India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 5, 2024
GREAT.. ఒక్కరికే నాలుగు ఉద్యోగాలు
TG: ఈ రోజుల్లో ఒక్క ఉద్యోగం వచ్చేందుకే నానాకష్టాలు పడుతుంటే నల్గొండకు చెందిన చింతల తులసికి ఏకంగా నాలుగు ప్రభుత్వ ఉద్యోగాలు వచ్చాయి. ఇప్పటికే గ్రూప్-4, పాలిటెక్నిక్ లెక్చరర్ జాబ్స్ సాధించిన ఆమె ఏప్రిల్ 24న ఏఈ, ఆగస్టు 2న ఏఈఈ కొలువులు దక్కించుకున్నారు. పోటీ ఉద్యోగాలకు సన్నద్ధమయ్యేందుకు ఆర్థిక పరిస్థితులు ఎదురైతే ట్యూషన్లు చెప్పి డబ్బులు సమకూర్చుకున్నట్లు ఆమె తెలిపారు.
News August 5, 2024
మరో మనిషి మెదడులో ఎలక్ట్రానిక్ చిప్
ఈ ఏడాది జనవరిలో తొలిసారి ఓ మనిషి(<<12569229>>అర్బాగ్<<>>) మెదడులో ఎలక్ట్రానిక్ చిప్ ప్రవేశపెట్టిన న్యూరాలింక్ తాజాగా మరో వ్యక్తిలోనూ చిప్ అమర్చినట్లు తెలిపింది. అతని మెదడులోని 400 ఎలక్ట్రోడ్‌లు సరిగ్గా పనిచేస్తున్నట్లు సంస్థ CEO ఎలాన్ మస్క్ తెలిపారు. ఈ ఏడాది DECలోగా మరో 8 మంది మెదళ్లలో చిప్‌ను ప్రవేశపెడతామన్నారు. వెన్ను, మెదడు సంబంధిత సమస్యలతో బాధపడుతున్న వారికి ఉపయోగపడేలా ఈ చిప్‌ను అభివృద్ధి చేస్తున్నారు.
News August 5, 2024
మెదడులో చిప్.. ఎలా పనిచేస్తుంది?
బ్రెయిన్-కంప్యూటర్ ఇంటర్‌ఫేస్(BCI) కలిగిన N1 అనే చిప్‌ను మనిషి పుర్రెలో అమరుస్తారు. ఇది 8MM వ్యాసం ఉంటుంది. చిప్‌లోని 3వేలకు పైగా ఎలక్ట్రోడ్లను మెదడులోని ముఖ్యమైన భాగాల్లో ప్రవేశపెడతారు. ఇవి న్యూరాన్లలో ప్రసారమయ్యే మెసేజ్‌లను చిప్‌నకు పంపుతాయి. వాటిని కంప్యూటర్లు విశ్లేషించగలిగే అల్గారిథమ్‌లుగా BCI మారుస్తుంది. మెదడు, వెన్ను సమస్యలు ఉన్నవారికి కొత్త జీవితం ఇచ్చేందుకు న్యూరాలింక్ పనిచేస్తోంది.
News August 5, 2024
అజిత్‌తో ప్రశాంత్ నీల్ కేజీఎఫ్-3?
ప్రశాంత్ నీల్ తెరకెక్కించిన కేజీఎఫ్ సిరీస్ ఏ స్థాయిలో హిట్ అయిందో తెలిసిందే. ఇప్పుడు కేజీఎఫ్-3పై నీల్ దృష్టి పెట్టారు. ఇందులో హీరో యశ్ కాదట. తమిళ హీరో అజిత్‌తో దీన్ని తెరకెక్కించనున్నారని కోలీవుడ్‌ వర్గాలు చెబుతున్నాయి. ఆయన అగ్రిమెంట్‌పై సంతకం చేశారని పేర్కొన్నాయి. మొదలైతే ఆయన కెరీర్లో ఇది 64వ సినిమా కానుంది. అయితే, దీనిపై మూవీ టీమ్ నుంచి అధికారికంగా సమాచారం రావాల్సి ఉంది.
News August 5, 2024
భారీ నష్టాలతో ప్రారంభమైన స్టాక్ మార్కెట్లు
అంత‌ర్జాతీయంగా నెలకొన్న అనిశ్చితి, కార్పొరేట్ కంపెనీల జూన్ త్రైమాసిక ఫ‌లితాల సీజ‌న్ నేప‌థ్యంలో సోమ‌వారం దేశీయ స్టాక్ మార్కెట్లు భారీ నష్టాలతో ఆర‌ంభ‌మ‌య్యాయి. సెన్సెక్స్ 1600, నిఫ్టీ 450పాయింట్ల న‌ష్టంతో ట్రేడింగ్ సెష‌న్ ప్రారంభ‌మైంది. రెండు దేశీయ సూచీలు భారీ గ్యాప్ డౌన్‌తో ఓపెన్ అయ్యాయి. టాటా మోట‌ర్స్‌, హిందాల్కో, శ్రీరామ్ ఫిన్, టాటా స్టీల్ 4 నుంచి 5 శాతం నష్టాలతో ట్రేడవుతున్నాయి.
News August 5, 2024
అటు ప్రకృతి ప్రకోపం.. ఇటు దొంగల ప్రతాపం
ప్రకృతి విలయంతో విలవిల్లాడుతున్న వయనాడ్ ప్రజలకు కొత్తగా దొంగల బెడద పట్టుకుంది. వాలంటీర్ల రూపంలో దొంగలు చెలరేగిపోతున్నారని, విలువైన వస్తువులు ఎత్తుకెళ్తున్నారని బాధితులు వాపోతున్నారు. చూరల్మల, ముండక్కై గ్రామాల్లో కొండచరియలు విరిగిపడటంతో అధికారులు గ్రామస్థులను ఇళ్లు ఖాళీ చేయించి శిబిరాలకు తరలించారు. ఇదే అదనుగా కొందరు ఆ ఇళ్లను దోచుకుంటున్నారు. దీంతో వాలంటీర్లకు ఐడీ కార్డులు ఇవ్వడం ప్రారంభించారు.
News August 5, 2024
గుడ్‌న్యూస్.. ఆ విద్యార్థులకూ ఫీజు రీయింబర్స్‌మెంట్
TG: పాలిటెక్నిక్ సీట్ల భర్తీలో భాగంగా ఇంటర్నల్ స్లైడింగ్ ద్వారా సీట్లు మార్చుకున్న విద్యార్థులకూ ఫీజు రీయింబర్స్‌మెంట్ వర్తింపజేయనున్నట్లు ప్రభుత్వం తెలిపింది. ఇది వరకు ఇంటర్నల్ స్లైడింగ్ కాలేజీలే నిర్వహించడంతో రీయింబర్స్‌మెంట్ వచ్చేది కాదు. కాగా ఇవాళ్టి నుంచి ఈ సీట్ల మార్పు ప్రక్రియ మొదలుకానుంది. మరోవైపు మిగిలిపోయిన సీట్లకు 8 నుంచి 11వరకు దరఖాస్తులు స్వీకరించి 12న స్పాట్ అడ్మిషన్లు కల్పిస్తారు.
News August 5, 2024
OLYMPICS: భారత్ ఆటగాడిపై ఒక మ్యాచ్ నిషేధం
ఒలింపిక్స్‌లో <<13775835>>అదరగొడుతున్న<<>> భారత హాకీ టీమ్‌కు షాక్ తగిలింది. బ్రిటన్‌తో క్వార్టర్ ఫైనల్ మ్యాచ్‌లో రెడ్ కార్డ్ పొందిన డిఫెండర్ అమిత్ రోహిదాస్‌పై FIH ఒక మ్యాచ్ నిషేధం విధించింది. దీంతో రేపు జరిగే సెమీ ఫైనల్‌కు అతను దూరం కానున్నారు. బ్రిటన్ ప్లేయర్ కల్నన్ తలకు అమిత్ హాకీ స్టిక్ తగలడంతో రిఫరీ రెడ్ కార్డు చూపించిన విషయం తెలిసిందే. దీన్ని హాకీ ఇండియా ఛాలెంజ్ చేయగా, ఇంకా నిర్ణయం వెలువడలేదు.
News August 5, 2024
చదువు చెప్పిన కాలేజీకి రూ.228 కోట్ల విరాళం
APకి చెందిన వ్యాపారవేత్త కృష్ణా చివుకుల ఉదారత చాటుకున్నారు. తాను ఇంజినీరింగ్ విద్యనభ్యసించిన IIT మద్రాస్‌కు ₹228 కోట్ల భారీ విరాళం ప్రకటించారు. రేపు ఒప్పంద కార్యక్రమం జరగనుంది. బాపట్లకు చెందిన చివుకుల 1970లో ఏరోస్పేస్‌లో ఎంటెక్ పూర్తిచేశారు. న్యూయార్క్‌లో శివ టెక్నాలజీస్ కంపెనీని ఏర్పాటుచేశారు. ఆ తర్వాత బెంగళూరు, రేణిగుంటలోనూ సంస్థలను నెలకొల్పారు. ఈయన గతంలోనూ ఎన్నో దాతృత్వ కార్యక్రమాలు చేశారు.
News August 5, 2024
రీరిలీజ్‌లో సూపర్‌స్టార్ ‘మురారి’ రికార్డులు
సూపర్ స్టార్ మహేశ్ బాబు పుట్టినరోజు సందర్భంగా ఈ నెల 9న మురారి సినిమాను 4Kలో రీరిలీజ్ చేస్తున్న సంగతి తెలిసిందే. ఈక్రమంలో ఈ సినిమా పలు రికార్డుల్ని సృష్టిస్తోంది. హైదరాబాద్‌లో అడ్వాన్స్ సేల్స్‌లో అత్యంత వేగంగా రూ.50 లక్షల కలెక్షన్లు సాధించడంతో పాటు బుక్‌మైషోలో 24 గంటల్లో 40.01 వేల టికెట్ల బుకింగ్స్‌తో ‘బిజినెస్‌మ్యాన్’ రికార్డును తిరగరాసింది. సుదర్శన్ 35MMలో రిలీజ్ రోజుకు ఒక్క టికెట్టూ మిగలలేదు.
Featured News
Sorry, no posts matched your criteria.