India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 21, 2025
దావోస్‌లో రెండో రోజు సీఎం షెడ్యూల్
AP: దావోస్ పర్యటనలో భాగంగా సీఎం చంద్రబాబు ఇవాళ వరల్డ్ ఎకనమిక్ ఫోరం సదస్సులో ప్రపంచ దిగ్గజ కంపెనీల అధిపతులతో భేటీ కానున్నారు. 15కు పైగా సమావేశాల్లో ముఖాముఖి భేటీల అనంతరం గ్రీన్ హైడ్రోజన్, గ్రీన్ మాన్యుఫాక్చరింగ్, పెట్రో కెమికల్ హబ్, ఎనర్జీ ట్రాన్సిషన్, బ్లూ ఎకానమీ అంశాలపై జరిగే సదస్సులో పాల్గొంటారు. టాటా, కార్ల్స్ బెర్గ్, LG, సిస్కో, వాల్‌మార్ట్, కాగ్నిజెంట్ ప్రతినిధులతో పెట్టుబడులపై చర్చిస్తారు.
News January 21, 2025
ప్రపంచంలోనే అత్యంత భయంకరమైన కుక్క జాతులు
1. కేన్ కోర్సో (ఇటాలియన్ జాతి) డాగ్‌ను చాలా దేశాల్లో నిషేధించారు.
2. చెకోస్లోవాక్ వోల్ఫ్ డాగ్ (భయం లేనిది, వేగం, శక్తిగలది)
3. కానరియా డాన్ (చాలా దేశాల్లో బ్యాన్ చేశారు)
4.రోట్వీలర్ (అపరిచితులకు చుక్కలు చూపిస్తుంది)
5. బండోగ్ (నిషేధించిన జాతుల్లో ఒకటి)
6. పెర్రో డి ప్రెస్ మల్లోర్క్విన్ (తెలివైనది, శక్తివంతమైనది)
7. మాస్టిఫ్ (ఓనర్స్‌తో మాత్రమే ఫ్రెండ్లీగా ఉంటాయి)
News January 21, 2025
ఉగ్రవాదుల కాల్పుల్లో AP జవాన్ మృతి.. CM దిగ్భ్రాంతి
J&Kలో ఉగ్రవాదులు, భద్రతా బలగాల మధ్య జరిగిన కాల్పుల్లో చిత్తూరు జిల్లాకు చెందిన జవాన్ <<15207990>>కార్తీక్<<>> మృతి చెందడం దిగ్భ్రాంతిని కలిగించిందని AP CM చంద్రబాబు ట్వీట్ చేశారు. దేశం కోసం ప్రాణాలర్పించిన కార్తీక్ కుటుంబానికి ప్రగాఢ సానుభూతిని తెలియజేశారు. ఆయన కుటుంబానికి రాష్ట్ర ప్రభుత్వం అన్ని వేళలా అండగా ఉంటుందని భరోసా ఇచ్చారు.
News January 21, 2025
బెస్ట్ హనీమూన్ ప్లేస్ ఇదే
ప్రపంచంలో బెస్ట్ హనీమూన్ ప్లేస్‌గా మారిషస్ నిలిచింది. ట్రిప్ అడ్వైజర్ ప్లాట్‌ఫాంలో ఎక్కువ మంది ఈ ద్వీప దేశం మధుర అనుభూతులకు నిలయమని ఓటేశారు. ఏడాదంతా 20-30 డిగ్రీల ఉష్ణోగ్రత ఉండే ఈ దేశం ఇండియన్, ఆఫ్రికన్, ఫ్రెంచ్, చైనా వారసత్వాల కలబోత. సముద్రాలు, సముద్ర జీవులు, బీచ్‌లు, వాటర్ గేమ్స్, గ్రీనరీ, అందుబాటు ధరల్లో లగ్జరీ హాస్పిటాలిటీతో అన్ని ప్రాంతాల వారిని మారిషస్ ఆకట్టుకుంటోంది.
News January 21, 2025
శ్రీవారి ఆర్జిత సేవల టికెట్లు విడుదల
శ్రీవారి ఆర్జిత సేవల టికెట్లను TTD విడుదల చేసింది. ఏప్రిల్ నెలకు సంబంధించి కళ్యాణం, ఊంజల్ సేవ, ఆర్జిత బ్రహ్మోత్సవం, సహస్ర దీపాలంకరణ సహా వార్షిక వసంతోత్సవ సేవల టికెట్లు కాసేపటి క్రితం ఆన్‌లైన్‌లో అందుబాటులో ఉంచింది.
News January 21, 2025
ట్రంప్ షాక్: బర్త్ రైట్ సిటిజన్‌షిప్ రద్దు
డొనాల్డ్ ట్రంప్ అనుకున్నదే చేశారు. అమెరికాలో జన్మత: లభించే పౌరసత్వాన్ని రద్దు చేస్తూ ఎగ్జిక్యూటివ్ ఆర్డర్ పాస్ చేశారు. రాజ్యాంగంలోని 14వ ఆర్టికల్‌ను సవరించి వందేళ్లుగా కొనసాగుతున్న విధానాన్ని రద్దు చేశారు. ఇకపై చట్టబద్ధంగా USలో ఉంటున్న వారు జన్మనిచ్చే పిల్లలకే ఈ హక్కు లభిస్తుంది. అక్రమ వలసదారుల పిల్లలకు వర్తించదు. చాలామంది భారతీయులు విజిటింగ్‌కు వెళ్లి అక్కడ పిల్లలకు జన్మనిచ్చే సంగతి తెలిసిందే.
News January 21, 2025
తండ్రి కాబోతున్న టాలీవుడ్ హీరో
టాలీవుడ్ యంగ్ హీరో కిరణ్ అబ్బవరం తండ్రి కాబోతున్నారు. తన భార్య బేబీ బంప్‌తో ఉన్న ఫొటోను సోషల్ మీడియాలో పంచుకున్న ఆయన ‘మా ప్రేమ 2 అడుగుల మేర పెరుగుతోంది’ అంటూ ట్వీట్ చేశారు. దీంతో అందరూ కిరణ్‌కు కంగ్రాట్స్ చెబుతున్నారు. కాగా తాను ప్రేమించిన హీరోయిన్ రహస్య గోరక్‌ను కిరణ్ గత ఆగస్టులో పెళ్లి చేసుకున్న సంగతి తెలిసిందే.
News January 21, 2025
Stock Markets: రియాల్టి షేర్లపై సెల్లింగ్ ప్రెజర్
గ్లోబల్ మార్కెట్ల నుంచి మిశ్రమ సంకేతాలే అందడంతో దేశీయ స్టాక్‌మార్కెట్లు ఫ్లాటుగా ట్రేడవుతున్నాయి. సెన్సెక్స్ 76942 (-130), నిఫ్టీ 23,346 (5) వద్ద కొనసాగుతున్నాయి. BRICS దేశాలపై 100% టారిఫ్ విధిస్తానని ట్రంప్ చెప్పడం నెగటివ్ సెంటిమెంటుకు దారితీసింది. మీడియా, మెటల్, ఫార్మా, హెల్త్‌కేర్, O&G షేర్లకు డిమాండ్ కనిపిస్తోంది. రియాల్టి షేర్లపై సెల్లింగ్ ప్రెజర్ ఉంది. BPCL, APOLLOHOSP టాప్ గెయినర్స్.
News January 21, 2025
ఫిబ్రవరిలోనే సర్పంచ్ ఎన్నికలు?
TG: సర్పంచ్ ఎన్నికలు ఫిబ్రవరిలోనే నిర్వహించేందుకు ప్రభుత్వం కసరత్తు చేస్తున్నట్లు తెలుస్తోంది. ఎన్నికల్లో బీసీ రిజర్వేషన్ల పెంపుపై త్వరలో ప్రభుత్వానికి అందే నివేదికను అసెంబ్లీలో ఆమోదించాలని ఆలోచిస్తోంది. ఫిబ్రవరిలో నిర్వహించాల్సి వస్తే 15-20 రోజుల్లో ఎలక్షన్స్ పూర్తి చేయనుంది. మార్చిలో ఇంటర్, ఆ తర్వాత టెన్త్ పరీక్షలతో ఎన్నికల నిర్వహణకు ఇబ్బంది అవుతుంది. ఫిబ్రవరి కాకుంటే ఏప్రిల్ వరకు ఆగాల్సిందే.
News January 21, 2025
ఇంటర్ ‘ప్రాక్టికల్స్’ ల్యాబ్‌లో సీసీ కెమెరాలు: బోర్డు
TG: ఫిబ్రవరి 3 నుంచి నిర్వహించనున్న ఇంటర్ ప్రాక్టికల్స్‌పై కాలేజీలకు ఇంటర్ బోర్డు కీలక సూచనలు చేసింది. ప్రతి ల్యాబ్‌లో 2 సీసీ కెమెరాలు ఏర్పాటు చేయాలని బోర్డు సెక్రటరీ కృష్ణ ఆదిత్య ఆదేశించారు. వైఫై కనెక్షన్‌, ఆడియో రికార్డింగ్ సౌకర్యం కూడా కల్పించాలన్నారు. ప్రాక్టికల్ సెంటర్‌లో కంప్యూటర్, ప్రింటర్ అందుబాటులో ఉంచాలని, ల్యాబ్ ఫొటోలు, ఫ్యాకల్టీ డిక్లరేషన్ వివరాలను వెబ్‌సైట్‌లో అప్‌లోడ్ చేయాలన్నారు.
Featured News
Sorry, no posts matched your criteria.