India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 2, 2024
భారీ వర్షాలు.. తెలంగాణలో 15 మంది మృతి!
TG: భారీ వర్షాలతో రాష్ట్రం అతలాకుతలమైంది. రాష్ట్రవ్యాప్తంగా వర్షాలకు 15 మంది మృతి చెందగా, ఐదుగురికిపైగా గల్లంతైనట్లు సమాచారం. ఖమ్మం, వరంగల్, నల్గొండ జిల్లాల్లో భారీ నష్టం వాటిల్లింది. ఖమ్మంలో 10 అడుగుల మేర వరద ప్రవహించడంతో కొన్ని భవనాలు మునిగిపోయాయి. రైల్వే ట్రాక్‌లు, రోడ్లు, బ్రిడ్జిలు దెబ్బతినడంతో పలు ప్రాంతాల్లో రాకపోకలకు అంతరాయం ఏర్పడింది.
News September 2, 2024
తక్కువ ఇన్నింగ్స్‌లలో 50 సెంచరీలు చేసిన బ్యాటర్లు
అంతర్జాతీయ క్రికెట్‌లో అత్యంత వేగంగా 50 సెంచరీలు చేసిన బ్యాటర్లలో కోహ్లీ, హషీమ్ ఆమ్లా తొలి స్థానంలో ఉన్నారు. వీరిద్దరూ 348 ఇనింగ్స్‌లలో 50 సెంచరీలు నమోదు చేశారు. ఈ లిస్టులో వీరి తర్వాత వరుసగా సచిన్(376), పాంటింగ్(418), జో రూట్(455), బ్రియాన్ లారా(465), కలిస్(520), సంగక్కర(593), జయవర్దనే(667) ఉన్నారు.
News September 2, 2024
ఫోడ్‌మ్యాప్ ఆహారం తీసుకుంటున్నారా?
ఫోడ్‌మ్యాప్ ఆహారమైన నూడుల్స్, క్యాబేజీ, కాలీఫ్లవర్, పనీర్, ఐస్‌క్రీమ్, తేనె ఆల్కహాల్, వెల్లుల్లి, బిస్కెట్లు, చాక్లెట్లను సాధ్యమైనంత వరకు దూరం పెట్టాలని నిపుణులు చెబుతున్నారు. వీటిని తీసుకుంటే కడుపులో మంట/నొప్పి, గ్యాస్, వికారం, కడుపు ఉబ్బరం సమస్యలు ఏర్పడతాయని అంటున్నారు. లో ఫోడ్ మ్యాప్ ఆహారమైన అన్నం, ఓట్స్, పెసర, శనగ పప్పు, అరటి, చికెన్, చేపలు, బాదం, అల్లం వంటివి తీసుకోవాలని సూచిస్తున్నారు.
News September 2, 2024
బాలయ్యతో ఫ్యాక్షన్ సినిమా చేయాలని ఉంది: చిరంజీవి
తండ్రికి తగ్గ తనయుడిగా బాలకృష్ణ ప్రత్యేకత చాటుకున్నారని చిరంజీవి అన్నారు. ‘నేను ఇంద్ర సినిమా చేయడానికి ఆదర్శం సమరసింహారెడ్డి. నాకు బాలయ్యతో కలిసి ఒక ఫ్యాక్షన్ మూవీ చేయాలని కోరిక. మా ఇంట్లో ఏ శుభకార్యం జరిగినా బాలయ్య రాకుండా ఉండదు. అందరితో కలిసి డ్యాన్స్ కూడా వేస్తారు. మేమంతా ఒక కుటుంబం లాంటివాళ్లం. దీనిని ఫ్యాన్స్ అర్థం చేసుకోవాలి’ అని బాలకృష్ణ సినీ స్వర్ణోత్సవ వేడుకలో మెగాస్టార్ వ్యాఖ్యానించారు.
News September 2, 2024
పారాలింపిక్స్‌లో భారత్‌కు మరో రెండు పతకాలు
పారిస్ పారాలింపిక్స్-2024లో భారత అథ్లెట్ నిషాద్ కుమార్ సిల్వర్ మెడల్ గెలుచుకున్నారు. మెన్స్ హై జంప్ T47 ఈవెంట్‌లో రెండో స్థానంలో నిలిచి రజత పథకం సాధించారు. అంతకుముందు ఉమెన్స్ 200m T35 ఈవెంట్‌లో ప్రీతి పాల్ బ్రాంజ్ మెడల్ గెలుచుకున్నారు. దీంతో పారిస్ పారాలింపిక్స్‌లో ఇప్పటివరకు భారత్ గెలిచిన పతకాల సంఖ్య 7కు చేరింది.
News September 2, 2024
PHOTOS: బాలకృష్ణ గోల్డెన్ జూబ్లీ సెలబ్రేషన్స్
నందమూరి బాలకృష్ణ సినీ ప్రయాణానికి 50 ఏళ్లు పూర్తయిన సందర్భంగా హైదరాబాద్‌లో జరిగిన ఈవెంట్‌లో సినీరాజకీయ ప్రముఖులు పాల్గొన్నారు. చిరంజీవి, వెంకటేశ్, శ్రీకాంత్, రానా, నాని, విజయ్ దేవరకొండ, అల్లరి నరేశ్, గోపీచంద్, కన్నడ నటులు శివరాజ్ కుమార్, ఉపేంద్రతో పాటు టాలీవుడ్ దర్శకులు తదితరులు హాజరయ్యారు. ఈ వేడుకకు సంబంధించి కొన్ని ఫొటోలు నెట్టింట వైరల్ అవుతున్నాయి.
News September 2, 2024
ఈరోజు నమాజ్ వేళలు
తేది: సెప్టెంబర్ 02, సోమవారం
ఫజర్: తెల్లవారుజామున 4:49 గంటలకు
సూర్యోదయం: ఉదయం 6:02 గంటలకు
జొహర్: మధ్యాహ్నం 12:16 గంటలకు
అసర్: సాయంత్రం 4:41 గంటలకు
మఘ్రిబ్: సాయంత్రం 6:29 గంటలకు
ఇష: రాత్రి 7.42 గంటలకు
నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
News September 2, 2024
తనను తానే పెళ్లాడి.. ఒంటరితనంతో విడాకులు తీసుకున్న మహిళ
బ్రెజిల్‌కు చెందిన మోడల్ సువెల్లిన్ కారీ(36) గతేడాది తనను తానే వివాహం చేసుకుని(SOLOGAMY) వార్తల్లో నిలిచింది. ప్రస్తుతం లండన్‌లో ఉంటున్న ఈమె ఒంటరితనం వేధించడంతో విడాకులు తీసుకుంది. ‘నా పట్ల నేను నిబద్ధతతో ఉండటం సవాళ్లతో నిండి ఉంది. చాలా ఒత్తిడికి గురయ్యా. ఇక భాగస్వామి కోసం ప్రయత్నిస్తా’ అని పేర్కొంది. మన దేశంలోనూ క్షమా బిందు అనే మహిళ తనను తానే పెళ్లాడి <<8521370>>హనీమూన్‌కూ<<>> వెళ్లింది.
News September 2, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News September 2, 2024
సెప్టెంబర్ 2: చరిత్రలో ఈ రోజు
1936: తెలుగు సినీ నటుడు హరనాథ్ జననం
1956: నటుడు, రాజకీయ నేత నందమూరి హరికృష్ణ జననం
1971: నటుడు, ఏపీ డిప్యూటీ సీఎం పవన్ కళ్యాణ్ జననం
2009: ఏపీ మాజీ సీఎం వై.యస్.రాజశేఖర్ రెడ్డి మరణం
* ప్రపంచ కొబ్బరి దినోత్సవం
Featured News
Sorry, no posts matched your criteria.