India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 7, 2024
ఒకే ఓవర్‌లో 4, 6, 4, 6, 4
జింబాబ్వేతో జరుగుతున్న 2వ టీ20లో యువ ఓపెనర్ అభిషేక్ శర్మ అదరగొడుతున్నారు. మయర్స్ వేసిన 11వ ఓవర్‌లో 4, 6, 4, 6, 4 వరుస బౌండరీలు బాదారు. మరో వైడ్ 2, 2 రావడంతో ఆ ఓవర్‌లో మొత్తం 28 రన్స్ వచ్చాయి. దీంతో హాఫ్ సెంచరీ కూడా పూర్తి చేసుకున్నారు. 12.2 ఓవర్లకు భారత్ 120/1 రన్స్ చేసింది. క్రీజులో అభిషేక్ శర్మ(81), రుతురాజ్(33) ఉన్నారు.
News July 7, 2024
ప్రతీ ముగ్గురిలో ఒకరికి బీపీ: WHO
ప్రపంచంలోని ప్రతీ ముగ్గురిలో ఒకరు బీపీతో బాధపడుతున్నట్లు తాజాగా జరిపిన సర్వేల్లో వెల్లడైందని ప్రపంచ ఆరోగ్య సంస్థ(WHO) తెలిపింది. ఇది బయటకు కనిపించకుండా గుండె, మెదడు, కిడ్నీల పనితీరును దెబ్బతీస్తుందని పేర్కొంది. బీపీ కంట్రోల్‌లో ఉండాలంటే స్మోకింగ్ మానేయడం, తినే ఆహారంలో ఉప్పు తగ్గించుకోవడం, రాత్రిళ్లు కంటినిండా నిద్రపోవడం, నిత్య జీవితంలో ఒత్తిడిని తగ్గించుకోవడం వంటివి చేయాలని సూచించింది.
News July 7, 2024
హైదరాబాద్‌లో దిగిన ‘భారతీయుడు2’ టీమ్
‘భారతీయుడు2’ టీమ్ హైదరాబాద్‌లో ల్యాండయింది. Nకన్వెన్షన్ సెంటర్‌లో కాసేపట్లో ప్రారంభమయ్యే ప్రీ-రిలీజ్ ఈవెంట్లో పాల్గొని సందడి చేయనుంది. కమల్ హాసన్ లీడ్ రోల్‌లో డైరెక్టర్ శంకర్ తెరకెక్కిస్తున్న ఈ మూవీ జులై 12న ప్రేక్షకుల ముందుకు రానుంది. ఇందులో సిద్ధార్థ్, కాజల్, రకుల్ ప్రీత్‌సింగ్, SJ సూర్య కీలక పాత్రలు పోషించారు. అనిరుధ్ మ్యూజిక్ అందించారు. దాదాపు రూ.350కోట్ల బడ్జెట్‌తో దీన్ని రూపొందించారు.
News July 7, 2024
టాలీవుడ్ హీరో ట్వీట్‌పై స్పందించిన డిప్యూటీ CM
పిల్లల వీడియోలు సోషల్ మీడియాలో పెట్టొద్దని టాలీవుడ్ హీరో <<13581564>>సాయిధరమ్<<>> తేజ్ చేసిన ట్వీట్‌పై TG డిప్యూటీ CM భట్టి విక్రమార్క స్పందించారు. ‘ఈ క్లిష్టమైన సమస్యను లేవనెత్తినందుకు మీకు ధన్యవాదాలు. పిల్లల భద్రతకు ప్రాధాన్యత ఇవ్వాలి. సోషల్ మీడియాలో పిల్లలపై వేధింపులు, దారుణాల నిరోధానికి ప్రభుత్వం చర్యలు తీసుకుంటుంది. పిల్లలకు సేఫ్టీ ఆన్‌లైన్ వాతావరణాన్ని సృష్టించడానికి కలిసి పని చేద్దాం’ అని పిలుపునిచ్చారు.
News July 7, 2024
ఆషాఢమాస బోనాలు (PHOTO GALLERY)
ఆషాఢమాస బోనాలు హైదరాబాద్‌లో అంగరంగ వైభవంగా జరుగుతున్నాయి. గోల్కొండ జగదాంబిక మహంకాళీ అమ్మవారికి భక్తులు పెద్దసంఖ్యలో బోనాలు సమర్పిస్తున్నారు. జోగినిలు ప్రత్యేకంగా అలంకరించిన బోనం కుండలలో అమ్మవారికి నైవేద్యం తీసుకెళ్తున్నారు. బ్యాండుమేళాలు, పోతురాజుల విన్యాసాలతో భాగ్యనగరంలో సందడి నెలకొంది.
News July 7, 2024
ఈ లోన్ యాప్‌తో జాగ్రత్త: ప్రభుత్వం
ఆన్‌లైన్‌లోని లోన్ యాప్‌ల విషయంలో ప్రజలు జాగ్రత్తగా ఉండాలని కేంద్ర ప్రభుత్వం సూచించింది. తాజాగా ‘క్యాష్‌ ఎక్స్‌పాండ్-యూ’ (CashExpand-U Finance Assistant) అనే లోన్ యాప్‌ను ప్లే స్టోర్‌ నుంచి తొలగించినట్లు వెల్లడించింది. ఈ యాప్ నకిలీదని, ఎవరైనా దీనిని డౌన్‌లోడ్ చేసుకుని ఉంటే వెంటనే ఫోన్ నుంచి తొలగించాలని తెలిపింది. తద్వారా వినియోగదారుల కీలక సమాచారం దుర్వినియోగం కాకుండా ఉంటుందని పేర్కొంది.
News July 7, 2024
ఏ కారణం లేకుండా నన్ను జైల్లో పెట్టారు: CBN
తనను ఏ కారణం లేకుండా జైల్లో పెట్టారని ఏపీ సీఎం చంద్రబాబు నాయుడు అన్నారు. అప్పుడు హైదరాబాద్‌లో టీడీపీ శ్రేణులు చూపించిన మద్దతు తన జీవితంలో ఎప్పుడూ మర్చిపోలేనని చెప్పుకొచ్చారు. పెద్ద నాయకులు లేకపోయినా విప్రో సెంటర్, గచ్చిబౌలీల్లో లక్షల మంది తనకు సంఘీభావం తెలియజేశారని ఆయన గుర్తు చేసుకున్నారు. అది చూసి తన జన్మ చరితార్థమైందని అనుకున్నానని చంద్రబాబు హైదరాబాద్‌లో అన్నారు.
News July 7, 2024
టాస్ గెలిచిన భారత్.. జట్టులోకి కొత్త ప్లేయర్
జింబాబ్వేతో రెండో టీ20లో టీమ్ ఇండియా కెప్టెన్ గిల్ టాస్ గెలిచి బ్యాటింగ్ ఎంచుకున్నారు. ఈ మ్యాచ్‌ ద్వారా సాయిసుదర్శన్ టీ20ల్లో అరంగేట్రం చేస్తున్నారు.
IND: గిల్, అభిషేక్ శర్మ, రుతురాజ్, సాయి సుదర్శన్, పరాగ్, రింకూ, జురెల్, సుందర్, బిష్ణోయ్, అవేశ్ ఖాన్, ముకేశ్
ZIM: మధెవెరె, ఇన్నోసెంట్, బెన్నెట్, రజా, మయర్స్, కాంప్‌బెల్, మదాండే, మసకద్జా, జోంగ్వే, బ్లెస్సింగ్, చటారా
News July 7, 2024
ద్రవిడ్‌కు భారతరత్న ఇవ్వాలి: గవాస్కర్
భారత జట్టు టీ20 వరల్డ్ కప్ గెలవడంలో కీలక పాత్ర పోషించిన కోచ్ రాహుల్ ద్రవిడ్‌కు భారతరత్న ఇవ్వాలని మాజీ క్రికెటర్ సునీల్ గవాస్కర్ కేంద్ర ప్రభుత్వాన్ని కోరారు. ఆటగాడిగా, కెప్టెన్‌గా, నేషనల్ క్రికెట్ అకాడమీ ఛైర్మన్‌గా, కోచ్‌గా ఆయన భారత క్రికెట్‌కు అందించిన సేవలకు ప్రభుత్వం భారతరత్నతో సత్కరించాలని సన్నీ అభిప్రాయపడ్డారు. కాగా క్రీడారంగంలో ఈ పురస్కారం పొందిన ఏకైక వ్యక్తిగా సచిన్ ఉన్నారు.
News July 7, 2024
అర్హత సాధించని అభ్యర్థులు నిరుత్సాహపడొద్దు: సీఎం
TG: గ్రూప్-1 మెయిన్స్‌కు అర్హత సాధించని అభ్యర్థులు నిరుత్సాహపడొద్దని సీఎం రేవంత్ సూచించారు. జీవితంలో లక్ష్యాన్ని నిర్దేశించుకొని, విజయం సాధించేవరకు ప్రయత్నాన్ని విరమించనివారు ఎప్పటికైనా విజయతీరాలకు చేరతారని అన్నారు. మెయిన్స్‌కు అర్హత సాధించిన 31,382 మంది అభ్యర్థులకు శుభాకాంక్షలు తెలియజేశారు. తుది పరీక్షలో విజయం సాధించాలని సీఎం ఆకాంక్షించారు.
Featured News
Sorry, no posts matched your criteria.