India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 19, 2024
ఎల్లుండి భారత్ బంద్‌కు పిలుపు
SC వర్గీకరణకు అనుకూలంగా సుప్రీంకోర్టు ఇచ్చిన తీర్పును వ్యతిరేకిస్తూ AUG 21న భారత్ బంద్‌కు SC వర్గీకరణ వ్యతిరేక పోరాట సమితి పిలుపునిచ్చింది. ఈ తీర్పుతో తమ హక్కులకు భంగం వాటిల్లుతోందని సమితి కన్వీనర్ సర్వయ్య, కో-కన్వీనర్ చెన్నయ్య అన్నారు. రాజ్యాంగానికి విరుద్ధంగా ఉన్న ఈ తీర్పును వెనక్కి తీసుకోవాలని డిమాండ్ చేశారు. ఎల్లుండి జరిగే బంద్‌లో SC, ST సంఘాలు, ఉద్యోగ, విద్యార్థి, మహిళలు పాల్గొనాలని కోరారు.
News August 19, 2024
కరుణానిధి పేరిట నాణెం.. బీజేపీపై AIADMK ఫైర్
డీఎంకే వ్యవస్థాపక సభ్యుడు, తమిళనాడు మాజీ సీఎం కరుణానిధి వందో జయంతి సందర్భంగా రూపొందించిన రూ.100 నాణేన్ని రక్షణ మంత్రి రాజ్‌నాథ్ సింగ్ ఆదివారం విడుదల చేశారు. తమిళనాడు సీఎం స్టాలిన్ ఈ కార్యక్రమానికి హాజరయ్యారు. దీనిపై ఆ రాష్ట్ర ప్రతిపక్ష పార్టీ ఏఐఏడీఎంకే ఆగ్రహం వ్యక్తం చేసింది. బీజేపీ, డీఎంకే చీకటి ఒప్పందంలో ఉన్నాయని అందుకే బీజేపీ ఈ కార్యక్రమాన్ని చేపట్టిందని విమర్శలు వ్యక్తం చేసింది.
News August 19, 2024
హనుమకొండ బెటాలియన్ ఎత్తివేత
TG: హనుమకొండలోని 58వ బెటాలియన్‌ను శాశ్వతంగా ఎత్తివేస్తూ సీఆర్పీఎఫ్ అధికారులు ఆదేశాలు జారీ చేశారు. మావోయిస్టుల ప్రాబల్యంతో 1990లో పలివేల్పుల రోడ్డులో దీనిని కేంద్రం ఏర్పాటు చేసింది. ప్రస్తుతం మావోల ప్రాబల్యం తగ్గడంతో మణిపుర్‌లో నెలకొల్పాలని నిర్ణయించారు. దీనితో పాటు కాటారం, మహముత్తారం పరిధిలోని జీ 58, బీ 58 బెటాలియన్లలోని 238 మంది జవాన్లను తరలించనున్నట్లు సమాచారం.
News August 19, 2024
మంకీపాక్స్‌పై కేంద్రం అప్రమత్తం
మంకీపాక్స్‌పై ప్రపంచ ఆరోగ్య సంస్థ హెచ్చరికలు జారీ చేసిన నేపథ్యంలో భారత సర్కారు అప్రమత్తమైంది. వైరస్‌ను అడ్డుకోవడమెలా అన్నదానిపై PM మోదీ ఉన్నతస్థాయి సమావేశాన్ని నిర్వహించారు. దేశంలో కేసులు లేనప్పటికీ, వస్తే ఎటువంటి జాగ్రత్తలు తీసుకోవాలన్నదానిపై ఆయన అధికారులను అలర్ట్ చేసినట్లు తెలుస్తోంది. అటు ఆఫ్రికా దేశాల్లో మంకీపాక్స్ విజృంభిస్తోంది. అక్కడ ఈ కేసుల సంఖ్య 18,737కు చేరడం ఆందోళనకరంగా మారింది.
News August 19, 2024
APPLY NOW.. 7,951 ఉద్యోగాలు
రైల్వేలో 7,951 ఉద్యోగాల భర్తీ కోసం దరఖాస్తుల స్వీకరణ కొనసాగుతోంది. మూడేళ్ల డిప్లొమా/ఇంజినీరింగ్ పూర్తైన వారు, చదువుతున్న వారు ఆగస్టు 29 వరకు <
News August 19, 2024
ప్రభాస్ అంటే అసూయేమో!: ఆది సాయికుమార్
‘కల్కి 2898ఏడీ’లో ప్రభాస్ పాత్ర జోకర్‌లా ఉందంటూ బాలీవుడ్ నటుడు అర్షద్ వార్సీ చేసిన వ్యాఖ్యలు కలకలం రేపిన సంగతి తెలిసిందే. వాటిపై నటుడు ఆది సాయికుమార్ స్పందించారు. ‘ఎటువంటి అభద్రతాభావం లేని నటుడు ప్రభాస్ అన్న. ఆయన లేకపోతే అసలు కల్కి సినిమాయే లేదు. నిజానికి తన రోల్ చాలా అద్భుతంగా ఉంది అనిపించింది. ఆయనంటే అసూయేమో’ అని ట్వీట్ చేశారు. వార్సీ వ్యాఖ్యలపై ప్రభాస్ ఫ్యాన్స్ ఆగ్రహం వ్యక్తం చేస్తున్నారు.
News August 19, 2024
గ్రామసభల నిర్వహణపై నేడు పవన్ సమీక్ష
APలో గ్రామసభల నిర్వహణపై డిప్యూటీ సీఎం పవన్ కళ్యాణ్ ఇవాళ వీడియో కాన్ఫరెన్స్ ద్వారా అధికారులతో సమీక్షించనున్నారు. ఈ నెల 23 నుంచి గ్రామ సభలను ప్రభుత్వం ప్రారంభించనుండటంతో అధికారులతో మాట్లాడనున్నారు. వికసిత్ భారత్, ఆంధ్రప్రదేశ్, ఉపాధి హామీ పథకం, గ్రామసభల నిర్వహణ సహా మరికొన్ని అంశాలపై అధికారులకు డిప్యూటీ సీఎం దిశానిర్దేశం చేయనున్నారు.
News August 19, 2024
రోజూ వేడి నీళ్లు తాగితే..
క్రమం తప్పకుండా హాట్ వాటర్ తాగితే నరాల పనితీరు పెరిగి రక్తప్రసరణ మెరుగవుతుంది. బాడీ ఫ్యాట్ కరుగుతుంది. చర్మం తేమగా, వెచ్చగా ఉంటుంది. ముఖంపై మొటిమలు ఏర్పడవు. దగ్గు, జలుబు, గొంతునొప్పి సమస్యలకు ఇదో మంచి హోం రెమెడీ. తేనె, నిమ్మరసం కలిపితే మరింత ప్రయోజనకరంగా ఉంటుంది. జీర్ణక్రియ మెరుగుపడి, మలబద్ధకం సమస్య తీరుతుంది. బద్ధకం తగ్గి ఉల్లాసంగా ఉంటారు.
News August 19, 2024
సీఎంను అవమానించిన 11 మందిపై కేసు
TG: సీఎం రేవంత్ రెడ్డిని అవమానిస్తూ ఆదిలాబాద్(D) రుయ్యాడిలో ఆందోళన చేసిన 11 మంది బీఆర్ఎస్ నాయకులు, రైతులపై పోలీసులు కేసు నమోదు చేశారు. రుణమాఫీ అమలు కాలేదంటూ బీఆర్ఎస్ నాయకుల ఆధ్వర్యంలో రైతులు ఆందోళనకు దిగారు. సీఎం శవయాత్ర పేరిట నిరసన చేపట్టారు. దీంతో సీఎంను కించపరిచేలా వ్యవహరించడం అప్రజాస్వామికమని వారిపై పోలీసులు కేసులు నమోదు చేశారు. ఇలాగే కొనసాగితే మరింత కఠినంగా వ్యవహరిస్తామని హెచ్చరించారు.
News August 19, 2024
RTV, రవిప్రకాశ్‌కు BRS లీగల్ నోటీసులు
TG: బీజేపీలో BRS విలీనం కాబోతోందంటూ కథనాన్ని ప్రసారం చేసిన RTV, ఆ ఛానల్ చీఫ్ రవిప్రకాశ్‌కు BRS లీగల్ నోటీసులు జారీ చేసింది. ఉద్దేశపూర్వకంగా BRS, KCRపై తప్పుడు వార్తలు ప్రచురించినందుకు బేషరతుగా క్షమాపణ చెప్పాలని డిమాండ్ చేసింది. ఆ తప్పుడు కథనాల లింకులను తొలగించకపోతే చట్టపరమైన చర్యలు తీసుకుంటామని హెచ్చరించింది.
Featured News
Sorry, no posts matched your criteria.