India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 19, 2024
అధికారులు తప్పుచేస్తే చర్యలు: ‘హైడ్రా’ రంగనాథ్
TG: అక్రమ నిర్మాణాలకు అనుమతులు ఇచ్చిన అధికారులపై విచారణ చేస్తామని హైడ్రా కమిషనర్ రంగనాథ్ వెల్లడించారు. వారు తప్పుచేసి ఉంటే తప్పకుండా చర్యలు తీసుకుంటామని స్పష్టం చేశారు. ఇవాళ ఆయన అమీన్‌పూర్ మున్సిపాలిటీలో పర్యటించారు. అమీన్‌పూర్ చెరువు పరిధిలో ఆక్రమణల గురించి పలువురు రంగనాథ్‌కు వివరించారు. దీనిపై స్పెషల్ టెక్నికల్ టీమ్‌తో సర్వే చేయిస్తామని, ప్రభుత్వంతో చర్చించి కార్యాచరణ ప్రకటిస్తామని తెలిపారు.
News November 19, 2024
ఆ బ్యాంకుల్లో వాటాలు విక్రయించనున్న కేంద్రం?
ప్రభుత్వ రంగ బ్యాంకులైన CBI, IOB, యూకో బ్యాంక్‌, పంజాబ్ అండ్ సింధ్ బ్యాంకుల్లో వాటాలు విక్ర‌యించాల‌ని కేంద్రం యోచిస్తోంది! దీనికి సంబంధించి కేంద్ర ఆర్థిక శాఖ చర్యలు ప్రారంభించింది. కేంద్ర కేబినెట్ ఆమోదానికి త్వ‌ర‌లో ప్ర‌తిపాద‌న‌లు పంప‌నుంది. OFS సేల్ కింద వాటాలు విక్ర‌యించ‌నున్న‌ట్టు తెలుస్తోంది. కంపెనీ షేర్లలో పబ్లిక్ పర్సంటేజ్ నిబంధనల మేరకు ప్రభుత్వం ఈ నిర్ణయం తీసుకున్నట్టు సమాచారం.
News November 19, 2024
అణ్వాయుధాల వాడకానికి పుతిన్ గ్రీన్ సిగ్నల్
తమపై ఎవరైనా దాడికి దిగినట్లైతే అణ్వాయుధాలను విస్తృతంగా వాడేందుకు రష్యా అధ్యక్షుడు పుతిన్ గ్రీన్ సిగ్నల్ ఇచ్చారు. యుద్ధం మొదలై 1000 రోజులు పూర్తైన సందర్భంగా ఆయన ఈ నిర్ణయం తీసుకున్నారు. ఉక్రెయిన్‌కు లాంగ్ రేంజ్ మిస్సైల్స్ ఇచ్చేందుకు US తాజాగా ఆమోదం తెలిపిన సంగతి తెలిసిందే. ఆ నిర్ణయాన్ని పుతిన్ వ్యతిరేకిస్తున్నారు. అందుకు తగిన బదులిచ్చేందుకే ఆయన అణ్వాయుధాల వాడకానికి పర్మిషన్ ఇచ్చినట్లు తెలుస్తోంది.
News November 19, 2024
PSU, CPSE ఇన్వెస్టర్లకు గుడ్‌న్యూస్
PSU, CPSE షేర్లలో ఇన్వెస్ట్ చేస్తుంటారా? అయితే మీకో శుభవార్త! ఈ ఇన్వెస్టర్లకు నిలకడగా రాబడి అందించేందుకు ప్రభుత్వం సరికొత్త గైడ్‌లైన్స్ తీసుకొచ్చింది. ఇకపై ఏటా పన్నేతర ఆదాయంలో 30% లేదా కంపెనీ నెట్‌వర్త్‌లో 4% విలువకు సమానంగా డివిడెండ్ ఇవ్వాలని ఆదేశించింది. వరుసగా 6 నెలలు షేర్ల ధర బుక్‌వ్యాలూ కన్నా తక్కువగా ఉండి, కంపెనీ నెట్‌వర్త్ రూ.3000CR, నగదు రూ.1500CR ఉంటే బయ్‌బ్యాక్ చేయొచ్చని తెలిపింది.
News November 19, 2024
విశాఖలో దారుణం.. విద్యార్థినిపై గ్యాంగ్ రేప్
AP: విశాఖలో న్యాయ విద్య అభ్యసిస్తోన్న యువతిపై నలుగురు సామూహిక అత్యాచారం చేశారు. ఆ దృశ్యాలను సెల్‌ఫోన్లతో చిత్రీకరించి బెదిరిస్తూ పలుమార్లు అఘాయిత్యానికి పాల్పడ్డారు. వేధింపులు తాళలేక ఆమె ఆత్మహత్యాయత్నం చేయగా తండ్రి కాపాడారు. విషయం తెలుసుకుని పోలీసులకు ఫిర్యాదు చేయగా, నిందితులు వంశీ, ఆనంద్, రాజేశ్, జగదీశ్‌ను అరెస్టు చేశారు. వీరిపై కఠిన చర్యలు తీసుకోవాలని సీపీని హోంమంత్రి అనిత ఆదేశించారు.
News November 19, 2024
TTDలో ఇక హిందూ ఉద్యోగులే..
AP: టీటీడీలో 7వేల మంది పర్మనెంట్ ఉద్యోగులు ఉండగా అందులో 300 మంది అన్యమతస్థులు (హిందువులు కాని వారు) ఉన్నారు. తాజాగా బోర్డు తీసుకున్న నిర్ణయం ప్రకారం వీరిని ఇతర ప్రభుత్వ శాఖల్లోకి పంపుతారు. లేదంటే స్వచ్ఛంద పదవీ విరమణ తీసుకోవాల్సి ఉంటుంది. ఇందుకు రాజ్యాంగంలోని ఆర్టికల్ 16(5) సమ్మతిస్తుంది. కాగా టీటీడీలో హిందువులే ఉద్యోగులుగా ఉండాలని ఎప్పటినుంచో డిమాండ్ వినిపిస్తోంది. TTD తాజా నిర్ణయంపై మీ కామెంట్?
News November 19, 2024
ఈరోజు నేను గర్వపడుతున్నా: పవన్
తక్కువ వ్యవధిలోనే 18 ఉమెన్ మిస్సింగ్ కేసులను ఛేదించినట్లు విజయవాడ పోలీసులు ట్వీట్ చేయగా DyCM పవన్ స్పందించారు. ‘YCP పాలనలో 30,000+ మహిళలు & బాలికలు తప్పిపోయారు. వారు ఎలాంటి యాక్షన్ తీసుకోలేదు. కానీ ఇప్పుడు మార్పు వచ్చింది. APలో పటిష్టమైన లా అండ్ ఆర్డర్‌ ఉండటంతో ఈరోజు విజయవాడ పోలీసులు ఈ కేసులను ఛేదించినందుకు నేను గర్వపడుతున్నా. సీఎం చంద్రబాబు, హోంమంత్రి అనిత, పోలీసులకు ధన్యవాదాలు’ అని పేర్కొన్నారు.
News November 19, 2024
అంతర్రాష్ట్ర బదిలీలపై AP మంత్రి కీలక ప్రకటన
ఎన్నో ఏళ్లుగా పెండింగ్‌లో ఉన్న AP, TGలోని ఉద్యోగుల అంతర్రాష్ట్ర బదిలీలపై మంత్రి పయ్యావుల కేశవ్ అసెంబ్లీలో కీలక ప్రకటన చేశారు. AP నుంచి 1,942, TG నుంచి 1,447 మంది బదిలీకి సిద్ధంగా ఉన్నారని తెలిపారు. దీనిపై TG ప్రభుత్వంతో సంప్రదింపులు జరుపుతున్నామని చెప్పారు. సమస్యల పరిష్కారానికి ఏర్పాటుచేసిన కమిటీలో AP నుంచి మంత్రులు అనగాని, దుర్గేశ్, జనార్దన్, TG నుంచి భట్టి, శ్రీధర్, పొన్నం ఉన్నారన్నారు.
News November 19, 2024
మెలోనీ+మోడీ: మెలోడీ మీటింగ్
G20 స‌మ్మిట్‌ సందర్భంగా ఇటలీ ప్రధాని జార్జియా మెలోనితో ప్రధాని మోదీ ద్వైపాక్షిక చ‌ర్చ‌లు జ‌రిపారు. వీరి స‌మావేశంపై నెటిజన్లు క్రియేటివ్‌గా స్పందిస్తున్నారు. ఇద్ద‌రు PMల పేర్లు క‌లిపి ‘మెలోడీ మీటింగ్’ అంటూ కామెంట్ చేస్తున్నారు. డిఫెన్స్‌, వాణిజ్యం, సాంకేతిక రంగాల్లో ఇరు దేశాల బంధాన్ని బ‌లోపేతం చేసుకోవ‌డంపై చ‌ర్చించిన‌ట్టు మోదీ తెలిపారు. ఇరు దేశాల మైత్రి ప్రపంచ సుస్థిరతకు మేలు చేస్తుందన్నారు.
News November 19, 2024
రైల్వే స్టేషన్లో రద్దీని తలపించిన విమానాశ్రయాలు!
పండగల వేళ రైల్వేస్టేషన్లు, బస్టాండ్లు ఎలా కిటకిటలాడతాయో ఓసారి గుర్తు చేసుకోండి! NOV 17న దేశవ్యాప్తంగా విమానాశ్రయాల పరిస్థితి ఇదేనంటే ఆశ్చర్యమేమీ లేదు. ఆరోజు ఏకంగా 5.05లక్షల మంది ప్రయాణించారు. దీంతో ఎయిర్‌పోర్టు లాంజుల్లో చోటు సరిపోక చాలామంది కిందే కూర్చున్నారు. ఇక టికెట్ కౌంటర్లు, ₹400 ఖరీదైన దోసెల క్యూలైన్ ఆగిందే లేదని కొందరు సెటైర్లు వేస్తున్నారు. ఫెస్టివ్, వెడ్డింగ్ సీజన్ కావడమే దీనికి కారణం.
Featured News
Sorry, no posts matched your criteria.