India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 15, 2024
అసత్య ప్రచారం చేసిన వారిపై పరువునష్టం దావా: విజయసాయిరెడ్డి
AP: తనకు అక్రమ సంబంధం <<13632336>>అంటగట్టి<<>> అసత్య ప్రచారం చేసిన ఎవరినీ వదిలిపెట్టేది లేదని వైసీపీ ఎంపీ విజయసాయిరెడ్డి స్పష్టం చేశారు. రామోజీరావునే ఎదుర్కొన్నానని, ఇప్పుడు ఈ కుట్ర వెనుక ఉన్నవాళ్లకూ బుద్ధి చెబుతానని హెచ్చరించారు. పరువు నష్టం దావా వేయడంతోపాటు పార్లమెంట్‌లో ప్రివిలేజ్ మోషన్ ఇస్తానని తెలిపారు. ఓ వర్గం మీడియా దుష్ప్రచారాలపై ప్రైవేట్ మెంబర్ బిల్లు ప్రవేశపెడతానని చెప్పారు.
News July 15, 2024
ట్రంప్‌పై దాడి.. పెరిగిన బిట్‌కాయిన్ విలువ!
దాడి తర్వాత US మాజీ అధ్యక్షుడు డొనాల్డ్ ట్రంప్‌కు సానుకూలత పెరిగిందనే వార్తలు వస్తున్న వేళ క్రిప్టోకరెన్సీల విలువ పెరిగింది. బిట్‌కాయిన్ 8.6%, ఎథర్ 6.8% వృద్ధి చెందాయి. క్రిప్టోకరెన్సీకి అనుకూలంగా ఆయన మాట్లాడటమే కారణం. అధికార పార్టీ క్రిప్టోల నియంత్రణకు ప్రయత్నించడాన్ని ట్రంప్ తప్పుపట్టారు. ఈ నేపథ్యంలో ట్రంప్ మళ్లీ గెలిస్తే క్రిప్టోల కోసం ప్రత్యేక పాలసీ వస్తుందనే అంచనాలు నెలకొన్నాయి.
News July 15, 2024
అంబానీ పెళ్లిలోనూ జనసేన గెలుపు గురించే చర్చ: పవన్
AP: పోటీ చేసిన ప్రతి స్థానంలోనూ గెలిచామని, ఇది దేశంలోనే ఒక కేస్ స్టడీ అని డిప్యూటీ సీఎం పవన్ కళ్యాణ్ చెప్పారు. అనంత్ అంబానీ పెళ్లికి వెళితే అందరూ దీని గురించే మాట్లాడారని తెలిపారు. కూటమి విజయానికి జనసేన తీసుకున్న నిర్ణయమే కారణమన్నారు. జనసేన ప్రజాప్రతినిధుల సత్కార కార్యక్రమంలో ఆయన మాట్లాడారు. తాను డిప్యూటీ సీఎం అవుతానని అనుకోలేదని చెప్పారు. ప్రధాని మోదీ మనసులో తనకు ప్రత్యేక స్థానం ఉందన్నారు.
News July 15, 2024
చనిపోయానని అనుకున్నా: ట్రంప్
నిన్నటి కాల్పుల <<13624982>>ఘటనలో<<>> తాను చనిపోయానని అనుకున్నట్లు అమెరికా మాజీ అధ్యక్షుడు ట్రంప్ మీడియాతో చెప్పారు. ఇదొక విచిత్ర పరిస్థితి అని తెలిపారు. గాయం నుంచి కోలుకుంటున్న ఆయన తిరిగి ప్రచారానికి సిద్ధమయ్యారు. రిపబ్లికన్ నేషనల్ కన్వెన్షన్‌లో పాల్గొనేందుకు వెళ్లారు. దుండగుడు జరిపిన కాల్పుల్లో ఆయన కుడి చెవికి గాయమైన సంగతి తెలిసిందే. ఈ ఘటనతో ట్రంప్ విజయావకాశాలు పెరిగాయని విశ్లేషకులు అభిప్రాయపడుతున్నారు.
News July 15, 2024
దీక్ష విరమించిన పవన్.. జనసేన ప్రజాప్రతినిధులకు సన్మానం
AP: గత నెల 25 నుంచి వారాహి దీక్షలో ఉన్న డిప్యూటీ సీఎం పవన్ కళ్యాణ్ ఇవాళ విరమించారు. అనంతరం మంగళగరిలోని జనసేన పార్టీ కేంద్ర కార్యాలయంలో మంత్రులు నాదెండ్ల మనోహర్, కందుల దుర్గేశ్, ఎమ్మెల్యేలు, ఎంపీలు, ఎమ్మెల్సీని ఆయన సత్కరించారు. తర్వాత వాళ్లందరూ కలిసి పవన్‌ను శాలువాతో సత్కరించి శుభాకాంక్షలు తెలిపారు.
News July 15, 2024
పార్టీ మార్పు ప్రచారంపై BRS ఎమ్మెల్యే ఏమన్నారంటే?
TG: కాంగ్రెస్ పార్టీలో చేరుతున్నారని జరుగుతున్న ప్రచారాన్ని కుత్బుల్లాపూర్ బీఆర్ఎస్ ఎమ్మెల్యే వివేకానంద ఖండించారు. తాను కేసీఆర్ నాయకత్వంలోనే పనిచేస్తానని స్పష్టం చేశారు. బీఆర్ఎస్ నుంచి కాంగ్రెస్‌లో చేరిన కడియం శ్రీహరిపై అనర్హత వేటు వేయాలన్న పిటిషన్ ముందు తానే వేశానని గుర్తు చేశారు. పార్టీ మారిన ఎమ్మెల్యేలపై కచ్చితంగా అనర్హత వేటు పడుతుందన్నారు. తన నియోజకవర్గ ప్రజల నమ్మకాన్ని వమ్ము చేయనన్నారు.
News July 15, 2024
బీఆర్ఎస్ హయాంలో రైతులకు అన్యాయం : మంత్రి సురేఖ
TG: గత ప్రభుత్వం నాలుగు గోడల మధ్య నిర్ణయాలు తీసుకుని అమలు చేసిందని మంత్రి కొండా సురేఖ విమర్శించారు. BRS హయాంలో రైతులకు పూర్తిగా అన్యాయం జరిగిందని దుయ్యబట్టారు. గతంలో రైతులకు నష్టపరిహారం ఇచ్చిన సందర్భాలు లేవన్నారు. రైతు భరోసాపై అభిప్రాయ సేకరణలో ఆమె మాట్లాడారు. వందల ఎకరాలు ఉన్నవారికి ప్రజాధనం అప్పనంగా కట్టబెట్టారని దుయ్యబట్టారు. ఇప్పుడు అందరి అంగీకారంతోనే ముందుకు వెళ్తున్నామన్నారు.
News July 15, 2024
Xiaomi క్రేజ్ ఎందుకు తగ్గిందంటే? – 1/2
ఒకప్పుడు భారత స్మార్ట్‌ఫోన్ మార్కెట్‌ను ఏలిన చైనా కంపెనీ Xiaomiకి ఇప్పుడు క్రేజ్ తగ్గిపోవడం చర్చనీయాంశమైంది. 2022 క్యూ1లో గరిష్ఠంగా 23% మార్కెట్ షేర్ సంపాదించుకున్న షావోమీ ఈ ఏడాది Q1లో 12.8%కు పరిమితమైంది. బడ్జెట్ ఫోన్లకు కేరాఫ్ అని సంస్థకు వచ్చిన గుర్తింపే సేల్స్‌ను దెబ్బతీసిందని విశ్లేషకులు చెబుతున్నారు. ₹10వేల-15వేలు, ₹10వేలలోపు రేంజ్ ఫోన్లపైనే సంస్థ ఫోకస్ చేయడం ప్రభావం చూపిందంటున్నారు.
News July 15, 2024
Xiaomi క్రేజ్ ఎందుకు తగ్గిందంటే? – 2/2
పబ్లిక్ మిడ్ రేంజ్, ప్రీమియం రేంజ్ స్మార్ట్‌ఫోన్లకు ఆసక్తి చూపిస్తోందనే ట్రెండ్‌ను షావోమీ ఆలస్యంగా పసిగట్టిందనేది బిజినెస్ వర్గాల మాట. దీనిని శాంసంగ్, ఒప్పో, వివో వంటి బ్రాండ్లు క్యాష్ చేసుకున్నాయని చెబుతున్నాయి. గతంలో జరిగిన బాయ్‌కాట్ ట్రెండ్, అవకతవకలకు పాల్పడిందని $1 బిలియన్ విలువ చేసే ఆస్తులను ఈడీ ఫ్రీజ్ చేయడం, సంస్థ వృద్ధికి కీలకమైన మను జైన్ వైదొలగడం కూడా పతనానికి కారణం అయ్యాయని చెబుతున్నారు.
News July 15, 2024
అధికారులు సమర్పించిన నివేదికలపై అనుమానాలు: ప్రభుత్వం
AP: ఇసుక అక్రమ తవ్వకాలపై విచారణ సందర్భంగా సుప్రీంకోర్టులో రాష్ట్ర ప్రభుత్వం అఫిడవిట్ దాఖలు చేసింది. గతంలో అధికారులు సమర్పించిన నివేదికలపై అనుమానాలున్నాయని, సరైన సమాచారం ఇవ్వలేదని మీడియాలోనూ వార్తలు వచ్చినట్లు తెలిపింది. పూర్తిస్థాయి నివేదిక సమర్పించడానికి రాష్ట్రంతో పాటు కేంద్రం కూడా ధర్మాసనాన్ని గడువు కోరింది. దీంతో సుప్రీంకోర్టు విచారణను ఆగస్టు 2కు వాయిదా వేసింది.
Featured News
Sorry, no posts matched your criteria.