India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 29, 2024
‘ఆదిపురుష్’ బాక్సాఫీస్ వద్ద విజయం: రౌత్
‘ఆదిపురుష్’ డిజాస్టర్ అంటూ కొందరు చేసిన ట్రోల్స్‌పై డైరెక్టర్ ఓం రౌత్ స్పందించారు. ఓ ఇంటర్వ్యూలో ఆయన మాట్లాడుతూ ‘కొందరు కావాలని చేస్తోన్న ట్రోల్స్‌ను పట్టించుకోవాల్సిన పనిలేదు. ఓ సినిమాకు కావాల్సింది బాక్సాఫీస్ విజయం మాత్రమే. ఆదిపురుష్ బాక్సాఫీస్ వద్ద అదరగొట్టింది. మొదటిరోజే రూ.70+కోట్లు రాగా మొత్తం రూ.400+ కోట్ల కలెక్షన్స్ సాధించింది. తెలుగు రాష్ట్రాల్లో రూ.200+కోట్లు వచ్చాయి’ అని చెప్పారు.
News August 29, 2024
కౌలు రైతులకు త్వరలోనే చెల్లింపులు: నారాయణ
AP: అమరావతి రైతులకు మంత్రి నారాయణ శుభవార్త చెప్పారు. సెప్టెంబర్ 15వ తేదీలోగా అమరావతిలోని రైతుల ఖాతాల్లో కౌలు నిధులను జమ చేస్తామని వెల్లడించారు. నిధుల విడుదలకు సీఎం చంద్రబాబు ఇప్పటికే అంగీకరించారని చెప్పారు. రాజధాని రైతుల సమస్యల పరిష్కారానికి తమ ప్రభుత్వం కట్టుబడి ఉందన్నారు.
News August 29, 2024
భారీ వరదలు.. మొబైల్ యూజర్లపై కీలక నిర్ణయం
గుజరాత్‌లో భారీ వర్షాల నేపథ్యంలో కేంద్ర ప్రభుత్వం కీలక నిర్ణయం తీసుకుంది. రాష్ట్రంలో ఇంట్రాసర్కిల్ రోమింగ్ సదుపాయాన్ని యాక్టివేట్ చేసింది. దీనిద్వారా రాష్ట్రంలోని మొబైల్ యూజర్లు తమ ప్రొవైడర్‌తో సంబంధం లేకుండా అందుబాటులో ఉన్న నెట్‌వర్క్‌ని ఉపయోగించుకోవచ్చు. ఆటోమేటిక్ కనెక్షన్ ద్వారా ఎయిర్టెల్, JIO, VI, BSNLలో బెస్ట్ నెట్‌వర్క్‌కి కనెక్ట్ అవుతుంది. రేపు రాత్రి 12 గంటల వరకు ఇది అందుబాటులో ఉండనుంది.
News August 29, 2024
ముంబై నటి కేసులో డీజీపీ కీలక వ్యాఖ్యలు
AP: ముంబై నటి కాదంబరి జెత్వానీ కేసుపై డీజీపీ ద్వారకా తిరుమలరావు కీలక వ్యాఖ్యలు చేశారు. ‘ప్రస్తుతం ఈ కేసుపై విచారణ జరుగుతోంది. ఇందులో పోలీసుల పాత్ర ఉంటే తప్పకుండా చర్యలు తీసుకుంటాం. ఇప్పటికే విజయవాడ సీపీతో మాట్లాడి వివరాలు తెలుసుకున్నా. ఎవరు తప్పు చేసినా బాధ్యత వహించాల్సిందే. ఈ కేసులో ఎంతటి వారున్నా చర్యలు తీసుకుంటాం’ అని ఆయన వ్యాఖ్యానించారు.
News August 29, 2024
హైడ్రా నోటీసులపై స్పందించిన సీఎం సోదరుడు
TG: హైడ్రా నోటీసులు జారీ <<13964012>>చేయడంపై <<>>సీఎం సోదరుడు తిరుపతి రెడ్డి స్పందించారు. ‘2015లో అమర్‌సొసైటీలో నివాసం కొన్నా. కొనుగోలు సమయంలో FTLలో ఉందనే సమాచారం లేదు. FTLలో ఉంటే ఎలాంటి చర్యలు తీసుకున్నా అభ్యంతరం లేదు’ అని ఆయన పేర్కొన్నారు. FTL పరిధిలో ఉన్న ఈ ఇంటిని నెల రోజుల్లోగా కూల్చేయాలని అధికారులు నోటీసులిచ్చారు.
News August 29, 2024
నాని ‘సరిపోదా శనివారం’ రివ్యూ-రేటింగ్
అమ్మకు ఇచ్చిన మాట కోసం కథానాయకుడు శనివారం ఏం చేశాడనేదే మూవీ స్టోరీ. క్లాస్ హీరోగా ముద్రపడ్డ నాని ప్యూర్ మాస్ యాక్షన్‌‌తో అదరగొట్టారు. సైకో పోలీస్ పాత్రలో SJ సూర్య నటన వేరే లెవెల్. నాని-సూర్య మధ్య యాక్షన్ సీన్లు హైలైట్. ట్విస్ట్‌లు, బీజీఎం ఆకట్టుకుంటాయి. అయితే మూవీ లెంగ్త్, సాగదీత, ఊహించే సీన్లు ఇబ్బంది పెడతాయి. స్క్రీన్ ప్లేపై దర్శకుడు వివేక్ ఆత్రేయ మరింత దృష్టి పెట్టాల్సింది.
రేటింగ్-2.75/5
News August 29, 2024
విలేకరులపై కేసు పెట్టిన కేంద్ర మంత్రి
కేంద్ర సహాయమంత్రి సురేశ్ గోపీ విలేకరులపై త్రిసూర్ ఈస్ట్ పోలీస్ స్టేషన్లో FIR నమోదు చేయించారు. ‘తనను, తన భద్రత సిబ్బందిలో ఒకరైన విష్ణురాజును కారులోకి వెళ్లకుండా అడ్డుకొని అధికారిక విధులకు ఆటంకం కలిగించారని సురేశ్ గోపీ ఫిర్యాదు చేశారు. BNSలోని పలు సెక్షన్ల కింద కేసు నమోదు చేశాం’ అని పోలీసులు తెలిపారు. నటుడు, లెఫ్ట్ ఎమ్మెల్యే ముకేశ్‌పై ఆరోపణల గురించి అడగ్గా గోపీ విలేకరులను నెట్టేసినట్టు తెలిసింది.
News August 29, 2024
టాటా సుమోకు ఆ పేరెలా వచ్చిందంటే!
టాటామోటార్స్‌లో పనిచేసే ఎగ్జిక్యూటివ్‌లు అందరూ మధ్యాహ్నం ఒకే చోట భోజనం చేసేవారు. కానీ సుమంత్ మూల్‌గావ్కర్ మాత్రం వారిలో కనిపించేవాడు కాదు. దీంతో ఓ రోజు ఆయనను తన సహచరులు అనుసరించగా పక్కనే ఉన్న దాబా వద్ద ట్రక్కు డ్రైవర్లతో వాహనాల్లో సమస్యలను తెలుసుకుంటూ కనిపించారు. దీంతో ఆయన పని నిబద్ధతకు గుర్తింపుగా టాటా సుమోకు కంపెనీ ఆయన పేరుపెట్టింది. సుమంత్‌లోని ‘SU’మూల్‌గావ్కర్‌లోని ‘MO’తో ఆ పేరు పెట్టారు.
News August 29, 2024
జైలు నుంచి విడుదలైన తర్వాత కవిత తొలి ట్వీట్
TG: ఢిల్లీ లిక్కర్ స్కాం కేసులో బెయిల్‌పై బయటికొచ్చిన బీఆర్ఎస్ ఎమ్మెల్సీ కవిత తొలిసారి ట్వీట్ చేశారు. నిన్న తన నివాసం వద్ద ప్రజలకు అభివాదం చేస్తున్న ఫొటోను Xలో పోస్ట్ చేసిన ఆమె ‘సత్యమేవ జయతే’ అని క్యాప్షన్ ఇచ్చారు. కాగా కవిత చివరగా మార్చి 14న ట్వీట్ చేశారు. ‘దేవుడు శాసించాడు.. KCR నిర్మించాడు’ అని యాదాద్రి ఫొటోను అప్పట్లో షేర్ చేశారు. ఆ మరుసటి రోజే(మార్చి 15) ఆమెను ఈడీ అరెస్ట్ చేసింది.
News August 29, 2024
సెంట్రల్ జైళ్లలో డీఅడిక్షన్ సెంటర్లు
AP: రాజమహేంద్రవరం, విశాఖ, నెల్లూరు, కడప సెంట్రల్ జైళ్లలో డీఅడిక్షన్ సెంటర్లు సెంటర్లను ఏర్పాటు చేయాలని ప్రభుత్వం నిర్ణయించింది. ఒక్కో కేంద్రం ఏర్పాటుకు రూ.2.45 లక్షల చొప్పున నాలుగింటికి కలిపి రూ.9.80 లక్షల వ్యయం కానుంది. కేంద్ర కారాగారాల్లో గంజాయికి అలవాటు పడిన ఖైదీలు చాలామంది ఉన్నారు. దీంతో జైలులోనే వారికి కౌన్సెలింగ్, వ్యసన విముక్తి కలిగించేలా ట్రీట్‌మెంట్ ఇవ్వనున్నారు.
Featured News
Sorry, no posts matched your criteria.