India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 2, 2025
బరువు తగ్గేందుకూ ఓ రూల్
బరువు తగ్గడానికి 30-30-30 రూల్ బాగా పనిచేస్తుందని నిపుణులు చెబుతున్నారు. అంటే రోజూ 30% క్యాలరీలు తగ్గించి ఫుడ్ తీసుకోవాలి. సాధారణంగా స్త్రీలు రోజూ 2000 క్యాలరీలు తీసుకోవాలి. ఇందులో 30% తగ్గించి 1,400 క్యాలరీలు తీసుకోవాలి. అలాగే రోజూ కనీసం 30 నిమిషాలు వ్యాయామం చేయాలి. దీనివల్ల కొవ్వులు బాగా కరిగిపోతాయి. 30 నిమిషాలు భోజనానికి కేటాయించాలి. నెమ్మదిగా నములుతూ, ఆస్వాదిస్తూ తినాలి.
<<-se>>#WomenFitness<<>>
News October 2, 2025
పదేళ్లలో పెరిగిన విద్యార్థుల ఆత్మహత్యలు
దేశంలో 2014-2023 వరకు దశాబ్ద కాలంలో 1,09,430 మంది విద్యార్థులు ఆత్మహత్యకు పాల్పడినట్లు NCRB తెలిపింది. 2023లో 13,892 మంది సూసైడ్ చేసుకున్నారని పేర్కొంది. 2014తో పోలిస్తే 2023నాటికి 72% మరణాలు పెరిగాయని వెల్లడించింది. పదేళ్లలో ఏపీలో 4,188 మంది, తెలంగాణలో 4,732 మంది మరణించడం ఆందోళనకరం. 2023లో అత్యధిక మరణాలు మహారాష్ట్ర(2,046)లో చోటు చేసుకోగా తెలంగాణలో 582, ఏపీలో 498 మంది ఆత్మహత్యకు పాల్పడ్డారు.
News October 2, 2025
‘కాంతార ఛాప్టర్-1’ రివ్యూ&రేటింగ్
అడవిలో దైవ శక్తిగల ఈశ్వరుని పూదోట చుట్టూ తిరిగే కథే ‘కాంతార ఛాప్టర్-1’. డివోషనల్ ఎలిమెంట్స్, ఇంటర్వెల్, క్లైమాక్స్, VFx అదిరిపోయాయి. చివర్లో ‘చాముండి’ అవతారంలో రిషబ్ శెట్టి నటవిశ్వరూపం చూపించారు. హీరోయిన్ రుక్మిణి పాత్ర కథను మలుపు తిప్పుతుంది. పాటలు అంతగా ఆకట్టుకోవు. BGM ఫర్వాలేదు. ఫస్టాఫ్ స్లోగా సాగడం, కామెడీ పండకపోవడం మైనస్. సీక్వెల్గా చాప్టర్-2 ఉంటుందని ప్రకటించారు.
రేటింగ్: 3/5
News October 2, 2025
ICMRలో ఉద్యోగాలు.. దరఖాస్తు చేసుకోండి
ICMR న్యూఢిల్లీలో డైరెక్టర్, 5 సైంటిస్ట్ D, ఒక సైంటిస్ట్ E పోస్టులకు NOV 10వరకు దరఖాస్తు చేసుకోవచ్చు. ICMR -NIRDHDSలో ఒక కన్సల్టెంట్ పోస్టుకు అప్లై చేయడానికి ఈనెల 6 ఆఖరు తేదీ. ICMR-RMRIMSలో 5 పోస్టులను OCT 8న ఇంటర్వ్యూ ద్వారా ఎంపిక చేయనున్నారు. అర్హతగల అభ్యర్థులు నేరుగా ఇంటర్వ్యూకు హాజరుకావొచ్చు. ICMR-NIEలో యంగ్ ప్రొఫెషనల్ పోస్టుకు OCT 9వరకు అప్లై చేసుకోవచ్చు. వెబ్సైట్: https://www.icmr.gov.in/
News October 2, 2025
భారీ వర్షాలు.. మంత్రి కీలక ఆదేశాలు
AP: వాయుగుండం ప్రభావంతో ఉత్తరాంధ్ర జిల్లాల్లో రెండు రోజులు భారీ వర్షాలు కురిసే అవకాశం ఉందని మంత్రి అచ్చెన్నాయుడు తెలిపారు. ఇవాళ రాత్రి వాయుగుండం తీరం దాటే అవకాశముండటంతో తీసుకోవాల్సిన చర్యలపై కలెక్టర్, ఎస్పీతో మంత్రి సమీక్ష నిర్వహించారు. నాగావళి, వంశధార నదుల వరదపై ఆరా తీశారు. ఎలాంటి పరిస్థితులనైనా ఎదుర్కొనేందుకు సిద్ధంగా ఉండాలని ఆదేశించారు.
News October 2, 2025
కుందేళ్ల షెడ్డు నిర్మాణములో తీసుకోవాల్సిన జాగ్రత్తలు
కుందేళ్ల షెడ్ను ఎత్తైన ప్రదేశంలో నిర్మించాలి. గాలి ఎక్కువగా తగిలేలా చూసుకోవాలి. షెడ్ను తూర్పు, పడమర దిశలో కట్టాలి. షెడ్ పరిసరాల్లో శబ్దకాలుష్యం లేకుండా చూడాలి. శబ్దాల వల్ల కుందేళ్లు భయపడి వాటి ఉత్పాదక సామర్థ్యం తగ్గే ఛాన్సుంది. షెడ్డు లోపల చల్లని వాతావరణం ఉండాలి. షెడ్డు ఉష్ణోగ్రత ఎండాకాలంలో 30 డిగ్రీల సెల్సియస్ దాటకుండా.. చలికాలంలో 20 డిగ్రీల సెల్సియస్ తగ్గకుండా జాగ్రత్తలు తీసుకోవాలి.
<<-se>>#RABBIT<<>>
News October 2, 2025
స్థానిక ఎన్నికల్లో ‘నోటా’ ఆప్షన్!
TG: ఎంపీటీసీ, జడ్పీటీసీ ఎన్నికల్లో నోటా ఆప్షన్ కూడా అందుబాటులోకి రానుంది. బ్యాలెట్ పేపర్లపై ఎన్నికల సంఘం దీన్ని ముద్రిస్తోంది. ఓటరుకు అభ్యర్థులెవరూ నచ్చకపోతే చివర్లో ఉండే నోటాకు ఓటు వేయవచ్చు. బ్యాలెట్ పేపర్లో మొదట జాతీయ, ప్రాంతీయ పార్టీల గుర్తులుంటాయి. తర్వాత ఇతర రాష్ట్రాల్లో గుర్తింపు పొందినవి, రిజిస్టర్డ్ సింబల్ రిజర్వ్ అయినవి, సింబల్ లేని రిజిస్టర్డ్ పార్టీలు, చివరికి ఇండిపెండెంట్లు ఉంటారు.
News October 2, 2025
‘భర్త దీర్ఘాయువు కోసం నేడు ఇవి దానం చేయండి’
దసరా పండుగ సందర్భంగా మహిళలు కొన్ని దానాలు చేయడం వల్ల భర్తకు శుభం కలుగుతుందని పండితులు చెబుతున్నారు. ఈ పర్వదినాన మహిళలు, ముత్తైదువులకు పసుపు, కుంకుమ, గాజులు వంటి మంగళకరమైన వస్తువులను దానం చేయాలని సూచిస్తున్నారు. ఫలితంగా అమ్మవారి ఆశీస్సులు తమ కుటుంబ సభ్యులకు సంపూర్ణంగా లభిస్తాయని అంటున్నారు. అమ్మవారి అనుగ్రహంతో భర్తకు దీర్ఘాయుష్షు కలుగుతుందని శాస్త్రాలు వివరిస్తున్నాయి.
News October 2, 2025
విక్రయానికి RCB టీమ్? పునావాలా ట్వీట్ వైరల్
సీరమ్ ఇన్స్టిట్యూట్ CEO అదర్ పూనావాలా చేసిన ట్వీట్ క్రికెట్ వర్గాల్లో చర్చకు దారితీసింది. ‘మంచి ధర వద్ద’ అని పోస్ట్ చేసి ‘RCB గ్రేట్ టీమ్’ అంటూ కితాబిచ్చారు. దీంతో పునావాలా RCBని కొనుగోలు చేస్తున్నట్లు ప్రచారం జరుగుతోంది. ప్రస్తుతం ఆర్సీబీని కొనుగోలు చేయడం కంటే అత్యుత్తమ పెట్టుబడి మరొకటి లేదంటూ ఇటీవల IPL మాజీ ఛైర్మన్ లలిత్ మోదీ ట్వీట్ చేసిన తర్వాత పునావాలా ఇలా స్పందించడం గమనార్హం.
News October 2, 2025
స్త్రీలు తమ శక్తిని తక్కువ అంచనా వేసుకోవద్దు: రాశీ ఖన్నా
లక్ష్మి, దుర్గ, పార్వతి.. ఇలా అమ్మవార్లందరూ ప్రతి మహిళలోనూ ఉన్నారని హీరోయిన్ రాఖీ ఖన్నా అభిప్రాయపడ్డారు. స్త్రీలు తమ శక్తిని తక్కువ అంచనా వేసుకోవద్దని సూచించారు. వెనక్కిలాగేవాళ్లను పట్టించుకోకుండా ధైర్యంగా ముందడుగు వేసి అనుకున్నది సాధించాలని ఓ ఇంటర్వ్యూలో చెప్పారు. 50 ఏళ్ల కిందట స్త్రీలు ఇంటికి పరిమితమయ్యేవారని, ఇప్పుడు అతివలు ఎందరికో ఆదర్శంగా నిలిచే పనులు చేశారని తెలిపారు.
Featured News
Sorry, no posts matched your criteria.