India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 13, 2025
ప్రధాని మోదీతో సీఎం చంద్రబాబు భేటీ
ఢిల్లీలో ప్రధాని మోదీతో ఏపీ సీఎం చంద్రబాబు భేటీ అయ్యారు. విశాఖలో పెట్టుబడుల సదస్సుకు రావాలని ఆయన్ను ఆహ్వానించారు. చంద్రబాబు వెంట కేంద్రమంత్రులు రామ్మోహన్ నాయుడు, పెమ్మసాని చంద్రశేఖర్, ఎంపీ లావు శ్రీకృష్ణదేవరాయలు ఉన్నారు.
News October 13, 2025
వర్జ్యం అంటే ఏంటి?
వర్జ్యం అనేది విడువదగిన, అశుభ సమయం. దీన్ని నక్షత్రాన్ని బట్టి నిర్ణయిస్తారు. ప్రతి నక్షత్రంలో సుమారు 96 నిమిషాల వర్జ్యం ఉంటుంది. ఈ సమయంలో శుభకార్యాలు, ప్రయాణాలు మొదలుపెట్టకూడదు. జాతకంలో గ్రహాలు వర్జ్య కాలంలో ఉంటే ఆ దశలలో ఇబ్బందులు కలుగుతాయి. వర్జ్యంలో దైవారాధన చేయవచ్చు. దానం చేస్తే దోషాలు పోతాయని శాస్త్రం చెబుతోంది.
☞ రోజువారీ వర్జ్యాలు, ముహుర్తాల ఘడియల కోసం <<-se_10009>>పంచాంగం<<>> కేటగిరీకి వెళ్లండి.
News October 13, 2025
ఫిట్నెస్కి సారా టిప్స్ ఇవే..
ప్రస్తుతకాలంలో వివిధ కారణాల వల్ల బరువు పెరిగేవారి సంఖ్య పెరిగింది. సారాఆలీఖాన్ కూడా మొదట్లో ఆ బాధితురాలే. ఒకప్పుడు బరువుగా ఉండే ఈమె ప్రస్తుతం ఎంతో ఫిట్గా మారారు. దీనికోసం ఎక్కువగా లీన్ ప్రోటీన్లు, కూరగాయలు, పండ్లు, తృణధాన్యాలు తీసుకున్నానని సారా ఓ ఇంటర్వ్యూలో చెప్పారు. రెగ్యులర్ యోగా, వ్యాయామం, మెడిటేషన్ చేయడం, ఎక్కువగా నీళ్లు తాగడంతో పాటు తగినంత నిద్రపోవడం కూడా తన ఆరోగ్యానికి కారణమంటున్నారామె.
News October 13, 2025
అమరావతి పనులను పరుగులు పెట్టించాలి: CBN
AP: గడువులోగా అమరావతి నిర్మాణాన్ని పూర్తిచేయాలని CM CBN అధికారులను ఆదేశించారు. పనుల్ని పరుగులు పెట్టించాలని సమీక్షలో సూచించారు. ‘పనులు ఆలస్యం లేకుండా నిర్మాణ ప్రాంతాల వద్దనే మౌలిక సదుపాయాలు కల్పించాలి. వర్షాకాలంలో ఆటంకం అయినా ఇప్పుడు స్పీడ్ పెంచండి. నిధులకు సమస్య లేదు. ఆర్థిక శాఖకు కూడా చెప్పాను’ అని వివరించారు. అమరావతికి గట్టి పునాది పడిందని, అందరం కలిసి అభివృద్ధి చేసుకుందామన్నారు.
News October 13, 2025
ఉల్లి ఆధారిత ఉత్పత్తులు ఇవే..
* ఆనియర్ ఫ్లేక్స్: ఉల్లిపాయలను ముక్కలుగా కోసి వేయించడం/ఎండబెట్టడం ద్వారా ఫ్రైడ్ ఆనియన్స్, ఫ్లేక్స్ తయారుచేస్తారు. వీటిని సూప్లు, కూరల్లో ఉపయోగిస్తారు.
* ఉల్లి పొడి/పేస్ట్: ఎండిన ఉల్లిపాయలను పౌడర్గా చేసి, వంటలు, సూప్లు, సాస్లలో వాడొచ్చు. పేస్టునూ ఉపయోగించవచ్చు.
ఉల్లి నూనె: జుట్టు సమస్యల నివారణకు ఉల్లినూనెకు డిమాండ్ ఉంది.
* ఇలాంటి విలువ ఆధారిత ఉత్పత్తుల ద్వారా రైతులకు లాభాలు చేకూర్చవచ్చు.
News October 13, 2025
‘ఉల్లి’తో రైతుకు మేలు జరగాలంటే?
ఉల్లి చేసే మేలు తల్లి కూడా చేయదని అంటారు. కానీ ఆ ఉల్లిని పండించే రైతుకు కన్నీళ్లు తప్పట్లేదు. కిలో ₹5-10 మాత్రమే పలుకుతుండటంతో అన్నదాతలు వాపోతున్నారు. రేటు పడిపోయినా ఇబ్బంది లేకుండా ఉల్లి ఆధారిత పరిశ్రమల ఏర్పాటుతో రైతులకు ప్రయోజనం ఉంటుంది. ఆనియన్ ఫ్లేక్స్, పొడి, పేస్ట్, నూనె, ఊరగాయలు, చట్నీలు తయారుచేసేలా ప్రభుత్వాలు ఆలోచన చేయాలి.
* ప్రతిరోజూ అగ్రికల్చర్ కంటెంట్ కోసం <<-se_10015>>పాడిపంట<<>> క్లిక్ చేయండి.
News October 13, 2025
హగ్కు రూ.3.73 లక్షల ఫీజు.. యువతిపై ట్రోల్స్
చైనాలో ఓ యువతి చేసిన పని తీవ్ర చర్చనీయాంశమైంది. మ్యాట్రిమోనీ సైట్లో పరిచయమైన జంట ఎంగేజ్మెంట్ చేసుకుంది. చైనీస్ పద్ధతి ప్రకారం యువతికి యువకుడి ఫ్యామిలీ గిఫ్ట్గా ₹25 లక్షలిచ్చింది. ఇంతలో ఆమె పెళ్లిని క్యాన్సిల్ చేసి మనీ తిరిగివ్వడానికి ఒప్పుకుంది. కానీ ప్రీ వెడ్డింగ్ షూట్లో తనను హగ్ చేసుకున్నందుకు ₹3.73 లక్షల ఫీజు అని చెప్పడంతో అంతా అవాక్కయ్యారు. SMలో ఆమెను విపరీతంగా ట్రోల్ చేస్తున్నారు.
News October 13, 2025
రేపు ఢిల్లీకి సీఎం రేవంత్ రెడ్డి
TG: సీఎం రేవంత్ రెడ్డి రేపు ఉదయం 9 గంటలకు ఢిల్లీకి వెళ్లనున్నారు. బీసీ రిజర్వేషన్లు, స్థానిక ఎన్నికల నోటిఫికేషన్పై హైకోర్టు విధించిన స్టేను ప్రభుత్వం సుప్రీంకోర్టులో సవాల్ చేయాలని నిర్ణయించింది. ఇదే విషయమై సీనియర్ లాయర్లతో రేవంత్ భేటీ కానున్నారు. కోర్టులో వాదించాల్సిన అంశాలపై వారితో చర్చించనున్నారు.
News October 13, 2025
చిన్న చిన్న కాంట్రాక్టుల కోసం ఆశపడను: మంత్రి పొంగులేటి
TG: మంత్రి కొండా సురేఖతో <<17994511>>విభేదాలంటూ<<>> జరుగుతున్న ప్రచారంపై మంత్రి పొంగులేటి శ్రీనివాసరెడ్డి స్పందించారు. ‘చిన్న చిన్న కాంట్రాక్టుల కోసం ఆశపడను. నాపై కొండా సురేఖ ఫిర్యాదు చేశారని అనుకోవడం లేదు. ఈరోజు పర్యటనకు ఆమె రాకపోవడానికి చెప్పుకోదగ్గ కారణాలేవీ లేవు. అందరూ అన్ని సార్లు ఉండాలనేం లేదు. వచ్చే పర్యటనలో అక్కలు అందరూ ఉంటారు’ అని మేడారం పర్యటనలో వ్యాఖ్యానించారు.
News October 13, 2025
సంక్షేమ హాస్టళ్ల విద్యార్థులకు హెల్త్ చెకప్లు: సీఎం రేవంత్
TG: సంక్షేమ హాస్టళ్లపై ప్రత్యేక దృష్టి పెట్టాలని, విద్యార్థులకు హెల్త్ చెకప్ చేయాలని అధికారులను CM రేవంత్ ఆదేశించారు. ‘విద్యార్థులు, టీచింగ్, నాన్ టీచింగ్ సిబ్బందిని ఫేస్ రికగ్నిషన్ సిస్టమ్ పరిధిలోకి తేవాలి. భోజనం క్వాలిటీ చెక్ చేసేందుకు టెక్నాలజీ వాడాలి. విద్యార్థుల ఆరోగ్య పరిస్థితిని సమీక్షించేందుకు ప్రత్యేక విధానం అనుసరించాలి. హాస్టళ్లను మెడికల్ కాలేజీలు, CHCతో లింక్ చేయాలి’ అని సూచించారు.
Featured News
Sorry, no posts matched your criteria.