India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 16, 2024
ఉలికిపాటుతో నిద్ర లేస్తున్నారా?
తీవ్రమైన ఒత్తిడి కారణంగా కొంతమంది రోజూ ఉదయం ఆందోళన, భయంతో మేల్కొనడాన్ని ‘మార్నింగ్ యాంగ్జైటీ’ అంటారు. దీనివల్ల అనేక అనారోగ్య సమస్యలు వస్తాయి. దీన్నుంచి బయటపడేందుకు రోజుకు 7 గంటలు నిద్రపోవాలి. ఆల్కహాల్ మానేయాలి. కెఫిన్, చక్కెర తీసుకోవడాన్ని తగ్గించాలి. వ్యాయామం, ధ్యానం చేయాలి. రేపటి గురించి ఆలోచించకుండా వేళకు తింటూ, హాయిగా నిద్రపోవాలని నిపుణులు సూచిస్తున్నారు.
News August 16, 2024
భార్య క‌డుపు మీద త‌న్నాడు!
కోల్‌కతాలో ట్రైనీ డాక్ట‌ర్‌పై హత్యాచార ఘటనలో విమ‌ర్శ‌లు ఎదుర్కొంటున్న ఆర్జీ క‌ర్ మెడిక‌ల్ కాలేజీ మాజీ ప్రిన్సిప‌ల్ డా. సందీప్‌ ఘోష్ దారుణాలు వెలుగుచూస్తున్నాయి. గతంలో సిజేరియ‌న్ ద్వారా బిడ్డ‌కు జ‌న్మనిచ్చిన తన భార్య క‌డుపుపై ఘోష్ కాలుతో త‌న్న‌డంతో కుట్లు ఊడిపోయిన‌ట్టు స్థానికులు చెబుతున్నారు. హత్యాచార ఘటనలో నిర్లక్ష్యం వహించారని హైకోర్టు అతడిని సెలవుపై పంపిన విషయం తెలిసిందే.
News August 16, 2024
శ్రీలంక క్రికెటర్‌పై సస్పెన్షన్ వేటు
శ్రీలంక క్రికెటర్ నిరోషన్ డిక్‌వెల్లాపై సస్పెన్షన్ వేటు పడింది. యాంటీ డోపింగ్ నిబంధనలను ఉల్లంఘించారని అతనిపై ఆరోపణలు వచ్చాయి. ఈ క్రమంలో అతడిని తక్షణమే సస్పెండ్ చేస్తూ శ్రీలంక క్రికెట్ బోర్డు నిర్ణయం తీసుకుంది. తదుపరి ఉత్తర్వులు వచ్చే వరకు ఈ నిబంధనలు కొనసాగుతాయని పేర్కొంది. శ్రీలంక తరఫున డిక్‌వెల్లా 54 టెస్టులు, 55 వన్డేలు, 28 టీ20లు ఆడారు.
News August 16, 2024
కరెంట్ బిల్లు చెల్లిస్తున్నారా? మీకో గుడ్ న్యూస్
ఫోన్ పే/గూగుల్ పే ద్వారా కరెంట్ బిల్లులు చెల్లించే అవకాశాన్ని పునరుద్ధరించినట్లు TGSPDCL, APCPDCL వెల్లడించాయి. ప్రస్తుతం ఫోన్ పేతో పాటు విద్యుత్ సంస్థల యాప్‌లు, వెబ్‌సైట్లలో బిల్లులు చెల్లించవచ్చని తెలిపాయి. మరో 4, 5 రోజుల్లో గూగుల్ పే ద్వారా కూడా స్వీకరిస్తామని పేర్కొన్నాయి. రెండు నెలల క్రితం ఫోన్ పే వంటి డిజిటల్ యాప్స్ నుంచి చెల్లింపులను నిలిపివేసిన సంగతి తెలిసిందే.
News August 16, 2024
సెబీ చీఫ్‌పై ‘రాయిటర్స్’ ఆరోపణ
సెబీ చీఫ్ మాధ‌బి రూల్స్‌ని బ్రేక్ చేసి ఒక కన్సల్టెన్సీ నుంచి ఆదాయాన్ని పొందార‌ని ఇంటర్నేషనల్ మీడియా సంస్థ ‘రాయిటర్స్’ ఒక క‌థ‌నంలో ఆరోపించింది. 2017లో సెబీలో చేరిన ఆమె ఏడేళ్ల‌లో అగోరా అడ్వైజ‌రీ ప్రై.లిలో తనకున్న 99% వాటా ద్వారా రూ.37.1 మిలియన్లు ఆర్జించిన‌ట్టు వెల్లడించింది. ఇది ఇత‌ర వృత్తుల నుంచి జీతం, ఆదాయం పొంద‌కూడ‌ద‌న్న 2008 సెబీ ఉద్యోగుల నియమావళిని ఉల్లంఘించిన‌ట్టు అవుతుంద‌ని పేర్కొంది.
News August 16, 2024
ధోనీ ఫ్యాన్స్‌కు గుడ్ న్యూస్!
ఐపీఎల్‌లో ప్లేయర్ల రిటైనింగ్‌పై ఇంకా స్పష్టత రాని నేపథ్యంలో స్టార్ ప్లేయర్ ధోనీని CSK అన్క్యాప్డ్ కేటగిరీలో తీసుకోనున్నట్లు జాతీయ మీడియా కథనం తెలిపింది. అంతర్జాతీయ క్రికెట్‌కు రిటైర్మెంట్ ప్రకటించి ఐదేళ్లు పూర్తి చేసుకున్న ప్లేయర్లను అన్క్యాప్డ్ ఆటగాళ్లుగా గుర్తించే నిబంధనకు BCCI అనుమతించనున్నట్లు వెల్లడించింది. మరోవైపు ఇదే నిజమైతే తక్కువ ధరకే మిస్టర్ కూల్‌ని సీఎస్కే సొంతం చేసుకునే అవకాశముంది.
News August 16, 2024
బంగ్లాతో మైత్రి బంధం కొనసాగేనా?
అమెరికా అనుకూలుడిగా ముద్ర‌ప‌డిన బంగ్లా మ‌ధ్యంత‌ర ప్ర‌భుత్వాధినేత మ‌హ్మ‌ద్ యూన‌స్ భారత ఆందోళ‌న‌ల‌పై స్పందించ‌డం ఇరు దేశాల మైత్రి బంధాల‌కు శుభ‌ప‌రిణామంగా కనిపిస్తోంది. బంగ్లాలో మైనారిటీ వ‌ర్గాలు హింస‌కు గుర‌వుతుండ‌డంపై భారత స్వాతంత్య్ర దినోత్స‌వ ప్ర‌సంగంలో ప్ర‌ధాని మోదీ ప్ర‌స్తావించారు. దీనిపై యూన‌స్ వెంట‌నే స్పందించి మైనారిటీల భద్రతకు హామీ ఇవ్వడం గమనార్హం.
News August 16, 2024
రేపు ఈ జిల్లాల్లో వర్షాలు
AP: రేపు పలు జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉందని రాష్ట్ర విపత్తుల నిర్వహణ సంస్థ వెల్లడించింది. మన్యం, అల్లూరి, ఏలూరు, కృష్ణా, NTR, గుంటూరు, పల్నాడు, కర్నూలు, నంద్యాల, అనంతపురం, శ్రీ సత్యసాయి, శ్రీకాకుళం, విజయనగరం, విశాఖ, అనకాపల్లి, కాకినాడ, కోనసీమ, తూ.గో, ప.గో, బాపట్ల, ప్రకాశం, నెల్లూరు, YSR, అన్నమయ్య, చిత్తూరు, తిరుపతి జిల్లాల్లో వర్షాలు పడతాయని పేర్కొంది.
News August 16, 2024
రిటైర్మెంట్‌పై వెనక్కి తగ్గిన వినేశ్ ఫొగట్!
రిటైర్మెంట్‌పై భారత రెజ్లర్ వినేశ్ ఫొగట్ వెనక్కి తగ్గారు. విభిన్న పరిస్థితుల నడుమ తాను 2032 వరకు ఆడాలనుకున్నట్లు ఓ ప్రకటన విడుదల చేశారు. అయితే తన భవిష్యత్తు ఏంటో తనకు తెలియదన్నారు. సరైందని భావించే దాని కోసం కచ్చితంగా పోరాడుతానని పేర్కొన్నారు. కష్ట సమయాల్లో వ్యక్తిగత, శిక్షణ సిబ్బంది అండగా నిలిచారన్నారు. ఒలింపిక్స్‌లో భారత జెండాను రెపరెపలాడించాలనేది తన కోరిక అని చెప్పుకొచ్చారు.
News August 16, 2024
రాహుల్ పౌర‌స‌త్వం ర‌ద్దుపై హైకోర్టుకు సుబ్ర‌హ్మ‌ణ్య స్వామి
కాంగ్రెస్ అగ్ర నేత రాహుల్ గాంధీ పౌర‌స‌త్వాన్ని ర‌ద్దు చేయాల‌ని బీజేపీ నేత సుబ్రహ్మణ్యస్వామి ఢిల్లీ హైకోర్టును ఆశ్రయించారు. దీనిపై గతంలో తాను చేసిన విజ్ఞ‌ప్తిపై కేంద్ర హోం శాఖ తగిన చ‌ర్య‌లు తీసుకునేలా ఆదేశాలు ఇవ్వాలని కోరారు. అలాగే ఇప్పటిదాకా తీసుకున్న చ‌ర్య‌ల‌ను వివ‌రించేలా హోం శాఖ‌కు ఆర్డర్స్ ఇవ్వాలని పిటిష‌న్‌లో విజ్ఞప్తి చేశారు. ఈ పిటిష‌న్ వచ్చే వారం విచార‌ణ‌కు రానుంది.
Featured News
Sorry, no posts matched your criteria.