India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 12, 2025
ఫెన్సింగ్ టెన్షన్: భారత హైకమిషనర్‌కు బంగ్లా సమన్లు
భారత హైకమిషనర్ ప్రణయ్ వర్మకు బంగ్లాదేశ్ ఫారిన్ మినిస్ట్రీ సమన్లు పంపింది. సరిహద్దులోని 5 ప్రాంతాల్లో BSF ఫెన్సింగ్ నిర్మాణం, ఉద్రిక్తతలపై ఆరాతీసినట్టు సమాచారం. ఫారిన్ సెక్రటరీ జాషిమ్ ఉద్దీన్‌తో 3PMకు మొదలైన వర్మ మీటింగ్ 45ని. సాగినట్టు స్థానిక BSS న్యూస్ తెలిపింది. సరిహద్దు వెంట భద్రత, ఫెన్సింగ్, నేరాల కట్టడిపై రెండు దేశాలకు అవగాహనా ఒప్పందాలు ఉన్నాయని, పరస్పరం సహకరించుకుంటాయని వర్మ పేర్కొన్నారు.
News January 12, 2025
రేపు భోగి.. ఈ జాగ్రత్తలు తీసుకోండి
తెలుగు రాష్ట్రాల్లో రేపు భోగి వేడుకలు వైభవంగా జరగనున్నాయి. భోగి మంటల వద్ద పలు జాగ్రత్తలు తీసుకోవడం మంచిది. పెట్రోల్, డీజిల్ లాంటి మండే పదార్థాలను దూరంగా ఉంచాలి. మంట చుట్టూ చేరేవారు కాటన్ దుస్తులు ధరించాలి. శ్వాసకోశ, ఊపిరితిత్తుల సమస్యలున్నవారు, రోగులు, వృద్ధులు, చిన్నపిల్లలు మంటలకు దూరంగా ఉండాలి. ప్రమాదం జరిగినప్పుడు మంటలను ఆర్పడానికి వీలుగా దగ్గర్లో నీళ్లు, దుప్పట్లు ఉంచుకోవాలి.
News January 12, 2025
హెల్మెట్ లేని వారికి పెట్రోల్ పోయొద్దు: UP ప్రభుత్వం
రోడ్డు ప్రమాదాల్లో మరణాల సంఖ్యను తగ్గించేందుకు ‘నో హెల్మెట్-నో ఫ్యూయెల్’ విధానాన్ని అమలు చేయాలని UP ప్రభుత్వం నిర్ణయించింది. హెల్మెట్ ధరించని వారికి పెట్రోల్ పోయవద్దని బంకులను ఆదేశించింది. పిలియన్ రైడర్ సైతం హెల్మెట్ ధరించాలని పేర్కొంది. ఈ రూల్స్‌ను కఠినంగా అమలు చేయాలని అన్ని జిల్లాలను ఆదేశించింది. ఏటా రోడ్డు ప్రమాదాల వల్ల UPలో 25,000-26,000 మంది చనిపోతున్నట్లు ఇటీవల CM యోగి తెలిపారు.
News January 12, 2025
భారత్ ఘన విజయం.. సిరీస్ కైవసం
ఐర్లాండ్‌ మహిళల టీమ్‌తో జరిగిన రెండో వన్డేలో భారత్ 116 పరుగుల తేడాతో ఘన విజయం సాధించింది. దీంతో మరో వన్డే మిగిలి ఉండగానే స్మృతి మంధాన సేన 2-0తో సిరీస్ కైవసం చేసుకుంది. తొలుత 370/5 స్కోర్ చేసిన టీమ్ ఇండియా ప్రత్యర్థిని 254/7 స్కోరుకే పరిమితం చేసింది. దీప్తి శర్మ 3, ప్రియా మిశ్రా 2, టిటాస్, సయాలి చెరో వికెట్ తీశారు. బ్యాటింగ్‌లో జెమీమా(102), హర్లీన్(89), స్మృతి(73), ప్రతికా రావల్(67) రాణించారు.
News January 12, 2025
సంపద మొత్తం ట్రస్టుకు రాసిచ్చిన వారెన్ బఫెట్!
కలియుగ దానకర్ణుడు, ప్రపంచ కుబేరుల్లో ఒకరైన వారెన్ బఫెట్ తన సంపదను ఓ ఛారిటబుల్ ట్రస్టుకు రాసిచ్చారని తెలిసింది. ఆయన వారసులు సూసీ, హువీ, పీటర్ బఫెట్ దీనిని నిర్వహిస్తారు. నిధులు ఖర్చు చేయాలంటే వీరంతా కలిసే నిర్ణయాలు తీసుకోవాల్సి ఉంటుంది.. తాము లక్కీ అని, పరులకు సాయం చేసేందుకు అనేక మార్గాలు ఉన్నాయని బఫెట్ అన్నారు. 2006 నుంచి $39B గేట్స్ ఫౌండేషన్‌కు దానం చేసిన ఆయన ఇకపై ఒక్క $ వారికి ఇవ్వనని చెప్పారు.
News January 12, 2025
మానవత్వం చాటుకున్న హోంమంత్రి అనిత
AP: హోంమంత్రి అనిత మానవత్వం చాటుకున్నారు. రోడ్డు ప్రమాదంలో గాయపడిన బాధితులకు సహాయం చేశారు. విశాఖపట్నంలోని పాత గాజువాక జంక్షన్‌లో అనిత కారులో వెళ్తున్నారు. అదే సమయంలో ఓ బైక్‌ను ట్రావెల్స్ బస్సు ఢీకొట్టింది. ఈ ఘటనలో ఓ చిన్నారి గాయపడింది. వెంటనే ఆమె తన సిబ్బందిని ఆదేశించి ఆస్పత్రికి పంపించారు. ఇది చూసిన స్థానికులు మంత్రిని అభినందిస్తున్నారు.
News January 12, 2025
10th బాలికలను షర్ట్స్ లేకుండా ఇంటికి పంపిన ప్రిన్సిపల్: BJP ఫైర్
షర్ట్స్ విప్పించి 80 మంది 10th బాలికలను ఇన్నర్స్, బ్లేజర్స్‌తో ఇంటికి పంపిన ప్రిన్సిపల్‌పై చర్యలు తీసుకోవాలని ఝార్ఖండ్ BJP డిమాండ్ చేసింది. పేరెంట్స్ ఫిర్యాదు చేసినా సెలవులని పోలీసులు పట్టించుకోకపోవడం దారుణమంది. పెన్‌డే కావడంతో ధన్‌బాద్‌లోని ఓ Pvt స్కూల్ బాలికలు షర్ట్స్‌పై సందేశాలు రాయించుకోవడంతో ఆగ్రహించిన ప్రిన్సిపల్ దేవశ్రీ వాటిని విప్పించారు. వివాదం కావడంతో Govt దర్యాప్తు కమిటీని వేసింది.
News January 12, 2025
ఎంఎస్ ధోనీ భయం ఎరగని వ్యక్తి: యోగరాజ్ సింగ్
భారత క్రికెట్ దిగ్గజం ఎంఎస్ ధోనీ ఫియర్‌లెస్ మ్యాన్ అని మాజీ క్రికెటర్ యువరాజ్ సింగ్ తండ్రి యోగరాజ్ సింగ్ అన్నారు. ఆయన ఒక మోటివేటెడ్ కెప్టెన్ అని ప్రశంసలు కురిపించారు. కాగా గతంలో తన కుమారుడు యువరాజ్ సింగ్ కెరీర్‌ను ధోనీ సర్వనాశనం చేశాడని యోగరాజ్ ఆరోపించిన సంగతి తెలిసిందే. అతడిని ఎట్టి పరిస్థితుల్లోనూ వదలనని హెచ్చరించారు. ఎప్పటికీ అతడిని క్షమించనని, అతడితో షేక్ హ్యాండ్ కూడా ఇవ్వనని పేర్కొన్నారు.
News January 12, 2025
ఇంటింటికీ గ్యాస్ సరఫరా ప్రారంభించిన సీఎం
AP: సీఎం చంద్రబాబు తిరుపతి జిల్లాలో పర్యటిస్తున్నారు. తిరుచానూరులో ఇంటింటికీ గ్యాస్ సరఫరాను ప్రారంభించారు. సీఎన్జీ వాహనాలను పరిశీలించారు. పలువురు న్యాచురల్ గ్యాస్ లబ్ధిదారులకు ధ్రువీకరణ పత్రాలను అందజేశారు. ఓ ఇంట్లో స్టవ్ వెలిగించి స్వయంగా టీ చేసి సేవించారు. కాసేపట్లో ఆయన స్వగ్రామం నారావారిపల్లెకు వెళతారు. 3 రోజులపాటు అక్కడే కుటుంబసభ్యులతో కలిసి సంక్రాంతి వేడుకల్లో పాల్గొంటారు.
News January 12, 2025
భోగి మంటల్లో వీటిని వేస్తున్నారా?
సంక్రాంతి పండుగలో భాగంగా భోగి మంటలు వేయడం ఆనవాయితీ. హోమాన్ని ఎంత పవిత్రంగా భావిస్తామో భోగి మంటను అంతే పవిత్రంగా భావించాలి. శుచిగా ఉన్న వ్యక్తి కర్పూరంతో భోగి మంట వెలిగించాలి. భోగి మంటల్లో పనికిరాని వస్తువులు, విరిగిన కుర్చీలు, టైర్లు, ప్లాస్టిక్ వస్తువులు, కవర్లు, పెట్రోల్, కిరోసిన్ వేయకూడదు. చెట్టు బెరడు, పిడకలు, కొబ్బరి ఆకులు, ఎండిన కొమ్మలు, ఆవు నెయ్యి, ఔషధ మొక్కలు వంటి వాటితో మండించాలి.
Featured News
Sorry, no posts matched your criteria.