India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 6, 2024
భూమ్మీద ఉన్నవి 6 ఖండాలే: ఇంగ్లండ్ పరిశోధకులు
భూమి మీద 7 ఖండాలున్నాయన్నది ఇన్నాళ్లూ తెలిసిన విషయం. కానీ 6 ఖండాలే ఉన్నాయంటున్నారు ఇంగ్లండ్‌లోని యూనివర్సిటీ ఆఫ్ డెర్బీ పరిశోధకులు. ఐస్‌లాండ్‌లోని అగ్నిపర్వత రాళ్లపై తాము చేసిన అధ్యయనం ప్రకారం ఉత్తర అమెరికా, ఐరోపా ఖండాలు వేరు కాలేదని పేర్కొన్నారు. ఇంకా విడిపోయే దశలోనే ఉన్నాయని వివరించారు. వీటితో పాటు ఐస్‌లాండ్, గ్రీన్‌లాండ్ కూడా కలుపుకొని ఒకప్పుడు అతి పెద్ద ఖండం ఉండేదని వారు అంచనా వేశారు.
News August 6, 2024
లంకతో సిరీస్.. రోహిత్, కోహ్లీ అవసరం లేదు: నెహ్రా
శ్రీలంకతో వన్డే సిరీస్‌లో రోహిత్, కోహ్లీ ఆడాల్సిన అవసరం లేదని మాజీ బౌలర్ ఆశిశ్ నెహ్రా అభిప్రాయపడ్డారు. యువ ఆటగాళ్లకు ఛాన్స్ ఇవ్వడానికి ఇదొక మంచి అవకాశమన్నారు. ‘కోహ్లీ, రోహిత్ గురించి గంభీర్‌కు తెలియనిదేముంది? అతనేం విదేశీ కోచ్ కాదు కదా? స్వదేశంలో జరిగే సిరీస్‌లలో వాళ్లిద్దరినీ ఆడించొచ్చు. గంభీర్ అనుసరిస్తున్న విధానం తప్పని అనడం లేదు. కానీ సిరీస్‌లో ఈ వ్యూహం పాటిస్తే బాగుండేది’ అని అన్నారు.
News August 6, 2024
శ్రావణమాసం నో నాన్‌వెజ్.. సైంటిఫిక్ రీజన్ ఇదే
శ్రావణ మాసంలో దేశవ్యాప్తంగా ఆధ్యాత్మిక శోభ సంతరించుకుంది. సనాతన ధర్మాన్ని పాటిస్తూ చాలా మంది ఈ నెలలో మాంసాహారానికి దూరంగా ఉంటారు. దీనికి పలు సైంటిఫిక్ రీజన్స్ ఉన్నాయి. శ్రావణ మాసం వర్షాకాలంలో వస్తుంది. ఈ సమయంలో కోళ్లు, ఇతర జంతువులకు వ్యాధులు వచ్చే అవకాశం ఎక్కువ. ఇటు సూర్యరశ్మి తక్కువగా ఉండటంతో శరీరంలో జీర్ణవ్యవస్థ, రోగనిరోధక శక్తి మందగిస్తుంది. ఇలాంటప్పుడు మాంసం తినడంతో జీర్ణ సమస్యలు తలెత్తుతాయి.
News August 6, 2024
బంగ్లా సంక్షోభం వెనుక అమెరికా హస్తం!
బంగ్లాదేశ్ ప్రభుత్వం కూలిపోవడం వెనుక అగ్రరాజ్యం అమెరికా హస్తం ఉందనే ప్రచారం జరుగుతోంది. ఒక దేశానికి వైమానిక స్థావ‌రం ఏర్పాటుకు అనుమ‌తిస్తే తనకు ఏ స‌మ‌స్య ఉండేది కాద‌ని మాజీ ప్రధాని షేక్ హసీనా గతంలో పరోక్షంగా అమెరికాను ఉద్దేశించి వ్యాఖ్యానించారు. బంగ్లా ఎన్నిక‌లు పార‌ద‌ర్శ‌కంగా జ‌ర‌గ‌లేద‌ని అమెరికా భావిస్తున్న వేళ అక్కడి ప్రభుత్వం కూలిపోవడం అనేక అనుమానాలకు దారితీస్తోంది.
News August 6, 2024
మైనే ప్యార్ కియా.. ప్యూర్ లవ్: నయనతార
సల్మాన్ ఖాన్‌ పాత సినిమా ‘మైనే ప్యార్ కియా’పై లేడీ సూపర్ స్టార్ నయనతార ప్రశంసలు కురిపించారు. ‘వీరిద్దరూ, ఈ సినిమా.. జస్ట్ ప్యూర్ లవ్’ అంటూ సల్మాన్, భాగ్యశ్రీల ఫొటోను ఇన్‌స్టాలో పోస్ట్ చేశారు. తనకు అత్యంత ఇష్టమైన సినిమాల్లో అది కూడా ఒకటని గతంలో ఓ ఇంటర్వ్యూలో ఆమె పేర్కొన్నారు. 1989లో వచ్చిన ‘మైనే ప్యార్ కియా’ అప్పట్లో సంచలన విజయం సాధించింది. తెలుగులో ‘ప్రేమ పావురాలు’గా రిలీజై సూపర్ హిట్ అయింది.
News August 6, 2024
లైక్స్, కామెంట్స్, రీపోస్ట్స్ కౌంట్‌ను తొలగించనున్న ట్విటర్?
ట్విటర్‌లో పోస్టులకు వచ్చే రిప్లైల్లో లైక్స్, కామెంట్స్, రీపోస్ట్స్ కౌంట్‌ను చూపించడాన్ని నిలిపేయాలని సంస్థ భావిస్తోందట. ట్విటర్ గురించి అప్‌డేట్స్ ఇచ్చే ఎక్స్ డెయిలీ న్యూస్ ఈ విషయాన్ని తెలిపింది. తద్వారా వినియోగదారులకు పేజీలు మరింత నీట్‌గా, గందరగోళం లేకుండా కనిపిస్తాయని సంస్థ భావిస్తోందని పేర్కొంది. మున్ముందు న్యూస్‌ఫీడ్‌కూ దీన్ని వర్తింపచేయాలనుకుంటోందని తెలిపింది.
News August 6, 2024
మాజీ భ‌ర్త‌కు రూ.15 ల‌క్ష‌లు చెల్లించండి: ఢిల్లీ కోర్టు
మాజీ భ‌ర్త, అత‌ని కుటుంబ స‌భ్యుల ప‌రువుకు న‌ష్టం క‌లిగించినందుకు రూ.15 ల‌క్ష‌లు చెల్లించాలని ఓ మ‌హిళ‌కు ఢిల్లీ కోర్టు ఆదేశించింది. భ‌ర్త నుంచి విడాకులు తీసుకున్న త‌రువాత కూడా పలు వేదిక‌ల‌పై మాజీ భ‌ర్త, అత్త‌మామ‌లపై త‌ప్పుడు ప్రచారం చేసినందుకు ఢిల్లీలోని సాకేత్ కోర్టు ఈ మేర‌కు ఆదేశాలు ఇచ్చింది. 9 శాతం వ‌డ్డీతో కలుపుకొని డ‌బ్బు చెల్లించాలని ఆదేశించింది.
News August 6, 2024
లాయ‌ర్లు ఒక‌రోజు మా స్థానంలో వ‌చ్చి కూర్చుంటే..: CJI
జ‌డ్జిల‌పై ఉన్న ప‌ని ఒత్తిడిని ఎవ‌రూ ప‌ట్టించుకొనే ప‌రిస్థితి లేదని సీజేఐ డీవై చంద్ర‌చూడ్ అసంతృప్తి వ్య‌క్తం చేశారు. ప్ర‌తిఒక్క‌రూ త‌మ కేసును ముందుగా విచారించాలని కోరుతున్నారని, లాయ‌ర్లు ఒక‌రోజు త‌మ స్థానంలో వ‌చ్చి కూర్చుంటే మ‌ళ్లీ జీవితంలో తిరిగి రాకుండా పారిపోతార‌న్నారు. కోర్టుల‌ను, జ‌డ్జిల‌ను శాసించాల‌ని చూడొద్ద‌న్నారు. మంగళవారం ఓ కేసు విచారణ సందర్భంగా సీజేఐ ఈ వ్యాఖ్య‌లు చేశారు.
News August 6, 2024
ఆరోగ్య బీమాపై జీఎస్టీ అవివేకం.. రద్దు చేయాలి: రాహుల్ గాంధీ
జీవిత, ఆరోగ్య బీమా పాలసీలపై 18 శాతం జీఎస్టీని వెంటనే రద్దు చేయాలని లోక్‌సభలో ప్రతిపక్ష నేత రాహుల్ గాంధీ డిమాండ్ చేశారు. ‘అనారోగ్య సమయాల్లో ఎవరి ముందూ తలవంచకుండా బీమా పాలసీలు ఉపయోగపడతాయి. ఇలాంటి రంగం నుంచి మోదీ ప్రభుత్వం రూ.24వేల కోట్లు వసూలు చేసింది. ప్రతి విపత్తులోనూ పన్ను అవకాశాలు వెతుక్కోవడం బీజేపీ అవివేకానికి నిదర్శనం. తక్షణమే జీఎస్టీని ఉపసంహరించుకోవాలి’ అని Xలో పోస్టు చేశారు.
News August 6, 2024
నిషాను ఉద్దేశపూర్వకంగా గాయపర్చారు: నేషనల్ టీమ్ కోచ్
ఒలింపిక్స్‌ QFలో భారత రెజ్లర్ నిషా చేతి వేలు విరగడంతో సోల్‌గమ్ పాక్(నార్త్ కొరియా) చేతిలో ఓడిన సంగతి తెలిసిందే. అయితే నిషాను ఉద్దేశపూర్వకంగానే గాయపరిచారని జాతీయ జట్టు కోచ్ వీరేంద్ర ఆరోపించారు. ‘సోల్‌గమ్‌కు కొరియన్ టీమ్ కార్నర్ నుంచి సైగ చేయడం మేం చూశాం. పోటీలో తొలి నుంచి నిషా ఆధిపత్యమే కొనసాగింది. ఇదే సోల్‌గమ్‌ను ఏషియన్ క్వాలిఫయర్‌‌లో నిషా ఓడించింది. నిషా ఓడిపోయేందుకు ఛాన్సే లేదు’ అని అన్నారు.
Featured News
Sorry, no posts matched your criteria.