India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 21, 2024
ఆస్తులు కాదు.. వీటి గురించి తెలుసుకోండి!
పెళ్లికి చూడాల్సింది ఆస్తులు కాదు.. ఆరోగ్యం, దుర్వ్యసనాల గురించి తెలుసుకోవాలి. ఎక్కువ సంబంధాలు చూస్తే విసుగొస్తుంది. అందుకే సరైన సమయంలో పెళ్లి చేసుకోవాలి. పెళ్లయ్యాక ఎలా ఉండాలో ఎవరూ నేర్పించరు. ముఖ్యంగా ఎవరి సలహాలు తీసుకోకుండా మీ సమస్యపై మీరిద్దరే మాట్లాడుకోవాలి. పెళ్లయ్యాక మీకు మీరు మాత్రమే తోడు. ఇంకా అమ్మకూచి అంటే కుదరదు. మూడో వ్యక్తిని రానివ్వకండి. భాగస్వామి అభిప్రాయాన్ని గౌరవించాలి. SHARE IT
News August 21, 2024
పెళ్లి చేసుకునే ముందు ఇవి తెలుసుకోండి!
పెళ్లికి సిద్ధమైనవారు కొన్ని విషయాలు తెలుసుకోవడం మంచిది. మీరు పెళ్లి చేసుకునే వారు ఎలా ఉండాలో ఓ పది అంశాలు పెట్టుకుంటే అందులో ఆరు ఉన్నా ఓకే చెప్పండి. అన్నీ ఉండాలంటే ఇక పెళ్లవదు. మీ భార్య/భర్త మీకు నచ్చితే చాలు. నిశ్చితార్థానికి, పెళ్లికి నెల రోజుల గ్యాపైనా ఉంటే పరస్పరం అర్థం చేసుకునే వీలుంటుంది. పెళ్లయ్యాక రెండుమూడేళ్లు కష్టసుఖాలు ఉంటాయి. చిరునవ్వుతో స్వీకరించాలి.
News August 21, 2024
బీర్లు తాగేవారికి అలర్ట్
తమకు దోమలు ఎక్కువగా కుడుతుంటాయని మద్యం తాగినవారు చెబుతుంటారు. దీనికి గల కారణాన్ని జపాన్‌లోని టొయామా యూనివర్శిటీ బయోడిఫెన్స్ మెడిసిన్ విభాగం గుర్తించింది. ఈ అధ్యయనం ప్రకారం బీర్ తాగేవారిని దోమలు ఎక్కువగా కుడతాయని తేలింది. బీర్లు తాగడం వల్ల పెరిగిన శరీర ఉష్ణోగ్రతతో పాటు చెమట, వారు విడుదల చేసే CO2 దోమలను ఆకర్షిస్తాయని వెల్లడైంది. మీకూ ఇలాంటి సమస్య ఎదురైందా? కామెంట్ చేయండి.
News August 21, 2024
రేపు అచ్యుతాపురానికి సీఎం చంద్రబాబు
AP: సీఎం చంద్రబాబు రేపు అచ్యుతాపురం వెళ్లనున్నారు. ఎసెన్షియా కంపెనీలో రియాక్టర్ <<13909576>>పేలిన<<>> స్థలాన్ని ఆయన పరిశీలిస్తారు. అనంతరం ఘటనలో ప్రాణాలు కోల్పోయిన వారి కుటుంబాలను పరామర్శిస్తారు. ఆసుపత్రుల్లో చికిత్స పొందుతున్న వారితో ఆయన మాట్లాడనున్నారు. ఇక ఘటనపై ఎప్పటికప్పుడు ఆరా తీస్తున్న CM క్షతగాత్రులను మెరుగైన చికిత్స కోసం వైజాగ్ లేదా HYD తరలించాలని ఆదేశించారు. ఘటనలో ఇప్పటివరకు 14 మంది ప్రాణాలు కోల్పోయారు.
News August 21, 2024
భారీ పేలుడు.. మృతులు వీరే..
AP: ఎసెన్షియా కంపెనీ రియాక్టర్ <<13910421>>పేలుడులో<<>> ఇప్పటివరకు 14 మంది మరణించగా వారిలో 10 మంది వివరాలు గుర్తించారు. మృతుల్లో సన్యాసినాయుడు(ప్లాంట్ ఏజీఎం), రామిరెడ్డి(ల్యాబ్ హెడ్), హారిక(కెమిస్ట్), పార్థసారథి(ప్రొడక్షన్ ఆపరేటర్), వై.చిన్నారావు(ప్లాంట్ హెల్పర్), మోహన్(ఆపరేటర్), గణేశ్(ఆపరేటర్), హెచ్.ప్రశాంత్, ఎం.నారాయణ, పి.రాజశేఖర్ ఉన్నారు. మరో నలుగురి వివరాలు తెలియాల్సి ఉంది.
News August 21, 2024
ఎసెన్షియా కంపెనీ వద్ద కార్మిక సంఘాల ఆందోళన
AP: అచ్యుతాపురం సెజ్‌లోని ఎసెన్షియా కంపెనీ వద్ద కార్మిక సంఘాలు ఆందోళనకు దిగాయి. రియాక్టర్ <<13909799>>పేలిన<<>> ఘటనలో మరణించిన వారి మృతదేహాలను తరలిస్తున్న అంబులెన్సులను సంఘాల నేతలు అడ్డుకున్నారు. కంపెనీ నిర్లక్ష్యం వల్లే ప్రమాదం జరిగిందని, బాధ్యులపై కఠిన చర్యలు తీసుకోవాలని డిమాండ్ చేశారు. ఈ ఘటనలో ఇప్పటివరకు 14 మంది మృత్యువాత పడ్డారు. మరణాల సంఖ్య మరింత పెరిగే అవకాశం ఉంది.
News August 21, 2024
మెగాస్టార్ చిరంజీవి CDP వచ్చేసింది
మెగాస్టార్ చిరంజీవి బర్త్ డే సందర్భంగా CDP(కామన్ డిస్‌ప్లే పిక్చర్)ని హీరో వరుణ్ తేజ్ రిలీజ్ చేశారు. ‘బాస్ ఆఫ్ మాసెస్’ అంటూ మాస్ లుక్‌లో ఉన్న చిరు ఫొటోతో డీపీని రూపొందించారు. ఎడమవైపు పైభాగాన ‘Donate blood Save Lifes’ అని, కుడివైపు కింది భాగంలో ‘Donate Eyes Live Twice’ అనే మెసేజ్ ఇచ్చారు. మరోవైపు తమ అభిమాన హీరో బర్త్ డే సందర్భంగా ఫ్యాన్స్ రక్తదానాలు, అన్నదానాలు, సేవా కార్యక్రమాలు చేయనున్నారు.
News August 21, 2024
2 జిల్లాలకు అధ్యక్షులను నియమించిన వైసీపీ
AP: రాష్ట్రంలో పలు జిల్లాలకు వైసీపీ అధ్యక్షులను నియమించింది. కడప జిల్లాకు రవీంద్రనాథ్ రెడ్డి, అన్నమయ్య జిల్లాకు ఆకేపాటి అమర్‌నాథ్‌ను అధ్యక్షుడిగా ప్రకటించింది. మరోవైపు కడప జడ్పీ ఛైర్మన్ అభ్యర్థిగా రామగోవింద రెడ్డి బరిలో ఉన్నట్లు తెలిపింది.
News August 21, 2024
151మంది MLA, MPలపై వేధింపుల కేసులు!
మన దేశంలో చట్టసభ సభ్యుల్లో 151 మంది మహిళలపై వేధింపుల ఆరోపణలు ఎదుర్కొంటున్నవారేనని అసోసియేషన్ ఫర్ డెమొక్రటిక్ రిఫామ్స్ వెల్లడించింది. అందులో 135 మంది MLAలు, 16 మంది MPలున్నట్లు తెలిపింది. మొదటి మూడు స్థానాల్లో బెంగాల్(25), ఆంధ్రప్రదేశ్(21), ఒడిశా(17) ఉన్నాయి. 16 మంది ప్రజాప్రతినిధులపై అత్యాచార ఆరోపణలుండటం గమనార్హం. 2019-2024లో ECకి వచ్చిన అఫిడవిట్లను పరిశీలించి ఈ నివేదికను తయారు చేసింది.
News August 21, 2024
రియాక్టర్ పేలుడు.. 14 మంది మృతి
AP: ఎసెన్షియా కంపెనీలో రియాక్టర్ పేలిన <<13910036>>ఘటనలో<<>> మరణాల సంఖ్య భారీగా పెరుగుతోంది. ఇప్పటివరకు 14 మంది చనిపోయారు. వివిధ ఆసుపత్రుల్లో చికిత్స పొందుతున్న క్షతగాత్రుల్లో కొంతమంది పరిస్థితి విషమంగా ఉంది. రియాక్టర్ పేలుడుతో కుప్పకూలిన భవనం ఫస్ట్ ఫ్లోర్ పైకప్పు శిథిలాల కింద మరికొందరి మృతదేహాలు లభ్యమయ్యే అవకాశం ఉందని భావిస్తున్నారు. అటు మొత్తం 22 మంది వరకు చనిపోయి ఉంటారని ప్రత్యక్ష సాక్ష్యులు చెబుతున్నారు.
Featured News
Sorry, no posts matched your criteria.