India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 30, 2024
రూ.10 కాయిన్స్ తీసుకోవాలని ఆదేశం
TG: బస్సుల్లో ప్రయాణికులు ఇచ్చే రూ.10 నాణేలు తీసుకోవాలని కండక్టర్లు, డ్రైవర్లను TGSRTC ఆదేశించింది. ప్రయాణ సమయాల్లో టికెట్ల కోసం ప్రయాణికులు ఇస్తున్న రూ.10 నాణేలు తీసుకోవడం లేదని, దీనిపై ఫిర్యాదులు వస్తున్నాయని తెలిపింది. ఈ నేపథ్యంలో కాయిన్స్ తీసుకునేలా సిబ్బందిని ప్రోత్సహించాలని అన్ని డిపోల మేనేజర్లకు ఆదేశాలిచ్చింది.
News August 30, 2024
నాలుగు కారిడార్లుగా విశాఖ మెట్రో
☞ కారిడార్-1: <<13968868>>విశాఖ స్టీల్‌ప్లాంట్ <<>>నుంచి కొమ్మాది వరకు 34.40కి.మీ, 29 స్టేషన్లు
☞ కారిడార్-2: గురుద్వారా నుంచి పాత పోస్టాఫీస్ వరకు 5.07కి.మీ, 6 స్టేషన్లు
☞ కారిడార్-3: తాడిచెట్లపాలెం నుంచి చినవాల్తేరు వరకు 6.75కి.మీ, 7 స్టేషన్లు
☞ కారిడార్ 4: కొమ్మాది నుంచి భోగాపురం వరకు 30.67కి.మీ, 12 స్టేషన్లు( రెండో దశలో రూ.5734 కోట్లతో నిర్మిస్తారు)
☞☞తొలిదశలో రూ.11,498 కోట్లతో 3 కారిడార్లు చేపడతారు.
News August 30, 2024
Be Careful: భారతీయుల్లో బయటపడ్డ సూక్ష్మపోషకాల లోపం
ఆరోగ్యానికి కీలకమైన సూక్ష్మపోషకాలను భారత ప్రజలు సరిపడా తీసుకోవడం లేదని లాన్సెట్ నివేదిక తెలిపింది. 185 దేశాల్లో ఇదే పరిస్థితి నెలకొందని పేర్కొంది. 70% మంది అంటే 500 కోట్ల మంది తగినంత అయోడిన్, విటమిన్ E, కాల్షియం తీసుకోవడం లేదంది. భారత్‌లో స్త్రీలు అయోడిన్, పురుషులు జింక్, మెగ్నీషియం తక్కువగా తీసుకుంటున్నారని తెలిపింది. ప్రపంచ జనాభాలో 99.3% మంది తగు మోతాదుల్లో సూక్ష్మ పోషకాలు తీసుకోవడం లేదంది.
News August 30, 2024
మేం అండర్ డాగ్స్: కమలా హ్యారిస్
తాము అండర్‌డాగ్స్‌గా బరిలోకి దిగుతున్నామని డెమోక్రాట్స్ అధ్యక్ష అభ్యర్థి కమలా హ్యారిస్ అంటున్నారు. ప్రస్తుత ఎన్నికల పోరాటం అమెరికా భవిష్యత్తు కోసం జరుగుతోందని పేర్కొన్నారు. తమ గెలుపును దేశం విశ్వసిస్తోందన్నారు. ‘మరో 68 రోజులే. నిజం మాట్లాడేందుకే నేనిక్కడికి వచ్చాను. మా ముందు చాలా కష్టమైన పనుంది. మాకదే ఇష్టం. హార్డ్ వర్క్ అంటేనే గుడ్ వర్క్. మీ సహకారంతో మేం నవంబర్లో విజయం సాధిస్తాం’ అని అన్నారు.
News August 30, 2024
రేపు కర్నూలు జిల్లాలో సీఎం పర్యటన
AP: సీఎం చంద్రబాబు కర్నూలు జిల్లా పర్యటన ఖరారైంది. ఈ నెల 31న పత్తికొండ(మ) పుచ్చకాయలమడలో జరిగే పెన్షన్ల పంపిణీ కార్యక్రమంలో సీఎం పాల్గొంటారు. గన్నవరం ఎయిర్‌పోర్టు నుంచి ఓర్వకల్ ఎయిర్‌పోర్టుకు ప్రత్యేక విమానంలో వెళ్తారు. అక్కడి నుంచి హెలికాప్టర్‌లో పుచ్చకాయలమడకు చేరుకోనున్నారు.
News August 30, 2024
కాసేపట్లో వర్షం
తెలంగాణలోని పలు జిల్లాల్లో ఇవాళ అతిభారీ <<13972066>>వర్షాలు<<>> కురుస్తాయని వాతావరణ శాఖ ఇప్పటికే ప్రకటించింది. ఈ నేపథ్యంలో రానున్న 2 గంటల్లో రాష్ట్రంలోని HYD, ఆదిలాబాద్, జగిత్యాల, కామారెడ్డి, కరీంనగర్, ఆసిఫాబాద్, మేడ్చల్, నల్గొండ, నిర్మల్, నిజామాబాద్, సిరిసిల్ల, RR, సిద్దిపేట జిల్లాల్లో వర్షం కురిసే అవకాశం ఉందని HYD వాతావరణ కేంద్రం తెలిపింది.
News August 30, 2024
ఇది ప్రజలు ఓడించిన ఓటమి కాదు: రోజా
AP: అసెంబ్లీ ఎన్నికలు సునామీలా జరిగాయని మాజీ మంత్రి రోజా అన్నారు. ఇది ప్రజలు ఓడించిన ఓటమి కాదని, నిజాలు నిదానంగానైనా బయటకు వస్తాయని చెప్పారు. పార్టీ కార్యకర్తలతో సమావేశంలో ఆమె మాట్లాడారు. ఘోరంగా ఓడిపోయేంత తప్పులు వైసీపీ ఏమీ చేయలేదన్నారు. అధికారంలో లేకపోయినా ప్రజలకు అందుబాటులో ఉంటామని తెలిపారు.
News August 30, 2024
పెన్షన్ల పంపిణీ.. ప్రభుత్వం కీలక ఆదేశాలు
AP: NTR భరోసా కింద ప్రజలకు అందించే పెన్షన్ల పంపిణీలో భాగమయ్యే ప్రభుత్వ ఉద్యోగుల బదిలీల విషయంలో ప్రభుత్వం కీలక నిర్ణయం తీసుకుంది. సెప్టెంబర్ 15 వరకు వీరికి బదిలీలు ఉండవని ఆదేశాలు జారీ చేసింది. మిగతా ప్రభుత్వ శాఖలకు చెందిన ఉద్యోగులకు సెప్టెంబర్ 1 నుంచి బదిలీలు చేపడతామని వెల్లడించింది. రేపటి నుంచి ప్రారంభమయ్యే పెన్షన్ల పంపిణీలో ఇబ్బందులు తలెత్తకుండా ప్రభుత్వం బదిలీలపై ఈ నిర్ణయం తీసుకుంది.
News August 30, 2024
పిడుగు పడి ఇద్దరు ఫుట్‌బాల్ ప్లేయర్ల దుర్మరణం
ఝార్ఖండ్‌లో విషాదం చోటుచేసుకుంది. లాతెహార్ జిల్లాలో ఫుట్‌బాల్ ఆడుతుండగా పిడుగు పడటంతో ఇద్దరు ప్లేయర్లు మరణించారు. మరో 11 మంది గాయాలపాలైనట్లు పోలీసులు తెలిపారు. గాయపడినవారికి బాలుమాథ్‌లోని ఆసుపత్రిలో చికిత్స అందిస్తున్నారు. కాగా మరణించిన వారిని దీపక్ కుమార్, వీరేంద్రగా గుర్తించారు. గాయపడిన వారిలో ముగ్గురి పరిస్థితి విషమంగా ఉన్నట్లు వైద్యులు తెలిపారు.
News August 30, 2024
నిలిచిపోయిన ఆన్‌లైన్ పాస్‌పోర్ట్ సేవలు
అర్ధరాత్రి నుంచి దేశవ్యాప్తంగా ఆన్‌లైన్ పాస్‌పోర్ట్ సేవలు నిలిచిపోయాయి. సోమవారం ఉదయం 6 గం. వరకు అందుబాటులో ఉండవని కేంద్రం తెలిపింది. ఆన్‌లైన్ పోర్టల్ అప్‌డేట్ వల్ల ఈ అంతరాయం ఏర్పడినట్లు పేర్కొంది. ఈ సమయంలో కొత్త అపాయింట్‌మెంట్లు షెడ్యూల్ కావని చెప్పింది. నేటి అపాయింట్‌మెంట్ల రీషెడ్యూల్ విషయాన్ని దరఖాస్తుదారులకు మెసేజ్‌ల ద్వారా సమాచారం ఇచ్చినట్లు HYD ప్రాంతీయ పాస్‌పోర్ట్ కార్యాలయం తెలిపింది.
Featured News
Sorry, no posts matched your criteria.