India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 4, 2024
ప్రభుత్వ పెద్దల ప్రోత్సాహంతో దాడులు: జగన్
AP: రాజకీయ హింసకు ఏపీ మారుపేరుగా మారిపోయిందని వైఎస్ జగన్ విమర్శించారు. ‘ప్రభుత్వ పెద్దల ప్రోత్సాహంతో దాడులు జరుగుతున్నాయి. హామీలను చంద్రబాబు నిలబెట్టుకోలేకపోవడంతో ఎవరూ ప్రశ్నించకూడదని వైసీపీ నాయకులను భయభ్రాంతులకు గురిచేసేందుకు ఇలాంటి దుర్మార్గాలకు పాల్పడుతున్నారు. ఈ దారుణాల బాధితులకు అండగా ఉంటూ పోరాటాన్ని కొనసాగిస్తాం’ అని #SaveAPFromTDP హ్యాష్‌ట్యాగ్‌తో మాజీ సీఎం ట్వీట్ చేశారు.
News August 4, 2024
పెన్షన్‌దారులకు సూపర్ న్యూస్
AP: పింఛన్ల బదిలీకి ప్రభుత్వం అవకాశం కల్పించింది. దీనికి సంబంధించిన ఆప్షన్‌ను గ్రామ, వార్డు సచివాలయాలల్లో అందుబాటులో ఉంచింది. కొందరు ఉపాధి కోసం APలోని వేరే ప్రాంతాల్లో నివసిస్తున్నారు. వీరు పింఛను కోసం ప్రతి నెలా సొంతూరు రావాల్సి వస్తోంది. ఇకపై ఇలాంటి వారు పెన్షన్‌ ట్రాన్స్‌ఫర్‌కు సచివాలయంలో అప్లై చేసుకోవచ్చు. ఎక్కడికి బదిలీ చేయాలనుకుంటున్నారో ఆ ప్రాంతం, సచివాలయ వివరాలు అందించాల్సి ఉంటుంది.
News August 4, 2024
ఫ్యాక్షన్‌ను అణచివేయడంలో చంద్రబాబు దిట్ట: టీజీ
AP: రాష్ట్రంలో శాంతి భద్రతలు అదుపులోనే ఉన్నాయని మాజీ మంత్రి టీజీ వెంకటేశ్ అన్నారు. ఫ్యాక్షన్‌ను అణచివేయడంలో చంద్రబాబు దిట్ట అని తెలిపారు. మోదీ ఆశీస్సులతో AP అభివృద్ధి చెందుతుందని పేర్కొన్నారు. రాయలసీమనే కాదు రాష్ట్రాన్నే అభివృద్ధి చేయగల సత్తా చంద్రబాబుకి ఉందన్నారు. పెన్నా-గోదావరి నదుల అనుసంధానానికి CBN భగీరథ ప్రయత్నం చేస్తున్నారని చెప్పారు. విభజన హామీల్లో వచ్చిన మేరకు తీసుకోవాలన్నారు.
News August 4, 2024
పెళ్లి కాకుండానే విడిపోయిన ‘దసరా’ విలన్
‘దసరా’ మూవీ విలన్ షైన్ టామ్ చాకో మోడల్ తనూజాతో విడిపోయారు. వారిద్దరూ కలిసి ఉన్న ఫొటోలను ఆయన తన సోషల్ మీడియా ఖాతా నుంచి తొలగించారు. ఓ ఇంటర్వ్యూలో కూడా తాను మళ్లీ సింగిల్ అని తెలిపారు. తమ బంధం కలుషితంగా మారిందని చెప్పారు. కాగా 40 ఏళ్ల టామ్ ఈ ఏడాది జనవరిలో తన స్నేహితురాలు తనూజాతో ఎంగేజ్‌మెంట్ జరుపుకున్నారు. మరోవైపు ఇప్పటికే ఆయనకు పెళ్లి కాగా భార్యకు విడాకులు ఇచ్చారు. ఓ కూతురు కూడా ఉంది.
News August 4, 2024
గాయంతో సెమీస్ నుంచి కరోలినా ఔట్.. సింధూ సపోర్ట్
పారిస్: ఉమెన్స్ బ్యాడ్మింటన్ సెమీస్లో ఒలింపిక్స్ గోల్డ్ మెడలిస్ట్ కరోలినా మారిన్‌ (SPAIN) గాయంతో మ్యాచ్‌కు దూరమయ్యారు. ఆట మధ్యలో మోకాలికి గాయం కాగా నొప్పిని భరిస్తూ ఆడేందుకు ప్రయత్నించినా వీలు కాకపోవడంతో కన్నీరు పెట్టుకుంటూ వెనుదిరిగారు. కాగా సింధూ ఆమెకు మద్దతుగా నిలిచారు. ‘నా క్లోజ్ ఫ్రెండ్, ప్రత్యర్థి కరోలినా త్వరగా కోలుకోవాలి. కరోలినా.. నేను నీకు అతిపెద్ద సపోర్టర్‌ని’ అని పేర్కొన్నారు.
News August 4, 2024
భూములు కాజేసేందుకు ప్రభుత్వం కుట్ర: బండి
TG: HYD శివారులో ఫోర్త్ <<13756217>>సిటీ<<>> ఏర్పాటు వెనుకు కాంగ్రెస్ ప్రభుత్వ భూదందా కుట్ర ఉందని కేంద్రమంత్రి బండి సంజయ్ ఆరోపించారు. వేల ఎకరాలను దోచుకోవాలని చూస్తోందని, KCR బాటలోనే కాంగ్రెస్ నడుస్తోందని దుయ్యబట్టారు. ధరణి, భూముల అన్యాక్రాంతంపై శ్వేతపత్రం విడుదల చేయాలని డిమాండ్ చేశారు. KCR కుటుంబ భూదోపిడీపై ఏం చర్యలు తీసుకున్నారని HYD గుర్రంగూడ బోనాల వేడుకల్లో పాల్గొన్న సందర్భంగా బండి ప్రశ్నించారు.
News August 4, 2024
చేజారిన గోల్డ్ ఆశలు.. లక్ష్యసేన్ ఓటమి
బ్యాడ్మింటన్ మెన్స్ సెమీస్లో లక్ష్యసేన్‌కు నిరాశే ఎదురైంది. తొలి సెట్లో మొదట దూకుడుగా ఆడిన సేన్ గేమ్ పాయింట్ వద్ద తడబడ్డారు. దీంతో ప్రత్యర్థి అక్సెల్‌సేన్‌కు వరుస పాయింట్లు దక్కి ఆ సెట్‌ను (22-20) సొంతం చేసుకున్నారు. రెండో సెట్లో వరుసగా ఏడు పాయింట్లు సాధించి ఆధిపత్యం చెలాయించిన సేన్ ఆ తర్వాత పట్టు కోల్పోయారు. దీంతో 14-21 తేడాతో ఆ సెట్ కూడా కోల్పోయి, మ్యాచ్ చేజార్చుకున్నారు. <<-se>>#Olympics2024<<>>
News August 4, 2024
ఒలింపిక్స్: THE WALL OF INDIA!.. అదరగొట్టిన శ్రీజేశ్
హాకీలో ప్రపంచ నం-2 బ్రిటన్‌తో జరిగిన క్వార్టర్ ఫైనల్లో భారత్ అదరగొట్టింది. గోల్ కీపర్ పీఆర్ శ్రీజేశ్ మన జట్టుకు వెన్నెముకగా నిలిచారు. రెడ్ కార్డు వల్ల డిఫెండర్ అమిత్ రోహిదాస్ దూరం కావడంతో మన జట్టు 10 మందితోనే ఆడింది. బ్రిటన్ కంటిన్యూగా అటాక్ చేసినా శ్రీజేశ్ పట్టువదలని విక్రమార్కుడిలా డిఫెండ్ చేశారు. షూటౌట్‌లోనూ అడ్డుగోడగా నిలిచారు. అతడిని ‘THE WALL OF INDIA!’ అని నెటిజన్లు ప్రశంసిస్తున్నారు.
News August 4, 2024
ప్రభుత్వం ఇలా వ్యవహరించడం బాధాకరం: హరీశ్ రావు
TG: మధ్యాహ్న భోజన పథకానికి సంబంధించిన పెండింగ్ బిల్లులు, కార్మికుల జీతాలను వెంటనే విడుదల చేయాలని ప్రభుత్వాన్ని హరీశ్‌రావు డిమాండ్ చేశారు. ‘నిజామాబాద్(D) కొత్తపల్లి ప్రభుత్వ స్కూల్‌లో శుక్రవారం సరైన భోజనం లేకపోవడంతో విద్యార్థులు కారం, నూనె కలిపిన అన్నంతో కడుపు నింపుకున్నారు. ప్రభుత్వం బాధ్యతారహితంగా వ్యవహరించడం బాధాకరం. బిల్లులు, వేతనాల పెండింగ్ వల్లే సరైన భోజనం అందడం లేదు’ అని ట్వీట్ చేశారు.
News August 4, 2024
గంభీర్ ఎక్కువ కాలం కోచ్‌గా ఉండలేడు: జోగిందర్
ముక్కుసూటిగా ఉండే గౌతమ్ గంభీర్ భారత హెడ్ కోచ్‌గా ఎక్కువ కాలం ఉండలేడని మాజీ క్రికెటర్ జోగిందర్ శర్మ అన్నారు. తనకు అతడిపై వ్యక్తిగత ద్వేషమేమీ లేదని చెప్పారు. ‘గౌతీ సొంతంగా నిర్ణయాలు తీసుకునే వ్యక్తి. ఏ పనైనా నిజాయితీగా చేస్తాడు. కానీ అలాంటి వ్యక్తికి ఒక్కోసారి ఆటగాళ్లతో విభేదాలు రావచ్చు. ఆ సమయంలో నిర్మొహమాటంగా మాట్లాడేస్తాడు. ఇలా చేస్తే ఎక్కువకాలం కోచ్‌గా ఉండలేడు’ అని ఆయన పేర్కొన్నారు.
Featured News
Sorry, no posts matched your criteria.