India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 17, 2024
మూడు నెలల్లో BRS ఖాళీ అవుతుంది: కోమటిరెడ్డి
TG: మరో మూడు నెలల్లో బీఆర్ఎస్ పార్టీ ఖాళీ అవుతుందని కాంగ్రెస్ మంత్రి కోమటిరెడ్డి వెంకటరెడ్డి అన్నారు. తాము గేట్లు తెరిస్తే ఆ పార్టీలో ఒక్కరు కూడా మిగలరని ఆయన ఎద్దేవా చేశారు. రాజకీయాల్లో స్వతంత్రంగా ఎదిగిన రేవంత్‌ను సీఎంగా చూడలేకనే కేసీఆర్ అసెంబ్లీకి రావడం లేదని కోమటిరెడ్డి విమర్శించారు. మెదక్ పార్లమెంటు నియోజకవర్గంలో రూ.వెయ్యి కోట్లు ఖర్చు చేసినా బీఆర్ఎస్ గెలవదని జోస్యం చెప్పారు.
News April 17, 2024
DANGER: రసీదులను తాకుతున్నారా?
కెమికల్స్‌తో ప్రింటైన రిసిప్టులను చేతితో తాకడం, నోట్లో పెట్టుకోవడం చాలా ప్రమాదమని నిపుణులు చెబుతున్నారు. రసీదుకు వాడే పేపర్‌ను థర్మల్ పేపర్ అంటారు. దీని తయారీలో ప్రమాదకరమైన కెమికల్స్ బిస్ ఫినాల్ ఏ, బిస్ ఫినాల్ ఎస్ వాడుతారు. ఇవి నోట్లోకి వెళితే మనిషిలోని హార్మోన్ వ్యవస్థకు ఆటంకం కలిగిస్తాయట. ఈ కారణంగానే కొన్ని కంపెనీలు BPA రహితంగా మారుతున్నాయి. మాల్స్‌లో డిజిటల్ రిసిప్ట్‌ అడగాలని సూచిస్తున్నారు.
News April 17, 2024
రైతులకు నేరుగా రుణాలివ్వం: నాబార్డ్
తాము రైతులకు నేరుగా రుణాలు ఇవ్వబోమని నాబార్డ్ స్పష్టం చేసింది. గ్రామీణాభివద్ధికి తోడ్పాటు అందించే వివిధ రుణ సంస్థలు, సహకార సంఘాలకు రుణ సాయం చేస్తామని వెల్లడించింది. ఆయా సంస్థల నుంచి రైతులు రుణాలు తీసుకోవచ్చని తెలిపింది. రైతులకు నాబార్డ్ నేరుగా రుణాలు ఇస్తుందని జరుగుతున్న ప్రచారంలో నిజం లేదని పేర్కొంది. సరైన సమాచారం కోసం నాబార్డ్ అధికారిక వెబ్‌సైట్‌ను సందర్శించాలని సూచించింది.
News April 17, 2024
పట్టువదలని విక్రమార్కుడు
సివిల్స్ సాధించాలని పట్టువదలని విక్రమార్కుడిలా ప్రయత్నిస్తున్న కునాల్ ఆర్ విరుల్కర్‌ అనే యువకుడిని తాజా ఫలితాలు నిరాశకు గురిచేశాయి. ‘12సార్లు పరీక్ష రాశా. 7సార్లు మెయిన్స్‌, 5సార్లు ఇంటర్వ్యూ వరకు వెళ్లినా ఎంపిక కాలేదు. బహుశా పోరాటం అనేది జీవితానికి మారు పేరు కావొచ్చు’ అని అతడు ట్వీట్ చేశారు. ‘మన వైఫల్యాన్ని ఇతరులకు చెప్పాలంటే ధైర్యం కావాలి. మీరు గ్రేట్’ అంటూ నెటిజన్లు అతణ్ని ప్రశంసిస్తున్నారు.
News April 17, 2024
బిగ్ బీకి అరుదైన పురస్కారం
బాలీవుడ్ బిగ్‌బీ అమితాబ్ బచ్చన్‌కు అరుదైన గౌరవం దక్కింది. లతా దీనానాథ్ మంగేష్కర్ పురస్కారాన్ని ఆయన అందుకోనున్నారు. ఈ విషయాన్ని మంగేష్కర్ కుటుంబం ప్రకటించింది. ఈ నెల 24 లతా మంగేష్కర్ తండ్రి దీనానాథ్ వర్ధంతిన పురస్కారాన్ని అందజేయనున్నారు. 2022 ఫిబ్రవరి 6న మరణించిన సింగర్ లతా మంగేష్కర్ జ్ఞాపకార్థం ఈ అవార్డును ప్రారంభించారు. 2022లో ప్రధాని మోదీ, 2023లో ఆశా భోస్లే ఈ అవార్డును అందుకున్నారు.
News April 17, 2024
‘డాక్సింగ్’ చేస్తున్నారా? అరెస్ట్ కావొచ్చు!
ఒకరి వ్యక్తిగత సమాచారాన్ని వారి అనుమతి లేకుండా సోషల్ మీడియాలో బహిర్గతం చేయడమే డాక్సింగ్. ఫోన్ నంబర్లు, ఇంటి చిరునామా, ఫొటోలు వంటివి షేర్ చేయడం అన్నమాట. దీన్ని అరికట్టేందుకు ప్రత్యేక చట్టం లేకపోయినా వివిధ సెక్షన్ల కింద అరెస్టయ్యే అవకాశం ఉంది. అయితే ఒక వ్యక్తి అప్పటికే సోషల్ మీడియాలో వెల్లడించిన విషయాలను షేర్ చేస్తే అది డాక్సింగ్ కిందకి రాదు. డాక్సింగ్‌కు గురైతే బాధితులు పోలీసులను సంప్రదించాలి.
News April 17, 2024
GREAT.. ప్రభుత్వ స్కూలులో చదివి సివిల్ ర్యాంక్ సాధించాడు
AP: ప్రభుత్వ స్కూలు, కాలేజీలో ఇంటర్, డిగ్రీ పూర్తి చేసిన వ్యక్తి సివిల్ ర్యాంకర్‌గా నిలిచారు. సింగరాయకొండ(మ) ఊళ్లపాలేనికి చెందిన ఉదయ్‌కృష్ణారెడ్డి చిన్నప్పుడే పేరెంట్స్‌ను కోల్పోయారు. కూరగాయలు అమ్మి తనను చదివించిన నానమ్మ త్యాగం, కష్టాన్ని స్మరించుకుంటూ 780వ ర్యాంక్ సాధించారు. CI అవమానించడంతో 2019లో కానిస్టేబుల్ ఉద్యోగానికి రిజైన్ చేసి, సివిల్స్ వైపు మళ్లారు. 4వ ప్రయత్నంలో ఈ ర్యాంక్ సాధించారు.
News April 17, 2024
పాలకులారా.. రాముడి గుణాలు అందిపుచ్చుకోండి!
తరాలుగా మాట్లాడుకుంటున్నా ‘రామరాజ్యం’ సాకారం కావడం లేదు. రాముడి గుణాలు మన పాలకుల్లో లేవు. ఆ రాముడు శత్రువుని సైతం గౌరవించేవాడు. కానీ మన పాలకులు ప్రత్యర్థులను బూతులు తిట్టేందుకు పోటీపడుతున్నారు. ఆయన రాజ్యంలో ప్రశాంతత కోరుకునేవాడు. మరి మన లీడర్లు.. స్వలాభం కోసం గొడవలు, హింసాత్మక వాతావరణం సృష్టిస్తున్నారు. ఆ రాముడు మాటకు కట్టుబడే వాడు. కానీ.. నేటి నేతలు మాట మార్చడంలో ముందుంటున్నారు.
News April 17, 2024
చిన్న దెబ్బకి అంత హడావిడా?: రఘురామ
AP: సీఎం జగన్ నుదుటికి చిన్న దెబ్బ తగిలితే తెగ హడావిడి చేశారని ఎంపీ రఘురామ కృష్ణరాజు ఎద్దేవా చేశారు. ‘ఎవరో విసిరిన ఓ గులకరాయి జగన్‌కు, వెల్లంపల్లికి ఒకేసారి ఎలా తగిలింది? చిన్న గాటుకి 16మంది డాక్టర్లు, 26మంది నర్సుల బృందంతో కట్టు కట్టించుకోవాల్సిన అవసరం ఉందా?’ అని ప్రశ్నించారు. వివేకా హత్యలో జగన్, భారతి ప్రమేయం కచ్చితంగా ఉందని ఆయన అభిప్రాయపడ్డారు.
News April 17, 2024
‘హరిహర వీరమల్లు’ నుంచి అప్‌డేట్
పవన్ కళ్యాణ్ హీరోగా నటిస్తున్న ‘హరిహర వీరమల్లు’ మూవీ నుంచి మేకర్స్ అప్‌డేట్ ఇచ్చారు. ‘శ్రీరామ నవమి శుభాకాంక్షలు. మీ ముందుకు ‘ధర్మం కోసం యుద్ధం’ త్వరలో’ అంటూ ఓ పోస్టర్‌ను విడుదల చేశారు. మరికొన్ని రోజుల్లో ఈ సినిమా టీజర్‌ను విడుదల చేస్తామని ప్రకటించారు. దర్శకుడు క్రిష్ తెరకెక్కిస్తున్న ఈ చిత్రంలో నిధి అగర్వాల్ కథానాయిక. ఇందులో పవన్ వీరోచిత బందిపోటుగా కనిపించనున్నట్లు సమాచారం.
Featured News
Sorry, no posts matched your criteria.