India's largestHyperlocal short
news App
Get daily news updates that are tailored for you based on your preferred language & location.
కాన్పూర్ వేదికగా బంగ్లాదేశ్తో జరుగుతున్న రెండో టెస్ట్ తొలి ఇన్నింగ్స్లో భారత్ 285/9 పరుగుల వద్ద డిక్లేర్ చేసింది. జైస్వాల్ 72(51), రాహుల్ 68(43), కోహ్లీ 47(35), గిల్ 39(36), రోహిత్ 23(11) రన్స్తో రాణించారు. తొలి ఇన్నింగ్స్లో బంగ్లా 233 రన్స్కు ఆలౌట్ అయింది.
AP: విజయవాడ ఇంద్రకీలాద్రిపై దేవీశరన్నవరాత్రి ఉత్సవాలకు సీఎం చంద్రబాబును దేవదాయశాఖ ఆహ్వానించింది. మంత్రి ఆనం రామనారాయణరెడ్డి, దేవదాయశాఖ కమిషనర్ సీఎంకు ఆహ్వాన పత్రిక అందించారు. కాగా అక్టోబర్ 3 నుంచి ఇంద్రకీలాద్రిపై దసరా ఉత్సవాలు ప్రారంభం కానున్నాయి. భక్తులకు ఎలాంటి ఇబ్బందులు కలగకుండా విస్తృత ఏర్పాట్లు చేస్తున్నట్లు అధికారులు తెలిపారు.
బేర్స్ పంజాతో దేశీయ బెంచ్ మార్క్ సూచీలు విలవిల్లాడాయి. సోమవారం ట్రేడింగ్లో ఏ దశలోనూ కోలుకోలేకపోయాయి. సెన్సెక్స్ 1,272 పాయింట్లు, నిఫ్టీ 368 పాయింట్ల భారీ నష్టాన్ని మూటగట్టుకున్నాయి. రెండు సూచీల్లోనూ Lower Lows మినహా ఏ రకమైన ప్యాట్రన్ దర్శనమివ్వలేదు. సెన్సెక్స్ 84,299 వద్ద, నిఫ్టీ 25,810 వద్ద స్థిరపడ్డాయి. మార్కెట్లు ఆల్ టైం హైలో ఉండడంతో ఓవర్ వాల్యూయేషన్ భయాలు వెంటాడాయి.
దాదాసాహెబ్ ఫాల్కే పురస్కారానికి ఎంపికైన హిందీ నటుడు మిథున్ చక్రవర్తికి ఏపీ డిప్యూటీ సీఎం, నటుడు పవన్ కళ్యాణ్ అభినందనలు తెలిపారు. ‘హిందీ, బెంగాలీ చిత్ర పరిశ్రమలో మిథున్ తనదైన ముద్ర వేశారు. 80వ దశకంలో దేశవ్యాప్తంగా యువతపై ఆయన ప్రభావం ఉంది. నేను నటించిన ‘గోపాల గోపాల’లో లీలాధర్ స్వామిగా కీలక పాత్ర పోషించారు. భగవంతుడు ఆయనకు సంపూర్ణ ఆయురారోగ్యాలను ఇవ్వాలని ప్రార్థిస్తున్నాను’ అని పేర్కొన్నారు.
లడ్డూ వివాదంలో AP ప్రభుత్వం తీరును SC ఆక్షేపించింది. ‘ఈ వివాదంపై Sep 18న ముఖ్యమంత్రి ప్రకటన చేశారు. Sep 25న FIR నమోదైంది. Sep 26న సిట్ ఏర్పాటైంది. విచారణ పూర్తవ్వకముందే మనోభావాలు దెబ్బతీసేలా మీడియా ముందు ప్రకటన చేయాల్సిన అవసరం ఏముంది’ అని ప్రశ్నించింది. లడ్డూలు రుచిగా లేవని భక్తులు ఫిర్యాదు చేశారని TTD లాయర్ పేర్కొన్నారు. మరి ఆ లడ్డూలను పరీక్షలకు పంపారా? అంటూ కోర్టు నిలదీసింది.
తిరుమల లడ్డూ వ్యవహారంపై నటుడు ప్రకాశ్ రాజ్ మరోసారి స్పందించారు. విచారణ సందర్భంగా సుప్రీంకోర్టు ఇవాళ ‘దేవుణ్ణి రాజకీయాల్లోకి లాగకండి’ అన్న వ్యాఖ్యలను ఆయన కోట్ చేశారు. SC స్టేట్మెంట్ను పోస్ట్ చేశారు. కాగా లడ్డూ వివాదాన్ని పెద్దది చేయకుండా దర్యాప్తు చేయాలని ఇటీవల ప్రకాశ్ రాజ్ అన్నారు. అయితే ఆయన వ్యాఖ్యలపై డిప్యూటీ సీఎం పవన్ తీవ్రంగా స్పందించిన విషయం తెలిసిందే.
TG: ఎఫ్టీఎల్ పరిధిలో ఉన్న CM రేవంత్ రెడ్డి సోదరుడు తిరుపతిరెడ్డి ఇంటిని ఎందుకు కూల్చడం లేదని మాజీ మంత్రి KTR ప్రశ్నించారు. ‘40-50 ఏళ్ల కిందట కట్టుకున్న పేదల ఇళ్లను పడగొడతామంటే నీ అయ్య జాగీర్ కాదని గుర్తుచేస్తున్నా. HYDలో రియల్ ఎస్టేట్ రంగాన్ని మొత్తం పడగొట్టారు. కొనుగోలుదారులు, పెట్టుబడిదారులు భయపడుతున్నారు. రిజిస్ట్రేషన్ ఆదాయం రూ.1150 కోట్ల నుంచి రూ.750 కోట్లకు పడిపోయింది’ అని KTR తెలిపారు.
TG: ‘హైడ్రా’ పేరుతో ప్రభుత్వం అమాయక ప్రజల ఇళ్లు కూలుస్తోందని మాజీ మంత్రి కేటీఆర్ ధ్వజమెత్తారు. ‘ఎవరి కమీషన్ల కోసం మూసీ సుందరీకరణ అంటున్నారు. పేదల ఇళ్లు కూలుస్తుంటే మేం చూస్తూ ఊరుకోం. బాధితులకు బీఆర్ఎస్ అండగా ఉంటుంది. నాతో సహా మా నేతలంతా బుల్డోజర్లకు అడ్డుగా నిలబడతాం. కూల్చాల్సి వస్తే మొదట హైడ్రా కమిషన్ కార్యాలయం, బుద్ధభవన్ను కూల్చాలి’ అని కేటీఆర్ మండిపడ్డారు.
బంగ్లాదేశ్తో జరుగుతోన్న రెండో టెస్టు మ్యాచులో టీమ్ఇండియా స్టార్ పేసర్ జస్ప్రీత్ బుమ్రా 3 వికెట్లు పడగొట్టి చరిత్ర సృష్టించారు. ఈ ఏడాది అంతర్జాతీయ క్రికెట్లో 50 వికెట్లు తీసిన తొలి బౌలర్గా బుమ్రా నిలిచారు. దీంతో పాటు జేమ్స్ అండర్సన్ను అధిగమించి ప్రపంచ టెస్ట్ ఛాంపియన్షిప్(WTC)లో అత్యధిక వికెట్లు తీసిన ఏడవ బౌలర్గా బుమ్రా రికార్డులకెక్కారు.
TG: అత్యాచారం కేసులో కొరియోగ్రాఫర్ జానీ మాస్టర్కు ఊరట దక్కలేదు. ఆయన దాఖలు చేసిన బెయిల్ పిటిషన్పై విచారణను రంగారెడ్డి జిల్లా ఫాస్ట్ ట్రాక్ కోర్టు అక్టోబర్ 7వ తేదీకి వాయిదా వేసింది. ఇటీవల ఆయనను కస్టడీలోకి తీసుకున్న పోలీసులు పలు కీలక అంశాలు రాబట్టినట్లు సమాచారం.
Sorry, no posts matched your criteria.