India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 9, 2024
ఏపీకి రూ.2,300 కోట్ల ‘ఉపాధి’ బకాయిలు విడుదల
AP: జాతీయ గ్రామీణ ఉపాధి హామీ పథకంలో ఏపీకి 3 నెలల బకాయిలు రూ.2,300 కోట్లను కేంద్రం విడుదల చేసింది. త్వరలోనే కూలీల ఖాతాల్లో రాష్ట్ర ప్రభుత్వం జమ చేయనుంది. దీంతో మే నుంచి వేతనాలు చెల్లించకపోవడంతో అవస్థలు పడుతున్న కూలీలకు ఊరట కలగనుంది. ఏపీకి కేటాయించిన 15 కోట్ల పనిదినాలు జూన్ నెలాఖరుకే పూర్తికావడంతో డిప్యూటీ సీఎం పవన్ విజ్ఞప్తి మేరకు మరో 6.50 కోట్ల పనిదినాలకు కేంద్రం ఆమోదం తెలిపిన విషయం తెలిసిందే.
News August 9, 2024
నెలాఖరున పీసీసీ చీఫ్ ఎంపిక?
TG: ఈ నెల చివరి వారంలో రాష్ట్రానికి పీసీసీ అధ్యక్షుడిని నియమించనున్నట్లు తెలుస్తోంది. బీసీలకు ఇస్తే మహేశ్‌కుమార్ గౌడ్, మధుయాష్కీ గౌడ్, లంబాడాలకు ఇస్తే బలరాం నాయక్, ఎస్సీలకు కేటాయిస్తే సంపత్ కుమార్‌లలో ఎవరో ఒకరికి పీసీసీ పీఠం దక్కనున్నట్లు సమాచారం. ప్రచార కమిటీ ఛైర్మన్‌గా జగ్గారెడ్డి పేరు ఖరారైనట్లు తెలుస్తోంది. అలాగే నలుగురు కార్యనిర్వాహక అధ్యక్షులను నియమించాలని ఏఐసీసీ భావిస్తున్నట్లు సమాచారం.
News August 9, 2024
‘అన్నదాత-సుఖీభవ’కు త్వరలో మార్గదర్శకాలు: సీఎం
AP: ఇటీవల కురిసిన భారీ వర్షాలకు పంటలు నష్టపోయిన రైతులకు పెట్టుబడి రాయితీ ఇవ్వాలని అధికారులను CM చంద్రబాబు ఆదేశించారు. ఇందుకోసం రూ.36 కోట్లు విడుదల చేయాలని ఆర్థిక శాఖకు సూచించారు. అన్నదాత-సుఖీభవ పథకం కింద రైతులకు రూ.20వేల చొప్పున ఆర్థిక సాయం అందించేందుకు త్వరలోనే మార్గదర్శకాలు విడుదల చేస్తామని తెలిపారు. వ్యవసాయ శాఖపై సమీక్షలో మాట్లాడుతూ.. రాష్ట్రంలో విత్తన కొరత ఉండొద్దని స్పష్టం చేశారు.
News August 9, 2024
భారత్‌కు ఈ సారి ‘గోల్డ్’ లేనట్లేనా?
పారిస్ ఒలింపిక్స్‌లో భారత్ బంగారు ఆశలు ఆవిరవుతున్నాయి. ఫేవరెట్లు విఫలమవడం, గత ఒలింపిక్స్ గోల్డ్ విన్నర్ నీరజ్ చోప్రా ఈ సారి సిల్వర్‌కే పరిమితం కావడంతో దాదాపు ఆశలు తుడిచిపెట్టుకుపోయాయి. ఇకపై జరిగే మ్యాచుల్లో మెడల్ ఫేవరెట్లు లేరు. రెజ్లర్ వినేశ్ ఫొగట్ గెలుస్తారని భావించినా దురదృష్టం ఆమెను వెంటాడింది. దీంతో గోల్డ్ లేకుండానే పారిస్ ఒలింపిక్స్‌లో భారత్ తన ప్రస్థానం ముగించే పరిస్థితి ఏర్పడింది.
News August 9, 2024
BJPకి వ్యతిరేకంగా జగన్?
వక్ఫ్ బోర్డు సవరణ బిల్లును వ్యతిరేకిస్తున్నట్లు YCP స్పష్టం చేయడంతో ఆ పార్టీ ఇండియా కూటమికి దగ్గరవుతున్నట్లు వార్తలొస్తున్నాయి. జగన్ CMగా ఉన్నప్పుడు కేంద్రం తెచ్చిన రైతు చట్టాలతో పాటు CAA, NRC బిల్లులను వైసీపీ సపోర్ట్ చేసింది. ఇప్పుడు BJPకి చంద్రబాబు, పవన్ అనుకూలంగా ఉండటంతో తామూ అటువైపుగా వెళ్తే రాజకీయంగా నష్టపోతామన్న భావనతో జగన్ ఉన్నట్లు సమాచారం. అందుకే ఇండియా కూటమివైపు వెళ్తున్నారని సమాచారం.
News August 9, 2024
మహిళలపై వేధింపుల్లో మైనర్లే అధికం: శిఖా గోయల్
TG: ఈ ఏడాది తొలి ఆరు నెలల్లో మహిళలను వేధిస్తున్న 4,823 మందిపై కేసులు నమోదైనట్లు మహిళా భద్రతా విభాగం డీజీ శిఖా గోయల్ వెల్లడించారు. వీరిలో 936 మంది 18 ఏళ్లలోపు వారే ఉన్నట్లు పేర్కొన్నారు. 449 FIRలు నమోదు చేసినట్లు తెలిపారు. వ్యక్తిగత వేధింపులే ఎక్కువ ఉన్నట్లు చెప్పారు. ఎక్కువగా వేధింపులకు గురయ్యే ప్రాంతాల్లో నిఘా, ఆధారాల సేకరణ, తక్షణ చర్యలు తీసుకోవడంతోపాటు కేసులు నమోదు చేస్తున్నట్లు తెలిపారు.
News August 9, 2024
నేడు బెంగళూరుకు జగన్!
AP: వైసీపీ చీఫ్ జగన్ నేడు బెంగళూరుకు వెళ్లనున్నారు. ఇవాళ నంద్యాలలో పర్యటించి హత్యకు గురైన సుబ్బారాయుడి కుటుంబాన్ని ఆయన పరామర్శించనున్నారు. అనంతరం ఓర్వకల్లు విమానాశ్రయం వెళ్లి అక్కడి నుంచి బయలుదేరుతారు. కాగా వైజాగ్ వైసీపీ ప్రజా ప్రతినిధుల సౌత్ ఇండియా టూర్ నేపథ్యంలో జగన్ బెంగళూరు పర్యటన చర్చనీయాంశంగా మారింది.
News August 9, 2024
కుండపోత వర్షం
హైదరాబాద్‌లో మరోసారి వర్షం దంచికొట్టింది. అర్ధరాత్రి దాటిన తర్వాత ఒక్కసారిగా కుండపోత వర్షం కురిసింది. దీంతో రోడ్లపై నీరు నిలిచింది. నేడు మహబూబాబాద్, భద్రాద్రి కొత్తగూడెం, ములుగు జిల్లాల్లో భారీ వర్షాలు కురిసే అవకాశం ఉందని వాతావరణశాఖ హెచ్చరించింది. మరోవైపు బుధవారం నుంచి గురువారం ఉదయం వరకు ఖమ్మం జిల్లా గంగాధరంలో అత్యధికంగా 13.6 సెం.మీ. వర్షపాతం నమోదైంది.
News August 9, 2024
త్వరలో అంగన్‌వాడీల్లో ప్లే స్కూల్స్ ప్రారంభం: సీతక్క
TG: ఈ నెల 13 నుంచి మంత్రి సీతక్క జిల్లాల పర్యటన చేయనున్నారు. ఉమ్మడి జిల్లాల వారీగా రోజుకో జిల్లాలో కలెక్టర్లు, తన శాఖల ఆఫీసర్లతో సమీక్ష నిర్వహించనున్నట్లు మీడియాతో ఇష్టాగోష్ఠిలో తెలిపారు. సీఎం రేవంత్ విదేశీ పర్యటన నుంచి వచ్చాక అంగన్‌వాడీల్లో ప్లే స్కూల్స్‌ను అధికారికంగా ప్రారంభిస్తామన్నారు. సీఎస్ఆర్ ఫండ్స్‌ను కార్పొరేట్ సంస్థలు గ్రామాల్లో ఉపయోగించేందుకు సానుకూలంగా ఉన్నాయన్నారు.
News August 9, 2024
సిల్వర్ గెలిచాక నీరజ్ చోప్రా ఏమన్నారంటే?
పారిస్ ఒలింపిక్స్‌లో సిల్వర్ గెలిచాక నీరజ్ చోప్రా మాట్లాడుతూ స్వర్ణ విజేత అర్షద్ నదీమ్‌కు అభినందనలు తెలిపారు. ‘2016 నుంచి అతనితో పోటీ పడుతున్నాను. కానీ తొలిసారిగా ఓడిపోయాను. అర్షద్ నిజంగా చాలా కష్టపడ్డాడు. ఇవాళ నాకన్నా ఉత్తమ ప్రదర్శన చేశాడు’ అని పేర్కొన్నారు. మరోవైపు ఇతర అథ్లెట్ల వలె తనకు వసతులు లేవని, ఉన్నవాటితోనే కష్టపడినట్లు గోల్డ్ విన్నర్ నదీమ్ చెప్పారు.
Featured News
Sorry, no posts matched your criteria.