India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 5, 2024
YCP ఓటమిని తట్టుకోలేక అభిమానులు మృతి
AP అసెంబ్లీ ఎన్నికల్లో YCP ఘోర ఓటమిని తట్టుకోలేక కొందరు అభిమానులు మృతి చెందారు. కృష్ణా(D) గుడివాడ సైదేపూడికి చెందిన పిట్ట అనిల్(28) జగన్ ప్రభుత్వం, కొడాలి నాని ఓటమి చెందడం తట్టుకోలేక ఫ్యాన్‌కు ఉరేసుకుని చనిపోయాడు. YSR(D) దిగువ తంబళ్లపల్లెకు చెందిన YCP కార్యకర్త చిన్నయల్లాలు(63) గుండెపోటుతో చనిపోయాడు. కర్నూలు(D) చిన్నతంబళంలోనూ ఉరుకుందప్ప(68) టీవీ చూస్తూ YCP ఓటమిని తట్టుకోలేక తుదిశ్వాస విడిచారు.
News June 5, 2024
తెలుగు రాష్ట్రాల్లో అత్యధిక మెజారిటీ(MP) వీరికే
* కుందూర్ రఘువీర్(నల్గొండ-కాంగ్రెస్)-5,59,905
* శ్రీభరత్(వైజాగ్-టీడీపీ)-5,04,247
* రఘురాం రెడ్డి(ఖమ్మం-కాంగ్రెస్)-4,67,847
* ఈటల రాజేందర్(మల్కాజిగిరి-బీజేపీ)-3,91,475
* బలరాం నాయక్(మహబూబాబాద్-కాంగ్రెస్) -3,49,165
* గుంటూరు(చంద్రశేఖర్ పెమ్మసాని-టీడీపీ)-3,44,695
* హరీశ్(అమలాపురం-టీడీపీ)-3,42,196
* అసదుద్దీన్ ఒవైసీ(హైదరాబాద్-MIM)-3,38,087
* రామ్మోహన్ నాయుడు(శ్రీకాకుళం-టీడీపీ)-3,27,901
News June 5, 2024
కాసేపట్లో చంద్రబాబును కలవనున్న సీఎస్, డీజీపీ
AP: టీడీపీ అధినేత చంద్రబాబును సీఎస్ జవహర్ రెడ్డి, డీజీపీ హరీశ్ గుప్తా మరికాసేపట్లో కలవనున్నారు. ఎన్నికల్లో గెలవడంపై అభినందనలు తెలపడంతో పాటు ప్రమాణ స్వీకార ఏర్పాట్లు తదితర అంశాలపై వీరు బాబుతో చర్చించే అవకాశం ఉంది. అనంతరం పవన్‌తో కలిసి CBN ఢిల్లీకి బయల్దేరి వెళ్లనున్నారు.
News June 5, 2024
ప్రారంభమైన కౌంటింగ్
TG: ఉమ్మడి వరంగల్-ఖమ్మం-నల్గొండ పట్టభద్రుల ఎమ్మెల్సీ ఉపఎన్నిక ఓట్ల లెక్కింపు <<13382331>>ప్రక్రియ<<>> ప్రారంభమైంది. ఈ స్థానంలో ప్రధాన అభ్యర్థులుగా రాకేశ్ రెడ్డి(BRS), తీన్మార్ మల్లన్న(కాంగ్రెస్), ప్రేమేందర్ రెడ్డి(బీజేపీ), అశోక్(స్వతంత్ర) బరిలో ఉన్నారు. నిన్న వెల్లడైన లోక్‌సభ ఎన్నికల ఫలితాల్లో కాంగ్రెస్, బీజేపీకి సమాన సీట్లు వచ్చాయి. గ్రాడ్యుయేట్ ఎన్నికల్లో విజయం ఎవరిని వరిస్తుందో కామెంట్ చేయండి.
News June 5, 2024
తప్పు చేసిన వారిపై చర్యలుంటాయ్: లోకేశ్
AP: ప్రభుత్వంలో తన పాత్ర ఏంటో చంద్రబాబు నిర్ణయిస్తారని నారా లోకేశ్ చెప్పారు. రాజధానిగా అమరావతిని అభివృద్ధి చేస్తామని పునరుద్ఘాటించారు. వైసీపీ చేసిన తప్పులు చేయకుండా రాష్ట్రాన్ని దారిలో పెడతామన్నారు. ఆస్తుల ధ్వంసం, వేధింపులు, దొంగ కేసులు పెట్టడం తమకు తెలియదన్నారు. నిబంధనలు ఉల్లంఘించిన, తప్పు చేసిన వారిపై చర్యలుంటాయని స్పష్టం చేశారు. విభజన హామీల అమలు కోసం కేంద్రాన్ని అడుగుతామన్నారు.
News June 5, 2024
సెలవుపై విదేశాలకు సీఐడీ బాస్
AP: చంద్రబాబుపై పలు కేసులు, ఆయన అరెస్టులో కీలక పాత్ర వహించిన CID అడిషనల్ డీజీ సంజయ్ సెలవుపై వెళ్తున్నారు. వచ్చే నెల 3వ తేదీ వరకు ఆయన సెలవు పెట్టారు. వ్యక్తిగత కారణాలతో అమెరికా పర్యటనకు వెళ్లేందుకు ఆయన దరఖాస్తు చేసుకోగా.. సీఎస్ జవహర్ రెడ్డి వెంటనే అనుమతించడం గమనార్హం. ఇటు ఉన్నత విద్యామండలి ఛైర్మన్ హేమచంద్రారెడ్డి కూడా రాజీనామా చేశారు. అయితే ఆయన కీలక దస్త్రాలను ధ్వంసం చేసినట్లు ఆరోపణలొస్తున్నాయి.
News June 5, 2024
జగన్ సభలకు పోటెత్తిన జనం.. అయినా అంతుచిక్కని ఫలితం!
AP ఎన్నికల ప్రచారంలో భాగంగా YCP నిర్వహించిన సిద్ధం సభలకు లక్షల సంఖ్యలో జనం ఉప్పెనలా వచ్చారు. జగన్ బస్సుయాత్రలోనూ పోటెత్తారు. ఆ తర్వాత ప్రచార సభలకూ బ్రహ్మరథం పట్టారు. ఫలితాల్లో మాత్రం 11 MLA, 4 MP సీట్లతో YCPకి ఘోర ఓటమిని కట్టబెట్టారు. రాయలసీమలోని వైసీపీ కంచుకోటలనూ కూటమి బద్దలుకొట్టింది. తమ ప్రభుత్వంపై ఇంత వ్యతిరేకత ఉందా? అనేలా అంతుచిక్కని ఫలితాలు రావడంతో YCP శ్రేణుల్లో తీవ్ర నైరాశ్యం నెలకొంది.
News June 5, 2024
బీఆర్ఎస్‌కు ఇదే తొలిసారి
TG: BRS పార్టీ తొలిసారిగా లోక్‌సభ ప్రాతినిధ్యం కోల్పోయింది. పార్టీ ఏర్పడిన 23 ఏళ్లలో గులాబీ పార్టీకి ఇలాంటి ఘోర పరాభవం ఇదే తొలిసారి. 2004లో కాంగ్రెస్‌తో పొత్తుగా బరిలో దిగి 5 చోట్ల విజయం సాధించింది. 2009లో 2, 2014లో 11, 2019లో 9 చోట్ల గెలుపొందింది. ఈ ఎన్నికల్లో మాత్రం ఒక్క స్థానంలోనూ గెలవలేకపోయింది. అసెంబ్లీ ఎన్నికల్లో BRSకు ప్రతిపక్ష హోదా కట్టబెట్టిన ఓటర్లు ఈ ఎన్నికల్లో మాత్రం తిరస్కరించారు.
News June 5, 2024
నీట్ ఫలితాలు.. కటాఫ్ ఎంతంటే?
నిన్న వెలువడిన నీట్ ఫలితాల్లో దేశవ్యాప్తంగా 13.16 లక్షల మంది ఉత్తీర్ణులయ్యారు. ఏపీ నుంచి 43,858 మంది, తెలంగాణలో 47,371 మంది అర్హత సాధించారు. తెలుగు రాష్ట్రాల నుంచి ఐదుగురు వంద లోపు ర్యాంకుల్లో నిలిచారు. పరీక్ష 720 మార్కులకు నిర్వహించగా జనరల్ విభాగం కటాఫ్ 164, EWSకు 146, బీసీ, ఎస్సీ, ఎస్టీలకు 129గా నిర్ణయించారు. ఈ మార్కులు వస్తేనే ఎంబీబీఎస్, ఇతర వైద్య కోర్సుల్లో చేరడానికి అర్హత పొందుతారు.
News June 5, 2024
ఇవాళ పట్టభద్రుల ఎమ్మెల్సీ ఉపఎన్నిక కౌంటింగ్
TG: ఇవాళ WGL-ఖమ్మం-నల్గొండ పట్టభద్రుల MLC ఉపఎన్నిక ఓట్ల లెక్కింపు జరగనుంది. మే 27న జరిగిన పోలింగ్‌లో 72.44 శాతం ఓటింగ్ నమోదైంది. నల్గొండ(D) సమీపంలోని దుప్పలపల్లిలో ఉదయం 8 గంటల నుంచి కౌంటింగ్ ప్రారంభం కానుంది. రేపటి వరకు కొనసాగే అవకాశం ఉంది. 3,36,013 బ్యాలెట్ ఓట్ల లెక్కింపును మొత్తం 96 టేబుళ్లపై చేపట్టనున్నారు. తీన్మార్ మల్లన్న(CONG), రాకేశ్ (BRS), అశోక్(స్వతంత్ర) ప్రధాన అభ్యర్థులుగా ఉన్నారు.
Featured News
Sorry, no posts matched your criteria.