India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 11, 2025
యశస్వీ జైస్వాల్‌కు మరోసారి నిరాశే
టీమ్ ఇండియా క్రికెటర్ యశస్వీ జైస్వాల్‌కు మరోసారి బీసీసీఐ మొండిచేయి చూపింది. ఇంగ్లండ్‌తో జరిగే టీ20 సిరీస్‌కు ఆయనను పరిగణనలోకి తీసుకోలేదు. బీజీటీలో రాణించిన జైస్వాల్‌‌ను టీ20 సిరీస్‌కు ఎంపిక చేయకపోవడంపై నెటిజన్లు ఫైర్ అవుతున్నారు. జైస్వాల్ అద్భుత ఫామ్‌ను బీసీసీఐ వృథా చేస్తోందని మండిపడుతున్నారు. గత ఐపీఎల్‌లో కూడా ఆయన రాణించారని, సెలక్ట్ చేయాల్సిందని కామెంట్లు చేస్తున్నారు.
News January 11, 2025
‘ఇండియన్-2’ లైఫ్ టైమ్ కలెక్షన్లు క్రాస్ చేసిన ‘గేమ్ ఛేంజర్’!
గ్లోబల్ స్టార్ రామ్ చరణ్ హీరోగా శంకర్ తెరకెక్కించిన ‘గేమ్ ఛేంజర్’ సినిమాకు రెండో రోజూ భారీగానే కలెక్షన్లు వస్తున్నట్లు సినీవర్గాలు పేర్కొన్నాయి. ఈ క్రమంలో ‘గేమ్ ఛేంజర్’ వసూళ్లు కమల్ హాసన్ నటించిన ‘భారతీయుడు-2’ లైఫ్ టైమ్ కలెక్షన్లు దాటేసినట్లు తెలిపాయి. శంకర్ తెరకెక్కించిన ఈ చిత్రం రూ.151 కోట్లు మాత్రమే రాబట్టగలిగింది. కాగా, ‘గేమ్ ఛేంజర్’ మొదటి రోజే రూ.186 కోట్లు కలెక్ట్ చేయడం గమనార్హం.
News January 11, 2025
సంక్రాంతి పండుగ ఎందుకు జరుపుకుంటారంటే?
సంక్రాంతి రైతుల పండుగ. ఈ పండుగ నాటికి అన్నదాతలు ఆరుగాలం శ్రమించి పండించిన ధాన్యం ఇంటికి చేరుతుంది. ఆ సంతోషంలోనే ఈ పండుగ జరుపుకుంటారు. తమకు సహాయం చేసిన పశువులను పూజిస్తారు. కూలీలకు పండిన ధాన్యంలో కొంత ఇస్తారు. గంగిరెద్దులు, హరిదాసులు, జంగాలు అందరూ సంక్రాంతికే కనిపిస్తారు. వారందరికీ ప్రజలు సంతోషంగా దానధర్మాలు చేస్తారు. ప్రజలు ఒకరితో మరొకరు కృతజ్ఞతతో మెలగాలని చాటి చెప్పడమే ఈ పండుగ ఉద్దేశం.
News January 11, 2025
‘గేమ్ ఛేంజర్’ టికెట్ రేట్ల పెంపు ఉత్తర్వుల ఉపసంహరణ
TG: గేమ్ ఛేంజర్ మూవీకి ప్రభుత్వం మరో బిగ్ షాకిచ్చింది. టికెట్ ధరలను పెంచుకోవచ్చంటూ గతంలో ఇచ్చిన ఉత్తర్వులను ఉపసంహరించుకుంది. హైకోర్టు ఆదేశాలతో ఈ నిర్ణయం తీసుకున్నట్లు తెలిపింది. ఇప్పటికే తెల్లవారుజాము <<15130242>>స్పెషల్ షోలను రద్దు<<>> చేసిన విషయం తెలిసిందే. రాష్ట్ర ప్రజల ఆరోగ్యం, భద్రత దృష్ట్యా ఇకపై స్పెషల్ షోలకు అనుమతి ఇవ్వబోమని స్పష్టం చేసింది. ప్రభుత్వ నిర్ణయంతో మూవీ కలెక్షన్లపై ప్రభావం పడనుంది.
News January 11, 2025
ఇంగ్లండ్‌తో టీ20 సిరీస్‌కు భారత జట్టు ప్రకటన
ఇంగ్లండ్‌తో టీ20 సిరీస్‌కు మహ్మద్ షమీని BCCI ఎంపిక చేసింది. అలాగే ఈ జట్టులో తెలుగు కుర్రాళ్లు తిలక్ వర్మ, నితీశ్ రెడ్డి చోటు దక్కించుకున్నారు. జట్టు: సూర్య (C), శాంసన్, అభిషేక్, తిలక్, నితీశ్, జురేల్, రింకూ, హార్దిక్, అక్షర్, షమీ, అర్ష్‌దీప్, హర్షిత్, బిష్ణోయ్, వరుణ్, సుందర్. కాగా ఈ నెల 22 నుంచి ఇంగ్లండ్‌తో ఐదు మ్యాచుల టీ20 సిరీస్ ప్రారంభం కానుంది. తొలి మ్యాచ్ కోల్‌కతాలో జరగనుంది.
News January 11, 2025
APలో రూ.14వేల కోట్ల పెట్టుబడులు: భరత్
AP: కర్నూలు(D) ఓర్వకల్లు ఇండస్ట్రియల్ పార్కులో రూ.14వేల కోట్ల పెట్టుబడులపై ఒప్పందం కుదిరినట్లు మంత్రి TG భరత్ తెలిపారు. జపాన్‌కు చెందిన యిటోయే మైక్రో టెక్నాలజీ కార్పొరేషన్, ఇండియాకు చెందిన హైడ్రైస్ గ్రూప్‌లతో ఈ మేరకు మంత్రి లోకేశ్ సమక్షంలో ఒప్పందం కుదిరిందన్నారు. సెమీ కండక్టర్ రంగంలో ఈ పెట్టుబడులు పెట్టనున్నట్లు భరత్ చెప్పారు. రెండున్నర ఏళ్లలో ఇది పూర్తి చేసేలా తమ ప్రభుత్వం ప్రయత్నిస్తోందన్నారు.
News January 11, 2025
శ్మశానంలా లాస్ ఏంజెలెస్.. కానీ ఒకే ఒక ఇల్లు..!
అమెరికాలోని లాస్ ఏంజెలెస్ నగరాన్ని కార్చిచ్చు సర్వనాశనం చేసింది. వైల్డ్‌ఫైర్ కారణంగా ఎటుచూసినా శ్మశానాన్ని తలపిస్తోంది. మంటలంటుకున్న అన్ని ఇళ్లూ అగ్నికి ఆహుతయ్యాయి. కానీ ఒకే ఒక ఇల్లు మాత్రం ఫైర్‌కు ప్రభావం కాలేదు. నగరంలో ‘మాలిబు మాన్షన్’ ఈ అగ్ని కీలల నుంచి తప్పించుకుంది. ఈ భవనాన్ని ఫైర్ ప్రూఫ్‌గా నిర్మించడంతోనే ఇది మంటలకు దగ్ధం కాలేదు. అలాగే భూకంపం వచ్చినా తట్టుకునేలా దీనిని నిర్మించారు.
News January 11, 2025
క్రెడిట్ కార్డులు.. ఈ పొరపాట్లు చేయొద్దు
ఇటీవల క్రెడిట్ కార్డుల వినియోగం విపరీతంగా పెరిగింది. అయితే వాటి వాడకంలో జాగ్రత్తలు తీసుకోకపోతే సిబిల్ స్కోర్ తగ్గి ఇబ్బందులు ఎదురవుతాయి.
✒ కార్డులపై క్యాష్ అడ్వాన్స్ తీసుకోవద్దు
✒ రోజువారీ కొనుగోళ్లు, మేజర్ మెడికల్ ఖర్చులకు ఉపయోగించొద్దు
✒ ఆర్థిక ఇబ్బందుల్లో అనవసరమైన కొనుగోళ్లు వద్దు
✒ ఓల్డ్ క్రెడిట్ కార్డులను రద్దు చేసుకోవద్దు
✒ అలర్ట్స్ సెట్టింగ్స్, కాంటాక్ట్ వివరాలను అప్డేట్ చేసుకోండి
News January 11, 2025
BREAKING: గేమ్ ఛేంజర్ స్పెషల్ షోలు రద్దు
TG: రాష్ట్రంలో ‘గేమ్ ఛేంజర్’ మూవీ స్పెషల్ షోలను రద్దు చేస్తూ హోంశాఖ ఉత్తర్వులిచ్చింది. దీంతో రేపటి నుంచి మార్నింగ్ స్పెషల్ షోలు నిలిచిపోనున్నాయి. టికెట్ ధరల పెంపు, ప్రత్యేక ప్రదర్శనలపై ఇవాళ హైకోర్టులో విచారణ జరిగింది. బెనిఫిట్ షోలను రద్దు చేసి స్పెషల్ షోలకు అనుమతి ఇవ్వడాన్ని న్యాయస్థానం ఆక్షేపించింది. దీనిపై పునరాలోచించాలని చెప్పింది. దీంతో ఆ షోలను ప్రభుత్వం రద్దు చేసింది.
News January 11, 2025
బౌలర్లకు గుడ్ న్యూస్.. త్వరలో వైడ్ల రూల్స్ మార్పు!
వైడ్ల విషయంలో బౌలర్లకు ఊరట కలిగించే విషయంపై పనిచేస్తున్నట్లు ICC క్రికెట్ కమిటీ మీడియా ప్రతినిధి షాన్ పొలాక్ వెల్లడించారు. లిమిటెడ్ ఓవర్ల ఫార్మాట్‌లో బ్యాటర్లు క్రీజు దాటినప్పుడు బౌలర్ సరైన చోట బంతిని వేయలేరని పేర్కొన్నారు. బ్యాటర్ ముందుకొచ్చినప్పుడు అతను ఉన్న స్థానం నుంచి బాల్ దూరాన్ని పరిశీలనలో తీసుకునే యోచన ఉందన్నారు. సౌతాఫ్రికాకు చెందిన పొలాక్ టెస్టు, వన్డేల్లో 814 వికెట్లు పడగొట్టారు.
Featured News
Sorry, no posts matched your criteria.