India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 5, 2024
బీఆర్ఎస్‌కు ఇదే తొలిసారి
TG: BRS పార్టీ తొలిసారిగా లోక్‌సభ ప్రాతినిధ్యం కోల్పోయింది. పార్టీ ఏర్పడిన 23 ఏళ్లలో గులాబీ పార్టీకి ఇలాంటి ఘోర పరాభవం ఇదే తొలిసారి. 2004లో కాంగ్రెస్‌తో పొత్తుగా బరిలో దిగి 5 చోట్ల విజయం సాధించింది. 2009లో 2, 2014లో 11, 2019లో 9 చోట్ల గెలుపొందింది. ఈ ఎన్నికల్లో మాత్రం ఒక్క స్థానంలోనూ గెలవలేకపోయింది. అసెంబ్లీ ఎన్నికల్లో BRSకు ప్రతిపక్ష హోదా కట్టబెట్టిన ఓటర్లు ఈ ఎన్నికల్లో మాత్రం తిరస్కరించారు.
News June 5, 2024
నీట్ ఫలితాలు.. కటాఫ్ ఎంతంటే?
నిన్న వెలువడిన నీట్ ఫలితాల్లో దేశవ్యాప్తంగా 13.16 లక్షల మంది ఉత్తీర్ణులయ్యారు. ఏపీ నుంచి 43,858 మంది, తెలంగాణలో 47,371 మంది అర్హత సాధించారు. తెలుగు రాష్ట్రాల నుంచి ఐదుగురు వంద లోపు ర్యాంకుల్లో నిలిచారు. పరీక్ష 720 మార్కులకు నిర్వహించగా జనరల్ విభాగం కటాఫ్ 164, EWSకు 146, బీసీ, ఎస్సీ, ఎస్టీలకు 129గా నిర్ణయించారు. ఈ మార్కులు వస్తేనే ఎంబీబీఎస్, ఇతర వైద్య కోర్సుల్లో చేరడానికి అర్హత పొందుతారు.
News June 5, 2024
ఇవాళ పట్టభద్రుల ఎమ్మెల్సీ ఉపఎన్నిక కౌంటింగ్
TG: ఇవాళ WGL-ఖమ్మం-నల్గొండ పట్టభద్రుల MLC ఉపఎన్నిక ఓట్ల లెక్కింపు జరగనుంది. మే 27న జరిగిన పోలింగ్‌లో 72.44 శాతం ఓటింగ్ నమోదైంది. నల్గొండ(D) సమీపంలోని దుప్పలపల్లిలో ఉదయం 8 గంటల నుంచి కౌంటింగ్ ప్రారంభం కానుంది. రేపటి వరకు కొనసాగే అవకాశం ఉంది. 3,36,013 బ్యాలెట్ ఓట్ల లెక్కింపును మొత్తం 96 టేబుళ్లపై చేపట్టనున్నారు. తీన్మార్ మల్లన్న(CONG), రాకేశ్ (BRS), అశోక్(స్వతంత్ర) ప్రధాన అభ్యర్థులుగా ఉన్నారు.
News June 5, 2024
AP ఎన్నికలు.. భారీ మెజార్టీలు ఇవే
☞ గాజువాక- పల్లా శ్రీనివాస్(TDP)-95,235
☞ భీమిలి-గంటా శ్రీనివాస్(TDP)-92,401
☞ మంగళగిరి- లోకేశ్(TDP)-91,413
☞ పెందుర్తి- రమేశ్(JSP)-81,870
☞ నెల్లూరు(U)-నారాయణ(TDP)-72,489
☞ తణుకు- రాధాకృష్ణ(TDP)- 72,121
☞ కాకినాడ.R- నానాజీ(JSP)- 72,040
☞ RJY(U)- శ్రీనివాస్(TDP)-71,404
☞ ☞ పిఠాపురం- పవన్ కళ్యాణ్(JSP)-70,279
News June 5, 2024
5జీ స్పెక్ట్రమ్ వేలం మళ్లీ వాయిదా
టెలికాం రంగం ప్రతిష్ఠాత్మకంగా భావించే 5జీ స్పెక్ట్రమ్ వేలం మరోసారి వాయిదా పడింది. జూన్ 25న ఆక్షన్ నిర్వహించనున్నట్లు డిపార్ట్‌మెంట్ ఆఫ్ టెలీకమ్యూనికేషన్ వెల్లడించింది. కాగా మే 20న జరగాల్సిన ఆక్షన్ ఈనెల 6కు తొలుత వాయిదా పడగా తాజాగా మరోసారి డేట్ మారింది. జూన్ 13, 14 తేదీల్లో మాక్ ఆక్షన్స్ నిర్వహించనున్నట్లు తెలిపింది. కాగా రూ.96వేలకోట్ల బేస్ ప్రైస్‌తో పలు 5జీ బ్యాండ్‌లకు వేలం జరగనుంది.
News June 5, 2024
ఏపీ ఎన్నికల్లో కుట్ర జరిగింది: ఎస్సీ కమిషన్ సభ్యుడు
APలో ప్రజాస్వామ్యబద్ధంగా ఎన్నికలు జరగలేదని రాష్ట్ర SC కమిషన్ సభ్యుడు ఆనందప్రకాశ్ సంచలన ఆరోపణలు చేశారు. కేంద్ర ప్రభుత్వ సహకారంతో EC కుట్ర చేసిందన్నారు. తక్షణమే ఎన్నికలను రీకాల్ చేసి తిరిగి బ్యాలెట్ ఎన్నికలు నిర్వహించాలన్నారు. TDP నేతలకు వేలల్లో, BJP MP అభ్యర్థులకు లక్షల్లో మెజార్టీ, JSP 21 సీట్లలో గెలవడంపై అనుమానం వ్యక్తం చేశారు. ప్రజలంతా జగన్ వెంటే ఉన్నారని మెజార్టీ సర్వేలు వెల్లడించాయన్నారు.
News June 5, 2024
డిపాజిట్లు కోల్పోయిన ట్రాన్స్‌జెండర్లు!
లోక్‌సభ ఎన్నికల బరిలో నిలిచిన ముగ్గురు ట్రాన్స్‌జెండర్లూ డిపాజిట్లు కోల్పోయారు. ధన్‌బాద్ నుంచి పోటీ చేసిన సునైనా కిన్నార్ అనే స్వతంత్ర అభ్యర్థికి 3,462 ఓట్లు వచ్చాయి. దక్షిణ ఢిల్లీ నుంచి బరిలో నిలిచిన రాజన్ సింగ్‌కు కేవలం 325 ఓట్లే పోలయ్యాయి. మరోవైపు మధ్యప్రదేశ్‌లో దామో నియోజకవర్గం నుంచి పోటీ చేసిన దుర్గా మౌసికి 1,124 ఓట్లు వచ్చాయి.
News June 5, 2024
ఈ రాష్ట్రాలే ‘400 పార్’ కలను చెదరగొట్టాయా?
NDA 293 సీట్లకే పరిమితం కావడం వెనుక UP, మహారాష్ట్ర, బెంగాల్, బిహార్ రాష్ట్రాల ప్రభావం ఉందంటున్నారు విశ్లేషకులు. యూపీలో 80 సీట్లూ క్లీన్ స్వీప్ చేస్తామని ఆశించిన బీజేపీకి 36 సీట్లే వచ్చాయి. మహారాష్ట్రలో 2019లో 48లో 41 సీట్లు సాధించిన NDA ఈసారి 17 సీట్లకు పరిమితమైంది. బెంగాల్‌లో TMC దెబ్బకు BJP 12 సీట్లకే చతికిలపడింది. బిహార్‌లోనూ NDA 2019తో పోలిస్తే తొమ్మిది సీట్లు కోల్పోయి 39కి పరిమితమైంది.
News June 5, 2024
మోదీకి ఇటలీ అధ్యక్షురాలు మెలోనీ అభినందనలు
NDA కూటమి గెలుపొందడంపై ఇటలీ అధ్యక్షురాలు జార్జియా మెలోనీ ప్రధాని మోదీకి అభినందనలు తెలిపారు. ఇరు దేశాల మధ్య బంధం బలోపేతానికి మరింత కృషి చేస్తామని ఆశిస్తున్నట్లు పేర్కొన్నారు. కాగా ఎన్నికల్లో NDA 293 సీట్లతో గెలుపొంది హ్యాట్రిక్ కొట్టింది. వారణాసి నుంచి బరిలోకి దిగిన ప్రధాని మోదీ 1.52లక్షల ఓట్ల మెజార్టీతో గెలుపొందారు.
News June 5, 2024
మోదీ 3.0 @292
‘400 పార్..’ ఆశించిన NDAకి ఓటర్లు 292 సీట్లతో సరిపెట్టారు. మెజార్టీ మార్క్ అయిన 272 దాటడంతో త్వరలోనే NDA కొత్త ప్రభుత్వాన్ని ఏర్పాటు చేయనుంది. లెక్కింపులో భాగంగా ఓ దశలో NDA 300 స్థానాల్లో ఆధిక్యం సంపాదించినా ఇండియా కూటమి NDA జోరుకు బ్రేకులు వేసింది. మరోవైపు 295 సీట్లు వస్తాయని ఆశించిన ఇండియా కూటమికి 234 సీట్లు దక్కాయి. దీంతో పాటు 17 స్థానాల్లో ఇతరులు గెలుపొందారు.
Featured News
Sorry, no posts matched your criteria.