India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 7, 2024
వినేశ్ ఫొగట్‌పై అనర్హత వేటు.. వారిపై చర్యలు తీసుకోవాలి: WFI
పారిస్ ఒలింపిక్స్‌లో భారత రెజ్లర్ వినేశ్ ఫొగట్‌పై అనర్హత వేటు పడటంపై WFI అధ్యక్షుడు సంజయ్ సింగ్ స్పందించారు. ‘ఈ విషయంలో వినేశ్ తప్పేం లేదు. ఆమె అద్భుతంగా ఆడుతోంది. పతకం ఖాయం అనుకున్న టైంలో ఇలా జరగడం బాధాకరం. 2 రోజుల పాటు ఆమె బరువు స్థిరంగానే ఉంది. బరువు పెరగడంపై ఆమెతో అన్ని వేళలా ఉండే కోచ్, సపోర్ట్ స్టాఫ్, ఫిజియో, న్యూట్రీషియన్స్ బాధ్యత తీసుకోవాలి. బాధ్యులపై చర్యలు తీసుకోవాలి’ అని డిమాండ్ చేశారు.
News August 7, 2024
తెలంగాణకు మరో కంపెనీ
US పర్యటనలో ఉన్న CM రేవంత్ రెడ్డి మెటీరియల్‌ సైన్స్‌ రంగంలో ప్రపంచ ప్రసిద్ధి చెందిన కార్నింగ్ ఇన్‌కార్పొరేటెడ్ కంపెనీతో ఒప్పందం కుదుర్చుకున్నారు. ఫార్మాస్యూటికల్, కెమికల్ రంగాల్లో అత్యాధునిక పరిశోధన, అభివృద్ధి కేంద్రంగా TGని తీర్చిదిద్దడంతో ఈ సంస్థ భాగస్వామి కానుంది. ఇది 2025 నుంచి రాష్ట్రంలో ఫార్మా గ్లాస్ ట్యూబ్‌లను ఉత్పత్తి చేయనుంది. ఔషధాల ప్యాకేజింగ్ పరిశ్రమలో ఈ గ్లాస్ ట్యూబ్‌లను ఉపయోగిస్తారు.
News August 7, 2024
వారికి 33శాతం రిజర్వేషన్లు: సీఎం చంద్రబాబు
AP: చట్టసభల్లో వెనుకబడిన వర్గాలకు 33% రిజర్వేషన్ల కోసం అసెంబ్లీలో తీర్మానం చేస్తామని CM <<13800264>>చంద్రబాబు<<>> ప్రకటించారు. ఇది పార్లమెంట్‌లో చట్టరూపం దాల్చేలా బాధ్యత తీసుకుంటామన్నారు. ‘నామినేటెడ్ పోస్టుల్లో బీసీలకు న్యాయం చేస్తాం. చేనేత మగ్గాల కోసం రూ.50వేలు సాయమందిస్తాం. చేనేత మరమగ్గాలకు సౌర విద్యుత్ ప్యానెళ్ల ద్వారా, చేనేతలకు 200 యూనిట్ల వరకు ఫ్రీ విద్యుత్ ఇస్తాం’ అని సీఎం తెలిపారు.
News August 7, 2024
‘నాట్ ఔట్’కి బదులు ‘ఔట్’ ఇచ్చిన థర్డ్ అంపైర్
ఇండియా VS శ్రీలంక మూడో వన్డేలో ఆసక్తికర విషయం జరిగింది. 49వ ఓవర్‌లో కుల్దీప్ యాదవ్ వేసిన బంతికి మహీశ్ తీక్షణ ముందుకెళ్లి షాట్ కొట్టేందుకు ప్రయత్నించగా మిస్ అయింది. దీంతో WK రిషభ్ స్టంపింగ్ చేయగా అప్పటికే తీక్షణ బ్యాట్‌ను గ్రీస్‌లోపల ఉంచారు. కానీ, థర్డ్ అంపైర్ ‘ఔట్’ అని ప్రకటించడంతో శ్రీలంక కోచ్‌తో సహా అంతా షాక్ అవగా వెంటనే ‘నాట్ ఔట్’ అని మార్చారు. అయితే తీక్షణ బౌలింగ్‌లో పంత్ స్టంప్ ఔట్ అయ్యారు.
News August 7, 2024
ALERT.. కాసేపట్లో ఈ జిల్లాల్లో వర్షాలు
తెలంగాణలోని కొన్ని జిల్లాల్లో రాగల 2 గంటల్లో తేలికపాటి నుంచి మోస్తరు వర్షాలు కురుస్తాయని HYD వాతావరణ కేంద్రం తెలిపింది. కామారెడ్డి, సిరిసిల్ల, నిజామాబాద్, నిర్మల్, జగిత్యాల, పెద్దపల్లి, భూపాలపల్లి, కరీంనగర్ జిల్లాల్లో వర్షాలు పడతాయని పేర్కొంది. మీ ప్రాంతంలో వర్షం పడుతుందా? కామెంట్ చేయండి.
News August 7, 2024
రోజూ EGGS తింటున్నారా? ఇవి తెలుసుకోండి!
గుడ్లు తింటే ఎన్నో ప్రయోజనాలుంటాయని వైద్యులు చెబుతుంటారు. అందుకోసం ఒకేసారి ఎక్కువగా గుడ్లను కొనుగోలు చేసి ఇంట్లో స్టోర్ చేస్తుంటారు. అయితే, ఎగ్స్ 10-12 రోజుల వరకే ఫ్రెష్‌గా ఉంటాయని, ఫ్రిడ్జిలో పెడితే 4 వారాల వరకు పాడవవని FSSAI చెబుతోంది. పగిలిపోయిన గుడ్లలో బాక్టీరియా చేరుతుందని, అవి తినొద్దని తెలిపింది. ఫ్రెష్‌ గుడ్డు నీటిలో తేలియాడదు. పాడైతే పచ్చ సొన గట్టిగా ఉండకుండా లిక్విడ్‌లా మారిపోతుంది.
News August 7, 2024
ఘోర ఓటమి.. 27 ఏళ్ల తర్వాత సిరీస్ కోల్పోయిన భారత్
శ్రీలంకతో చివరి వన్డేలో భారత్ 110 రన్స్ తేడాతో ఓటమిపాలైంది. 249 రన్స్ టార్గెట్‌తో బరిలోకి దిగిన IND 138 పరుగులకే కుప్పకూలింది. రోహిత్ 35, సుందర్ 30, కోహ్లీ 20, పరాగ్ 15 రన్స్ మినహా మిగతావాళ్లంతా సింగిల్ డిజిట్ స్కోర్‌కే పరిమితమయ్యారు. లంక బౌలర్లలో వెల్లలగే 5 వికెట్లతో చెలరేగారు. ఈ ఓటమితో భారత్ 0-2 తేడాతో సిరీస్‌ను కోల్పోయింది. కాగా 27 ఏళ్ల తర్వాత లంకపై భారత్ సిరీస్‌ను మిస్ చేసుకుంది.
News August 7, 2024
ఆగస్టు 15న సీతారామ ప్రాజెక్టు ప్రారంభం: ఉత్తమ్
TG: ఉమ్మడి ఖమ్మం జిల్లా ప్రజలు ఏళ్లుగా ఎదురుచూస్తున్న సీతారామ ప్రాజెక్టు ప్రారంభోత్సవానికి ముహూర్తం ఖరారైంది. ఆగస్టు 15న CM రేవంత్ ప్రారంభించనున్నట్లు మంత్రి ఉత్తమ్ వెల్లడించారు. ప్రాజెక్టు ప్రారంభోత్సవం అనంతరం వైరాలో జరిగే సభలో సీఎం పాల్గొంటారు. భద్రాద్రి(D) దుమ్ముగూడెంలో ఈ ప్రాజెక్టును నిర్మించారు. 15న ప్రారంభం కానుండటంతో ఈ నెల 11న మంత్రి సమక్షంలో అధికారులు ట్రయల్ రన్ నిర్వహించనున్నారు.
News August 7, 2024
ఫొగట్కు మహేశ్‌, సమంత మద్దతు
అధిక బరువు కారణంగా ఒలింపిక్స్‌లో డిస్‌క్వాలిఫై అయిన భారత రెజ్లర్ వినేశ్ ఫొగట్కు సినీ, రాజకీయ ప్రముఖులు సపోర్ట్‌గా పోస్టులు పెడుతున్నారు. ఇప్పటికే సమంత, సోనాక్షి సిన్హా, విక్కీ కౌశల్, తాప్సీ, హేమ మాలిని ఆమెకు మద్దతుగా నిలిచారు. తాజాగా మహేశ్‌బాబు X వేదికగా స్పందించారు. ‘నేటి ఫలితాన్ని పట్టించుకోవద్దు ఫొగట్. మీరు నిజమైన ఛాంపియన్ అని నిరూపించారు. 1.4 బిలియన్ హృదయాలు మీతోనే ఉన్నాయి’ అని పేర్కొన్నారు.
News August 7, 2024
యువత, ఉద్యోగులు చేనేత వస్త్రాలు ధరించాలి: పవన్ కళ్యాణ్
AP: కొన్నేళ్ల క్రితం తాను చెప్పినట్లుగా చేనేత వస్త్రాలే <<13799309>>ధరిస్తున్నట్లు <<>>డిప్యూటీ సీఎం పవన్ కళ్యాణ్ తెలిపారు. ‘ఉప్పాడ, మంగళగిరి, చీరాల, పెడన, పొందూరు, ఎమ్మిగనూరు, వెంకటగిరి చేనేత వస్త్రాలకు ప్రతీకలుగా ఉన్నాయి. ఈ రంగంపై జీవం పోయాల్సిన బాధ్యత ప్రతి ఒక్కరిపై ఉంది. ఆ రంగానికి అండగా ఉంటాం. యువత, ఉద్యోగులు వారంలో ఒక రోజైనా చేనేత వస్త్రాలను ధరిస్తే.. నేతన్నలకు ధీమా కలుగుతుంది’ అని పవన్ వెల్లడించారు.
Featured News
Sorry, no posts matched your criteria.