India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 15, 2024
రేపు ఈ జిల్లాల్లో స్కూళ్లకు సెలవు
AP: భారీ వర్షాలు కురుస్తున్న నేపథ్యంలో రేపు చిత్తూరు, తిరుపతి, ప్రకాశం జిల్లాల్లోని అన్ని స్కూళ్లు, కాలేజీలకు కలెక్టర్లు సెలవు ప్రకటించారు. అన్ని విద్యాసంస్థలు తప్పనిసరిగా సెలవు ఇవ్వాలని ఆదేశించారు. అటు శ్రీసత్యసాయి, అనంతపురం జిల్లాల్లో ఈ నెల 17 వరకు సెలవులు ఇచ్చారు.
News October 15, 2024
పవన్ కళ్యాణ్‌కు సీఎం చంద్రబాబు అభినందనలు
AP: ‘పల్లె పండుగ’ కార్యక్రమం విజయవంతంగా సాగుతుండటం ఆనందం కలిగిస్తోందని సీఎం చంద్రబాబు ట్వీట్ చేశారు. 13,326 గ్రామాలలో రూ.4,500 కోట్ల ఖర్చుతో 30 వేల అభివృద్ధి పనులు చేపట్టాలనే సంకల్పాన్ని డిప్యూటీ సీఎం పవన్ కార్యరూపంలోకి తీసుకువచ్చారని కొనియాడారు. ఇందుకు ఆయనకు అభినందనలు తెలిపారు. రానున్న రోజుల్లో ఇలాంటి మరెన్నో కార్యక్రమాలు చేపట్టి పల్లెల్లో సంతోషాలు నింపేందుకు కూటమి ప్రభుత్వం కట్టుబడి ఉందన్నారు.
News October 15, 2024
రేపు బీఆర్ఎస్ కీలక భేటీ!
TG: హైడ్రా కూల్చివేతల నేపథ్యంలో బీఆర్ఎస్ పార్టీ నేతలు కీలక సమావేశం నిర్వహించనున్నట్లు తెలుస్తోంది. GHMC పరిధిలోని ఎమ్మెల్యేలు, ఎమ్మెల్సీలతో రేపు ఉదయం 10 గంటలకు పార్టీ వర్కింగ్ ప్రెసిడెంట్ కేటీఆర్ భేటీ కానున్నారని సమాచారం. భవిష్యత్తు కార్యాచరణపై చర్చించే అవకాశముంది. కాగా చెరువుల సమగ్ర సర్వే చేయాలని నిర్ణయించిన ప్రభుత్వం కూల్చివేతలకు తాత్కాలికంగా బ్రేక్ ఇచ్చింది.
News October 15, 2024
వయనాడ్.. ప్రియాంకా గాంధీ పోటీ చేసేనా?
కాంగ్రెస్ ఎన్నికల ప్రచారాలకే పరిమితమైన ప్రియాంకా గాంధీ పోటీ అంశం మరోసారి తెరపైకి వచ్చింది. రాహుల్ గాంధీ రాజీనామాతో NOV 13న వయనాడ్(కేరళ) పార్లమెంట్‌కు <<14363811>>బైపోల్<<>> జరగనుండగా, ఇక్కడ ఆమె బరిలో దిగే ఛాన్స్ ఉంది. INC చీఫ్ ఖర్గే, సీనియర్ నేతలు ఆమె పోటీ చేస్తారని పలుమార్లు ప్రకటించారు. అయితే ప్రియాంక స్పందించలేదు. ఒకవేళ ఆమె పోటీ చేసి గెలిస్తే ఆ సెగ్మెంట్‌లో గెలిచిన తొలి మహిళా ఎంపీగా చరిత్ర సృష్టించనున్నారు.
News October 15, 2024
దీపావళి పండుగ తేదీపై వివాదం
AP: ఈ ఏడాది దీపావళి పండుగ తేదీపై పంచాంగకర్తల మధ్య వివాదం నెలకొంది. అక్టోబర్ 31న జరుపుకోవాలని రేలంగి తంగిరాల పంచాంగకర్తలు, నవంబర్ 1 అసలు తేదీ అని కోనసీమ ధృక్ సిద్ధాంత పంచాంగకర్తలు చెబుతున్నారు. రేలంగి పంచాంగాన్ని TTD అనుసరిస్తుండటంతో ప్రభుత్వం కూడా 31నే సెలవు ఇచ్చింది. అయితే వారు సరైన పద్ధతిలో గణించలేదని, సూర్యోదయం ఉన్న తిథినే ప్రామాణికంగా తీసుకోవాలని ధృక్ పంచాంగకర్తలు విజ్ఞప్తి చేస్తున్నారు.
News October 15, 2024
ఎల్లుండి కొమురంభీం జిల్లావ్యాప్తంగా సెలవు
TG: ఆదివాసీ పోరాట యోధుడు కొమురంభీం 84వ వర్ధంతి సందర్భంగా ఈ నెల 17న కొమురంభీం ఆసిఫాబాద్ జిల్లావ్యాప్తంగా ప్రభుత్వం సెలవు ప్రకటించింది. అన్ని ప్రభుత్వ, ప్రైవేటు విద్యాసంస్థలు సెలవు ఇవ్వాలని పేర్కొంటూ కలెక్టర్ వెంకటేశ్ ఉత్తర్వులిచ్చారు. వచ్చే నెల 9న(రెండో శనివారం) వర్కింగ్ డేగా నిర్ణయించారు.
News October 15, 2024
క్యాట్ తీర్పుపై హైకోర్టుకు ఐఏఎస్‌లు!
ఏపీకి వెళ్లాలని DOPT ఉత్తర్వులపై క్యాట్ ఇచ్చిన ఆదేశాలను సవాల్ చేస్తూ తెలంగాణలో పనిచేస్తున్న ఐఏఎస్‌లు హైకోర్టును ఆశ్రయించనున్నారు. <<14364444>>క్యాట్ తీర్పు<<>> నేపథ్యంలో రేపు లంచ్ మోషన్ దాఖలు చేయనున్నట్లు సమాచారం. ఐఏఎస్‌లు వాకాటి అరుణ, అమ్రపాలి, వాణీప్రసాద్, రొనాల్డ్ రోస్ ఏపీకి వెళ్లాలని DOPT ఉత్తర్వులు జారీ చేసిన సంగతి తెలిసిందే.
News October 15, 2024
జీవో- 24ను కొట్టివేసిన హైకోర్టు
AP: ప్రైవేట్ అన్ ఎయిడెడ్ విద్యాసంస్థల్లో ఒకటో తరగతిలో 25% పేద విద్యార్థులకు రిజర్వేషన్ ఇవ్వాలంటూ గత ప్రభుత్వం జారీ చేసిన జీవో-24ను హైకోర్టు కొట్టివేసింది. అమ్మఒడి పథకం అందిస్తుండటంతో 2023-24 సంవత్సరంలో పిల్లలను చేర్చుకోవాలని గత వైసీపీ ప్రభుత్వం జీవో జారీ చేసింది. దీనిపై విద్యాసంస్థలు హైకోర్టును ఆశ్రయించాయి. పిటిషన్‌పై విచారించిన ధర్మాసనం విద్యాహక్కు చట్టానికి భిన్నంగా ఉందంటూ జీవోను కొట్టివేసింది.
News October 15, 2024
రోజూ ఒక స్కూలును పరిశీలించాలి: భట్టి
TG: గురుకుల స్కూళ్లు సమస్యలతో సతమతమవుతున్న నేపథ్యంలో డిప్యూటీ CM భట్టి విక్రమార్క కీలక ఆదేశాలు జారీ చేశారు. గురుకుల సొసైటీల కార్యదర్శులతో సమీక్షించిన ఆయన.. ప్రతిరోజూ ఒక స్కూలును తనిఖీ చేయాలని ఆదేశించారు. భవనాల అద్దె చెల్లింపునకు వెంటనే నిధులు విడుదల చేయాలని చెప్పారు. అద్దె భవనాల యజమానులతో మాట్లాడి అన్ని సౌకర్యాలు ఉండేలా చర్యలు తీసుకోవాలని, క్షేత్రస్థాయి పరిశీలన వివరాలతో నివేదిక ఇవ్వాలని కోరారు.
News October 15, 2024
రజినీ సినిమాలో ఛాన్స్ నిరాకరించిన నాని?
సూపర్ స్టార్ రజినీకాంత్ ‘వేట్టయన్’లో నటించే అవకాశాన్ని హీరో నాని వదులుకున్నట్లు తెలుస్తోంది. ఆ మూవీలో ఫహాద్ ఫాజిల్ నటించిన దొంగ పాత్రకు తొలుత నానినే మేకర్స్ సంప్రదించినట్లు సమాచారం. సినిమాలో ఆ పాత్రకు బరువు లేదని భావించి, నాని నిరాకరించారని టాక్. వేట్టయన్‌లో రానా, అమితాబ్ తదితరుల పాత్రలకూ సరైన ప్రాముఖ్యత లభించలేదు. దీంతో నాని నిర్ణయం కరెక్టేనంటూ ఆయన ఫ్యాన్స్ కామెంట్ చేస్తున్నారు.
Featured News
Sorry, no posts matched your criteria.