India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 19, 2024
రష్యా VS ఉక్రెయిన్: వెయ్యి రోజుల వినాశనం విలువెంతంటే?
రష్యా, ఉక్రెయిన్ వివాదం మొదలై నేటికి 1000 రోజులు. WW II తర్వాత అత్యంత వినాశకర యుద్ధం ఇదేనని విశ్లేషకుల అంచనా. రెండువైపులా 10లక్షలకు పైగా మరణించారని సమాచారం. ఉక్రెయిన్‌లో ఐదో వంతు అంటే గ్రీస్‌తో సమానమైన భూభాగాన్ని రష్యా అధీనంలోకి తీసుకుంది. 2022తో పోలిస్తే ఆ దేశ ఎకానమీ 33% పడిపోయింది. మొత్తంగా $152 బిలియన్లు నష్టపోయింది. ఒకప్పటిలా మౌలిక సదుపాయాలు నిర్మించాలంటే $485 బిలియన్లు అవసరమని WB అంచనా.
News November 19, 2024
నారా రోహిత్‌కు ప్రధాని మోదీ లేఖ
టాలీవుడ్ హీరో నారా రోహిత్‌కు ప్రధాని నరేంద్ర మోదీ లేఖ రాశారు. రోహిత్ తండ్రి నారా రామ్మూర్తి నాయుడి మృతికి ప్రధాని సంతాపం తెలిపారు. రామ్మూర్తి అందరినీ విడిచి వెళ్లినా, కుటుంబసభ్యులు, స్నేహితులు, ప్రజల గుండెల్లో ఎప్పటికీ నిలిచిపోతారని పేర్కొన్నారు. ఈ విషాదం నుంచి రోహిత్ త్వరగా కోలుకోవాలని, ధైర్యంగా నిలబడాలని ఆయన కోరుకున్నారు. ఇందుకు ప్రధాని మోదీకి రోహిత్ కృతజ్ఞతలు తెలిపారు.
News November 19, 2024
‘నువ్వు బతికి వేస్ట్.. చచ్చిపో’ అనడంతో యువతి ఆత్మహత్య
TG: తెలిసిన యువకుడు వాట్సాప్‌లో అసభ్యకర మెసేజ్‌లు చేయడంతో యువతి ఆత్మహత్య చేసుకున్న ఘటన యాదాద్రి జిల్లా భువనగిరిలో జరిగింది. హాసిని(20)కి నిఖిల్‌తో ఇంటర్‌లో పరిచయం ఏర్పడింది. తరచూ ఆమెకు వాట్సాప్‌లో మెసేజ్‌లు పెడుతూ వేధించేవాడు. ఆమె ఇన్‌స్టా అకౌంట్‌ను హ్యాక్ చేసి పోస్టులు పెట్టేవాడు. తాజాగా ఆమెను ‘నువ్వు బతికి వేస్ట్.. చచ్చిపో’ అని అనడంతో పాటు అసభ్యంగా దూషించడంతో హాసిని సూసైడ్ చేసుకుంది.
News November 19, 2024
నాకు 4 రోజులు టైం కావాలి.. పోలీసులకు RGV మెసేజ్
AP: తనపై నమోదైన కేసులో రాంగోపాల్ వర్మ పోలీసుల విచారణకు హాజరు కాలేదు. తనకు 4 రోజులు సమయం కావాలంటూ ఒంగోలు పోలీసులకు వాట్సాప్ మెసేజ్ పంపారు. చంద్రబాబు, పవన్, లోకేశ్‌లపై ఆర్జీవీ అసభ్యకర పోస్టులు పెట్టారని టీడీపీ నేత రామలింగం పోలీసులకు ఫిర్యాదు చేశారు. ఇందులో భాగంగా 5 రోజుల క్రితం పోలీసులు HYDకు వచ్చి RGVకి నోటీసులు ఇచ్చారు. ఇవాళ ఆయన ఒంగోలు సీఐ కార్యాలయానికి రావాల్సి ఉంది.
News November 19, 2024
భారీగా పెరిగిన బంగారం, వెండి ధరలు
హైదరాబాద్ మార్కెట్లో ఇవాళ కూడా బంగారం ధరలు పెరిగాయి. 24 క్యారెట్ల 10గ్రా. గోల్డ్ రేటు రూ.760 పెరిగి రూ.77,070కి చేరింది. 22 క్యారెట్ల పసిడి 10గ్రా. ధర రూ.700 పెరిగి రూ.70,650గా నమోదైంది. కేజీ సిల్వర్ ధర రూ.2,000 పెరిగి రూ.1,01,000 పలుకుతోంది.
News November 19, 2024
బేబీ బంప్‌తో అతియా శెట్టి.. పిక్స్ వైరల్
టీమ్ ఇండియా క్రికెటర్ కేఎల్ రాహుల్ భార్య అతియా శెట్టి బేబీ బంప్‌తో కనిపించారు. ఇందుకు సంబంధించిన ఫొటోలు సోషల్ మీడియాలో వైరల్‌గా మారాయి. తాము తల్లిదండ్రులం కాబోతున్నామని ఇటీవలే రాహుల్-అతియా జంట ప్రకటించింది. వచ్చే ఏడాది ఏప్రిల్‌లో వీరికి బిడ్డ జన్మిస్తుందని వార్తలు వస్తున్నాయి. కాగా రాహుల్-అతియా గతేడాది వివాహం చేసుకున్నారు. ప్రస్తుతం రాహుల్ బోర్డర్-గవాస్కర్ ట్రోఫీ కోసం ఆస్ట్రేలియాలో ఉన్నారు.
News November 19, 2024
షేర్లు కొనేందుకు సరైన టైమ్ ఏదంటే..
మంచి పోర్టుఫోలియో నిర్మాణానికి స్టాక్ మార్కెట్లు, ఎకానమీపై బ్యాడ్ న్యూస్ విపరీతంగా వస్తున్న కాలమే సరైందని ABSL AMC MD బాలసుబ్రహ్మణ్యం అన్నారు. బలమైన ఫండమెంటల్స్ కలిగిన షేర్లు అప్పుడే తక్కువ ధరకు దొరుకుతాయన్నారు. భారత $10 ట్రిలియన్ల కల ఈ 4 నెలలతో చెదిరిపోదని, బలమైన క్రెడిట్‌ గ్రోత్ ఎకానమీని నడిపిస్తుందని తెలిపారు. బ్యాంకింగ్ సెక్టార్లో స్టాక్స్ కొనొచ్చని, ఎకానమీ పెరగ్గానే ఇవి లాభాలు ఇస్తాయన్నారు.
News November 19, 2024
‘పుష్ప 2’ టికెట్ ధరలు భారీగా పెంపు?
అల్లు అర్జున్, సుకుమార్ కాంబినేషన్‌లో వస్తోన్న ‘పుష్ప 2’ మూవీ డిసెంబర్ 5న విడుదల కానుంది. ఈ క్రమంలో టికెట్ రేట్ల పెంపునకు సంబంధించి ఓ వార్త వైరల్ అవుతోంది. టికెట్ రేట్లు పెంచేందుకు నిర్మాతలు ప్లాన్ చేస్తున్నట్లు తెలుస్తోంది. ప్రస్తుతం APలో నగరాల్లో రూ.150-200 ఉన్న టికెట్ రేటును రూ.300కు పెంచేందుకు ప్రభుత్వాన్ని కోరనున్నట్లు టాక్. దీనిపై సర్కార్ ఎలాంటి నిర్ణయం తీసుకుంటుందనేది ఆసక్తికరంగా మారింది.
News November 19, 2024
ఢిల్లీని ఇంకా రాజధానిగా కొనసాగించాలా?: శశి థరూర్
గాలి నాణ్యత అత్యంత తీవ్ర స్థాయికి చేరిన ఢిల్లీని దేశ రాజధానిగా ఇంకా కొనసాగించాలా? అంటూ కాంగ్రెస్ ఎంపీ శశి థరూర్ ప్రశ్నించారు. ప్రజలు నివాసయోగ్యంగా లేని నగరంగా ఢిల్లీ నిలుస్తోందని ట్వీట్ చేశారు. ‘ప్రపంచంలోనే అత్యంత కాలుష్య నగరం ఢిల్లీ. కొన్నేళ్లుగా ఇదే పరిస్థితి కొనసాగుతోంది. నవంబర్ నుంచి జనవరి వరకు పరిస్థితులు చేయి దాటిపోతున్నాయి. దీనిపై కేంద్రం ఎలాంటి చర్యలు తీసుకోవడం లేదు’ అని ఆయన ఫైర్ అయ్యారు.
News November 19, 2024
చర్చలు సఫలం.. షెడ్యూల్ ప్రకారమే డిగ్రీ పరీక్షలు
TG: ప్రైవేట్ డిగ్రీ కాలేజీల <<14648546>>యాజమాన్యాలతో<<>> విద్యాశాఖ చర్చలు సఫలం అయ్యాయి. దీంతో నేటి నుంచి జరగాల్సిన డిగ్రీ 3, 5 సెమిస్టర్ పరీక్షలు యథాతథంగా జరుగుతాయని ఉన్నత విద్యామండలి తెలిపింది. ఫీజు రీయింబర్స్‌మెంట్ బకాయిల విడుదల డిమాండ్‌తో డిగ్రీ కాలేజీల యాజమాన్యాలు నేటి నుంచి నిరవధిక బంద్‌కు పిలుపునిచ్చాయి.
Featured News
Sorry, no posts matched your criteria.