India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 19, 2024
భారీగా పెరిగిన బంగారం, వెండి ధరలు
హైదరాబాద్ మార్కెట్లో ఇవాళ కూడా బంగారం ధరలు పెరిగాయి. 24 క్యారెట్ల 10గ్రా. గోల్డ్ రేటు రూ.760 పెరిగి రూ.77,070కి చేరింది. 22 క్యారెట్ల పసిడి 10గ్రా. ధర రూ.700 పెరిగి రూ.70,650గా నమోదైంది. కేజీ సిల్వర్ ధర రూ.2,000 పెరిగి రూ.1,01,000 పలుకుతోంది.
News November 19, 2024
బేబీ బంప్‌తో అతియా శెట్టి.. పిక్స్ వైరల్
టీమ్ ఇండియా క్రికెటర్ కేఎల్ రాహుల్ భార్య అతియా శెట్టి బేబీ బంప్‌తో కనిపించారు. ఇందుకు సంబంధించిన ఫొటోలు సోషల్ మీడియాలో వైరల్‌గా మారాయి. తాము తల్లిదండ్రులం కాబోతున్నామని ఇటీవలే రాహుల్-అతియా జంట ప్రకటించింది. వచ్చే ఏడాది ఏప్రిల్‌లో వీరికి బిడ్డ జన్మిస్తుందని వార్తలు వస్తున్నాయి. కాగా రాహుల్-అతియా గతేడాది వివాహం చేసుకున్నారు. ప్రస్తుతం రాహుల్ బోర్డర్-గవాస్కర్ ట్రోఫీ కోసం ఆస్ట్రేలియాలో ఉన్నారు.
News November 19, 2024
షేర్లు కొనేందుకు సరైన టైమ్ ఏదంటే..
మంచి పోర్టుఫోలియో నిర్మాణానికి స్టాక్ మార్కెట్లు, ఎకానమీపై బ్యాడ్ న్యూస్ విపరీతంగా వస్తున్న కాలమే సరైందని ABSL AMC MD బాలసుబ్రహ్మణ్యం అన్నారు. బలమైన ఫండమెంటల్స్ కలిగిన షేర్లు అప్పుడే తక్కువ ధరకు దొరుకుతాయన్నారు. భారత $10 ట్రిలియన్ల కల ఈ 4 నెలలతో చెదిరిపోదని, బలమైన క్రెడిట్‌ గ్రోత్ ఎకానమీని నడిపిస్తుందని తెలిపారు. బ్యాంకింగ్ సెక్టార్లో స్టాక్స్ కొనొచ్చని, ఎకానమీ పెరగ్గానే ఇవి లాభాలు ఇస్తాయన్నారు.
News November 19, 2024
‘పుష్ప 2’ టికెట్ ధరలు భారీగా పెంపు?
అల్లు అర్జున్, సుకుమార్ కాంబినేషన్‌లో వస్తోన్న ‘పుష్ప 2’ మూవీ డిసెంబర్ 5న విడుదల కానుంది. ఈ క్రమంలో టికెట్ రేట్ల పెంపునకు సంబంధించి ఓ వార్త వైరల్ అవుతోంది. టికెట్ రేట్లు పెంచేందుకు నిర్మాతలు ప్లాన్ చేస్తున్నట్లు తెలుస్తోంది. ప్రస్తుతం APలో నగరాల్లో రూ.150-200 ఉన్న టికెట్ రేటును రూ.300కు పెంచేందుకు ప్రభుత్వాన్ని కోరనున్నట్లు టాక్. దీనిపై సర్కార్ ఎలాంటి నిర్ణయం తీసుకుంటుందనేది ఆసక్తికరంగా మారింది.
News November 19, 2024
ఢిల్లీని ఇంకా రాజధానిగా కొనసాగించాలా?: శశి థరూర్
గాలి నాణ్యత అత్యంత తీవ్ర స్థాయికి చేరిన ఢిల్లీని దేశ రాజధానిగా ఇంకా కొనసాగించాలా? అంటూ కాంగ్రెస్ ఎంపీ శశి థరూర్ ప్రశ్నించారు. ప్రజలు నివాసయోగ్యంగా లేని నగరంగా ఢిల్లీ నిలుస్తోందని ట్వీట్ చేశారు. ‘ప్రపంచంలోనే అత్యంత కాలుష్య నగరం ఢిల్లీ. కొన్నేళ్లుగా ఇదే పరిస్థితి కొనసాగుతోంది. నవంబర్ నుంచి జనవరి వరకు పరిస్థితులు చేయి దాటిపోతున్నాయి. దీనిపై కేంద్రం ఎలాంటి చర్యలు తీసుకోవడం లేదు’ అని ఆయన ఫైర్ అయ్యారు.
News November 19, 2024
చర్చలు సఫలం.. షెడ్యూల్ ప్రకారమే డిగ్రీ పరీక్షలు
TG: ప్రైవేట్ డిగ్రీ కాలేజీల <<14648546>>యాజమాన్యాలతో<<>> విద్యాశాఖ చర్చలు సఫలం అయ్యాయి. దీంతో నేటి నుంచి జరగాల్సిన డిగ్రీ 3, 5 సెమిస్టర్ పరీక్షలు యథాతథంగా జరుగుతాయని ఉన్నత విద్యామండలి తెలిపింది. ఫీజు రీయింబర్స్‌మెంట్ బకాయిల విడుదల డిమాండ్‌తో డిగ్రీ కాలేజీల యాజమాన్యాలు నేటి నుంచి నిరవధిక బంద్‌కు పిలుపునిచ్చాయి.
News November 19, 2024
STOCK MARKETS: రూ.3లక్షల కోట్ల ప్రాఫిట్
గ్లోబల్ మార్కెట్ల నుంచి పాజిటివ్ సిగ్నల్స్, ఇన్వెస్టర్లు కొనుగోళ్లు చేపట్టడంతో దేశీయ స్టాక్ మార్కెట్లు భారీ లాభాల్లో ట్రేడవుతున్నాయి. డాలర్ దూకుడు తగ్గడం మరో కారణం. నిఫ్టీ 23,680 (+226), సెన్సెక్స్ 77,973 (+634) వద్ద చలిస్తున్నాయి. ఉదయాన్నే మదుపరులు రూ.3లక్షల కోట్లమేర సంపద పోగేశారు. ఆటో, IT, మీడియా, రియాల్టి, PSU బ్యాంకు, OIL & GAS షేర్లకు గిరాకీ పెరిగింది. TRENT, ONGC, M&M టాప్ గెయినర్స్.
News November 19, 2024
బంతి తగిలి అంపైర్‌కు తీవ్రగాయాలు
ఆస్ట్రేలియాలో జరిగిన ఓ థర్డ్ గ్రేడ్ మ్యాచ్‌లో బంతి తగిలి అంపైర్‌కు తీవ్ర గాయాలయ్యాయి. పెర్త్‌లో జరిగిన ఆ మ్యాచ్‌లో బ్యాటర్ స్ట్రైట్ డ్రైవ్ కొట్టడంతో బంతి నేరుగా అంపైర్ టోనీ డీనోబ్రెగా ముఖానికి తగిలింది. కన్ను, పెదవులతోపాటు చెంప కూడా వాచిపోయింది. ఆయన కన్ను పూర్తిగా మూసుకుపోయింది. ప్రస్తుతం టోనీ ఆస్పత్రిలో చికిత్స తీసుకుంటున్నారు. ఇందుకు సంబంధించిన ఫొటోలు సోషల్ మీడియాలో వైరల్‌గా మారాయి.
News November 19, 2024
ఒత్తిడి, ఆందోళన తగ్గాలంటే ఇలా చేయండి!
అతిగా ఆలోచించి <<14648968>>చింతించడం<<>> కూడా ఓ ఆరోగ్య సమస్యేనని వైద్యులంటున్నారు. ఇది మిమ్మల్ని ప్రతికూల విషయాలపై దృష్టి సారించేలా చేస్తుంది. దీనిని అధిగమించాలంటే ఇష్టమైన ఆహారం తీసుకోవాలి. దీని వల్ల మెదడు చురుగ్గా మారుతుంది. ఒంటరిగా ఉండకుండా అందరితో కలిసి ఉండండి. రోజూ యోగా చేయండి. కంటినిండా నిద్రపోండి. వీలైనంత వరకూ మొబైల్‌కు దూరంగా ఉండండి. సక్సెస్ స్టోరీ బుక్స్ చదవండి. హ్యాపీగా ఫ్యామిలీతో టైమ్ స్పెండ్ చేయండి.
News November 19, 2024
‘కాళేశ్వరం’పై విచారణ.. ఈనెలాఖరున KCRకు పిలుపు!
TG: కాళేశ్వరం ప్రాజెక్టుపై విచారణ చేపట్టేందుకు జస్టిస్ పీసీ ఘోష్ ఎల్లుండి HYD రానున్నారు. తొలుత ప్రాజెక్టు నిర్మాణ సమయంలో పనిచేసిన అధికారులు ఎస్కే జోషి, సోమేశ్‌కుమార్, రజత్‌కుమార్, స్మితా సబర్వాల్‌, రామకృష్ణారావును క్రాస్ ఎగ్జామిన్ చేయనున్నారు. ఆ తర్వాత ఈనెలాఖరున లేదా DEC తొలివారంలో KCR, హరీశ్ రావును విచారణకు పిలవనున్నట్లు సమాచారం. అయితే KCR విచారణకు వెళ్తారా? లేదా? అన్నది ఆసక్తిగా మారింది.
Featured News
Sorry, no posts matched your criteria.