India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 9, 2025
సీఎంను విమర్శిస్తే కౌంటర్ ఇవ్వరా..? మంత్రులకు కేసీ క్లాస్
TG: PAC సమావేశంలో మంత్రులకు AICC ప్రధాన కార్యదర్శి KC వేణుగోపాల్ క్లాస్ తీసుకున్నట్లు సమాచారం. CMను ప్రతిపక్షాలు విమర్శిస్తే ఆయనే కౌంటర్ ఇచ్చుకోవాల్సిన పరిస్థితి ఉందని, మంత్రులెందుకు స్పందించడంలేదని నిలదీశారని తెలుస్తోంది. తాను స్పందిస్తున్నానని ఓ మంత్రి చెప్పగా, ఎవరేం చేస్తున్నారో తనకంతా తెలుసని అన్నారు. కొందరు మంత్రులు పార్టీ లైన్ దాటి ఇష్టం వచ్చినట్లు వ్యవహరిస్తున్నారని ఆగ్రహించినట్లు సమాచారం.
News January 9, 2025
రేపు గ్రూప్-2 ‘కీ’ విడుదల
TG: గ్రూప్-2 ‘కీ’ని రేపు(జనవరి 10) విడుదల చేస్తామని టీజీపీఎస్సీ ఛైర్మన్ బుర్రా వెంకటేశం తెలిపారు. గతంలో జరిగిన తప్పిదాలు కమిషన్‌లో ఇకపై జరగవని అన్నారు. భవిష్యత్తులో పెండింగ్ అనేది ఉండదని స్పష్టం చేశారు. టీజీపీఎస్సీలో సైంటిఫిక్ డిజైన్ లోపించిందని, అందుకే పూర్తిగా ప్రక్షాళన చేస్తున్నట్లు చెప్పారు. కాగా నిన్న గ్రూప్-3 <<15099005>>‘కీ’ని<<>> టీజీపీఎస్సీ విడుదల చేసిన విషయం తెలిసిందే.
News January 9, 2025
పెను విషాదం: తిరుపతి తొక్కిసలాటకు కారణమిదే..
వైకుంఠ దర్శనం టోకెన్ల కోసం వచ్చిన భక్తులను పద్మావతి పార్క్‌లో ఉంచారు. అప్పుడే ఓ మహిళ అస్వస్థతకు గురికావడంతో ఆమెను ఆసుపత్రికి తరలించేందుకు సిబ్బంది గేటు తెరిచారు. టోకెన్లు ఇచ్చేందుకే గేటు తెరిచారని భావించిన భక్తులు ఒక్కసారిగా ముందుకు దూసుకొచ్చారు. దీంతో తొక్కిసలాట జరిగింది. అలాగే క్యూలైన్ల వద్ద సిబ్బంది ఓవరాక్షన్ కూడా తొక్కిసలాటకు కారణమని మరికొందరు భక్తులు మండిపడ్డారు. ఈ ఘటనలో ఆరుగురు చనిపోయారు.
News January 9, 2025
లోకేశ్.. నీ మీదొక ఫిర్యాదు ఉంది: మోదీ చమత్కారం
AP: విశాఖ పర్యటనలో మంత్రి లోకేశ్‌తో PM మోదీ సరదాగా మాట్లాడారు. ‘లోకేశ్.. నీ మీదొక ఫిర్యాదు ఉంది. రాష్ట్రంలో ప్రభుత్వం ఏర్పడి ఆర్నెల్లు అయింది. ఢిల్లీ వచ్చి నన్ను ఎందుకు కలవలేదు’ అని చమత్కరించారు. వేదిక వద్ద మోదీని ఆహ్వానించడానికి నిలబడి ఉన్న లోకేశ్ వద్దకు వచ్చిన ఆయన కాసేపు ఆగి ఇలా సరదాగా మాట్లాడారు. కుటుంబంతో ఢిల్లీకి వచ్చి తనను కలవాలని ఆహ్వానించగా త్వరలో వచ్చి కలుస్తానంటూ మంత్రి సమాధానమిచ్చారు.
News January 9, 2025
TTD ఛైర్మన్ రాజీనామా చేయాలి: రామచంద్ర యాదవ్
AP: తిరుపతిలో జరిగిన తొక్కిసలాట ఘటనలో ఆరుగురు మృతిచెందడం పట్ల భారత చైతన్య యువజన పార్టీ అధ్యక్షుడు రామచంద్ర యాదవ్ ఆగ్రహం వ్యక్తం చేశారు. నైతిక బాధ్యత వహిస్తూ TTD ఛైర్మన్ BR నాయుడు రాజీనామా చేయాలని డిమాండ్ చేశారు. భక్తులకు తగిన ఏర్పాట్లు చేయడంలో TTD అధికారులు విఫలం అయ్యారని ఆయన ఆరోపించారు. వైకుంఠ ద్వార దర్శనాలు జరిగే రోజులన్నీ మరింత అప్రమత్తంగా ఉండి ఏర్పాట్లు చేయాలని డిమాండ్ చేశారు.
News January 9, 2025
నేడు ఏసీబీ ముందుకు కేటీఆర్
TG: ఫార్ములా-ఈ కార్ రేసు కేసులో మాజీ మంత్రి KTR ఇవాళ ACB ఎదుట హాజరుకానున్నారు. సోమవారమే విచారణకు వచ్చిన ఆయన తన లాయర్‌ను లోపలికి అనుమతించడం లేదంటూ తిరిగి వెళ్లిపోయారు. దీంతో అదేరోజు ACB ఆయనకు నోటీసులు జారీ చేసి, 9న విచారణకు రావాలని పేర్కొంది. అటు లాయర్‌కు విచారణ గదిలోకి అనుమతి ఉండదని నిన్న HC స్పష్టం చేసింది. దీంతో KTR ఇవాళ విచారణకు ఒక్కరే వెళ్తారా? లేదా? అనేది ఆసక్తిగా మారింది.
News January 9, 2025
సికింద్రాబాద్ నుంచి చర్లపల్లి రైల్వే టర్మినల్‌కు 10 నిమిషాలకో బస్సు
TG: రెండు రోజుల క్రితం చర్లపల్లి రైల్వే టర్మినల్‌ను PM మోదీ లాంఛనంగా ప్రారంభించారు. ఇప్పటివరకు SECBAD నుంచి మొదలయ్యే పలు రైళ్లు ఇకపై చర్లపల్లి నుంచి స్టార్ట్ కానున్నాయి. ఈ నేపథ్యంలో ప్రయాణికుల సౌకర్యార్థం సికింద్రాబాద్ టు చర్లపల్లికి ప్రతి 10ని. ఒక బస్సు ఉంటుందని RTC అధికారులు తెలిపారు. SECBAD బ్లూసీ వద్ద మొదలై హబ్సిగూడ, నాచారం, మల్లాపూర్, HPCL మీదుగా అక్కడికి చేరుతాయని పేర్కొన్నారు.
News January 9, 2025
తరచూ మొబైల్ చెక్ చేసుకుంటున్నారా?
ప్రస్తుతం ప్రతి ఒక్కరూ స్మార్ట్ ఫోన్‌కు అడిక్ట్ అయ్యారు. కానీ ఫోన్‌ను తరచూ చెక్ చేసుకుంటే ఆరోగ్యానికే హాని అని నిపుణులు చెబుతున్నారు. పదే పదే ఫోన్ చూడటం వల్ల తలనొప్పి, అస్పష్టమైన దృష్టి, కళ్లు పొడిబారడం, మెడ, భుజాల నొప్పి వస్తాయి. కంటి ఆకారం మారిపోయి కంటి శుక్లాలకు దారి తీయొచ్చు. నిద్రకు అవసరమైన మెలటోనిన్ హార్మోన్‌ కూడా తగ్గిపోతుంది. మెదడుపై ఎఫెక్ట్ పడి జ్ఞాపక శక్తి క్షీణిస్తుంది.
News January 9, 2025
ఇలా అయితే పెళ్లిళ్లు ఎలా అవుతాయ్..!
ఒకప్పుడు అమ్మాయిని బాగా చూసుకోగలడా, బాధ్యతాయుతంగా ఉంటాడా అని చూసి ఆడపిల్లల తల్లిదండ్రులు పెళ్లి చేసేవారు. కానీ ఇప్పుడు అబ్బాయికి రూ.లక్షకు పైగా జీతం, కారు, బంగ్లా ఉంటేనే పెళ్లికి ఓకే చెబుతున్నారు. ఇది అందరికీ సాధ్యం కాకపోవడంతో పెళ్లి అనే పదం భారమవుతోంది. పెద్దలు ఆలోచన తీరు మార్చుకోవాలని యువకులు కోరుతున్నారు. వివాహ వ్యవస్థను వ్యాపారమయంగా మారుస్తున్నారని, బాంధవ్యాలకు విలువ ఇవ్వాలని సూచిస్తున్నారు.
News January 9, 2025
అభివృద్ధికి సహకరిస్తాం.. తాలిబన్ ప్రభుత్వానికి భారత్ హామీ
అఫ్గానిస్తాన్‌లో అధికారం చేపట్టిన తాలిబన్ ప్రభుత్వంతో భారత్ చర్చలు చేపట్టింది. ఆదేశ తాత్కాలిక విదేశాంగ మంత్రి అమీర్ ఖాన్ ముత్తాఖీతో భారత విదేశాంగ సెక్రటరీ విక్రమ్ మిస్రీ దుబాయ్‌లో భేటీ అయ్యారు. అఫ్గాన్‌ ప్రజలకు మానవతా సాయం కొనసాగించడంతో పాటు భవిష్యత్తులో అభివృద్ధి ప్రాజెక్టులు చేపట్టడానికి IND సిద్ధంగా ఉందని చెప్పారు. ఇరు దేశాల మధ్య క్రికెట్ సంబంధాలు, చాబహార్ పోర్ట్ వినియోగంపైనా చర్చలు జరిగాయి.
Featured News
Sorry, no posts matched your criteria.