India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 9, 2024
ప్రపంచంలో ఎక్కువ జనాభా ఉన్న నగరాలు
1.టోక్యో (జపాన్)- 3.71 కోట్లు
2.ఢిల్లీ (భారత్)- 3.38 కోట్లు
3.షాంఘై (చైనా)- 2.99 కోట్లు 4.ఢాకా (బంగ్లాదేశ్)- 2.3 కోట్లు
5.సౌ పౌలో (బ్రెజిల్)- 2.28 కోట్లు 6.కైరో (ఈజిప్ట్)- 2.26 కోట్లు
7.మెక్సికో సిటీ (మెక్సికో)- 2.25 కోట్లు
8.బీజింగ్ (చైనా)- 2.21 కోట్లు
9.ముంబై (ఇండియా)- 2.16 కోట్లు
10. ఒసాకా (జపాన్)- 1.89 కోట్లు
**హైదరాబాద్ 1.10 కోట్ల జనాభాతో 32వ స్థానంలో ఉంది.
News November 9, 2024
టెస్టు సిరీస్ ఓటమి: 6 గంటల పాటు మీటింగ్!
స్వదేశంలో భారత్ న్యూజిలాండ్‌తో టెస్టు సిరీస్ వైట్‌వాష్‌కి గురవ్వడాన్ని బీసీసీఐ సీరియస్‌గా తీసుకుంది. కెప్టెన్ రోహిత్, కోచ్ గంభీర్, సెలక్టర్ అజిత్ అగార్కర్, బోర్డు పెద్దలు జై షా, రోజర్ బిన్నీ మధ్య 6 గంటల పాటు సుదీర్ఘంగా మీటింగ్ జరిగినట్లు తెలుస్తోంది. రోహిత్, గంభీర్‌కు బిన్నీ, షా పలు ప్రశ్నలు సంధించినట్లు సమాచారం. ప్రధానంగా ఓటమికి కారణాలపై చర్చ జరిగిందని బోర్డు వర్గాలు పేర్కొన్నాయి.
News November 9, 2024
లీవ్ ఇవ్వలేదని వీడియో కాల్‌లో పెళ్లి.. ఎక్కడంటే?
తన బాస్ లీవ్ ఇవ్వకపోవడంతో ఓ ఉద్యోగి ఆన్‌లైన్‌లోనే పెళ్లి చేసుకున్న ఘటన హిమాచల్ ప్రదేశ్‌లో జరిగింది. పెళ్లి కూతురు మండిలో పెళ్లి కొడుకు టర్కీలో ఉండి వీడియో కాల్‌లో వివాహం చేసుకున్నారు. వధువు తాత అనారోగ్యం పాలవ్వడంతో తప్పనిసరి పరిస్థితుల్లో వరుడి కుటుంబ సభ్యుల అంగీకారంతో ఆన్‌లైన్‌లో ఈ నెల 4న నిఖా జరిగింది. గతంలోనూ సిమ్లాకు చెందిన ఓ వ్యక్తి వీడియో కాల్‌లో పెళ్లి చేసుకున్నారు.
News November 9, 2024
2024 US Results Final: ఆ రెండూ ట్రంప్ ఖాతాలోకే
అమెరికా అధ్య‌క్ష ఎన్నిక‌ల ఫ‌లితాల వెల్ల‌డిలో ఆల‌స్య‌మైన ఆరిజోనా, నెవాడాలను కూడా రిప‌బ్లిక‌న్ పార్టీ గెలుచుకుంది. మిగిలిన రాష్ట్రాల్లో ఇప్ప‌టికే 295 ఎల‌క్టోర‌ల్ ఓట్ల‌తో విజ‌యదుందుబి మోగించిన ట్రంప్ ఆరిజోనా(11), నెవాడా(6)లోనూ గెలుపొందారు. దీంతో రిప‌బ్లిక‌న్లు మొత్తంగా 312 ఎల‌క్టోర‌ల్ ఓట్లు గెలుచుకున్నారు. డెమోక్రాట్లు 226 ఓట్లకు పరిమితమయ్యారు. 2016లో సాధించిన 304 ఓట్ల మెజారిటీని ట్రంప్ అధిగమించారు.
News November 9, 2024
వాట్సాప్ ద్వారా ఈ నెలాఖ‌రుకు 100 సేవ‌లు: మంత్రి లోకేశ్
AP: ప్రభుత్వానికి రియ‌ల్ టైమ్ గ‌వ‌ర్నెన్స్ అనేది ఒక ప్రధాన డేటా వ‌న‌రుగా ఉండాల‌ని CM చంద్రబాబు అన్నారు. RTGపై సమీక్షించిన ఆయన, ప్రజ‌ల‌కు వాట్సాప్ గ‌వ‌ర్నెన్స్‌ను అందుబాటులోకి తేవాల‌న్నారు. వాట్సాప్ ద్వారా ఈ నెలాఖ‌రుకు 100 సేవ‌లు అందుబాటులోకి తేవ‌డానికి కృషి చేస్తున్నట్లు CMకు మంత్రి లోకేశ్ వివరించారు. 90 రోజుల్లో QR కోడ్ ద్వారా విద్యార్హత ధ్రువీక‌ర‌ణ ప‌త్రాలు పొందేలా చ‌ర్యలు చేప‌డుతున్నామ‌న్నారు.
News November 8, 2024
డైరెక్టర్ క్రిష్ పెళ్లి చేసుకోబోయేది ఈమెనేనా?
సినీ డైరెక్టర్ క్రిష్ ఈనెల 10న రెండో పెళ్లి చేసుకోబోతున్నట్లు సినీవర్గాలు తెలిపాయి. HYDకు చెందిన గైనకాలజిస్ట్ డా.ప్రీతి చల్లాతో ఆయన వివాహం జరగనున్నట్లు సమాచారం. ఈనెల 16న జరిగే రిసెప్షన్‌కు సినీ ప్రముఖులు హాజరవుతారని టాలీవుడ్ వర్గాలు పేర్కొన్నాయి. 2016లో మొదటి వివాహం చేసుకున్న క్రిష్ 2018లో విడాకులు తీసుకున్నారు. వేదం, గమ్యం, మణికర్ణిక, గౌతమీపుత్ర శాతకర్ణి తదితర సినిమాలకు ఆయన దర్శకత్వం వహించారు.
News November 8, 2024
Unusual: అదృష్టం తెచ్చిన కారుకు ఘనంగా అంత్యక్రియలు
18 ఏళ్ల క్రితం కొన్న మారుతి వ్యాగ‌నార్‌ కారు గుజరాత్‌లోని అమ్రేలి జిల్లాకు చెందిన సంజయ్ పోల్రా జీవితాన్ని మార్చేసింది. 2006లో ప్రాప్ట‌రీ బ్రోక‌ర్‌గా ఉండగా కొన్న ఈ కారు తనను బిల్డర్ స్థాయికి తెచ్చిందని సంజయ్ గర్వంగా చెప్పారు. ఇప్పుడు ఆడి కారులో తిరిగేలా తన అదృష్టాన్ని మార్చేసిందన్నారు. తాజాగా కారు షెడ్డుకు చేర‌డంతో మంత్రోచ్ఛార‌ణ‌ల మధ్య 1,500 మంది సమక్షంలో దాన్ని 15 అడుగుల గొయ్యిలో పాతిపెట్టారు.
News November 8, 2024
అభిషేక్.. ఇలా అయితే కష్టమే!
టీమ్‌ఇండియా యువ బ్యాటర్ అభిషేక్ శర్మ వచ్చిన అవకాశాలను వృథా చేసుకుంటున్నారు. అంతర్జాతీయ టీ20ల్లో వరుసగా విఫలమవుతూ వస్తున్నారు. జింబాబ్వేపై సెంచరీ మినహా మిగతా మ్యాచుల్లో 0, 10, 14, 16, 15, 4, 7 (ఇవాళ సౌతాఫ్రికాపై) స్వల్ప పరుగులకే వెనుదిరిగి నిరాశపరిచారు. రాబోయే మ్యాచుల్లో అయినా అతను రాణించాలని, లేదంటే జట్టులో చోటు కోల్పోయే ఛాన్సుందని పలువురు క్రికెట్ ఫ్యాన్స్ కామెంట్స్ చేస్తున్నారు.
News November 8, 2024
46 రోజుల్లో భూమిని చుట్టేసే పక్షి!
ఆల్బట్రాస్ అనే పక్షి భూమిని 46 రోజుల్లోనే చుట్టి వస్తుంది. బ్రిటిష్ అంటార్కిటిక్ సర్వే పేరిట పక్షి జాతుల పరిశోధకులు 2005లో వీటిపై అధ్యయనం నిర్వహించారు. ఆ జాతికి చెందిన 22 పక్షులకు ట్రాకింగ్ పరికరాల్ని అమర్చి వాటి వలస మార్గాల్ని ట్రాక్ చేశారు. దక్షిణ అట్లాంటిక్‌లోని దక్షిణ జార్జియా నుంచి వలసకు బయలుదేరిన ఆల్బట్రాస్‌లలో కొన్ని పక్షులు 46 రోజుల్లో భూమిని చుట్టి వచ్చినట్లు ఆ అధ్యయనంలో తేలింది.
News November 8, 2024
ఆ రెండు నియోజకవర్గాలకు సమన్వయకర్తలను ప్రకటించిన వైసీపీ
AP: చిలకలూరిపేట, తాడికొండ అసెంబ్లీ నియోజకవర్గాలకు వైసీపీ సమన్వయకర్తలను ప్రకటించింది. పార్టీ అధ్యక్షుడు జగన్ ఆదేశాల మేరకు చిలకలూరిపేట నియోజకవర్గానికి విడదల రజిని, తాడికొండకు వనమా బాల వజ్రబాబు (డైమండ్ బాబు)ను నియమించినట్లు ఓ ప్రకటన విడుదల చేసింది.
Featured News
Sorry, no posts matched your criteria.