India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 11, 2024
‘రైతుబంధు’ డబ్బులను తిరిగి చెల్లించాలని ఆదేశం!
‘రైతుబంధు’ ద్వారా పొందిన రూ.16 లక్షలను తిరిగి చెల్లించాలని మేడ్చల్ జిల్లా ఘట్‌కేసర్- పోచారంలోని ఎం.యాదగిరిరెడ్డికి నోటీసులు అందాయి. ఆయన తన 33 ఎకరాల వ్యవసాయ భూమిని ప్లాట్లుగా మార్చి విక్రయించినప్పటికీ రైతుబంధు పొందారు. మండలంలో 30వేల ఫార్మ్ ల్యాండ్ ఉంటే 66వేల ఎకరాలకు చెల్లించినట్లు జిల్లా కలెక్టర్ గుర్తించారు. ఆయన ఆదేశాలతో రెవెన్యూ రికవరీ చట్టాన్ని ప్రయోగించి అధికారులు యాదగిరికి నోటీసులిచ్చారు.
News July 11, 2024
పాకిస్థాన్‌కి వెళ్లేది లేదన్న BCCI?
ఛాంపియన్స్ ట్రోఫీ కోసం భారత క్రికెట్ జట్టును పాకిస్థాన్‌కు పంపేందుకు BCCI నిరాకరించినట్లు ANI పేర్కొంది. ఈ టోర్నీని తటస్థ వేదికల్లో నిర్వహించాలని ICCని కోరనుందట. దుబాయ్ లేదా శ్రీలంకలో నిర్వహిస్తే తాము టోర్నీలో పాల్గొంటామని చెప్పనున్నట్లు పేర్కొంది. 2025 ఫిబ్రవరి 19 నుంచి మార్చి 9 మధ్య టోర్నీని నిర్వహించేందుకు పాక్ ఏర్పాట్లు చేసుకుంటోంది. తమ దేశానికి భారత్ వస్తుందని పాక్ ఎన్నో ఆశలు పెట్టుకుంది.
News July 11, 2024
TDP ఆఫీసుపై దాడి కేసు.. వైసీపీ నేతలకు ఊరట
AP: హైకోర్టులో YCP నేతలకు ఊరట దక్కింది. 2021లో మంగళగిరిలోని టీడీపీ కేంద్ర కార్యాలయంపై దాడి కేసులో సజ్జల, దేవినేని అవినాశ్, లేళ్ల అప్పిరెడ్డి, రఘురామ్, ఆళ్ల రామకృష్ణారెడ్డి ముందస్తు బెయిల్ పిటిషన్ దాఖలు చేశారు. దీనిపై విచారించిన కోర్టు ఈ నెల 16 వరకు ఎలాంటి చర్యలు తీసుకోవద్దని పోలీసులను ఆదేశించింది. మరోవైపు చంద్రబాబు నివాసంపై దాడి కేసులో మాజీ మంత్రి జోగి రమేశ్‌పై సైతం చర్యలు తీసుకోవద్దంది.
News July 11, 2024
ఈరోజూ మార్కెట్లు నష్టాల్లోనే!
దేశీయ స్టాక్ మార్కెట్లు వరుసగా రెండోరోజు నష్టాల్లో కొనసాగుతున్నాయి. సెన్సెక్స్ 300కుపైగా పాయింట్లు కోల్పోయి 79,624 వద్ద, నిఫ్టీ 24,257 (-67 పాయింట్లు) వద్ద ట్రేడవుతున్నాయి. ఫార్మా, బ్యాంకింగ్ రంగాలు నష్టాల్లో కొనసాగుతుండటం మార్కెట్‌పై ప్రభావం చూపింది. సిప్లా, HDFC, దివీస్ ల్యాబ్స్, సన్‌ఫార్మా, నెస్లే షేర్లు నష్టాల్లో ట్రేడవుతున్నాయి. కోల్ ఇండియా, BPCL, టాటా మోటార్స్ లాభాల్లో కొనసాగుతున్నాయి.
News July 11, 2024
సీఏ ఫైనల్, ఇంటర్మీడియట్ ఫలితాలు విడుదల
మేలో నిర్వహించిన ఛార్టెర్డ్ అకౌంటెన్సీ (CA) ఫైనల్, ఇంటర్మీడియట్ ఫలితాలు వెల్లడయ్యాయి. విద్యార్థులు https://icai.nic.inలో ఫలితాలను తెలుసుకోవచ్చు. ఇంటర్మీడియట్‌లో గ్రూప్-1లో 27.15 శాతం, గ్రూప్-2లో 18.28శాతం, రెండు గ్రూపుల్లో 18.42% ఉత్తీర్ణత నమోదైంది. ఫైనల్‌లో గ్రూప్-1లో 27.35%, గ్రూప్-2లో 36.35%, రెండు గ్రూపుల్లో 19.88శాతం నమోదైంది. ఫలితాల కోసం డైరెక్ట్ లింక్ కోసం <
News July 11, 2024
నీట్ యూజీ పేపర్ లీక్ వీడియో ఫేక్: NTA
మే 4నే నీట్ UG పేపర్ లీక్ అయినట్లు టెలిగ్రామ్‌లో సర్క్యూలేట్ అయిన వీడియో ఫేక్ అని NTA సుప్రీంకోర్టుకు సమర్పించిన అఫిడవిట్‌లో తెలియజేసింది. పేపర్ పరీక్షకు ముందే లీక్ అయిందని నమ్మించడానికి తేదీలను, సమయాన్ని ఎడిట్ చేశారని తెలిపింది. మరోవైపు పట్నాలో కమాండ్ సెంటర్ నుంచి పేపర్ లీకైనట్లు CC ఫుటేజ్‌లో ఎలాంటి ఆధారాలు లేవంది. పెట్టెల్లో పేపర్లు సేఫ్‌గానే ఉన్నాయని, తాళం పగలగొట్టిన దాఖలాలు లేవని తెలిపింది.
News July 11, 2024
స్మోక్ చేయని వారికీ లంగ్ క్యాన్సర్!
ఇండియాలోని లంగ్ క్యాన్సర్ పేషెంట్లలో ఎక్కువ మంది పొగతాగే అలవాటు లేనివారే ఉన్నట్లు సైంటిస్టులు గుర్తించారు. జన్యుపరంగా, గాలి కాలుష్యం వల్ల స్మోకింగ్ అలవాటు లేకున్నా చాలామందికి లంగ్ క్యాన్సర్ వస్తున్నట్లు తేల్చారు. అందుకే పట్టణ ప్రాంతాల్లో ఈ క్యాన్సర్ వృద్ధి ఎక్కువగా ఉందని, 2025నాటికి మరింత పెరుగుతుందని అంచనా వేస్తున్నారు. కాగా లంగ్ క్యాన్సర్ పేషెంట్లలో చైనా టాప్‌లో ఉండగా భారత్ 4వ స్థానంలో ఉంది.
News July 11, 2024
భోలే బాబాకు అమ్మాయిలతోనే స్నానం!
UP: హాథ్రస్ తొక్కిసలాటలో 121మంది మరణించడంతో భోలే బాబా హాట్ టాపిక్ అయ్యారు. ఆయన విషయంలో విస్తుపోయే విషయాలు బయటికి వస్తున్నాయి. భోలే బాబా చుట్టూ వర్జిన్ గర్ల్స్(కన్యలు) ఉండేవారట. వాళ్లు ఎరుపు దుస్తులు ధరించి ఆయనకు స్నానం చేయించి, భోజనం కూడా తినిపించేవారట. పెళ్లయిన మహిళలకు తనను కలిసేందుకు అనుమతి ఇచ్చేవారు కాదని తెలుస్తోంది. ఇదిలా ఉంటే భోలే బాబాను ఇప్పటి వరకు పోలీసులు పట్టుకోలేకపోవడం గమనార్హం.
News July 11, 2024
వైజాగ్ స్టీల్ ప్లాంట్‌లో కేంద్రమంత్రి
AP: కేంద్ర పరిశ్రమలశాఖ మంత్రి కుమారస్వామి విశాఖ స్టీల్ ప్లాంటుకు చేరుకున్నారు. సహాయ మంత్రి శ్రీనివాస్ వర్మతో కలిసి ఆయన ప్లాంట్‌ను పరిశీలిస్తున్నారు. మరికాసేపట్లో అధికారులు, కార్మిక సంఘాలతో ఆయన భేటీ కానున్నారు. ఉక్కు పరిశ్రమ నిర్వహణపై కుమారస్వామి ఎలాంటి ప్రకటన చేస్తారనే ఉత్కంఠ నెలకొంది.
News July 11, 2024
VIRAL: ‘రోడ్లు బాగు చేయకుంటే ఫ్యామిలీతో సూసైడ్ చేసుకుంటా..!’
TG: రోడ్లు బాగుచేయాలని అధికారులకు ఫిర్యాదు చేసినా పట్టించుకోవట్లేదని ఓ యువకుడు కుటుంబంతో సహా ఆత్మహత్య చేసుకుంటానని పెట్టిన పోస్ట్ వైరల్‌గా మారింది. మహబూబాబాద్ జిల్లా మరిపెడలోని పూలబజార్‌లో రోడ్లు బురదమయంగా మారాయి. దీంతో ముక్తార్ అనే వ్యక్తి రోడ్ల ఫొటోలు, వీడియోలు తీసి ‘దోమలతో ఎలాగూ రోగాల పాలవుతున్నాం. అదెదో మందు తాగి చనిపోతే పనైపోతుంది’ అని ఎమ్మెల్యే, కలెక్టర్, కమిషనర్‌కు షేర్ చేశారు.
Featured News
Sorry, no posts matched your criteria.