India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 5, 2024
క్వార్టర్ ఫైనల్స్‌కు చేరిన నిషా దహియా
పారిస్ ఒలింపిక్స్‌లో భారత మహిళా రెజ్లర్ నిషా దహియా క్వార్టర్ ఫైనల్‌కు అర్హత సాధించారు. ఉమెన్స్ ఫ్రీస్టైల్ 68కిలోల విభాగం 16వ రౌండ్‌లో ఉక్రెయిన్‌కు చెందిన టెటియానా రిజ్కోను 6-4 తేడాతో ఓడించారు. మరోవైపు షూటింగ్ స్కీట్ మిక్స్‌డ్ ఈవెంట్ బ్రాంజ్ మెడల్ మ్యాచ్‌లో భారత్ త్రుటిలో పతకం కోల్పోయింది. మహేశ్వరి-అనంత్‌జీత్ జోడీ చైనా చేతిలో 43-44 తేడాతో ఓటమిపాలైంది.
<<-se>>#Olympics2024<<>>
News August 5, 2024
ఏపీ వర్చువల్ వర్కింగ్ హబ్‌గా మారాలి: సీఎం చంద్రబాబు
AP: రాష్ట్రం వర్చువల్ వర్కింగ్ హబ్‌గా మారాలన్నదే తమ లక్ష్యమని సీఎం చంద్రబాబు తెలిపారు. ఇందుకోసం ఓ విధానాన్ని రూపొందించాలని, దీనిపై ఓ వర్క్ షాప్ నిర్వహించాలని అధికారులకు సూచించారు. ‘విద్యార్థులకు గ్లోబల్ స్థాయి ఉద్యోగాలు వచ్చేలా నైపుణ్యాలను పెంచాలి. గతంలో న్యాక్ అక్రిడేషన్‌లో ఏపీ వర్సిటీలు టాప్-10లో ఉండేవి. ఇప్పుడు ఒక్కటి కూడా లేకపోవడం శోచనీయం’ అని కలెక్టర్లతో మీటింగ్‌లో వ్యాఖ్యానించారు.
News August 5, 2024
ప్రభాస్ హీరోయిన్‌గా త్రిష?
పాన్ ఇండియా స్టార్ ప్రభాస్ మరోసారి త్రిషతో జతకట్టనున్నట్లు తెలుస్తోంది. సందీప్ రెడ్డి వంగా తెరకెక్కించనున్న ‘స్పిరిట్’ సినిమాలో హీరోయిన్‌గా త్రిషను తీసుకోనున్నట్లు టీటౌన్‌లో టాక్ వినిపిస్తోంది. ఇదే నిజమైతే దాదాపు 16 ఏళ్ల తర్వాత వీరిద్దరూ ఒకే స్క్రీన్‌లో ఆకట్టుకోనున్నారు. చివరిసారి ‘బుజ్జిగాడు’ సినిమాలో వీరిద్దరూ కలిసి నటించారు. ఇక స్పిరిట్‌లో హీరో, విలన్ 2 పాత్రల్లో ప్రభాసే కనిపిస్తారని టాక్.
News August 5, 2024
బంగ్లా అల్లర్లు: పార్లమెంటులో మోదీ వద్దకు జైశంకర్
ప్రధాని నరేంద్ర మోదీని విదేశీ వ్యవహారాల మంత్రి జైశంకర్ పార్లమెంటులో అత్యవసరంగా కలిశారు. బంగ్లాదేశ్‌లో అల్లర్లు, షేక్ హసీనా రాజీనామా, సైనిక ప్రభుత్వ ఏర్పాట్ల గురించి ఆయనకు వివరించారని తెలిసింది. సరిహద్దుల్లో రెట్టింపు భద్రత, బలగాల మోహరింపు గురించీ మాట్లాడినట్టు సమాచారం. కేంద్రం రెండ్రోజుల కిందటే BSF చీఫ్‌ను మార్చిన సంగతి తెలిసిందే. రాహుల్ సైతం బంగ్లా వ్యవహారాలపై జైశంకర్‌తో మాట్లాడారని తెలిసింది.
News August 5, 2024
పోరాడి ఓడిన లక్ష్యసేన్
పారిస్ ఒలింపిక్స్‌లో భారత బ్యాడ్మింటన్ యువ సంచలనం లక్ష్యసేన్ చరిత్ర సృష్టించే అవకాశాన్ని త్రుటిలో కోల్పోయారు. బ్రాంజ్ మెడల్ కోసం జరిగిన మ్యాచ్‌లో మలేషియా షట్లర్ లీ జీ జియా చేతిలో 2-1 తేడాతో లక్ష్యసేన్ పరాజయం పొందారు. ఈ మ్యాచ్‌ గెలిచి ఉంటే ఒలింపిక్స్‌లో బ్రాంజ్ మెడల్ సాధించిన భారత తొలి పురుష షట్లర్‌గా నిలిచేవారు. #Olympics2024
News August 5, 2024
Airtel అదుర్స్: నికర లాభం డబుల్
భారతీ ఎయిర్‌టెల్ అదరగొట్టింది. అంచనాలను మించి ఫలితాలను విడుదల చేసింది. Q1 FY25లో నికర లాభం 128% వృద్ధిచెంది రూ.2068 కోట్ల నుంచి రూ.4717 కోట్లకు పెరిగింది.
* ఆదాయం రూ.37,599 కోట్ల నుంచి రూ.38,506 కోట్లకు పెరిగింది.
* ఎబిటా 1.8% వృద్ధితో రూ.19,365 కోట్ల నుంచి రూ.19,708 కోట్లకు పెరిగింది.
* ఎబిటా మార్జిన్ 51.5 నుంచి 52.2 శాతానికి తగ్గింది.
* మొబైల్ సర్వీసెస్ ARPU రూ.209 నుంచి రూ.211కు పెరిగింది.
News August 5, 2024
భారత్, బంగ్లా భాగస్వామ్యం ఇదీ
* ద్వైపాక్షిక వాణిజ్యం విలువ $14 బిలియన్లు
* ప్రధానులు, మంత్రులు, అధికారుల మధ్య నిత్యం చర్చలు
* రోడ్డు, రైలు, జల, ఆకాశ మార్గాల ద్వారా కనెక్టివిటీ
* బంగ్లాకు 1,160 MW విద్యుత్ బదిలీ. 2 దేశాలకు JV ఉన్నాయి
* గంగా, తీస్తా సహా నదీ జలాల ఒప్పందాలు
* ఉగ్రవాదం, సరిహద్దు నిర్వహణ, రక్షణ రంగాల్లో జాయింట్ ఆపరేషన్స్
* అభివృద్ధి ప్రాజెక్టుల కోసం బంగ్లాకు $8 బిలియన్ల అప్పు
* SAARC, BIMSTEC, BBIN పరస్పర సహకారం
News August 5, 2024
ఈ 3 జిల్లాల్లో కాసేపట్లో వర్షం
తెలంగాణలోని సిద్దిపేట, వనపర్తి, సూర్యాపేట జిల్లాల్లో రానున్న 3 గంటల్లో మోస్తరు వర్షం కురిసే అవకాశం ఉందని HYD వాతావరణ కేంద్రం తెలిపింది. గంటకు 40కి.మీ వేగంతో గాలులు వీయడంతోపాటు పిడుగులు పడే ఛాన్స్ ఉందని వెల్లడించింది. ఇక రానున్న 5 రోజులు రాష్ట్రంలో వర్షాలు పడతాయని ఇప్పటికే వాతావరణ కేంద్రం పేర్కొంది.
News August 5, 2024
కేసీఆర్, హరీశ్‌రావుకు సెషన్స్ కోర్టు నోటీసులు
TG: మేడిగడ్డ పిల్లర్‌కు పగుళ్లు ఏర్పడిన వ్యవహారంలో మాజీ సీఎం కేసీఆర్, హరీశ్ రావు సహా 8 మందికి భూపాలపల్లి ప్రిన్సిపల్ సెషన్స్ కోర్టు నోటీసులు జారీ చేసింది. హైకోర్టు సూచనల మేరకు నాగవెల్లి రాజలింగమూర్తి దాఖలు చేసిన రివిజన్ పిటిషన్‌పై సెప్టెంబర్ 5న విచారణ జరపనున్నట్లు న్యాయస్థానం తెలిపింది. విచారణకు హాజరుకావాలని కేసీఆర్, తదితరులను ఆదేశించింది.
News August 5, 2024
నన్ను అంతమొందించడమే ప్రభుత్వ లక్ష్యం: YS జగన్
AP: గతంలో తనకున్న సెక్యూరిటీని కొనసాగించాలంటూ హైకోర్టులో <<13783281>>పిటిషన్<<>> వేసిన మాజీ CM జగన్ అందులో కీలక విషయాలు పొందుపర్చారు. తనను అంతమొందించడమే కూటమి ప్రభుత్వం లక్ష్యంగా పెట్టుకుందని ఆయన ఆరోపించారు. తనకు ప్రాణహాని ఉన్న అంశాన్ని పరిశీలించకుండా ప్రభుత్వం ఏకపక్షంగా వ్యవహరిస్తోందన్నారు. గతంలో ఉన్న సెక్యూరిటీని కొనసాగించేలా ఆదేశాలు జారీ చేయాలని జగన్ పిటిషన్‌లో పేర్కొన్నారు.
Featured News
Sorry, no posts matched your criteria.