India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 14, 2024
అమర జవాన్ భార్యపై చెత్త కామెంట్స్ చేసింది పాకిస్థానీ: రేఖా శర్మ
అమరుడైన కెప్టెన్ అన్షుమాన్ సింగ్ భార్య స్మృతిపై అసభ్యకర కామెంట్స్ చేసింది పాకిస్థానీ అని తెలుస్తోందని NCW ఛైర్‌పర్సన్ రేఖాశర్మ వెల్లడించారు. ‘అదొక దిగజారుడు కామెంట్. సోషల్ మీడియాలో దాన్ని చూడగానే సుమోటోగా తీసుకున్నాం. పోలీసులు FIR <<13622271>>నమోదు<<>> చేశారు’ అని తెలిపారు. గత ఏడాది సియాచిన్‌లో వీరమరణం పొందిన అన్షుమాన్‌కు కేంద్రం కీర్తి చక్ర అవార్డును ప్రకటించిన విషయం తెలిసిందే.
News July 14, 2024
శంకర్ మ్యాజిక్ ఏమైంది.. ఆయన లేకపోవడమే కారణమా!
వైవిధ్యభరితమైన కథ, కథనం, కళ్లుచెదిరే సెట్లు ఇవన్నీ డైరెక్టర్ శంకర్ మూవీల్లోని ప్రత్యేకతలు. 90వ దశకంలో వరుస హిట్‌లతో సంచలనం సృష్టించారు. కానీ ఇప్పుడా మ్యాజిక్ పని చేయట్లేదు. దీనిక్కారణం శంకర్ ఆస్థాన రైటర్ సుజాత రంగరాజన్ లేకపోవడమే అంటున్నాయి సినీ వర్గాలు. రోబో తర్వాత సుజాత మరణించారు. ఆ తర్వాత ఆయన తీసిన స్నేహితుడు, ఐ, రోబో2, భారతీయుడు2 నిరాశపర్చాయి. మరి గేమ్‌ఛేంజర్‌తోనైనా శంకర్ హిట్ కొడతారేమో చూడాలి.
News July 14, 2024
BREAKING: భారత్ స్కోరు ఎంతంటే?
జింబాబ్వేతో జరుగుతున్న 5వ T20లో భారత జట్టు ఒక మాదిరి స్కోరు చేసింది. 20 ఓవర్లలో 167/6 రన్స్ చేసింది. టాస్ ఓడి బ్యాటింగ్‌కు దిగిన భారత్ జట్టు ఆరంభంలోనే ఓపెనర్ల వికెట్లు కోల్పోయి కష్టాల్లో పడింది. సంజూ శాంసన్ 58 రన్స్‌తో రాణించడంతో పాటు దూబే(26), రియాన్ పరాగ్(22) ఆదుకోవడంతో ఆ మాత్రం స్కోరు సాధించింది. జింబాబ్వే జట్టులో బ్లెస్సింగ్ 2 వికెట్లు, సికందర్, రిచర్డ్, బ్రాండన్ తలో వికెట్ తీశారు.
News July 14, 2024
రోహిత్‌ను కెప్టెన్ చేసినప్పుడు విమర్శించారు: గంగూలీ
టీమిండియా కెప్టెన్‌గా రోహిత్ శర్మను నియమిస్తే అప్పట్లో అందరూ తనను విమర్శించారని BCCI మాజీ ప్రెసిడెంట్ గంగూలీ గుర్తు చేసుకున్నారు. ‘T20- 2021WC తర్వాత కోహ్లీ కెప్టెన్‌గా తప్పుకోవడంతో రోహిత్‌ను కెప్టెన్ చేసింది నేనే. అప్పుడు నన్ను విమర్శించారు. ఇప్పుడు రోహిత్ సారథ్యంలో భారత్ WC నెగ్గింది. అయితే రోహిత్‌ను కెప్టెన్ చేసింది నేనే అన్న విషయాన్ని అందరూ మర్చిపోయారనుకుంటా’ అని సరదాగా వ్యాఖ్యానించారు.
News July 14, 2024
ప్రజలందరికీ ఇన్సూరెన్స్.. బీమా చట్టంలో మార్పులు?
దేశంలోని అందరికీ 2047కల్లా బీమా అందించాలనే లక్ష్యంతో బీమా చట్టంలో కేంద్రం సవరణలు చేయనుందని సమాచారం. వచ్చే బడ్జెట్ సమావేశాల్లో ఈ బిల్లు ప్రవేశపెట్టొచ్చట. ఇందులో బీమా కంపెనీల ఆంక్షల్లో సడలింపులు చేయనున్నట్లు తెలుస్తోంది. దీంతో బీమా రంగంలో కొత్త కంపెనీలొచ్చి పాలసీ ధరలు అందుబాటులోకొస్తాయని, మారుమూల ప్రాంతాలకు బీమా ఉత్పత్తులు వెళ్తాయని నిపుణులు చెబుతున్నారు. పాలసీదారుల ప్రయోజనాలూ పెరుగుతాయంటున్నారు.
News July 14, 2024
BIG ALERT.. భారీ నుంచి అతి భారీ వర్షాలు
తెలంగాణలోని పలు జిల్లాల్లో రేపు, ఎల్లుండి అతి భారీ వర్షాలు కురుస్తాయని HYD వాతావరణ కేంద్రం వెల్లడించింది. కొత్తగూడెం, ఖమ్మం, సూర్యాపేట, మహబూబాబాద్ జిల్లాల్లో అతి భారీ వర్షాలు పడతాయంది. ఆదిలాబాద్, ఆసిఫాబాద్, మంచిర్యాల, నిర్మల్, NZB, పెద్దపల్లి, భూపాలపల్లి, ములుగు, NLG, వరంగల్, హన్మకొండ, జనగాం, సిద్దిపేట, SRD, మెదక్, కామారెడ్డి జిల్లాల్లో భారీ వర్షాలు కురుస్తాయని ఎల్లో అలర్ట్ జారీ చేసింది.
News July 14, 2024
ఫుడ్ డెలివరీ చేయని జొమాటో.. మహిళకు రూ.60వేల పరిహారం
మొమోస్ ఆర్డర్ చేసిన మహిళకు వాటిని అందించకుండా డబ్బు తీసుకున్న జొమాటోకు కర్ణాటక వినియోగదారుల కోర్టు షాకిచ్చింది. మొత్తం రూ.60వేల పరిహారాన్ని ఆమెకు చెల్లించాలని ఆదేశించింది. గత ఏడాది ఆగస్టు 31న శీతల్ అనే మహిళ జొమాటోలో మొమోస్ ఆర్డర్ చేసి రూ.133 చెల్లించారు. అయితే ఫుడ్ డెలివరీ కాకుండానే అయినట్లు ఆమెకు మెసేజ్ వచ్చింది. దీనిపై కంప్లైంట్ ఇచ్చినా సంస్థ పట్టించుకోలేదు. దీంతో ఆమె కోర్టును ఆశ్రయించారు.
News July 14, 2024
ఆగస్టు నెలాఖరుకు పూర్తిస్థాయిలో U-win పోర్టల్
గర్భిణులు, పిల్లల టీకాల పంపిణీ నమోదు కోసం ఆగస్టు నెలాఖరుకు U-win పోర్టల్ పూర్తిస్థాయిలో అందుబాటులోకి వచ్చే అవకాశం ఉంది. ప్రభుత్వ, ప్రైవేటు ఆస్పత్రుల్లో డిప్తీరియా, మీజిల్స్, రూబెల్లా తదితర వ్యాధులను ఎదుర్కొనేందుకు అందించే టీకాల వివరాలను ఇందులో పొందుపరుస్తారు. దీనివల్ల వ్యాక్సినేషన్ సర్టిఫికెట్లను సులభంగా పొందొచ్చు. ఇప్పటికే బెంగాల్ మినహా అన్ని రాష్ట్రాల్లో పైలట్ ప్రాజెక్టుగా చేపడుతున్నారు.
News July 14, 2024
లండన్‌లో స్థిరపడనున్న కోహ్లీ?
టీమ్ ఇండియా స్టార్ క్రికెటర్ విరాట్ కోహ్లీ లండన్‌లో స్థిరపడాలని భావిస్తున్నట్లు తెలుస్తోంది. ఎక్కువ సమయం ఆయన అక్కడే గడుపుతుండటంతో ఈ వార్తలకు బలం చేకూరుతోంది. విరాట్ కొడుకు అకాయ్‌ను ఇంతవరకూ భారత్‌కు తీసుకురాలేదు. ప్రస్తుతం కోహ్లీ, అనుష్కకు లండన్‌లో ఓ కంపెనీ ఉంది. దీంతో ఆ దేశం వారికి సిటిజన్‌షిప్ ఇచ్చే అవకాశాలు కనిపిస్తున్నాయి. క్రికెట్‌కు గుడ్ బై చెప్పాక కోహ్లీ లండన్‌లో సెటిల్ కానున్నట్లు టాక్.
News July 14, 2024
త్వరలో ‘వైజాగ్ ఫైల్స్’ విడుదల: గంటా
AP: త్వరలో కశ్మీర్ ఫైల్స్ తరహాలో ‘విశాఖ ఫైల్స్’ విడుదల చేస్తామని టీడీపీ ఎమ్మెల్యే గంటా శ్రీనివాసరావు తెలిపారు. వైజాగ్‌లో జరిగిన భూదందాలపై ప్రభుత్వానికి నివేదిక అందజేస్తామని చెప్పారు. ‘విశాఖ భూఆక్రమణల్లో సీఎస్ స్థాయి అధికారుల హస్తం ఉంది. అలాగే భూదందాలకు పాల్పడిన వైసీపీ నేతలపై చర్యలు తీసుకోనున్నాం. విశాఖ అభివృద్ధిపైనే సీఎం చంద్రబాబు దృష్టి పెట్టారు’ అని ఆయన వ్యాఖ్యానించారు.
Featured News
Sorry, no posts matched your criteria.