News September 26, 2025

మన ‘ఫార్మా’పై టారిఫ్ ప్రభావం పెద్దగా ఉండదు: పరిశ్రమవర్గాలు

USకి ఎగుమతయ్యే మందులపై ట్రంప్ ప్రకటించిన 100% టారిఫ్ ప్రభావం మన దేశంపై పెద్దగా ఉండదని పరిశ్రమవర్గాలు చెబుతున్నాయి. ‘తాజా సుంకం బ్రాండెడ్, పేటెంట్ డ్రగ్స్‌కు వర్తిస్తుంది. ఈ రెండింటినీ మనం USకు ఎగుమతి చేయడం లేదు. ఈ టారిఫ్‌ పరిధిలో జెనరిక్ మెడిసిన్స్ లేవు. కనుక ప్రభావం ఉండకపోవచ్చు’ అని PEPCI ఛైర్మన్ నమిత్ జోషి తెలిపారు. అయితే జనరిక్, బయోసిమిలర్స్‌పై అనిశ్చితి ఉందని ఐసీఐసీఐ సెక్యూరిటీస్ పేర్కొంది.

News September 26, 2025

చరిత్ర సృష్టించిన అభిషేక్ శర్మ

అభిషేక్ శర్మ SLతో మ్యాచ్‌లో రికార్డులు బద్దలు కొట్టారు. T20 ఆసియా కప్‌‌లో ఒక ఎడిషన్‌లో అత్యధిక పరుగులు చేసిన ఆటగాడిగా రిజ్వాన్(281) పేరిటున్న రికార్డును బ్రేక్ చేశారు. IND తరఫున ఒకే టోర్నీలో 300+ రన్స్ చేసిన తొలి ప్లేయర్‌(309*)గా నిలిచారు. అలాగే తక్కువ బంతుల్లో 50 చేసిన ప్లేయర్లలో రోహిత్(6సార్లు) రికార్డు సమం చేశారు. వరుసగా ఎక్కువసార్లు 30+ స్కోర్ చేసిన ప్లేయర్‌గా రిజ్వాన్, రోహిత్(7) సరసన చేరారు.

News September 26, 2025

నేషనల్ న్యూస్ రౌండప్

*ఛత్తీస్‌గఢ్ రాయ్‌పూర్‌లోని స్టీల్ ప్లాంట్‌లో భవనం కూలి ఆరుగురు మృతి, ఐదుగురికి గాయాలు
*H-1B వీసాలకు లక్ష డాలర్ల ఫీజు అంశంపై అమెరికాతో చర్చిస్తున్నాం: MEA
*సింగర్ జుబీన్ గార్గ్ మృతికి న్యాయం చేయాలంటూ గువాహటిలో విద్యార్థుల కొవ్వొత్తుల ర్యాలీ
*I LOVE Muhammad ర్యాలీలో 10 మంది పోలీసులకు గాయాలు: IG అజయ్ సాహ్ని

News September 26, 2025

కొత్త డీజీపీ నేపథ్యం ఇదే

TG: నూతన డీజీపీ శివధర్ రెడ్డి రంగారెడ్డి జిల్లా ఇబ్రహీంపట్నం మండలం తూలేకలాన్ (పెద్దతుండ్ల)లో జన్మించారు. ఉస్మానియా యూనివర్సిటీ నుంచి LLB పూర్తి చేసి కొంతకాలం అడ్వకేట్‌గా ప్రాక్టీస్ చేశారు. 1994లో IPSగా ఎంపికయ్యారు. ఆదిలాబాద్, నల్గొండ, శ్రీకాకుళం, నెల్లూరు, గుంటూరు జిల్లాల్లో ఎస్పీగా పని చేశారు. మావోయిస్టుల అణచివేతలో కీలక పాత్ర పోషించారు. గ్యాంగ్‌స్టర్ నయీం ఎన్‌కౌంటర్ ఆపరేషన్ ప్లాన్ చేశారు.

News September 26, 2025

భారత్‌ సీజ్‌ఫైర్‌లో ట్రంప్ కీలక పాత్ర: పాకిస్థాన్

IND-PAK మధ్య యుద్ధాన్ని ఆపానన్న US అధ్యక్షుడు ట్రంప్ వాదనకు పాక్ బలం చేకూరుస్తోంది. ట్రంప్‌తో PM షరీఫ్, ఆర్మీ చీఫ్ ఆసిమ్ మునీర్ ఇవాళ భేటీ అయిన సందర్భంగా ఈ ప్రకటన చేసింది. ‘ఈ భేటీలో ద్వైపాక్షిక భాగస్వామ్యం, గాజా-ఇజ్రాయెల్ యుద్ధం, ఉగ్రవాదంపై పోరు వంటి అంశాలు చర్చించారు. పాక్-భారత్ మధ్య సీజ్‌ఫైర్‌కు ట్రంప్ సాయం, పశ్చిమాసియాలో తిరిగి శాంతి నెలకొల్పేందుకు ఆయన కృషి చేశారు’ అని పొగడ్తలతో ముంచెత్తింది.

News September 26, 2025

15 నెలల్లో 4,71,574 మందికి ఉద్యోగాలు: సీఎం

AP: తాము 15 నెలల్లో 4,71,574 మందికి ఉద్యోగాలు కల్పించామని సీఎం చంద్రబాబు అసెంబ్లీలో ప్రకటించారు. మెగా డీఎస్సీ ద్వారా 15,941, వివిధ ప్రభుత్వ విభాగాల్లో 9,093, పోలీస్ శాఖలో 6,100 మందికి ఉద్యోగాలు ఇచ్చామన్నారు. స్కిల్ డెవెలప్‌మెంట్-జాబ్ మేళాల ద్వారా 92,149, వర్క్ ఫ్రం హోం ద్వారా 5,500, ఫుడ్ ప్రాసెసింగ్, టూరిజం, ఐటీ లాంటి ప్రైవేట్ రంగంలో 3.48లక్షల మందికి ఉద్యోగాలు కల్పించినట్టు వివరించారు.

News September 26, 2025

సెలక్ట్ చేస్తారు అనుకున్నా: కరుణ్ నాయర్

WIతో టెస్టు సిరీస్‌కు తనను ఎందుకు ఎంపిక చేయలేదో సెలక్టర్లనే అడగాలని కరుణ్ నాయర్ అన్నారు. ‘నన్ను సెలక్ట్ చేస్తారు అనుకున్నాను. ఏం మాట్లాడాలో కూడా తెలియట్లేదు. సమాధానం చెప్పడం చాలా కష్టం. సెలక్టర్లు ఏం ఆలోచిస్తున్నారో వారినే అడగాలి. ఇంగ్లండ్‌తో ఆడిన ఆఖరి టెస్టులో ఎవరూ రన్స్ చేయలేకపోయినప్పుడు నేను ఫిప్టీ చేశాను. ఆ మ్యాచ్‌లో మనం గెలిచాం. కానీ, అవేమీ వాళ్లు కన్సిడర్ చేయలేదు’ అని ఆవేదన వ్యక్తం చేశారు.

News September 26, 2025

తెలంగాణ DGPగా శివధర్‌రెడ్డి

తెలంగాణ నూతన డీజీపీగా శివధర్‌రెడ్డిని నియమిస్తూ ప్రభుత్వం ఉత్తర్వులు జారీ చేసింది. 1994 బ్యాచ్ IPS అధికారిగా ఉన్న శివధర్‌రెడ్డి ప్రస్తుతం రాష్ట్ర ఇంటెలిజెన్స్ ఛీఫ్‌గా పనిచేస్తున్నారు. అక్టోబర్ 1న ఆయన డీజీపీగా బాధ్యతలు చేపట్టనున్నారు.

News September 26, 2025

బీసీ రిజర్వేషన్ల జీవో విడుదల

TG: స్థానిక సంస్థల్లో బీసీ రిజర్వేషన్లపై రాష్ట్ర ప్రభుత్వం జీవో 09 విడుదల చేసింది. బీసీలకు 42% రిజర్వేషన్లు కల్పిస్తూ ఉత్తర్వులు జారీ చేసింది. రేపు రాష్ట్ర ఎన్నికల సంఘం ఎన్నికల షెడ్యూల్ ప్రకటించే అవకాశం ఉంది.

News September 26, 2025

శ్రీలంకతో మ్యాచ్.. భారత్ ఫస్ట్ బ్యాటింగ్

ఆసియా కప్‌లో భారత్‌తో మ్యాచులో శ్రీలంక టాస్ గెలిచి బౌలింగ్ ఎంచుకుంది. భారత జట్టులో బుమ్రా, దూబే స్థానాల్లో అర్ష్‌దీప్, హర్షిత్ రాణా వచ్చారు.

IND: అభిషేక్, గిల్, సూర్య(C), తిలక్, శాంసన్, హార్దిక్, అక్షర్, హర్షిత్, కుల్దీప్, అర్ష్‌దీప్, వరుణ్.
SL: నిస్సాంక, కుశాల్ మెండిస్, K పెరీరా, అసలంక(C), జనిత్ లియానగే, కమిందు మెండిస్, శనక, హసరంగా, చమీర, తీక్షణ, నువాన్ తుషార.