India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 24, 2025
WhatsAppలో సైబర్ మోసాలు.. అలర్ట్!
AP: గుంటూరుకు చెందిన ఓ వ్యక్తిని సైబర్ కేటుగాళ్లు మోసం చేశారు. ‘మీ వాహనంపై చలానా ఉంది. వెంటనే చెల్లించండి’ అంటూ శుక్రవారం వాట్సాప్లో APK ఫైల్ మెసేజ్ చేశారు. ఆ లింక్ క్లిక్ చేయగానే ఓ యాప్ డౌన్లోడ్ అయింది. అది ఓపెన్ చేయగానే OTP అడిగింది. ఆ ప్రక్రియను ఆపేసినా అతడి ఖాతా నుంచి రూ.1.36 లక్షలు కాజేశారు. APK ఫైల్స్ ఓపెన్ చేయొద్దని, WhatsAppలో Auto-download ఆఫ్ చేసుకోవాలని నిపుణులు సూచిస్తున్నారు.
News August 24, 2025
రాష్ట్రంలో దారుణం.. బాలికపై సామూహిక అత్యాచారం
TG: భద్రాద్రి(D)లో బాలికపై సామూహిక అత్యాచారం జరిగిన ఘటన ఆలస్యంగా వెలుగులోకి వచ్చింది. ఛత్తీస్గఢ్కు చెందిన గిరిజన బాలిక(17) ఈనెల 22న రాత్రి ములుగు(D) వాజేడు వెళ్లేందుకు చర్లలో ఆటో ఎక్కింది. ఒంటరిగా ఉన్న ఆమెకు ముగ్గురు ఆటో డ్రైవర్లు కూల్ డ్రింక్లో మత్తుమందు కలిపి ఇచ్చి ఆపై అఘాయిత్యానికి పాల్పడ్డారు. అనంతరం పాల్వంచలో వదిలేశారు. పోలీసులు బాలికను సంరక్షణ కేంద్రానికి తరలించి దర్యాప్తు చేపట్టారు.
News August 24, 2025
ఆసియా కప్.. భారత జట్టుకు కొత్త స్పాన్సర్?
కేంద్రం తీసుకొచ్చిన ఆన్లైన్ గేమింగ్ <<17477461>>చట్టంతో<<>> భారత క్రికెట్ జట్టు స్పాన్సర్షిప్ నుంచి డ్రీమ్ 11 వైదొలగడం దాదాపు ఖాయమైంది. ఇప్పటికే దీనిపై BCCI సెక్రటరీ సైకియా <<17485869>>స్పందిస్తూ<<>> కేంద్రం అనుమతి లేకపోతే స్పాన్సర్ను తొలగిస్తామని చెప్పారు. వచ్చే నెల 9 నుంచి ఆసియా కప్ జరగనున్న నేపథ్యంలో BCCI కొత్త స్పాన్సర్ కోసం చూస్తున్నట్లు తెలుస్తోంది. ఆసక్తి ఉన్న సంస్థలను త్వరలో బిడ్కు ఆహ్వానించనున్నట్లు సమాచారం.
News August 24, 2025
గగన్యాన్ మిషన్.. తొలి అడుగు విజయవంతం
గగన్యాన్ మిషన్లో భాగంగా ఇస్రో చేపట్టిన తొలి ఇంటిగ్రేటెడ్ ఎయిర్ డ్రాప్ టెస్ట్(IADT-01) విజయవంతమైంది. వ్యోమగాములను సురక్షితంగా భూమిపైకి తీసుకొచ్చే ప్రక్రియలో భాగంగా క్యాప్సుల్ను పారాచూట్ల సాయంతో సక్సెస్ఫుల్గా ల్యాండ్ చేసింది. ఈ పరీక్షను IAF, DRDO, నేవీ, కోస్ట్ గార్డ్తో కలిసి ఇస్రో చేపట్టింది. కాగా ఇండియా మానవసహిత అంతరిక్ష యాత్ర చేపట్టేందుకు గగన్యాన్ మిషన్ లాంచ్ చేసిన విషయం తెలిసిందే.
News August 24, 2025
వరల్డ్ బుక్ ఆఫ్ రికార్డ్స్లో హీరో బాలకృష్ణ పేరు
నటసింహం నందమూరి బాలకృష్ణకు అరుదైన గౌరవం దక్కింది. సినీ ఇండస్ట్రీలో 50 ఏళ్లుగా అభిమానులను అలరించడం, 15 ఏళ్లుగా బసవతారకం ఆస్పత్రి ద్వారా ఆయన చేస్తున్న సేవలను గుర్తిస్తూ UKలోని వరల్డ్ బుక్ ఆఫ్ రికార్డ్స్ గోల్డ్ ఎడిషన్ గుర్తింపును ఇచ్చింది. దేశ సినీ చరిత్రలో ఈ గుర్తింపు దక్కించుకున్న ఏకైక నటుడు NBK కావడం విశేషం. ఈ గుర్తింపు సాధించిన బాలయ్యను ఆగస్టు 30న హైదరాబాద్లో జరిగే కార్యక్రమంలో సత్కరించనున్నారు.
News August 24, 2025
సీఎం రేవంత్కు KTR సవాల్
TG: CM రేవంత్ రెడ్డికి BRS వర్కింగ్ ప్రెసిడెంట్ KTR సవాల్ విసిరారు. ‘పార్టీ మారిన MLAలు దమ్ముంటే రాజీనామా చేసి గెలవాలి. 20 నెలల పాలన చూపించి ఉపఎన్నికలకు వెళ్లే దమ్ము CMకు ఉందా? సుప్రీంకోర్టు తీర్పుతో పార్టీ మారిన MLAలకు భయం పట్టుకుంది. హైడ్రా పేరుతో హైదరాబాద్ అభివృద్ధిని అతలాకుతలం చేశారు. దుర్గంచెరువు FTLలో ఉన్న రేవంత్ అన్న తిరుపతిరెడ్డి ఇంటిని కూల్చే దమ్ము హైడ్రాకు ఉందా?’ అని ప్రశ్నించారు.
News August 24, 2025
ఏ పార్టీలో ఉన్నారో చెప్పేందుకు ధైర్యం లేదా?: KTR
TG: కేసీఆర్ ప్రభుత్వం పదేళ్లలో రూ.2.80 లక్షల కోట్ల అప్పు చేస్తే రేవంత్ ప్రభుత్వం 20 నెలల్లోనే రూ.2.20 లక్షల కోట్ల అప్పు చేసిందని కేటీఆర్ అన్నారు. శేరిలింగంపల్లి BRS కేడర్ సమావేశంలో ఆయన పాల్గొన్నారు. ‘ఎవరి అభివృద్ధి కోసం ఎమ్మెల్యే ఆరికెపూడి గాంధీ పార్టీ మారారు? ఈ 20 నెలల్లో ఏం అభివృద్ధి చేశారు? ఏ పార్టీలో ఉన్నారో చెప్పేందుకు ధైర్యం లేదా? ఉప ఎన్నికలో గెలిచే దమ్ము ఉందా?’ అని ప్రశ్నించారు.
News August 24, 2025
ట్యాక్స్ పేయర్స్ అత్యధికంగా ఉన్న టాప్-10 రాష్ట్రాలివే!
ఇన్కమ్ ట్యాక్స్ డేటా (FY 2024-25) ప్రకారం దేశంలో అత్యధిక శాతం పన్ను చెల్లింపుదారులున్న (వార్షిక ఆదాయం ₹12L-₹50L) రాష్ట్రాల్లో కర్ణాటక (20.6%) తొలి స్థానంలో ఉంది. ఆ తర్వాతి స్థానాల్లో వరుసగా TG(19.8), ఝార్ఖండ్(19.5), TN(18.8), ఢిల్లీ (17.6), పుదుచ్చేరి(17.4), ఒడిశా(16.8), MH(16.2), AP(15.9), ఉత్తరాఖండ్(14.2) ఉన్నాయి. కాగా రిచ్ స్టేట్గా పేరొందిన గుజరాత్(7%) ఈ లిస్టులో Top-10లో లేకపోవడం గమనార్హం.
News August 24, 2025
airtel ఇంటర్నెట్ డౌన్.. యూజర్ల ఇబ్బందులు
airtel మొబైల్, బ్రాడ్బాండ్ సేవలు ఉదయం 11 గంటల నుంచి నిలిచిపోయాయని యూజర్లు ఫిర్యాదులు చేస్తున్నారు. కాల్స్ చేసుకోవడానికి నెట్వర్క్ పని చేస్తున్నా నెట్ వాడేందుకు వీలు కావట్లేదంటున్నారు. చాట్ చేసేందుకూ ఇబ్బంది పడుతున్నామని చెబుతున్నారు. కొందరు మొబైల్ రీస్టార్ట్ చేసి ప్రయత్నిస్తున్నారు. దీనిపై airtel స్పందించాల్సి ఉంది. మీకూ ఈ సమస్య ఎదురవుతోందా? కామెంట్ చేయండి.
News August 24, 2025
DVT అంటే ఏంటో తెలుసా?
Deep Vein Thrombosis (<<17502186>>DVT<<>>) బారిన పడితే రక్తనాళాల్లో రక్తం గడ్డకడుతుంది. ఇది సాధారణంగా కాళ్లలోని లోతైన సిరల్లో ఏర్పడుతుంది. ఊపిరితిత్తుల వరకు చేరుకుంటే Pulmonary Embolismకు దారి తీస్తుంది. దీంతో ఊపిరితిత్తులకు రక్తప్రవాహం ఆగి, ఆక్సిజన్ తగ్గుతుంది. ప్రాణాలకు ముప్పు వాటిల్లవచ్చు. హార్మోనల్ పిల్స్, ఎక్కువ సేపు కూర్చోవడం, సర్జరీ తర్వాత యాక్టివ్గా ఉండకపోతే DVT రిస్క్ పెరుగుతుందని డాక్టర్లు తెలిపారు.
Featured News
Sorry, no posts matched your criteria.