India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 18, 2024
రేపు వినుకొండకు వైఎస్ జగన్
AP: మాజీ సీఎం వైఎస్ జగన్ రేపు పల్నాడు జిల్లా వినుకొండ వెళ్లనున్నారు. హత్యకు గురైన రషీద్ కుటుంబాన్ని ఆయన పరామర్శించనున్నారు. ఇప్పటికే వినుకొండ మాజీ ఎమ్మెల్యే బొల్లా బ్రహ్మనాయుడుతో జగన్ ఫోన్లో మాట్లాడారు. బాధితులకు అండగా నిలవాలని బ్రహ్మనాయుడుకు సూచించారు.
News July 18, 2024
కెప్టెన్ ఎవరి స్టైల్లో వారిని ఆడనివ్వాలి: గంగూలీ
2002లో ఇంగ్లండ్‌తో లార్డ్స్‌లో జరిగిన నాట్‌వెస్ట్ సిరీస్ ఫైనల్‌లో తానొక విషయాన్ని నేర్చుకున్నట్లు మాజీ క్రికెటర్ గంగూలీ తెలిపారు. ‘సెహ్వాగ్ దూకుడుగా ఆడతారు. భారీ లక్ష్యం దృష్ట్యా ఆచితూచి ఆడాలని తనతో అన్నాను. కానీ తన స్టైల్లోనే ఆడేశాడు. భారత్ విజయానికి అదీ ఓ కారణం. ఆటగాళ్లలో ఒక్కొక్కరికి ఒక్కో స్టైల్ ఉంటుంది. వారిని కెప్టెన్ అలాగే ఆడనివ్వాలి. మనం చెప్పినట్లే చేయాలని ఆశించకూడదు’ అని పేర్కొన్నారు.
News July 18, 2024
జగన్‌కు మంత్రి లోకేశ్ కౌంటర్
AP: రాష్ట్రంలో చీకటి రోజులు పోయి నెల దాటిందని మంత్రి నారా లోకేశ్ ట్వీట్ చేశారు. హింస, విధ్వంసం, అరాచకం, అన్యాయం, అక్రమం, అవినీతి గురించి <<13652357>>జగన్<<>> మాట్లాడటం రోత పుట్టిస్తోందని X వేదికగా విమర్శలు చేశారు. ఫేక్ ప్రచారాలతో వైసీపీ చీఫ్ మళ్లీ నిలబడాలని చూస్తున్నారని దుయ్యబట్టారు. రాష్ట్రంలో ఏం జరిగినా హత్యా రాజకీయాలంటూ ప్రభుత్వానికి అంటగట్టే ప్రయత్నం చేస్తున్నాడని మండిపడ్డారు.
News July 18, 2024
కాసేపట్లో వర్షం
TG: హైదరాబాద్, భూపాలపల్లి, కామారెడ్డి, ఖమ్మం, మహబూబాబాద్ జిల్లాల్లో రానున్న 3 గంటల్లో వర్షం కురిసే ఛాన్స్ ఉందని HYD వాతావరణ కేంద్రం తెలిపింది. మెదక్, మల్కాజిగిరి, ములుగు, నాగర్‌కర్నూల్, నల్గొండ, నిజామాబాద్, సిరిసిల్ల, RR, సంగారెడ్డి, సిద్దిపేట, సూర్యాపేట, వికారాబాద్‌ జిల్లాల్లో వాన పడనున్నట్లు పేర్కొంది. కాగా ఇవాళ రాష్ట్రంలో భారీ వర్షాలు కురుస్తాయని ఇప్పటికే వాతావరణ కేంద్రం ప్రకటించింది.
News July 18, 2024
డిసెంబర్‌లో ‘కన్నప్ప’ రిలీజ్?.. విష్ణు ట్వీట్ వైరల్
మంచు విష్ణు హీరోగా తెరకెక్కుతోన్న భారీ బడ్జెట్ ఫిల్మ్ ‘కన్నప్ప’ నుంచి అప్డేట్ వచ్చేసింది. ‘2024 డిసెంబర్.. కన్నప్ప.. హర హర మహాదేవ’ అని విష్ణు ట్వీట్ చేశారు. దీంతో ఈ సినిమా ఈ ఏడాది డిసెంబర్‌లో రిలీజ్ అయ్యే అవకాశం ఉందని అభిమానులు చర్చించుకుంటున్నారు. ఈ చిత్రాన్ని ముకేశ్ కుమార్ సింగ్ తెరకెక్కిస్తుండగా ప్రభాస్ కీలక పాత్రలో నటిస్తున్నారు. కాగా, అదే నెలలో 6వ తేదీన ‘పుష్ప-2’ రిలీజ్ కానుంది.
News July 18, 2024
కుక్కల దాడులు.. ప్రభుత్వంపై హైకోర్టు ఆగ్రహం
TG: చిన్నారులపై వీధికుక్కల దాడులను ప్రభుత్వం పట్టించుకోకపోవడంపై హైకోర్టు ఆగ్రహం వ్యక్తం చేసింది. కుక్కల నుంచి పిల్లలను రక్షించేందుకు పరిష్కార మార్గాలు అన్వేషించాలని ఆదేశించింది. పరిష్కారాలతో రావాలంటూ విచారణను వచ్చే వారానికి వాయిదా వేసింది. అటు GHMC పరిధిలో 3.80లక్షల వీధి కుక్కలు ఉన్నాయని హైకోర్టుకు ప్రభుత్వం తెలిపింది. వాటిని సంరక్షణ కేంద్రాలకు తరలించడం సాధ్యంకాదని పేర్కొంది.
News July 18, 2024
నేను అలాంటి వాడినని దిగులు పడను: జగపతి బాబు
హీరో సహా పలు పాత్రలతో విలక్షణ నటుడిగా పేరు తెచ్చుకున్న జగపతి బాబు ఆసక్తికర ట్వీట్ చేశారు. తాను సిగ్గు శరం లేని వాడినని, అస్సలు దిగులు పడనని క్యాసినోలో ఉన్న ఫొటోను షేర్ చేశారు. కానీ మీరు చెబితే పడతాను అంటూ రాసుకొచ్చారు. దీంతో ఆయన పోస్టుకు అర్థం ఏమై ఉంటుందా? అని నెటిజన్లు చర్చించుకుంటున్నారు. పోకర్ గేమ్ ఆడి డబ్బులు పోగొట్టుకున్నాడేమో అని మరికొందరు కామెంట్లు చేస్తున్నారు.
News July 18, 2024
T20 కెప్టెన్సీపై కొనసాగుతున్న సస్పెన్స్!
టీమ్ ఇండియా టీ20 కెప్టెన్సీపై సస్పెన్స్ కొనసాగుతూనే ఉంది. కొత్త కెప్టెన్, శ్రీలంక టూర్‌కు జట్టు ఎంపికపై కోచ్ గంభీర్ బీసీసీఐ సెక్రటరీ జైషాతో చర్చించారు. ముఖ్యంగా టీ20 జట్టుకు సారథిగా సూర్యకుమార్‌ను నియమించాలని కోచ్ గంభీర్ కోరినట్లు తెలుస్తోంది. మరోవైపు హార్దిక్‌నే కెప్టెన్‌గా కొనసాగించాలని షా భావిస్తున్నారట. అందుకే కెప్టెన్సీపై ఇప్పటికీ స్పష్టత రావడం లేదని జాతీయ మీడియా పేర్కొంది.
News July 18, 2024
పుంగనూరులో మళ్లీ ఉద్రిక్తత.. గాల్లోకి కాల్పులు
AP: పుంగనూరులో మరోసారి <<13652288>>ఉద్రిక్తత<<>> నెలకొంది. మాజీ ఎంపీ రెడ్డప్ప ఇంట్లోనే ఎంపీ మిథున్ రెడ్డి ఉండటంతో టీడీపీ శ్రేణులు మరోసారి దాడికి యత్నించాయి. ఆయన వాహనాన్ని ధ్వంసం చేశాయి. దీంతో ఆత్మరక్షణలో భాగంగా మిథున్ రెడ్డి గన్‌మెన్ మూడు రౌండ్లు గాల్లోకి కాల్పులు జరిపారు. మరోవైపు తమ కార్యకర్తలను మిథున్ రెడ్డి రెచ్చగొట్టేలా చేస్తున్నారని టీడీపీ మండిపడింది. ఈ ఘటనలో తమ కార్యకర్తలు గాయపడ్డారని తెలిపింది.
News July 18, 2024
రూ.2లక్షల పైన రుణాలపై భట్టి కీలక వ్యాఖ్యలు
TG: ఈనెలలోనే రెండో దఫా రూ.లక్షన్నర ఉన్న రుణాలు మాఫీ చేస్తామని డిప్యూటీ సీఎం భట్టి విక్రమార్క ప్రకటించారు. ఇవాళ తొలి విడత రుణమాఫీ నేపథ్యంలో తాజాగా ఆయన బ్యాంకర్లతో మరోసారి భేటీ అయ్యారు. రూ.2లక్షలపైన రుణం ఉన్న రైతులతో మాట్లాడి రికవరీ చేసుకోవాలని బ్యాంకర్లకు సూచించారు. ఏ రైతూ రుణం బకాయి ఉండకుండా జాగ్రత్తలు తీసుకోవాలన్నారు. రైతు రుణమాఫీ దేశ చరిత్రలోనే చారిత్రక నిర్ణయమని భట్టి స్పష్టం చేశారు.
Featured News
Sorry, no posts matched your criteria.