India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 9, 2024
నేడు బెంగళూరుకు జగన్!
AP: వైసీపీ చీఫ్ జగన్ నేడు బెంగళూరుకు వెళ్లనున్నారు. ఇవాళ నంద్యాలలో పర్యటించి హత్యకు గురైన సుబ్బారాయుడి కుటుంబాన్ని ఆయన పరామర్శించనున్నారు. అనంతరం ఓర్వకల్లు విమానాశ్రయం వెళ్లి అక్కడి నుంచి బయలుదేరుతారు. కాగా వైజాగ్ వైసీపీ ప్రజా ప్రతినిధుల సౌత్ ఇండియా టూర్ నేపథ్యంలో జగన్ బెంగళూరు పర్యటన చర్చనీయాంశంగా మారింది.
News August 9, 2024
కుండపోత వర్షం
హైదరాబాద్‌లో మరోసారి వర్షం దంచికొట్టింది. అర్ధరాత్రి దాటిన తర్వాత ఒక్కసారిగా కుండపోత వర్షం కురిసింది. దీంతో రోడ్లపై నీరు నిలిచింది. నేడు మహబూబాబాద్, భద్రాద్రి కొత్తగూడెం, ములుగు జిల్లాల్లో భారీ వర్షాలు కురిసే అవకాశం ఉందని వాతావరణశాఖ హెచ్చరించింది. మరోవైపు బుధవారం నుంచి గురువారం ఉదయం వరకు ఖమ్మం జిల్లా గంగాధరంలో అత్యధికంగా 13.6 సెం.మీ. వర్షపాతం నమోదైంది.
News August 9, 2024
త్వరలో అంగన్‌వాడీల్లో ప్లే స్కూల్స్ ప్రారంభం: సీతక్క
TG: ఈ నెల 13 నుంచి మంత్రి సీతక్క జిల్లాల పర్యటన చేయనున్నారు. ఉమ్మడి జిల్లాల వారీగా రోజుకో జిల్లాలో కలెక్టర్లు, తన శాఖల ఆఫీసర్లతో సమీక్ష నిర్వహించనున్నట్లు మీడియాతో ఇష్టాగోష్ఠిలో తెలిపారు. సీఎం రేవంత్ విదేశీ పర్యటన నుంచి వచ్చాక అంగన్‌వాడీల్లో ప్లే స్కూల్స్‌ను అధికారికంగా ప్రారంభిస్తామన్నారు. సీఎస్ఆర్ ఫండ్స్‌ను కార్పొరేట్ సంస్థలు గ్రామాల్లో ఉపయోగించేందుకు సానుకూలంగా ఉన్నాయన్నారు.
News August 9, 2024
సిల్వర్ గెలిచాక నీరజ్ చోప్రా ఏమన్నారంటే?
పారిస్ ఒలింపిక్స్‌లో సిల్వర్ గెలిచాక నీరజ్ చోప్రా మాట్లాడుతూ స్వర్ణ విజేత అర్షద్ నదీమ్‌కు అభినందనలు తెలిపారు. ‘2016 నుంచి అతనితో పోటీ పడుతున్నాను. కానీ తొలిసారిగా ఓడిపోయాను. అర్షద్ నిజంగా చాలా కష్టపడ్డాడు. ఇవాళ నాకన్నా ఉత్తమ ప్రదర్శన చేశాడు’ అని పేర్కొన్నారు. మరోవైపు ఇతర అథ్లెట్ల వలె తనకు వసతులు లేవని, ఉన్నవాటితోనే కష్టపడినట్లు గోల్డ్ విన్నర్ నదీమ్ చెప్పారు.
News August 9, 2024
అన్న క్యాంటీన్ల ఫుడ్ సప్లై బాధ్యతలు ఎవరికంటే?
AP: ఈ నెల 15న ప్రారంభించనున్న అన్న క్యాంటీన్లకు ఆహార సరఫరా బాధ్యతలను హరేకృష్ణ ఫౌండేషన్‌కు రాష్ట్ర ప్రభుత్వం అప్పగించింది. ఉదయం అల్పాహారం, మధ్యాహ్నం, రాత్రి భోజనం సప్లై చేసేలా కాంట్రాక్టును ఈ సంస్థ దక్కించుకుంది. భవన నిర్మాణ పనులు పూర్తి కాకపోవడంతో తొలి విడతలో 100, రెండో విడతలో 83, మూడో విడతలో 20 క్యాంటీన్లను ప్రభుత్వం ప్రారంభించనుంది.
News August 9, 2024
పీజీఈసెట్ కౌన్సెలింగ్ రీ షెడ్యూల్
TG: ఫార్మసీ కాలేజీల అప్రూవల్ ఆలస్యం కావడంతో పీజీఈసెట్ కౌన్సెలింగ్‌ను అధికారులు రీ షెడ్యూల్ చేశారు. ఈ నెల 24వ తేదీలోపు రిజిస్ట్రేషన్లు చేసుకోవచ్చన్నారు. అర్హులైన అభ్యర్థుల జాబితాను ఈ నెల 25న రిలీజ్ చేస్తామని చెప్పారు. 27, 28న వెబ్ ఆప్షన్లకు, 29న ఎడిట్‌కు అవకాశం ఇచ్చామన్నారు. సెప్టెంబర్ 1న సీట్లు కేటాయిస్తామని తెలిపారు. SEP 2 నుంచి 5 వరకు కాలేజీల్లో సెల్ఫ్ రిపోర్టు చేయాలని సూచించారు.
News August 9, 2024
వారి సరసన నీరజ్ చోప్రా
ఒలింపిక్స్‌లో రెండు పతకాలు సాధించిన నాలుగో భారతీయుడిగా నీరజ్ చోప్రా నిలిచారు. సుశీల్ కుమార్(2008,12), పీవీ సింధు(2016,20), మనూ భాకర్(2024) అతని కంటే ముందున్నారు. మనూ ఈ ఒలింపిక్స్‌లోనే రెండు మెడల్స్ గెలుచుకున్న సంగతి తెలిసిందే. నీరజ్ టోక్యో ఒలింపిక్స్‌లో స్వర్ణం గెలుచుకోగా ఈ సారి రజతం అందుకున్నారు.
News August 9, 2024
ఆ బాలీవుడ్ హీరోతో నటించాలని ఉంది: రామ్ పోతినేని
తనకు బాలీవుడ్‌లో రణబీర్ కపూర్‌తో కలిసి పనిచేయాలని ఉందని హీరో రామ్ పోతినేని అన్నారు. ‘సంజూ’ మూవీలో రణబీర్ చేసిన సంజయ్ దత్ పాత్ర అంటే తనకు చాలా ఇష్టమని చెప్పారు. ‘డబుల్ ఇస్మార్ట్’ మూవీ ప్రమోషన్లలో ఆయన మాట్లాడారు. అవకాశమొస్తే అతనితో కలిసి నటిస్తానని రామ్ తెలిపారు. ‘డబుల్ ఇస్మార్ట్’కు A సర్టిఫికెట్ రాగా 2 గంటల 42 నిమిషాల నిడివి ఉంటుందని సమాచారం. ఈ నెల 15న ఈ చిత్రం థియేటర్లలో విడుదల కానుంది.
News August 9, 2024
విద్యుత్ సమస్యల పరిష్కారానికి 1912: భట్టి
TG: హైదరాబాద్‌లో విద్యుత్ సమస్యల పరిష్కారానికి 1912 హెల్ప్‌లైన్ నంబర్‌తో పటిష్ట వ్యవస్థను ఏర్పాటు చేసినట్లు డిప్యూటీ సీఎం భట్టి విక్రమార్క తెలిపారు. GHMC అధికారులతో నిర్వహించిన సమీక్షలో ఆయన మాట్లాడారు. నగరంలో నాణ్యతతో కూడిన విద్యుత్ సరఫరాకు ఆదేశించినట్లు తెలిపారు. మారిన కాలానికి అనుగుణంగా విద్యుత్ సేవలు పెరగాలని అధికారులకు సూచించారు.
News August 9, 2024
కమలా హారిస్‌ను టీవీ డిబేట్‌కు ఆహ్వానించిన ట్రంప్
అమెరికన్ రిపబ్లికన్ పార్టీ అధ్యక్ష అభ్యర్థి డొనాల్డ్ ట్రంప్ తన ప్రత్యర్థి కమలా హారిస్‌ను టీవీ డిబేట్‌కు ఆహ్వానించారు. వచ్చే నెల 4, 10, 25న టీవీ డిబేట్‌కు రావాలని న్యూస్ కాన్ఫరెన్స్‌లో కోరారు. కమల తన ప్రతిపాదనకు అంగీకరిస్తుందని ఆశాభావం వ్యక్తం చేశారు. మరోవైపు ఎన్నికలు నిజాయితీగా జరుగుతాయని ఆకాంక్షిస్తున్నట్లు తెలిపారు.
Featured News
Sorry, no posts matched your criteria.