India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 15, 2024
అన్నక్యాంటీన్లు: రోజుకు ఎంత ఖర్చో తెలుసా?
CM చంద్రబాబు ఇవాళ 100 అన్న క్యాంటీన్లను ప్రారంభించారు. సెప్టెంబర్ చివరి నాటికి 203 క్యాంటీన్లను అందుబాటులోకి తీసుకురానున్నారు. ఈ క్యాంటీన్ల నిర్వహణకు రోజుకు రూ.53 లక్షల ఖర్చు అవుతుందని ప్రభుత్వం వెల్లడించింది. అల్పాహారానికి రూ.22, మధ్యాహ్న, రాత్రి భోజనానికి కలిపి రూ.68 ఖర్చుతో ఒక్కరికి మూడు పూటలకు రూ.90 అవుతుందని పేర్కొంది. తినేవారు రూ.15 చెల్లిస్తే మిగతా రూ.75 ప్రభుత్వం, దాతలు ఖర్చు పెడతాయి.
News August 15, 2024
ఓ దేశం కంటే పెద్దదైన ఎయిర్‌పోర్టు!
విమాన ప్రయాణికుల సంఖ్య రోజురోజుకూ పెరిగిపోతోంది. ఈక్రమంలో రద్దీకి అనుగుణంగా విమానాశ్రయాలు సైతం పెరుగుతున్నాయి. అయితే, సౌదీ అరేబియాలోని కింగ్ ఫహద్ ఇంటర్నేషనల్ ఎయిర్‌పోర్టు ఓ దేశ విస్తీర్ణం కంటే కూడా పెద్దదనే విషయం మీకు తెలుసా? ఈ విమానాశ్రయం 780 చ.కిలోమీటర్ల విస్తీర్ణంతో గిన్నిస్ బుక్ ఆఫ్ వరల్డ్ రికార్డ్స్‌లో చోటు దక్కించుకుంది. ఇది మూడు ఎయిర్‌పోర్టులున్న బహ్రెయిన్ దేశం కంటే కూడా పెద్దది.
News August 15, 2024
స్వీడన్‌లో తొలి ఎంపాక్స్ కేసు
ప్రమాదకరమైన <<13855532>>ఎంపాక్స్ వైరస్<<>> విస్తరిస్తోంది. తాజాగా ఆఫ్రికా వెలుపల స్వీడన్‌లో మొదటి కేసు నమోదైందని పబ్లిక్ హెల్త్ ఏజెన్సీ వెల్లడించింది. క్లాడ్ I వేరియంట్ వల్ల ఓ వ్యక్తికి mpox సోకినట్లు నిర్ధారణ అయింది. కాగా ఇప్పటికే WHO గ్లోబల్ పబ్లిక్ హెల్త్ ఎమర్జెన్సీని ప్రకటించిన విషయం తెలిసిందే.
News August 15, 2024
లోన్ ఏజెంట్ల వేధింపులు.. కుటుంబం ఆత్మహత్య
లోన్ ఏజెంట్ల వేధింపులు ఓ కుటుంబం మొత్తాన్ని బలితీసుకున్నాయి. కర్ణాటకలోని హాసన్‌కు చెందిన శ్రీనివాస్ క్యాబ్ డ్రైవర్. అతని భార్య శ్వేత ప్రైవేట్ టీచర్. తీసుకున్న లోన్ చెల్లించలేదని ఏజెంట్లు వేధించడంతో దంపతులిద్దరూ తమ కూతురు నాగశ్రీ(13)తో కలిసి కెనాల్‌లో దూకారు. కుటుంబ సభ్యులు మిస్సింగ్ కంప్లైంట్ ఇవ్వగా, వారం రోజుల తర్వాత మృతదేహాలు లభ్యమయ్యాయి. పోలీసులు కేసు దర్యాప్తు చేస్తున్నారు.
News August 15, 2024
రేపు ఈ జిల్లాల్లో భారీ వర్షాలు
AP: రేపు పార్వతీపురం, అల్లూరి, కర్నూలు, అనంతపురం, సత్యసాయి జిల్లాల్లో మోస్తరు నుంచి భారీ వర్షాలు కురుస్తాయని APSDMA తెలిపింది. వైజాగ్, అనకాపల్లి, కాకినాడ, ఏలూరు, నంద్యాల, YSR, అన్నమయ్య, చిత్తూరు, తిరుపతిలో మోస్తరు వర్షాలు కురుస్తాయంది. శ్రీకాకుళం, విజయనగరం, కోనసీమ, తూ.గో , ప.గో , కృష్ణా, NTR, గుంటూరు, బాపట్ల, పల్నాడు, ప్రకాశం, నెల్లూరులో తేలికపాటి జల్లులు కురుస్తాయని పేర్కొంది.
News August 15, 2024
భర్త మోసం చేశాడని ప్రచారం.. ఖండించిన క్రికెటర్ భార్య
తనను భర్త మోసం చేశాడని జరుగుతున్న ప్రచారాన్ని BAN క్రికెటర్ షకీబల్ హసన్ భార్య ఉమ్మీ అహ్మద్ ఖండించారు. ‘ఆయన గొప్ప భర్త, తండ్రి. నన్నెప్పుడూ బాధపెట్టలేదు. నిజాయితీగా ఉంటారు. 13ఏళ్ల క్రితం ఎలా ఉన్నారో ఇప్పుడూ అలానే ఉన్నారు. దయచేసి ఈ పుకార్లు ఆపేయండి’ అని FBలో పోస్ట్ పెట్టారు. ఆమె భర్తతో ఉన్న ఫొటోలను డిలీట్ చేయడంతో ఈ రూమర్లు వచ్చాయి. తాను ఫొటోలు తొలగించలేదని, ప్రైవేట్‌లో పెట్టానని ఆమె పేర్కొన్నారు.
News August 15, 2024
‘ఫాదర్ ఆఫ్ అగ్ని మిస్సైల్స్’ కన్నుమూత
DRDO మిస్సైల్ సైంటిస్ట్ రామ్ నరైన్ అగర్వాల్(84) HYDలో కన్నుమూశారు. వయోసంబంధిత సమస్యలతో పోరాడుతూ మృతిచెందినట్లు తెలుస్తోంది. రాజస్థాన్‌లోని జైపుర్‌లో జన్మించిన ఆయన 1983లో లాంచ్ అయిన అగ్ని ప్రోగ్రామ్‌లో విశేష సేవలు అందించారు. ‘అగ్ని మిస్సైల్స్’కు తొలి ప్రోగ్రామ్ డైరెక్టర్‌గా పనిచేశారు. ఆయన్ను ఫాదర్ ఆఫ్ అగ్ని మిస్సైల్స్‌గా పిలుస్తారు. 1990లో పద్మశ్రీ, 2000లో పద్మ భూషణ్‌ అవార్డులు అందుకున్నారు.
News August 15, 2024
ఈ టైటిల్ ఏంటో చెప్పండి?
టాలీవుడ్ హీరో సుధీర్ బాబు తన 19వ చిత్ర టైటిల్‌కు సంబంధించి ఆసక్తికర ప్రశ్న సంధించారు. ‘అది ఒక ఆది యోగి పేరు!! చంద్రుణ్ని తలపై కిరీటంగా కలవాడు. ఎర్రని సర్పమాలతో కేశాలను బిగించి ముడివేసిన వాడు’ అంటూ రాసుకొచ్చారు. తెలుగు-హిందీ భాషల్లో తెరకెక్కే ఈ సినిమా షూటింగ్ త్వరలోనే ప్రారంభం కానున్నట్లు తెలిపారు. టైటిల్, ఫస్ట్ లుక్‌ను ఎల్లుండి రిలీజ్ చేయనున్నారు. ఇంతకీ ఆ టైటిల్ ఏమై ఉంటుందో చెప్పండి?
News August 15, 2024
‘ఆయ్’ సినిమా REVIEW & RATING
ఫ్యాక్షన్ ఫ్యామిలీకి చెందిన అమ్మాయిని హీరో ప్రేమించడం, వారిని కలిపేందుకు స్నేహితులు పడే కష్టమే ‘ఆయ్’ స్టోరీ. కథ పాతదే అయినా డైరెక్టర్ ప్రేక్షకులకు ఎక్కడా బోర్ కొట్టకుండా తెరకెక్కించారు. హీరో నార్నె నితిన్ నటన, గోదారి యాస, కడుపుబ్బించే కామెడీ, పంచ్ డైలాగ్స్ ఆకట్టుకుంటాయి. సెకండాఫ్‌లో కొన్ని సాగదీత సీన్లు ఉన్నా క్లైమాక్స్ భావోద్వేగంగా ఉండటంతో ఫ్యామిలీ ఆడియన్స్ కనెక్ట్ అవుతారు.
RATING: 3/5
News August 15, 2024
సచిన్ రికార్డు బ్రేక్ చేసేది అతడే: పాంటింగ్
టెస్టుల్లో సచిన్ అత్యధిక పరుగుల రికార్డును ఇంగ్లండ్ ప్లేయర్ జో రూట్ బ్రేక్ చేస్తాడని ఆసీస్ మాజీ కెప్టెన్ రికీ పాంటింగ్ జోస్యం చెప్పారు. ప్రస్తుతం టెస్టుల్లో రూట్ 12,027 పరుగులతో ఏడో స్థానంలో కొనసాగుతున్నారు. కాగా సచిన్ 15,921 పరుగులతో మొదటి స్థానంలో ఉన్నారు. పాంటింగ్(13,378), కల్లిస్(13,289), ద్రవిడ్(13,288), కుక్(12,472), సంగక్కర(12,400) తర్వాతి స్థానాల్లో ఉన్నారు.
Featured News
Sorry, no posts matched your criteria.