్లో బుధవారం ఎన్నికలు జ‌ర‌గ‌నున్నాయి. మొత్తం 528 మంది అభ్య‌ర్థులు బ‌రిలో ఉన్నారు. CM హేమంత్ సోరెన్‌, ఆయన సతీమణి కల్పన, BJP స్టేట్ చీఫ్ బాబూలాల్‌, ప్ర‌తిప‌క్ష నేత అమ‌ర్‌నాథ్, న‌లుగురు మంత్రులు పోటీలో ఉన్నారు. గ‌త ఎన్నిక‌ల్లో ఈ 38 స్థానాల్లో JMM 13, BJP 12, కాంగ్రెస్ 8, సీపీఐ ఎంఎల్ ఒక చోట గెలుపొందాయి.
News November 19, 2024
గుడ్‌న్యూస్ చెప్పిన ప్రభుత్వం
AP: ప్రాథమిక ఆరోగ్య కేంద్రాల వైద్యులకు రాష్ట్ర ప్రభుత్వం శుభవార్త అందించింది. గతంలో వారు సమ్మె చేసిన కాలాన్ని డ్యూటీ పీరియడ్‌గా పరిగణిస్తూ ప్రభుత్వం జీతాలు విడుదల చేసింది. దీంతో సీఎం చంద్రబాబు, మంత్రి సత్యకుమార్ యాదవ్‌కు PHC డాక్టర్ల సంఘం ధన్యవాదాలు తెలిపింది. కాగా సెప్టెంబర్ నెలలో రాష్ట్ర వ్యాప్తంగా పీజీ అడ్మిషన్లలో జీవో 85ను వ్యతిరేకిస్తూ వారంతా 10 రోజుల పాటు ఆందోళనలు చేశారు.
News November 19, 2024
రూ.85వేల కోట్ల పెట్టుబడులకు సర్కారు గ్రీన్ సిగ్నల్
AP: రాష్ట్రంలో రూ.85వేల కోట్ల విలువైన 10 భారీ పరిశ్రమలకు అనుమతులు, భూములు కేటాయించాలని ప్రభుత్వం నిర్ణయం తీసుకుంది. స్టేట్ ఇండస్ట్రియల్ ప్రమోషన్ బోర్డుతో CM చంద్రబాబు సమావేశమై నిర్ణయం తీసుకున్నారని, రీస్టార్ట్ APలో ఇది తొలి అడుగు అని ప్రభుత్వం ప్రకటించింది. ఈ కంపెనీలతో 34వేల ఉద్యోగాలు వస్తాయని పేర్కొంది. యువతకు ఇచ్చే ఉద్యోగాల సంఖ్యను బట్టి ప్రోత్సాహకాలు ఇవ్వాలని నిర్ణయించినట్లు స్పష్టం చేసింది.
News November 19, 2024
కృత్రిమ వర్షంతో కాలుష్యం తగ్గుతుందా?
ఢిల్లీలో ప్రమాదకర స్థాయిని దాటిపోయిన వాయు కాలుష్యాన్ని తగ్గించడానికి <<14651362>>కృత్రిమ వర్షం<<>> కురిపించాలనే డిమాండ్లు వస్తున్నాయి. దీనివల్ల దుమ్ము, ధూళి రేణువులు వర్షపు బిందువులతో కలిసి భూమిని చేరతాయి. దీంతో గాలి కాలుష్యం కొంత తగ్గుతుందని, ఈ ప్రభావం గరిష్ఠంగా రెండు వారాలే ఉంటుందని నిపుణులు చెబుతున్నారు. పైగా 1,483 చ.కి.మీ పరిధిలో విస్తరించిన ఢిల్లీ మొత్తంపై కృత్రిమ వర్షాలు కురిపించడం ఈజీ కాదంటున్నారు.
News November 19, 2024
కృత్రిమ వర్షం అంటే ఏంటి?
ఢిల్లీలో వాయు నాణ్యత మెరుగుపడాలంటే కృత్రిమ వర్షం కురిపించాలని మంత్రి గోపాల్ కేంద్రాన్ని కోరగా, దానిపై చర్చ మొదలైంది. మేఘాల్లో సిల్వర్ అయోడైడ్, పొటాషియం అయోడైడ్, డ్రైఐస్ వంటి కెమికల్స్ చల్లి వర్షం కురిపించడాన్నికృత్రిమ వర్షం లేదా క్లౌడ్ సీడింగ్ అంటారు. తేమతో ఉన్న మేఘాలు, గాలి వాటం సరైన స్థితిలో ఉంటేనే దీనికి వీలవుతుంది. స్టాటిక్, డైనమిక్ రకాలుండగా.. ముందుగానే కేంద్రం అనుమతి తీసుకోవాల్సి ఉంటుంది.
News November 19, 2024
LIC హిందీ వెబ్‌సైట్‌ను వెనక్కు తీసుకోండి: స్టాలిన్
హిందీని బ‌ల‌వంతంగా రుద్దే ప్ర‌య‌త్నాల్లో LIC ఓ ప్ర‌చార సాధ‌నంగా మారింద‌ని TN CM స్టాలిన్ దుయ్య‌బ‌ట్టారు. LIC వెబ్‌సైట్ హిందీ వ‌ర్ష‌న్ స్క్రీన్ షాట్‌ను ఆయన పోస్ట్ చేశారు. ఇంగ్లిష్‌ను ఎంపిక చేసుకొనే ఆప్ష‌న్ కూడా హిందీలోనే ఉంద‌ని మండిప‌డ్డారు. ప్ర‌తి భార‌తీయుడి స‌హకారంతో LIC వృద్ధి చెందింద‌ని, మెజారిటీ వర్గాన్ని ద్రోహం చేయ‌డానికి ఎంత ధైర్యమ‌ని నిల‌దీశారు. దీన్ని వెనక్కు తీసుకోవాల‌ని డిమాండ్ చేశారు.
News November 19, 2024
యువకుడిలా మారే యత్నం.. ముఖం ఎలా మారిందో చూడండి
యువకుడిగా కనిపించేందుకు(యాంటీ ఏజింగ్) ఏటా రూ.కోట్లు ఖర్చుచేస్తున్న US మిలియనీర్ బ్రయాన్ జాన్సన్(46) <<13026727>>ప్రయోగం<<>> మలుపు తిరిగింది. ఓ దాత ఇచ్చిన ఫ్యాట్‌ను ముఖంపైన ఇంజెక్ట్ చేసుకోగా ఫేస్ వాచిపోయి అందవిహీనంగా తయారైంది. 7 రోజుల తర్వాత సాధారణ స్థితికి వచ్చిందని అతను తెలిపారు. ఇకపైనా ప్రయోగాలు కొనసాగిస్తానన్నారు. ఏదైనా ప్రొడక్ట్‌ను తయారుచేయడం, మనమే ఆ ప్రొడక్ట్‌గా ఉండటం భిన్నమైన విషయాలన్నారు.
Featured News
Sorry, no posts matched your criteria.