India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 8, 2024
బ్రిడ్జి వేశారు.. రోడ్డు విస్త‌ర‌ణ మ‌రిచారు!
బిహార్‌లోని అరారియా జిల్లాలో పంట పొలాల మ‌ధ్య ఉన్న ఓ బ్రిడ్జి వైరల్ అవుతోంది. ప‌రమానంద్పూర్ గ్రామంలో ఇంకిపోయిన న‌ది మీద రోడ్డు నిర్మాణానికి అధికారులు ముందుగా కొంత ప్రాంతాన్ని మాత్ర‌మే సేక‌రించి వంతెన నిర్మించారు. తీరా రోడ్డు విస్త‌ర‌ణ‌కు అవ‌స‌ర‌మైన భూమి సేక‌రించ‌కుండా వదిలేశారు. దీంతో పంట‌పొలాల మ‌ధ్య బ్రిడ్జి ఎందుకుందంటూ వీడియో వైరల్ అవ్వ‌డంతో అధికారులు విచార‌ణ‌కు ఆదేశించారు.
News August 8, 2024
PHOTOS: నాగచైతన్య-శోభిత ఎంగేజ్‌మెంట్
తన కుమారుడు నాగచైతన్య-శోభిత ధూళిపాళ్ల నిశ్చితార్థం జరిగినట్లు నాగార్జున ప్రకటించారు. ఈ రోజు ఉదయం 9.42 నిమిషాలకు ఈ శుభ కార్యక్రమం నిర్వహించినట్లు ట్వీట్ చేశారు. ఆమెను తమ కుటుంబంలోకి ఆహ్వానిస్తున్నందుకు ఎంతో సంతోషంగా ఉన్నట్లు తెలిపారు. వారిద్దరూ జీవితాంతం సుఖసంతోషాలతో ఉండాలని నాగ్ ఆశీర్వదించారు. దేవుని ఆశీర్వాదం వాళ్లకు ఎప్పుడూ ఉండాలని ఆకాంక్షించారు.
News August 8, 2024
వినేశ్ ఫొగట్‌కు హరియాణా భారీ నజరానా
భారత రెజ్లర్ వినేశ్ ఫొగట్‌కు హరియాణా ప్రభుత్వం రూ.4 కోట్ల నజరానా ప్రకటించింది. ఆమెను ఛాంపియన్‌గానే భావిస్తూ ఈ నగదు బహుమతి ఇవ్వనున్నట్లు తెలిపింది. తమ రాష్ట్ర క్రీడాకారులు గోల్డ్ గెలిస్తే రూ.6 కోట్లు, సిల్వర్‌కు రూ.4 కోట్లు, బ్రాంజ్ మెడల్ గెలిస్తే రూ.2.5 కోట్లు ఇస్తామని గతంలోనే ప్రభుత్వం ప్రకటించింది. దాని ప్రకారం సిల్వర్ మెడలిస్ట్‌గా భావించి రూ.4 కోట్లు ఇవ్వనుంది.
News August 8, 2024
‘బాషా’ డైరెక్టర్‌తో శ్రీవిష్ణు మూవీ!
టాలీవుడ్ టాలెంటెడ్ హీరో శ్రీవిష్ణు తన నటనతో ఎంతో మంది అభిమానులను సంపాదించుకుంటున్నారు. ఈక్రమంలో బాలీవుడ్ స్టార్ డైరెక్టర్ సురేశ్ కృష్ణ తర్వాతి చిత్రం ‘హీరో హీరోయిన్’ కోసం శ్రీవిష్ణును ఎంపిక చేశారు. సూపర్ స్టార్ రజనీకాంత్ ఐకానిక్ మూవీ ‘బాషా’ను తెరకెక్కించింది సురేశ్ కృష్ణనే. దీంతో ఈ సినిమాపై అంచనాలు పెరిగాయి. హీరోయిన్‌గా Tసిరీస్ భూషణ్ కుమార్ భార్య దివ్యా ఖోస్లా నటించనున్నారు.
News August 8, 2024
కర్ణాటక సీఎంతో పవన్ భేటీ
కర్ణాటక ముఖ్యమంత్రి సిద్దరామయ్యతో ఏపీ డిప్యూటీ సీఎం పవన్ కళ్యాణ్ బెంగళూరులో భేటీ అయ్యారు. వీరిద్దరూ పలు విషయాలపై చర్చించారు. చిత్తూరు, పార్వతీపురం జిల్లాల్లో ఏనుగులు ఊళ్లలోకి వచ్చి పంటలు నాశనం చేస్తున్నట్లు పవన్ దృష్టికి వచ్చింది. వీటిని అడవుల్లోకి తరిమేందుకు కుంకీ ఏనుగులు అవసరం. అవి కర్ణాటకలో ఉండటంతో కొన్నింటిని ఏపీకి తరలించాలని కోరేందుకు పవన్ బెంగళూరుకు వెళ్లారు.
News August 8, 2024
రాష్ట్రంలో మరో పథకం అమలు: TDP
AP: ప్రైవేట్ దేవాలయాల్లో ధూప, దీప, నైవేద్యాలకు రూ.10వేలు ఇచ్చేందుకు ఏపీ ప్రభుత్వం జీవో జారీ చేసిందని టీడీపీ తెలిపింది. చంద్రబాబు మరో హామీ అమలు చేశారని పేర్కొంది. ‘నిధులు లేక 6,000 దేవాలయాలు కనీసం ధూప, దీప, నైవేద్యాలకు నోచుకోవడం లేదు. గత చంద్రబాబు ప్రభుత్వంలో రూ.5వేలు ఇచ్చారు. మాటిచ్చిన ప్రకారం దాన్ని రూ.10వేలు చేశారు. ప్రభుత్వం ఏర్పడిన 50 రోజుల్లోనే హామీ నెరవేర్చారు’ అని ట్వీట్ చేసింది.
News August 8, 2024
ఇలాంటివి జ‌రుగుతుంటాయి.. ఏం చేయగలం?: సుధామూర్తి
రెజ్లర్ వినేశ్ ఫొగట్‌కు రాజ్య‌స‌భ ఎంపీ సుధామూర్తి అండ‌గా నిలిచారు. ‘ఇలాంటివి జ‌రుగుతుంటాయి. ఏం చేయగలం. ఆట‌లో ఇవ‌న్నీ భాగ‌మే. జ‌రిగిన‌దానికి నేనూ చింతిస్తున్నాను’ అని ఆమె పీటీఐతో అన్నారు. వినేశ్‌పై అన‌ర్హ‌త వేటు ప‌డ‌డంతో PM మొద‌లుకొని సామాన్యుల వ‌ర‌కు చింతిస్తున్నారు. విజయం కోసం ఆమె చేసిన గొప్ప కృషికి నిద‌ర్శనంగా చెప్పవచ్చు.
News August 8, 2024
RBI కీలక నిర్ణయాలు
UPI ద్వారా పన్ను చెల్లింపు పరిమితిని రోజుకు ₹లక్ష నుంచి ₹5 లక్షలకు పెంచుతూ RBI నిర్ణయం తీసుకుంది. చెక్ క్లియరెన్స్ గడువును 2 వర్కింగ్ డేస్ నుంచి గంటలకు కుదించింది. గత DECలో ఆస్పత్రులు, విద్యాసంస్థల్లో చెల్లింపు పరిమితిని ₹5 లక్షలకు పెంచిన విషయం తెలిసిందే. మూడేళ్ల కిందట IPO, రిటైల్ డైరెక్ట్ స్కీమ్ లావాదేవీల పరిమితిని ₹5లక్షలకు, క్యాపిటల్ మార్కెట్స్, ఇన్సూరెన్స్ ట్రాన్సాక్షన్‌ను ₹2 లక్షలకు పెంచింది.
News August 8, 2024
ఇక ఇలాంటి పోల్స్ కనబడవు!
హైదరాబాద్‌లోని కరెంట్ స్తంభాలను చూస్తే షాక్ అవ్వాల్సిందే. పదుల సంఖ్యలో కేబుల్, వైఫై వైర్లు చిందరవందరగా ఉంటాయి. వాటిపై TGSPDCL సీఎండీ ముషారఫ్ ఫారుఖీ సీరియస్ అయ్యారు. ఆ వైర్లతో పోల్స్ పై అదనపు భారం పడి వంగిపోతున్నాయని, వైర్లు రోడ్లపై పడి పాదచారులు ప్రమాదాలకు గురవుతున్నారని మండిపడ్డారు. ప్రమాదకరంగా ఉన్న ఆ వైర్లను తొలగించాలని, ఇక నుంచి రూల్స్ ప్రకారం కేబుల్స్ అమర్చాలని ఆదేశించారు.
News August 8, 2024
పీరియడ్స్‌లోనూ 199kgలు ఎత్తి నాల్గోస్థానంలో!
మహిళలు పీరియడ్స్ సమయంలో వీక్ అయిపోయి ఏ పనీ చేయలేకపోతుంటారు. అలాంటిది భారత వెయిట్ లిఫ్టర్ మీరాబాయి చాను ఓ సెట్‌లో ఏకంగా 111 కిలోల బరువును ఎత్తారు. పారిస్ ఒలింపిక్స్‌లో మొత్తం 199kgs ఎత్తి నాలుగో స్థానంలో నిలిచి త్రుటిలో పతకాన్ని కోల్పోయారు. గాయంతో పాటు పీరియడ్స్ రావడంతో బలహీనంగా మారానని, ఇది తన ఆటపై ప్రభావం చూపినా మెరుగైన ప్రదర్శన ఇచ్చినట్లు ఆమె తెలిపారు. చాను గత ఒలింపిక్స్‌లో రజతం సాధించారు.
Featured News
Sorry, no posts matched your criteria.